ཁ་སང་གཟའ་ཕུར་བུའི་ཉིན་རྒྱ་གཞུང་གི་ངོས་འཛིན་བྱས་པའི་པཎ་ཆེན་རྒྱལ་མཚན་ནོར་བུ། ཧོང་ཀོང་དུ་ཚོགས་པའི་འཛམ་གླིང་ནང་བསྟན་བགྲོ་གླེང་ཚོགས་ཆེན་སྟེང་ཞུགས་ཏེ་གཏམ་བཤད་གནང་ཡོད་འདུག
ཟླ་འདིའི་ཕྱི་ཚེས་ ༢༥ ནས་ ༢༧ ཉིན་བར་རྒྱ་ནག་ནང་བསྟན་མཐུན་ཚོགས་དང་། ཧོང་ཀོང་ནང་བསྟན་མཉམ་འབྲེལ་ཚོགས་པ། ཀྲུང་ཧྭ་ཆོས་ལུགས་རིག་གནས་བརྗེ་རེས་ཚོགས་པ་བཅས་ཀྱི་མཉམ་འབྲེལ་ཐོག སྐབས་གསུམ་པའི་འཛམ་གླིང་ནང་བསྟན་བགྲོ་གླེང་ཚོགས་ཆེན་དེ་ཧོང་ཀོང་དུ་ཚོགས་ཡོད་འདུག་ལ། ཐེངས་འདིའི་བགྲོ་གླེང་ཚོགས་འདུ་དེར་འཛམ་གླིང་རྒྱལ་ཁབ་དང་ས་གནས་ཁག་ ༥༠ ལྷག་གི་གྲྭ་བཙུན་ ༡༠༠༠ ལྷག་མཉམ་ཞུགས་གནང་སྟེ། དུས་ཡུན་ཉིན་གྲངས་གསུམ་རིང་ནང་བསྟན་ཆོས་ལུགས་དར་སྤེལ་གྱི་ད་ལྟའི་རྣམ་པ་དང་། ནང་བསྟན་ཆོས་ལུགས་ཀྱི་སྲོལ་རྒྱུན་དང་དེང་སྐབས། འཕེལ་རྒྱས་བཅས་ཀྱི་བརྗོད་གཞིའི་ཐོག་བགྲོ་གླེང་དང་གཏམ་བཤད་གནང་ཡོད་འདུག
ཐེངས་འདིའི་འཛམ་གླིང་ནང་བསྟན་བགྲོ་གླེང་ཚོགས་འདུའི་སྟེང་། རྒྱ་ནག་གཞུང་གི་ངོས་འཛིན་བྱས་པའི་པཎ་ཆེན་རྒྱལ་མཚན་ནོར་བུ་ཚོགས་ཞུགས་གནང་ཡོད་ལ། ཁ་སང་ཕྱི་ཚེས་ ༢༦ ཉིན་རྒྱལ་མཚན་ནོར་བུ་ཡིས། ནང་པ་སངས་རྒྱས་པའི་བསྟན་པ་ནི་འགྲོ་བ་སེམས་ཅན་གྱི་སྡུག་བསྔལ་སེལ་བྱེད་ཅིག་དང་། འཛམ་གླིང་ཞི་བདེ་བསྐྲུན་རྒྱུར་མེད་དུ་མི་རུང་བའི་ལག་ཆ་ཞིག་ཡིན་སྐོར་དང་། ད་བར་འཛམ་གླིང་ཡུལ་གྲུ་གང་སར་རང་བྱུང་ཁོར་ཡུག་ལ་གཏོར་བཅོམ་དང་། ཁ་དབུགས་འབག་བཙོག་བཟོས་ཏེ། མིའི་རིགས་ལ་ནད་རིགས་འདྲ་མིན་ཡོང་པའི་རྒྱུ་རྐྱེན་གཙོ་བོ་མིའི་འདོད་རྔམ་ལ་བརྟེན་ནས་བྱུང་བ་ཞིག་ཡིོིན་སྐོར་གྱི་གཏམ་བཤད་གནང་ཡོད་འདུག
འདི་ནི་རང་ལོ་ ༢༢ ཡིན་པའི་རྒྱལ་མཚན་ནོར་བུ་རྒྱ་ནག་སྐམ་ས་ཆེན་མོའི་ཕྱི་ལོགས་སུ་ཚོགས་འདུར་ཞུགས་པ་ཐོག་མ་དེ་ཆགས་ཡོད།
གསར་འགོད་པ། དོན་གོ
![The Dalai Lama offers blessings to his followers at his Himalayan residence in the northern hill town of Dharamshala, India, on December 20, 2024 [Priyanshu Singh/Reuters]](https://tibettimes.net/wp-content/uploads/2025/05/Screen-Shot-2025-05-09-at-3.37.35-PM-360x180.png)
བགྲོ་གླེང་ཡག་གནང་འདུག།
དྲ་གྲོགས་ཚོས་རྒྱལ་མཚན་ནོར་བུའི་སྐོར་བགྲོ་གླེང་ཡག་པོ་གནང་འདུག་རྒྱལ་མཚན་ནོར་བུ་ནི་རང་ཉིད་ཀྱི་ཁ་དབང་ཡོད་ཚད་རྒྱ་ལག་ཏུ་ཡོད་པས་སྙིང་ཁྲག་བོད་དོན་དུ་ཞུལ་འདོད་ཀྱང་དབང་མེད་ལྕགས་རི་སྐོར་ནས་བྱ་ཐབས་བྲལ་བའི་ཉ་མོ་ཆུ་དང་བྲལ་བ་བཞིན་རང་གི་ཚེ་སྲོག་གི་བདག་དབང་རང་ལ་མེད་པ་་མཁྱེན་ལྡན་པ་ཡོངས་ཀྱིས་མཁྱེན་གསལ་སྟར་ཡིན། གཞན་ཁོང་ནི་མི་རིགས་ཀྱི་ལ་རྒྱ་དང་དངོས་ཡོད་གཞི་བཞག་མཁན་ཞིག་ཡིན་པ་ནི་དོགས་མ་དགོས་པ་ཡོངས་གྲགས་སུ་གནས་ཡོད། འོན་ཀྱང་བོད་མི་མང་དག་ཞིག་གི་ཁོང་ནི་མི་རིགས་ཀྱི་སྤྱང་ཀི་ཞིག་ལ་ངོ་འཛིན་གནང་གི་ཡོད་པ་འདྲ་དེ་ནི་དངོས་གནས་རང་ཉིད་ལམ་དེའི་ཕྱོགས་སུ་མ་སླེབས་པ་མ་ཟད་ལམ་དེ་ལ་ཟུར་ནས་ཀྱང་མ་བལྟས་པ་ཡིན་པ་ལས་ཁོང་གི་ནག་ཉེས་མིན་པར་མཁྱེན་དགོས་ང་ཚོ་བོད་པའི་སྤྱོད་ཚོགས་ནང་ལ་དང་པོ་ནས་དཔྱད་ཞིབ་མི་བྱ་པར་བསྟོད་ན་ཕྱོགས་ཕྱོགས་དང་སྨད་ན་ཕྱོགས་ཕྱོགས་ཁོ་ན་ལ་རྟེན་ནས་རང་ཉིད་ཀྱི་རྣམ་དཔྱོད་ལ་མ་རྟེན་པར་མི་ཁ་རྒྱུགས་ནས་དོན་མེད་མང་དག་ཞིག་ལ་ཡིད་ཆེས་དང་དངོས་ཡོད་ཡིན་ཁུལ་འཛིན་སྟོང་གཏམ་བསྒྲོགས་པ་དེ་ནི་དངོས་གནས་རྗེས་ལུས་ཀྱི་རྣམ་པ་ཡིན་པ་ལས་དྲང་བདེན་སྔོན་ཐོན་ལས་འདས་སོ།།
ཆོས་པ་ཆབ་སྲིད་པའི་ལག་ཆར་གྱུར་ན་དེ་འདྲ་རེད།ནུས་པ་ཡང་ངེས་ཅན་ཞིག་འདོན་ཐུབ་ཀྱི་རེད།ད་དུང་བསམ་གཏན་རྡོ་རྗེ་འཕགས་མོ་ཡང་དེ་བཞིན་རེད།༧གོང་ས་མཆོག་ལ་ཡིག་ངག་གཉིས་ཀྱི་ཐོག་ནས་སྡིགས་མོ་མང་པོ་ཞིག་བྱས་དང་བྱེད་མུད་རེད།ཁོང་ཚོས་རང་ཉིད་ཀྱི་ཁ་ཕོར་འབའ་ཞིག་དང་།སེམས་སུ་སྒོར་མོ་དང་གོ་ས་འབའ་ཞིག་ལས་བསམ་རྒྱུ་མེད་མཁན་ཤ་སྟག་རེད།
ཁོང་ཚོས་སྤུན་ཟླའི་ཤ་ཟ་མཁན་དང་ཁྲག་འཐུང་མཁན་དག་ཡིན་པས།ཁོང་ཚོ་ནི་འུ་ཚོའི་གུ་ཡངས་གཏོང་ཐབས་བྲལ་བའི་ལག་དམར་ལ་ངོ་འཛིན་བྱེད་དགོས།
རྒྱལ་མཚན་ནོར་བུ་མཆོག་ནི་རྒྱ་མིའི་བཙན་འོག་ཡོད་པས་ང་ཚོས་བསམ་ཤེས་བྱེད་དགོས།
སྤྲུལ་རྫུན་རྒྱལ་མཚན་ནོར་བུའི་བཅོས་མའི་སྐད་ཆ་དེ་ཚོ་རྒྱ་ནག་རང་ལ་ཁ་ནང་བསྐོར་བྱེད་དགོས་པ་ཞིག་རེད། རྒྱ་གཞུང་ལས་ལྷག་པའི་ཁོར་ཡུག་གཏོར་བཅོམ་གཏོང་མཁན་ཚབས་ཆེན་ཞིག་གཞན་གང་དུ་ཡང་མེད། མི་ཤེས་ན་གཞན་ལ་ཕྲིས། མི་མཐོང་ན་སྒང་ལ་བུད། རྒྱ་གཞུང་གི་སྐྱག་ཕྲུག་རྒྱལ་མཚན་ནོར་བུ་ཡ་་་་་
རྒྱལ་མཚན་ནོར་བུ་སྐུ་སྒེར་ལ་ནོར་འཁྲུལ་གང་ཡང་ཡོད་པ་མ་རེད། འདུག་ས་འདུག་ལུགས་མ་འདྲ་བ་མ་གཏོགས་བཙོན་པ་ཡིན་པ་གཅིག་པ་རེད། ཡིན་ནའང་། གཅིག་བྱས་ན་ཁོསམ་འོངས་པར་བོད་པ་ཕན་ཐོག་ཡོང་སྲིད་པ་རེད། བླ་མ་ཟེར་བ་དེ་མཛད་པ་འཕྲིན་ལས་སུས་སྐྱོང་ཐུབ་མིན་ནས་ཐག་གཅོད་བྱས་ན་ཡག་པོ་མེད་འགྲོ།
ཆོས་མིང་ཆབ་སྲིད་ལ་བེད་སྤྱོད་བྱས་ན་ཛོར་པོ་ག་ཚོད་འདུག་གམ། ཀུན་གྱིས་གཟིགས་ཤིག
རྒྱལ་མཚན་ནོར་བུ་དང་མཉམ་དུ་སངས་རྒྱས་ཀྱི་རང་བསྲེལ་ཁྱེར་ཡོད་པ་མ་མཐོང་ངམ། དེའི་དམིགས་ཡུལ་ནི་རྒྱལ་མཚན་ནོར་བུར་མི་མཇལ་ཡང་རང་བསྲེལ་བློས་གཏོང་མི་ཕོད་པའི་ཆོས་དད་མང་ཚོགས་ཀྱི་བསམ་བློའི་གཉོམ་སར་འཇུས་ཡོད་པ་མ་རེད་དམ། སྲིད་དོན་དང་པཱ་ལེ་བསྲེག་ནས་བཙོང་སྟངས་གཅིག་པ་རེད་ལ། སྒྱུ་རྩལ་ཡང་གཅིག་པ་རེད། ཡིན་ནའང་། པཱ་ལེ་ལ་ནག་ནོག་ཡོད་པ་མ་རེད།