ཐ་ཧྭར་སྐལ་བཟང་།
ཉེ་ཆར་༸གོང་ས་མཆོག་གིས་དབྱིན་ཇིའི་གསར་འགོད་པ་ཞིག་ལ་རྒྱ་ནག་གིས་ཁོང་ཉིད་སྐུ་ཀྲོངས་པའི་ངན་ཇུས་སྣ་ཚོགས་འཐེན་པ་གསན་མྱོང་བ་དང་།དཔེར་མཚོན་ལ་རྒྱ་ནག་གིས་སྐྱེས་དམན་ཞིག་གི་སྐྲའི་ནང་ལ་དུག་རྫས་བྱུགས་དེ་ཁོང་ལ་མཇལ་ཁ་ཞུ་རུ་ཡོང་བ་དང་མཇལ་ཁའི་སྐབས་སུ་ཁོང་ལ་དུག་ཕོག་གི་འཇུག་རྒྱུའི་འཆར་གཞི་ཡོད་ཚུལ་༸གོང་ས་མཆོག་གིས་གསུངས་འདུག སྤྱིར་བཏང་རྒྱ་ནག་གཞུང་༸གོང་ས་མཆོག་གི་སྒང་ལ་ག་ཚོད་ཞིག་སྡང་མིན་ཚོད་དཔག་བྱེད་མི་དགོས་པ་དང་༸སྐུ་མདུན་གྱི་སྐུ་ལ་སྐྱེས་ངན་ཞིག་བྱུང་བར་རྒྱ་ནག་གི་མིག་ཟུང་ལྷུང་རེག་བར་དུ་བལྟས་ཡོད་པ་ཡང་གསལ་བོ་རེད། ཡིན་ན་ཡང་ད་རེས་ཀྱི་གནས་ཚུལ་འདི་༸གོང་ས་མཆོག་གིས་རྒྱབ་ལྗོངས་བདེན་པ་ཞིག་དཔེར་མཚོན་རྩེད་མོའི་ལམ་ནས་གསུངས་པ་རེད་བསམ་སོང་།༸སྐུན་མདུན་གྱིས་ཁོང་གིས་གནས་ཚུལ་འདི་མི་བརྒྱུད་ནས་གསན་མྱོང་ཡོད་ཚུལ་གསུངས་འདུག་མོད།ཡིན་ན་ཡང་ང་རང་སྒེར་ངོས་ནས་ད་དུང་༸གོང་ས་མཆོག་གིས་རྩེད་མཚར་གྱིས་གསུངས་པ་ཞིག་རེད་འདོད་ཡོད།
གང་ལྟར་གནས་ཚུལ་འདི་འཛམ་གླིང་གི་གསར་འགྱུར་བརྒྱུད་ལམ་ཆེ་ཤོས་ཚོའི་ནང་ལ་སླེབས་པ་དང་གནས་ཚུལ་འདིའི་ཐོག་ལ་བལྟ་ཚུལ་ཡང་འདྲ་མིན་མང་པོ་སླེབས་འདུག ཡིན་ན་ཡང་གསར་ལམ་ཁག་གིས་གནས་ཚུལ་འདི་༸སྐུ་མདུན་གྱིས་རྩེད་མཚར་ཞུས་པ་ཞིག་ཡིན་པ་མ་ཤེས་པའི་མ་ཚད།གནས་ཚུལ་འདི་ཛ་དྲག་དང་༸གོང་ས་མཆོག་གི་དབྱིན་ཇི་གྲལ་དག་མིན་པའི་ཐོག་ནས་གསུངས་འདུག་ཞེས་ཟུར་ཟའི་ལམ་ནས་བྲིས་འདུག དུ་དུང་གསར་ལམ་ཁ་ཤས་ཀྱི་ནང་ལ་གནས་ཚུལ་འདིའི་སྒང་ནས་༸གོང་ས་མཆོག་དགུང་ལོ་མཐོ་བོ་བཞེས་ཡོད་པ་དང་ཏོག་ཙམ་སེམས་ངོ་ཟིན་གྱི་མེད་པའི་སེམས་འཚབ་བམ་བསམ་ཚུལ་ཡང་ཐོན་འདུག ཡ་མཚན་བྱེད་མི་དགོས་པ་ཞིག་ལ་རྒྱ་ནག་གིས་ཡང་དུས་ཚོད་དམ་འཛིན་བྱས་དེ་༸གོང་ས་མཆོག་དགུངས་ལོ་མཐོ་བས་སེམས་ངོ་ཟིན་གྱི་མེད་པའམ་དྲན་པ་ཉམས་ཀྱིན་པའི་གསལ་བསྒྲགས་ཡང་སྤེལ་འདུག ད་རེས་ཀྱི་གནས་ཚུལ་འདི་གསར་འགོད་པ་དང་༸གོང་ས་མཆོག་གི་བར་ལ་ཏོག་ཙམ་གོ་ནོར་ཐེབས་པ་མིན་འགྲོ་བསམ་བྱུང་།དེ་མིན་ན་གནས་ཚུལ་འདིའི་རྒྱབ་ལྗོངས་ལ་ཏོག་ཙམ་ཁྱད་མཚར་འདྲ་བོ་ཞིག་མཐོང་སོང་།
གལ་སྲིད་སྐུ་སྒེར་ཡིག་ཚང་དང་བདེ་སྲུང་ལས་ཁུངས་ལ་གནས་ཚུལ་འདིའི་ཐོག་ལ་གསལ་བཤད་ཞིག་བྱེད་རྒྱུ་ཡོད་ན་དུས་ཚོད་ཏག་ཏག་རེད་འདུག དེ་རིང་དུས་བབས་དྲ་ཚིགས་ཀྱི་མདུན་ངོས་ན་༸སྐུ་མདུན་གྱི་སྐུ་ཕྱྭའི་སྐོར་ལ་གསར་འགྱུར་ཞིག་འདུག་མང་ཆེ་ཤོས་སྐུ་རིམ་སྒྲུབ་རྒྱུ་དང་བརྟན་བཞུགས་འབུལ་རྒྱུའི་སྐོར་བསྒྲགས་འདུག དངོས་གནས་སྐུ་ཕྱྭའི་སྐོར་ལ་དོ་སྣང་ཞིག་བྱེད་རྒྱུ་ཡིན་ན་༸གོང་ས་མཆོག་ལ་སྐུ་ངལ་གསོལ་རྒྱུའི་དུས་ཚོད་ཞིག་གཏམ་འབེབས་བྱེད་དགོས་ཀྱི་འདུག
རྩོམ་སྒྲིག་པའི་མཆན། ༼ གོང་གསལ་རྩོམ་ཐུང་འདི་རྩོམ་པ་པོའི་ཟིན་བྲིས་ལས་འདིར་བདམས་བཀོད་བྱས་པ་ཡིན། ༽
ཐ་ཧྭར་བསྐལ་བཟང་ལགས་ཀྱིས་གསར་འགྱུར་རྒྱད་ལམ་གང་ནས་གོང་ས་མཆོག་གིས་སེམས་ངོ་ཟིན་གྱི་མེད་པ་དང་། དབྱིན་འཇི་སྒྲ་མ་དག་པ་སོགས་བཤད་ཡོད་པ་གསལ་པོ་གསུང་ན་ཡག་པོ་འདུག དེ་མིན་གཅིག་ནས་བཤད་འདུག་ཞེས་པ་ཙམ་ནི་ལོང་བའི་སྦར་ཉུལ་རང་རེད་ལ། ཁྱེད་རང་ལ་ཡང་དོག་པ་ཟ་མ་སྲིད་པ་མ་རེད།
༧གོང་ས་མཆོག་གི་བཀའ་སློབ་འདི་རྒྱ་གར་གྱི་དུས་བབ་ལའང་ཐོན་ཡོད་མོད། གནས་ཚུལ་ཛ་དྲག་བཀོད་ཡོད་པ་ལས་ཟུར་ཟ་ཚིག་ཟུར་ཙམ་མེད་ན་། ཧ་ཐར་གྱི་
རྒྱ་མས་བཤད་ཡན་རང་ལ་བདེན་པ་ཡིན་རབས་བཤད་པ་ནི་ཡ་མཚན་རང་རེད། མ་གཞི་ཆོབ་མེད་པ་བླ་འཁྱམས་པའི་སྐད་ཆ་འདི་འདྲ་དུས་བབ་ཚང་གི་བསམ་བཞིན་འདི་རུ་བཀོད་པ་ནི་དེ་ལས་ཀྱང་ཡ་མཙན་རེད།
ཐའེ་ཝན་གྱི་བརྒྱུད་ལམ་ཆེ་ཁག་གིས་ཀྱང་ཚད་མཐོའི་དོ་སྣང་བྱས་སོང་ལ་ཡང་དང་བསྐྱར་དུ་བཤད་སོང་སྟེ། རྒྱལ་བ་རིན་པོ་ཆེ་གཅོས་ཐོ་ཆགས་པ་ཡིན་རབས་དང་། རིན་པོ་ཆེའི་དབྱིན་སྐད་མ་དག་པ་སོགས་ཚིག་གཅིག་བཤད་ཀྱིན་མི་འདུག
ད་དུང་ཁོང་ནི་རང་གི་བསམ་བློའི་ནུས་པས་འཛམ་བུ་གླིང་ལ་ལེགས་སྐྱེས་ཕུལ་བ་ཞིག་ཡིན་པའི་མགོ་བརྗོད་འོག་བཤད་སོང་། མ་ཟད་རྒྱལ་བ་རིན་པོ་ཆེས་ཀྱང་། ཆ་འཕྲིན་དེ་འདྲ་ཞིག་འབྱོར་ཡོད་པ་ལས་དེ་བརྒྱ་ཆ་བརྒྱ་བདེན་པ་ཡིན་ངེས་ཀྱི་ཁོངས་སྐྱེལ་ཡོད་པ་མ་རེད་ཅེས་གསུངས་པ་རེད། ཅེས་དང་། ངས་འབྱུང་འགྱུར་གྱི་རང་དབང་ལྡན་པའི་རྒྱ་ནག་གི་འགྱུར་འགྲོས་དེ་ཉི་མ་གཅིག་ལ་གཟིགས་ཐུབ་པའི་ཡིད་ཆེས་ཡོད་གསུངས་པ་རེད་ཟེར་གྱིན་འདུག དེ་མ་གཏོགས་ཟུར་ཟའི་དྲི་ཙམ་ཡང་མི་འདུག
ཡར་རྒྱས་ཕྱིན་འའདུག མཁྱེན་རྒྱ་ཡངས་འདུག ལྷག་བསམ་ཡོད་མདོག་ལ།ཧ་ཧ་ཧ་ཧ་ཧ་ཧ་ཧ་ཧ་ཧ་ཧ་ཧ་ཧ་ཧ་ཧ་ཧཧ་ཧ་ཧཧ་ཧ་ཧ་ཧ་ཧ་ཧ་ཧ་ཧ་ཧ་ཧ་ཧ་ཧ་ཧ་ཧ་ཧ་ཧ་ཧ་ཧ་ཧ་ཧ་ཧ།
ཧ་ཐར་སྐལ་བཟང་ལགས། བོད་མིའི་བླ་ན་མེད་པའི་ཚེ་རབས་འདི་གཏན་གྱི་སྐྱབས་གནས་དམ་༸ གོང་ས་ལྷ་མིའི་རྣམ་འདྲེན་རྒྱལ་བ་ཐམས་ཅད་མཁྱེན་ཅིང་གཟིགས་པ་ཆེན་པོ་མཆོག་གི་སྐུ་ལ་སྙུན་མི་མངའ་ཞིང་། སྐུ་ཁམས་གསལ་དངྭས། ཐུགས་རིག་གསལ་ཡིན་པ་ལས་མི་ཕལ་པ་ལོ་རྒས་ནས་རྫི་དིབ་པའི་སྐབས་ཀྱི་སྐད་ཆ་ལྟ་བུ་རྒྱ་མིས་ཅི་བཤད་ལ་ཆ་འཇོག་བྱེད་དགོས་དོན་མེད།
སྤྱི་ལོ་ ༡༩༥༩ ལོའི་རྗེས་ནས་རྒྱ་མིས་ཏྰ་ལའི་བླ་མ་ནི་གྲལ་རིམ་བཤུ་ཞོག་གཏོང་མཁན་དང་། ཆོས་གོས་གྱོན་པའི་སྤྱང་ཀི ནུབ་ཕྱོགས་པའི་རྒྱུགས་ཁྱི། ཁ་བྲལ་རིང་ལུགས། དྲག་སྤྱོད་རིང་པ་སོགས་རེད་ཅེས་གང་བྱུང་མང་བྱུང་བསམ་ཡུལ་ལས་འདས་པའི་སྐྱོན་བརྗོད་དང་བསྐུར་འདེབས་སྣ་ཚོགས་བྱས་དང་བྱེད་བཞིན་ཡོད།
དེ་ཚོ་ཚང་མ་གཅིག་ཀྱང་བདེན་པ་མ་ཡིན་པར་བརྟེན་རྒྱ་ནག་གི་ངོ་གདོང་དེ་འཛམ་གླིང་རྒྱལ་ཁབ་དང་མི་དམངས་ཀྱིས་ཤེས་རྟོགས་ཐུབ་པར་བརྟེན་ད་ཆ་༸ གོང་ས་མཆོག་ནི་འཛམ་གླིང་ཞི་བདེ་དང་། ཆོས་ལུགས་རིས་མེད། མིའི་ཚེའི་རིན་ཐང་། འགྲོ་བ་མིའི་ཀུན་སྤྱོད་སོགས་གང་སར་སུས་ཀྱང་འགྲན་ཟླ་མེད་པའི་ཆེས་སྙན་གྲགས་ཅན་གྱི་འཛམ་གླིང་གི་རླབས་ཆེན་མི་སྣ་བཟང་ཤོས་ཤིག་ཏུ་གྱུར་པ་ད་རེད།
ད་དཡང་ཤེས་དགོས་པ་ཞིག་ལ་ཁྱེད་ཀྱི་གནས་ཚུལ་དེ་ནི་༸ གོང་ས་མཆོག་གིས་གསར་འགོད་པར་ཚོར་རྩེད་མོ་རྩེད་ནས་གསུང་བ་རེད་དྲན་གྱི་འདུག་ཅེས་རང་གི་བསམ་ཚུལ་སྐྱོ་བོ་དེ་གསལ་བཤད་བྱེད་ཁུལ་བྱས་པ་དེ་ནི་ཡོངས་སུ་མ་རྟོགས་པའི་ངང་ཚུལ་ཞིག་མ་འདས།
ག་དུས་ཡིན་ཀྱང་༸ གོང་ས་མཆོག་གིས་རྒྱུན་དུ་ས་གནས་གང་དུ་བཀའ་དྲིན་ཞབས་སོར་འཁོད་ནའང་རེད། བཀའ་སློབ་གང་ཞིག་གནང་ནའང་རྒྱུ་མཚན་དང་། ཁུངས་ལུང་། ཡིད་གཏན་འཕེར་བའི་ཚད་མའི་བཀའ་སློབ་ཤ་སྟག་ལས་ཁྱེད་རང་ལྟ་བུའི་སོ་སྐྱེའི་ཕལ་པའི་མི་ལྟར་ཡིད་ལ་གང་དྲན་ཁ་ནས་བཤད་པ་ལྟ་བུ་ནམ་ཡང་དུས་གཏན་དུ་གནང་མི་སྲིད་པ་དེའི་གནད་ལུགས་ཤེས་པར་བྱོས།
སྐུ་ཕྱྭར་གནོད་འཚེའི་བསམ་ངན་སྦྱོར་རྩུབ་བྱས་དང་བྱེད་བཞིན་ཡོད་པ་དེ་ཀུན་གྱིས་ཤེས་གསལ་རེད། ལས་རྒྱུ་འབྲས་དང་། འཁྲེལ་ངོ་ཚ། བག་ཡོད་ཚུལ་ལྡན་སོགས་ཅི་ཡང་མི་ཤེས་པའི་རྒྱ་ནག་ཏང་ཤོག་འདིའི་བྱེད་སྟངས་ལ་སྦས་བསྐུང་བྱེད་དོན་དང་གསལ་བཤད་བྱེད་དོན་གང་ཡང་ལྷག་མེད།
ཡིན་ནའང་སྟབས་ལེགས་པ་ཞིག་ལ་སྤྱི་ལོ་ ༡༩༥༩ ། ༠༣། ༡༧ ཉིན་ལྷ་སའི་མཚན་མོའི་ཆུ་ཚོད་ ༡༧ ཐོག་༸ གོང་ས་མཆོག་རནོར་གླིང་ཕོ་བྲང་ནས་མི་དམངས་ཀྱིས་མཐའ་བསྐོར་བའི་དབུས་ནས་གསང་སྟབས་ཀྱིས་བཀའ་དྲིན་ཆིབས་བསྒྱུར་བསྐྱང་གནང་མཛད་ཐུབ་ཙམ་མ་ཟད་ད་བར་རྒྱ་གར་དབུས་ས་གཉིས་ཀྱི་སྐུ་སྲུང་དང་། བོད་ལྗོངས་ལྷ་མིའི་ཡོངས་ཀྱིས་མ་གྲོས་བསམ་པ་གཅིག་མཐུན་གྱིས་སྒོས་ནས་ད་བར་སྐུ་ཕྱྭ་གནོད་འཚེ་གེགས་བར་གྱི་མཚན་མ་ཐ་དག་རང་སར་ཞི་ཐུབ་པ་བྱུང་ཡོད།
ད་དུང་ང་ཚོའི་བོད་རིགས་མི་དམངས་རྣམས་རྩ་རྫོགས་མ་ཕྱིན་བར་དུ་བོད་ཀྱི་བླ་ན་མེད་པའི་ཆོས་སྲིད་གཉིས་ཀྱི་དབུ་འཁྲིད་དམ་པ་༸ སྤྱི་ནོར་གོང་ས་སྐྱབས་མགོན་ཡིད་བཞིན་ནོར་བུའི་སྐུ་གསུང་ཐུགས་ཀྱི་མཛད་འཕྲིན་མཐའ་དག་གེགས་མེད་ལྷུན་འགྲུབ་ངང་ཡོང་རྒྱུར་ང་ཚོ་མི་རེ་ངོ་རེས་མ་བསྐུལ་དང་བླངས་ཀྱིས་ཐོག་ནས་གཏན་དུ་མ་ཤི་བར་སྲུང་སྐྱོབ་ཞུ་ངེས་ཡིན།
༸ གོང་ས་མཆོག་གིས་བཀའ་སློབ་གསལ་པོ་དེ་འདྲ་གནང་བ་ལས་ལྷག་གཅིག་སྐུ་སྒེར་ཡིག་སོགས་སུ་ཞིག་ལ་བརྗོད་རྒྱུ་གང་ཡང་མེད། ང་ཚོ་ཕྱི་ནང་བོད་རིགས་ཡོངས་ཀྱི་༸ གོང་ས་ཡིད་བཞིན་ནོར་བུས་བཀའ་སློབ་གནང་བ་དེར་ཡིད་ཆེས་ཚད་ལྡན་བྱེད་བཞིན་ཡོད་ལ་ཁོང་གིས་ང་ཚོ་མི་དམངས་དང་། འཛམ་གླིང་ནང་གསར་འགོད་པར་ཚོར་ནམ་ཡང་མགོ་སྐོར་གཏོང་མྱོང་མེད།
ཧ་ཐར་ཁྱེད་ཀྱིས་ང་ཚོར་ཆོ་མེད་སྐད་ཆ་དེ་གསལ་བཤད་བྱེད་དོན་གང་ལྷག་མེད།
རྣག་ཐོག་ཁབ་གཙགས་རང་བྲིས་ཤག།དཔེ་ཡག་པོ།
ཁྱེད་ཀྱིས་གནས་ཚུལ་སྤེལ་བ་དང་གསལ་འདེབས་གནང་བར་དགའ་བསུ་ཞུ། གཟུ་གནས་བློ་ལྡན་ལ་ཞུ་རྒྱུ་གོ་བ་མི་ལོན་ན་གཡུག་ཤོག་དཀའ་ལས་རྒྱག་དགོས་ནི་མ་རེད་ཀོ
གཟུ་གནས་བློ་ལྡན་གྱིས་གཟུ་བོར་མ་གནས་པའི་སྐད་ཆ་གང་བྱུང་དུ་བཤད་འདུག་པས་མིང་དོན་མི་མཚུངས་པའི་སྐད་ཆ་ལ་ཡིད་རྟོན་སུས་བྱེད་་་་་དེ་ལས་གནས་ཚུལ་འདིའི་ཐད་གཞུང་སྒེར་ཚང་མས་ཐུགས་མཉམ་བཞག་ན་ཡག་པོ་ཡོད་པ་རེད་་་་སྣང་མེད་བཞག་ན་ནམ་ཞིག་ཁ་རྨས་འདྲ་མིན་ཡོང་མི་སྲིད་པའི་ངེས་པ་མེད་་་་་རྒྱ་འདྲེ་ཚང་གིས་གོ་སྐབས་ཆུང་ངུ་ཞིག་ལས་མེད་ཀྱང་དམ་འཛིན་བྱེད་སྟངས་ལ་ལྟོས་དང་་་་་ང་ཚོས་ངེས་པར་དུ་དོགས་ཟོན་བྱེད་དགོས་པ་རེད་་་་་གཙོ་བོ་སྐུ་སྒེར་ཡིག་ཚང་དང་་་བདེ་སྲུང་གིས་འདིའི་ཐད་ལ་ལྷག་པར་ཐུགས་མཉམ་འཇོག་དགོས་
ཁྱེད་ཀྱིས་གནས་ཚུལ་སྤེལ་བ་དང་གསལ་འདེབས་གནང་བར་དགའ་བསུ་ཞུ། གཟུ་གནས་བློ་ལྡན་ལ་ཞུ་རྒྱུ་གོ་མི་ལོན་ན་གཡུག་ཤོག་དཀའ་ལས་རྒྱག་དགོས་ནི་མ་རེད་ཀོ
ཐ་ཧྭར་སྐལ་བཟང་ཅན་ཁྱེད་ཀྱིས་རྒྱལ་སྤྱིའི་གསར་ལམ་ཆེ་ཁག་ཀུན་ཏུ་གནས་ཚུལ་དེ་ཡོད་པ་སྤམ་འཇོག་དང་། གསར་ལམ་གོ་མྱོང་མེད་ཅིང་རྒྱ་གཞུང་དང་འབྲེལ་བའི་ཆེས་ཆུང་ངུ་གཅིག་ཏུ་༸གོང་ས་མཆོག་ལ་མཚན་སྨོས་ཞུས་པ་འདིར་བཀོད་དགོས་པ་ཅི་ལ་ཐུག་གམ། ༸གོང་ས་མཆོག་གི་མཚན་སྙན་འཛམ་གླིང་ཆེ་རྒུ་ཀུན་དང་ལྷག་པར་ཤེས་ཡོན་དག་གི་རྣ་ལམ་འབྲུག་སྒྲ་སྟོང་དུས་གཅིག་ཏུ་ལྡེར་བ་ལྟར་ཡིན་པ་སུས་བལྟས་ཀྱང་མངོན་སུམ་མོ། །