ཚེ་རྡོར་ཨ་མས་ཟས་བཅད་ངོ་རྒོལ།

བོད་མི་རིགས་ཆེད་ལས་འགུལ་འདི་འདྲ་བ་བརྩམས་པ་ཆེ་ཆུང་གང་ཡིན་ཡང་སྙིང་དབུས་ནས་བསྔགས་བརྗོད་བྱེད་ལ་ཐུགས་རྗེ་ལན་བརྒྱར་ཆེ། གཞོན་ནུ་མ་ལྷ་མོ་སྐྱིད་ཤེས་བྱའི་བློ་གྲོས་རྒྱས་འགོ་རྩམ་པ་ངོས་ཧང་གིས་དགའ་པོ་བྱུང་འདི་ཡང་དུས་ལ་བབ་པའི་ཐག་གཅོད་ཡིན་པས་འགྲིག་ཤག། མཐར་དོན་མ་བུ་གསུམ་གྱིས་རེ་དོན་སྒྲུབ་པ་དང་། བོད་པ་ཚང་གི་ག་ལེ་ག་ལེ་མི་བརྗེད་པའི་དམ་བཅའ་དགོས་པ་དང་། བོད་པ་མང་གཙོའི་གོ་དོན་ཞན་པས་གང་བྱུང་སྐྱོད་བརྗོད་བྱས་པ་དེར་ངས་བློ་ཕམ་གནང་མི་དགོས་ཞེས་རེ་ཞུ་བཅས།།། བོད་རྒྱལ་ལོ།།།།

རྡ་ས་ནས་གཤོག་རྩལ་རྒྱས་ཏེ་ས་ཕྱོགས་གང་ཡིན་ལ་འཕུར་སོང་བའི་བོད་མི་སུ་ཡིན་རུང་། རྡ་ས་འདི་ནམ་ཡང་བརྗེད་ཐབས་དཀའ་ཞིང་། ཕ་ཡུལ་བཞིན་དུ་ཞེན་ཆགས་ཆེ་ས་ཞིག་ཏུ་གྱུར་ཡོད། ལྷག་ཏུ་རང་བྱུང་ཚ་གྲང་སྙོམས་ཞིང་ཁོར་ཡུག་ཀུན་པོ་གཡུ་ལོ་བཀོད་པའི་ནགས་ཚལ་གྱིས་རྒྱན་ནས་ཡོད། མིག་མདུན་ན་ལྷང་ངེར་འགྱངས་བའི་རྫ་རིའི་སྟོད་ལ་གཡོགས་བའི་གངས་དཀར་འདིས་དུས་བཞིའི་འགྱུར་ལྡོག་གི་སྣང་ཚུལ་ཞིག་ངོ་སྤྲོད་པ་ཙམ་ལས། འདིར་གནས་བའི་བོད་མི་རྣམས་ལ་དུས་བཞིའི་འགྱུར་ལྡོག་དང་བསྟུན་པའི་དཀའ་ཚེགས་ཅན་གྱི་ལས་བྱ་གང་ཡང་མེད། དེ་སྔོན་རྫ་སྟོད་ཀྱི་གངས་དཀར་འདིས་བོད་མི་རྒན་རབས་སྐོར་ཞིག་་ལ་བླ་འགུག་ལྟ་བའི་གདམས་ངག་ཞིག་ཕོགས་ནས། ཕ་ཡུལ་གངས་ལྗོངས་ལ་ལོག་འདོད་པའི་བྲེལ་ཤ་རེ་ལངས་མྱོང་མོད། ཚུལ་ཅི་ལྟར་ཕ་ཡུལ་ལོག་དགོས་བའི་ཐབས་ཇུས་འཚོལ་བའི་དུས་ལ་སླེབས་མེད་ཚུལ་གྱི་དགོངས་བ་བཞེས་ཕྱོགས་ཤིག་ལ་བརྟེན། མི་ལོ་གང་མང་ཞིག་ནང་རང་ཉིད་ལ་བློ་གདེང་འཁེལ་ཐུབ་མཁན་ཨུ་ཚུགས་ཅན་ཞིག་མ་བྱུང་བ་རེད། དེར་བརྟེན་ཕ་ཡུལ་ལ་ལོག་འདོད་པའི་བློའི་འཁྱེར་ཕྱོགས། དགོས་དམིགས། མྱུར་སྐྱོབས་རང་བཞིན་ཕ་ཡུལ་གྱི་གནས་བབ་གང་ཡང་། གཞན་དབང་སྟབས་བསྟུན་གྱིས་ངང་སྒུག་བྱས་ནས་ན་རྒས་སོང་བ་རེད།
ག་ལེར་རྡ་སའི་ཁོར་ཡུག་འདིར་མི་ཚོགས་ཅི་ཙམ་མང་བ་འཛོམས་པ་ནང་ལྟར། ལྟོ་གོས་འཚོལ་བདེ་དང་སྣང་བ་ཇེ་སྐྱིད། ནམ་ཡང་ས་འདི་དང་ཁ་བྲལ་འདོད་མེད་པའི་ཚོར་སྣང་ཞིག་ལ་ལུང་ཀུན་ལ་ཁྱབས། གནས་འདིར་བཞུགས་བའི་བོད་མི་རྣམས་ཀྱི་དབང་རྩ་ཡང་ལྷོད་ནས་ས་བདག་ཆུ་བདག་ཡུལ་མི་ཚོ་ལས་ལྷག་པའི་ཞེ་འདང་ཆེར་ཙམ་ཡོད་བ་རེད།
དོན་དངོས་བཤད་ན་གནས་འདིར་བཞུགས་བའི་ཡུལ་གྱར་བོད་མི་ཚོ་ལ། ས་ལག་མཐིལ་ཙམ་གྱི་བདག་དབང་ཡང་མེད་མོད། འདི་ལྟར་རི་སྒང་ཞིག་ལ་གྲོང་ཁྱེར་ལྟ་བུའི་ཁང་བརྩེགས་གང་མང་ཞིག་བསྐྲུན་དོན་ཅི་ཡིན་ནམ། མ་གཞི་ནས་ཁང་བརྩེགས་འདི་དག་ཀྱང་རྡ་སའི་མཛེས་ལྗོངས་ཀྱི་ཆ་ཤས་ཤིག་ཡིན་ལ། གལ་་སྲིད་ང་རང་ཉིད་ལ་ཡང་དཔལ་འབྱོར་རེ་ཡོད་ཚེ། ས་འདི་ནས་ཁང་བརྩེགས་ཞིག་བསྐྲུན་ནས་ནང་མིའི་འཚོ་བ་ཞིག་རོལ་ཀྱང་། རྒྱ་མཚོའི་མཐའ་ཡི་སྤྲོ་སྐྱིད་ཁང་ལྟ་བུ་ཞིག་མི་ཆགས་རུང་། སྣང་བ་སྐྱིད་ཁོ་ཐག་ཡིན།
རྡ་སའི་ཁྱད་ཆོས་ལབ་ན་ཕ་ཡུལ་བརྗེད་འགྲོ་བ་རྒྱུན་ལྡན་ལྟར་སྣང་མོད། མི་གཤིས་གཡའ་མི་སླ་བའི་བོད་རིགས་སྐོར་ཞིག་དེ་ལས་ལྡོག་སྟེ། ས་འདིར་ཡིད་ཐང་ཆད་ནས་རྣ་བ་གཏད་ན་མགོ་གཟེར་བའི་ན་ཚ་ཞིག་འཕོགས་བཞིན་པ་རེད། དེ་ཡང་ས་འདི་ན་སྔ་ཕྱི་མི་མཚུངས་བའི་ཚོགས་འདུ་མང་ཞིང་། བློ་གཏོད་དཀའ་བའི་སྤྲེའུ་མང་སྟབས། གཞན་གྱི་ཁ་ནང་ན་མུར་བཞིན་པའི་ཟས་ལྷག་ཡིན་རུང་། ཐབས་རྙེད་ན་ཐར་བ་མི་གཏོང་མཁན་གཅིག་ལས་གཅིག་གྲུང་བོ་ཡོད་སྟབས། ནམ་རྒྱུན་བློ་རིག་བསྒྲིམས་འདུག་རྒྱུར་འ་ཐང་ཆད་འདུག
ཁ་སང་དེ་རིང་རྡ་སའི་སྤྲེའུ་ཚོགས་ཀྱིས་འདོད་རྔམ་བྱེད་ས་ནི་་་གླིང་ཚ་མ་བུ་གསུམ་དང་འབྲེལ་བའི་རང་རང་གི་འདོད་མོས་ལྟར། ལམ་དབུ་མ་དང་རང་བཙན་ཞེས་བའི་མིང་ཚིག་ཙམ་རེད།
གང་ལྟར་རྡ་ས་ཅི་འདྲིའི་ཧ་ལས་བའི་གནས་དེ་ཡིན་རུང་ཁ་ཕྱིར་འཁོར་ནས་ཡོང་བ་ནོར་སོང་བ་རེད། དོན་དངོས་ནས་ནོར་སོང་བ་རེད།

རྒྱ་དར་དམར་པོ་དེ་ག་རེ་བྱས་ཡིན།

སྐད་ཆ་དྲང་མོ་བཤད་ན་མ་བུ་གསུམ་གྱི་ཐོག་མའི་སེམས་ཤུགས་ལ་ཡིད་རང་དང་བསྔགས་བརྗོད་རྒྱབ་སྐྱོར་དང་ངོས་ལེན་ཆ་ཚང་ཡོད།
ཁོང་མ་བུ་གསུམ་གྱི་ལྷག་བསམ་གྱི་ལས་འགུལ་འདི་རྡ་སའི་ཆབ་སྲིད་པ་ཚོས་ཕར་འཐེན་ཚུར་འཐེན་བཟོས་ནས་མཐའ་མ་ངོ་བོ་གཞན་ཞིག་ལ་བསྒྱུར་སོང་བས་བློ་ཕམ་ཡོད།
ག་དུས་ཀྱང་རྡ་སའི་ཆབ་སྲིད་སྐབས་འཚོལ་རིང་ལུགས་པ་ཚོ་འདི་འདྲ་རང་རེད།

བུ་མོ་ལགས་སེམས་ཤུགས་རྒྱབ་ནས་སློབ་སྦྱོང་ལ་འབོད་དེ་ནི་ང་ཚོ་ལ་དགོས་པའི་ལས་འགུར་དངོས་རེད།

ངའི་འདི་ནས་གཏམ་རྒྱུད་ཐུང་ཐུང་ཞིག་བཤད་འདོད་བྱུང་དེ་ནི་དེ་རིང་ངའི་གངས་སྐྱིད་ནས་མིག་གི་མཐོང་ཞིང་རྣ་བའི་གོ་བའི་དངོས་ཡོད་བདེན་པའི་དོན་དག་ཅིག་ཡིན་དེའི་རྐྱེན་ཀྱིས་དོན་དག་དེ་ངའི་འདིར་བཤད་གི་ཡིན།
སྤྱིར་ཡིན་ན་གླིང་ཚ་མ་བུ་གསུམ་ཀྱིས་ལས་འགུལ་སྤེལ་དེ་ཟླ་ཁ་ཤས་འགྲོ་སོང་ལ་མ་ཟད་དེ་རིང་ཞོགས་པ་གླིང་ཚའི་ཨ་མ་དང་ནུ་མོ་གཉིས་ཕྱིར་རྡ་ས་ལོག་རྗེས་དེ་མ་ཐག་ཟས་བཅད་ངོ་རྒོལ་བྱེད་པར་མགོ་འཛུགས་བྱས་སོང་།
ཡིན་ཡང་དེ་རིང་ཉིན་གོང་ཞལ་ལག་ཟ་དུས་ངའི་དེ་ན་ཁ་ལ་ཟ་བཞིན་པའི་གངས་ཅན་སྐྱིད་གཞུང་གི་ལས་ཀྱི་སྣེ་མོ་བ་འགས་གླེང་བཞིན་པའི་སྐད་ཆ་འགའ་གོ་བ་དང་རང་སེམས་ལ་ཆུ་འཁྱག་བླུགས་པ་འདྲ་བའི་སེམས་པ་འཁྱག་སིབ་སིབ་དུ་ཆགས་སོང་།
རྒྱུ་མཚན་ནི་ཁོང་ཚོ་བཤད་བཞིན་པའི་བརྗོད་བྱ་ནི་རྡ་སར་ཉེ་ལམ་སླེབས་མ་ཐག་པའི་རྒྱ་གར་དབྱིག་པའི་རྩེ་འགྲན་པ་དང་གཞན་རྒྱ་གར་གྱི་གློག་བརྙན་འཁྲབ་སྟོན་པ་ཕུ་ཀྲེ་ཛན་ཏ་སོོགས་ཀྱིས་སྐོར་རེད་མ་ཟད་གཅིག་གིས་དོ་དགོང་ཆུ་ཚོད་༤བའི་ཐོག་དུ་རྩེ་འགྲན་མགོ་འཛུགས་བྱེད་ཀྱི་ཡིན་པའི་ལས་སྣེ་ནས་དགོངས་པ་ཞུས་ནས་དེ་ལ་བལྟ་རུ་འགྲོ་ཟེར།
སྤྱིར་ཁོང་ཚོ་དེ་ལ་ལྟ་རུ་འགྲོ་མི་འགྲོ་དང་སྐད་ཆ་ག་རེ་བཤད་གི་ཡོད་མིན་སོགས་ནི་དོན་དག་གཞན་ཞིག་ཡིན་ཀྱང་།

སེམས་ཚོར་སྟོན་ཁའི་བ་མོ་ལྟ་བུ་མ་ཡིན་པར་བསིལ་ལྡན་གངས་ཅན་ཡོངས་ཀྱི་བདེན་མཐའ་གསལ་ཆེད་དུ་ལྷག་བསམ་རྣམ་དག་གིས་འབད་བརྩོན་ལྷོད་མེད་དང་།སྤོབས་པའི་སྙིང་སྟོབས་ཀྱིས་ཀུན་ནས་ཕྱུག་པའི་ཨ་མ་སྡོམ་པོ་སྐྱིད་ལགས་ལ་བསྔགས་བརྗོད་དང་ནམ་ཡང་རྒྱབ་སྐྱོར་ཡང་ཡང་ཞུའོ།།

བོད་ཀྱི་བསྟན་སྲིད་དང་མི་རིགས་ཆེད་སྐུ་ལས་ཚད་མེད་སྐྱོན་བཞིན་པར་ཐུགས་རྗེ་ཆེ་ཞུ།

གངས་ཅན་ལྗོངས་ཀྱི་ཆོས་སྲིད་བྱ་བའི་གདུགས།།
འདེགས་པའི་སྲི་ཞུར་གཏོགས་པའི་སྐྱེ་བོ་ཀུན།།
ལྷག་བསམ་རྣམ་སྤྱོད་དཔུང་པ་རབ་བརྟན་ཅིང་།།
སྐྱེ་ཀུན་ཕྱག་ན་པདྨོས་རྗེས་བཟུང་ཤོག།