བྷེལ་ཇམ་ས་གནས་ཀྱི་ཕྱི་ཟླ་ ༥ ཚེས་ ༡༤ ཉིན་བོད་རང་སྐྱོང་ལྗོངས་མི་དམངས་འཐུས་ཚོགས་ཀྱི་རྒྱུན་ལས་ཚོགས་གཙོ་བྱམས་པ་ཕུན་ཚོགས་དང་ཚོགས་མི་སྟོང་དགའ། མངའ་རིས་ས་ཁུལ་གྱི་མགོ་གཙོ་ཟླ་བ་བཀྲ་ཤིས་བཅས་ལས་གྲུབ་པའི་སྐུ་ཚབ་ཚོགས་ཆུང་ཞིག ཡུ་རོབ་གྲོས་ཚོགས་ནང་བསླེབས་ཡོད་སྟབས། བྷེལ་ཇམ་བོད་རིགས་ཚོགས་པའི་གོ་སྒྲིག་འོག་ཡུ་རོབ་གྲོས་མདུན་ཐང་དུ་བོད་མི་དང་བོད་དོན་རྒྱབ་སྐྱོར་བརྒྱ་སྒོར་ཞིག་གིས་ཁྲོམ་སྐོར་སྐད་འབོད་གནང་ཡོད་འདུག
གནས་ཚུལ་བཏང་འབྱོར་བྱུང་བའི་ནང་། “རྒྱ་གཞུང་གིས་བོད་ཀྱི་དངོས་ཡོད་གནས་སྟངས་ལ་འཁྱོག་བཤད་ཀྱི་དྲིལ་བསྒྲགས་བྱེད་བཞིན་པར་ངོ་རྒོལ་དང་འབྲེལ། བོད་རིགས་དེ་དག་རྒྱ་གཞུང་གི་བེད་སྤྱོད་ལོག་པའི་འོག་ཚུད་དེ་བྱ་ཐབས་བྲལ་བ་ཞིག་ཆགས་པ་ལས། བོད་མི་རིགས་ལ་ཤ་ཞེན་རྩ་བ་ནས་མེད་མཁན་ཞིག་མིན་པའི་རེ་བ་བྱས་ཏེ། ཁོང་ཚོ་བརྒྱུད་རྒྱ་གཞུང་ལ་བོད་ནང་གི་ཞི་བའི་མི་མང་ཐོག་དྲག་ཤུགས་བེད་སྦྱོད་གཏོང་བཞིན་པ་འཕྲལ་དུ་མཚམས་འཇོག་དགོས་པ་དང་། བོད་ནང་རྒྱལ་སྤྱིའི་རྟོགས་ཞིབ་པ་དང་གསར་འགོད་པ་བསྐྱོད་འཇུག་དགོས་པ། བོད་ཀྱི་གནད་དོན་ཐག་གཅོད་ཡོང་སླད་༧ གོང་ས་མཆོག་གི་སྐུ་ཚབ་དང་གྲོས་མོལ་འཕྲལ་དུ་མགོ་འཛུགས་དགོས་པར་འབོད་སྐུལ་ཞུ་ཆེད། ཡུ་རོབ་གྲོས་ཚོགས་ཀྱི་མདུན་ཐང་དུ་སྐད་འབོད་ཞིག་གོ་སྒྲིག་ཞུས་པ་ཡིན” བཅས་བཀོད་འདུག
གསར་འགོད་པ། དོན་འགྲུབ་བཀྲ་ཤིས།
གཙོ་བོའི་ནང་གི་གཙོ་བོ་དེ་ནི། མི་རིགས་ཀ྄ྱི་འཐབ་ར྄ྩོད་རང་རེད། ཡིན་ནའང་། བ྄ྱམས་ཕུན་ཡིན་ན་ཡང་། ཁོང་ཚོ་ལ་དཔག་པའི་དཀའ་ངལ་ས྄ྣོན་མ་ཞིག་ཡོད་པ་དེ་ནི་ང་ཚོས་མཁ྄ྱེན་དགོས་གལ་ཆེ།
དོན་མེད་དུ་ར྄ྙོག་ད྄ྲ་དང་། དམའ་འབེབས་བ྄ྱས་ན་ཡག་པོ་མ་རེད་བསམ་ག྄ྱིན་འདུག
ངེད་ཅག་གི་གངས་ཕྲུག་བསམ་མེད་འགའ་དགྲ་བོ་ལག་དམར་ཚང་གི་གཡོ་འོག་དུ་ཚུད་ནས་ཕྱིར་རང་གཞུང་ལ་ངོ་རྒོད་དང་ལྷག་པར་དུ་རང་ཅག་གི་དབུ་ཁྲིད་གོང་ས་མཆོག་ལ་མཚན་སྨོད་རབ་དང་རིམ་པ་བྱས་པ་བོད་མི་ཡོད་དོ་ཅོག་ལ་གསལ་ངེས་རེད་
བྷེལ་ཇམ་བོད་རིགས་ཚོགས་པའི་ལས་ཀྱི་སྣེ་མོ་བ་རྣམས་ནས་ད་བར་བོད་དོན་ལས་འགུལ་ཧུར་ཐག་རྦད་ཐག་གནང་བ་དང་སྐབས་དོན་མ་འཆུག་པའི་གནས་ཚུལ་བརྒྱུད་བསྒྲགས་དང་ལན་གསལ་བར་རྗེས་སུ་ཡི་རང་ཞུ།།།
ཕྱི་རྒྱལ་ཡུ་གྲུབ་གནས་ཀྱང་དཔལ་འབྱོར་ཁོ་ནར་དབུ་མ་འཁོར་བ་ བོད་མི་རིགས་ཀྱི་དོདུ་འཐབ་རྩོད་གནང་བར་བསྔགས་བརྗོད་ཚད་མེད་དང་ ནན་ཐོག་སྨན་འཁེལ་བྱུང་བཞག་འདུག་། ཐུགས་ཆེ་གནང་།
བོད་རྒྱལོ་།
བོད་རིགས་ཡིན་ཡང་འཁྱོག་བརྗོད་དང་གཡོ་རྫུན་བཅས་ཀྱི་དྲིལ་བསྒྲགས་བྱེད་ན། དེ་དག་ལ་ཞི་བདེན་གྱི་ངོ་རྒོལ་བྱས་ན་འོས་ཤིང་འཚམས་པ་ཞིག་རེད། མ་གཞི་ནས་བྱམས་ཕུན་འཁོར་བཅས་ནི་སྔོན་ཆད་ནས་རྒྱ་གཞུང་གི་ལག་ཆ་གཙོ་བོ་ཞིག་དང་། རྒྱུག་ཁྱི་འགྲན་མེད་ཅིག་ཡིན་པ་ནི་ས་རིས་ཐང་གསལ་ཡིན། འདི་ཚོའི་རིགས་རྒྱ་ཡན་དུ་མ་བཏང་ན་ཡག་པོ་ཡོད།