དེ་རིང་གངས་སྐྱིད་དཔེ་མཛོད་ཚོགས་ཁང་དུ་དགེ་བཤེས་མར་ཕྱག་འཁྱེར་འབུལ་ཕྱོགས་སྐོར་གྱི་བགྲོ་གླེང་ཞིག་ཚོགས་ཡོད་ཅིང་། ཚོགས་འདུའི་དབུ་འབྱེད་ཐོག་བཀའ་ཁྲི་བློ་བཟང་སེང་གེ་མཆོག་གིས་ཐེངས་འདིར་ཐག་གཅོད་ག་རེ་གནང་ཡང་བཀའ་ཤག་གིས་རྒྱབ་སྐྱོར་ཡོད་སྐོར་གསུངས་སོང་།
དེ་རིང་ཕྱི་ཚེས་ ༡༨ ཉིན་གྱི་སྔ་དྲོར་བོད་མིའི་སྒྲིག་འཛུགས་ཆོས་རིག་ལས་ཁུངས་ཀྱི་གོ་སྒྲིག་འོག་བསླབ་པ་མཐར་སོན་པའི་བཙུན་མ་རྣམས་ལ་དགེ་བཤེས་མའི་ཕྱག་འཁྱེར་འབུལ་ཕྱོགས་སྐོར་གྱི་བགྲོ་གླེང་ཞིག་གངས་སྐྱིད་བོད་ཀྱི་དཔེ་མཛོད་ཁང་གི་ཚོགས་ཁང་དུ་ཚོགས་ཡོད་འདུག་ལ། མཛད་སྒོའི་སྐུ་མགྲོན་གཙོ་བོར་བཀའ་ཁྲི་བློ་བཟང་སེང་གེ་མཆོག་གཙོས། བོད་གཞུང་ཆོས་རིག་བཀའ་སློན་པདྨ་ཆོས་འབྱོར་མཆོག་དང་བཙུན་མའི་ལས་འཆར་གྱི་ངེས་སྟོན་པ་བཀའ་ཟུར་རིན་ཆེན་མཁའ་འགྲོ་མཆོག དེ་བཞིན། ངྷ་ས་རིགས་ལམ་སློབ་གཉེར་ཁང་མ་ལག་གཉིས་དང་། བོད་ཀྱི་བཙུན་མའི་ལས་འཆར། མོན་གྷོ་བཙུན་དགོན་བྱང་ཆུབ་ཆོས་གླིང་། བལ་ཡུལ་བཙུན་དགོན་མཁའ་སྤྱོད་དགའ་འཁྱིལ་གླིང། བལ་ཡུལ་བཙུན་དགོན་སྐྱིད་གྲོང་ཐུགས་རྗེ་ཆོས་གླིང་། ངྷ་ས་བཙུན་དགོན་དགེ་ལྡན་ཆོས་གླིང་། ངྷ་ས་བཙུན་དགོན་འཇམ་དབྱངས་ཆོས་གླིང་། ངྷ་ས་བཙུན་དགོན་སྒྲོལ་མ་གླིང་བཅས་ཀྱི་སྐུ་ཚབ་ ༢༡ བཅས་འདུ་འཛོམས་བྱུང་ཡོད།
ཐེངས་འདིའི་ཉིན་གཉིས་རིང་གི་བགྲོ་གླེང་སྟེང་གྲོས་གཞི་གཙོ་བོ་གསུམ་སྟེ། དང་པོ། ༸གོང་ས་མཆོག་གིས་འདི་ལོའི་ཆོ་འཕྲུལ་སྨོན་ལམ་ཆེན་མོའི་སྐབས་དགེ་བཤེས་མའི་ཕྱག་འཁྱེར་གནང་ཕྱོགས་ཐད་བཀའ་སློབ་ཕེབས་པར་དངོས་སུ་ལག་བསྟར་ཞུ་ཕྱོགས་དང་། གཉིས་པ། བཙུན་མའི་འདུས་སྡེ་ཁག་ནས་བསླབ་པ་མཐར་སོན་རྣམས་ལ་དགེ་བཤེས་མའི་ཕྱག་འཁྱེར་འབུལ་ཕྱོགས་ཀྱི་སྒྲིག་གཞི་གཏན་འབེབས་དང་། ཡང་ན། བཙུན་མའི་འདུས་སྡེ་ཁག་གི་བསླབ་པ་མཐར་སོན་བཙུན་མ་རྣམས་ལ་དགེ་བཤེས་མའི་ཕྱག་འཁྱེར་འབུལ་ཕྱོགས་ཀྱི་སྒྲིག་གཞི་བཟོ་མཁན་ཚོགས་ཆུང་གཏན་འབེབས་གནང་རྒྱུ། གསུམ་པ། ཕྱི་ཟླ་ ༨ པའི་ཚེས་ ༡༩ ནས་ ༢༡ བར་མོན་གྷོ་དགའ་ལྡན་བླ་སྤྱིར་ཚོགས་རྒྱུའི་དགེ་ལུགས་བསྟན་བདག་དང་མཁན་པོ་རྣམ་པའི་ལྷན་ཚོགས་སུ་དགེ་བཤེས་མའི་སྐོར་སྙན་སྒྲོན་གསུང་བཤད་གནང་མཁན་བཙུན་མའི་སྐུ་ཚབ་གཅིག་དང་དཔེ་ཁྲིད་དགེ་རྒན་གཅིག་འདེམས་བསྐོ་གནང་རྒྱུ་བཅས་ཡིན་འདུག
དེ་རིང་གི་མཛད་སྒོའི་ཐོག་བཀའ་ཁྲི་མཆོག་གིས། སྣང་གསལ་མར་མེ་ཞལ་འབྱེད་དང་ཚོགས་ཞུགས་པ་ཡོངས་ཀྱིས་བོད་བསྟན་སྲིད་དོན་དུ་རང་སྲོག་བློས་གཏོང་གནང་མཁན་རྒྱལ་གཅེས་དཔའ་བོ་ཕོ་མོ་འདས་གསོན་ཡོངས་ལ་གདུང་སེམས་མཉམ་སྐྱེད་ཆེད་སྐར་མ་གཅིག་རིང་ངག་བཅད་གུས་འདུད་དང་བདེན་ཚིགས་སྨོན་ལམ་གསུང་འདོན། གནས་ཆུང་གྲྭ་ཚང་གི་དགེ་འདུན་པས་ཤིས་བརྗོད་བཅས་གསུངས་ཏེ་སྔོན་མགྲོའི་མཛད་རིམ་གྲུབ་རྗེས། བཀའ་བློན་ཁྲི་པ་མཆོག་གིས་ཆོས་རིག་ལས་ཁུངས་ཀྱི་གོ་སྒྲིག་འོག་བསླབ་པ་མཐར་སོན་བཙུན་མ་རྣམས་ལ་དགེ་བཤེས་མའི་ཕྱག་འཁྱེར་གནང་ཕྱོགས་སྐོར་ལ་བཀའ་བསྡུར་གནང་རྒྱུའི་ལྷན་ཚོགས་ཐེངས་དང་པོ་ཧ་ཅང་གལ་ཆེན་པོ་ཞིག་ཡིན་པ་དང་། ༸གོང་ས་མཆོག་གིས་ཀྱང་འདིའི་ཐད་བཀའ་སློབ་རིམ་པ་ཕེབས་ཡོད་སྟབས། ཉིན་གྲངས་གཉིས་རིང་གི་གྲོས་བསྡུར་ཁྲོད་ཐག་གཅོད་ག་རེ་གནང་ཡང་། རྒྱུ་མཚན་ལྡན་པའི་ཐོག་བསླབ་པ་མཐར་སོན་གྱི་བཙུན་མ་རྣམས་ལ་དགེ་བཤེས་མའི་ཕྱག་འཁྱེར་གནང་དགོས་པའི་གསལ་བསྒྲགས་གནང་བ་ཡིན་ན། སྤྱི་ཚོགས་ཡོངས་དང་རྒྱལ་སྤྱིའི་སྡིངས་ཆའི་ཐོག་ནས་ཀྱང་ཁས་ལེན་དང་རྒྱབ་སྐྱོར་ཡོང་བར་ཕན་ཐོགས་ཡོད་པའི་སྐོར་གྱི་བཀའ་སློབ་གནང་ཡོད།
ཡང་བཀའ་ཁྲི་མཆོག་གིས་བཀའ་ཤག་གི་ལྟ་གྲུབ་གསུམ་དང་འབྲེལ་ཏེ་གསུང་དོན། “ བཀའ་ཤག་སྐབས་བཅུ་བཞི་པའི་ལྟ་གྲུབ་ཆིག་སྒྲིལ་དང་གསར་གཏོད། རང་ཁ་རང་གསོ་ལས་ཆིག་སྒྲིལ་ཞེས་པ་ནི། ཆོལ་ཁ་དང་ཆོས་ལུགས་དབྱེར་མེད། ཕོ་མོ་འདྲ་མཉམ་ཡིན་སྟབས། དགེ་བཤེས་མར་ཕྱག་འཁྱེར་སྤྲོད་ཕྱོགས་དེའང་ཆ་རྐྱེན་ཡོངས་རྫོགས་ཚང་བ་ཡིན་ན། ཏན་ཏན་འདྲ་མཉམ་གནང་དགོས་ཀྱི་རེད་བསམ་གྱི་ཡོད། གསར་གཏོད་ཅེས་པ་བྱེད་ཕྱོགས་ཀྱི་ཐོག་ནས་གསར་གཏོད་གནང་དགོས་ཀྱི་ཡོད། ང་ཚོའི་སྤྱི་ཚོགས་ནང་བར་ལམ་ཞིག་ནས་དགེ་བཤེས་མར་ཕྱག་འཁྱེར་གནང་ཐུབ་ཡོད་དམ་མེད་ཅེས་པའི་བགྲོ་གླེང་མང་པོ་ཞིག་ཡོང་གི་ཡོད་སྟབས། ད་རེབ་དགེ་བཤེས་མར་ཕྱག་འཁྱེར་གནང་རྒྱུ་ཞིག་བྱུང་ན་དེ་གསར་གཏོད་ཆགས་ཀྱི་ཡོད་ལ། དེ་བཞིན། རང་ཁ་རང་གསོ་ལ་མཚོན་ན། རང་ཉིད་རྐང་པའི་ཐོག་ལངས་ཐུབ་པ་བྱ་རྒྱུ་དེ་རེད། དེ་སྔ་ང་ཚོའི་ཕ་མ་རྣམས་བོད་ནས་ཕྱི་རྒྱལ་དུ་ཕེབས་སྐབས་རྒྱ་གར་དང་ཕྱི་རྒྱལ་གྱི་འགྲོ་སྟངས་ཤེས་ཀྱི་མེད་པར། གཞན་ལ་མ་བསྟུན་ཐབས་མེད་ཀྱི་གནས་སྟངས་ཤིག་ཆགས་ཡོད། ད་ཆ་ལོ་ ༥༠ རྗེས་འདིར་མི་སྒེར་དང་ཚོགས་པ་གང་ཞིག་ཡིན་ཡང་། རང་ཉིད་ཀྱི་རྐང་པའི་ཐོག་ལངས་ཐུབ་པར་བྱ་རྒྱུ་ཧ་ཅང་གལ་ཆེན་པོ་རེད། དགེ་བཤེས་མར་ཕྱག་འཁྱེར་ཕུལ་བ་ཡིན་ན། དགེ་བཤེས་མ་རྣམས་ཀྱང་སོ་སོའི་རྐང་པའི་ཐོག་ལངས་ཐུབ་མཁན་ཞིག་ཡིན་ཞེས་པའི་རྣམ་པ་ཐོན་པ་ལྟ་བུ་ཆགས་ཀྱི་འདུག་སྟབས། བགྲོ་གླེང་འདི་བརྒྱུད་དེ་ཐག་གཅོད་གང་བྱུང་བ་རྣམས་ལ་བཀའ་ཤག་གིས་རྒྱབ་སྐྱོར་ཡོད་ལ། དམིགས་བསལ་ཆོས་རིག་གི་བཀའ་བློན་མཆོག་གཙོས་ལས་བྱེད་ཡོངས་ཀྱིས་མཐུན་རྐྱེན་འོག་སྤྱི་ཚོགས་ཡོངས་ཀྱིས་ཁས་ལེན་གནང་ཐུབ་པའི་ཐག་གཅོད་ཅིག་ཡོང་བའི་རེ་འདུན་དང་འབོད་སྐུལ་ཡོད། ” ཅེས་གསུངས་བྱུང་།
དེ་རྗེས་ཆོས་རིག་བཀའ་བློན་པདྨ་ཆོས་འབྱོར་མཆོག་གིས་དེ་སྔོན་བཙུན་མའི་ལག་ཁྱེར་སྐོར་ལ་གྲོས་བསྡུར་རིམ་པ་བྱས་པའི་བརྒྱུད་རིམ་དང་བགྲོ་གླེང་འདི་ཚོགས་དགོས་པའི་སྐོར་ངོ་སྤྲོད་དང་། བཙུན་མའི་ལས་འཆར་གྱི་ངེས་སྟོན་པ་བཀའ་ཟུར་རིན་ཆེན་མཁའ་འགྲོ་མཆོག་གིས་བཙུན་མའི་སློབ་སྦྱོང་བྱེད་ཕྱོགས་ཀྱི་བརྒྱུད་རིམ་སྐོར་ངོ་སྤྲོད་བཅས་གནང་སོང་།
གསར་འགོད་པ། དོན་གོ
དོན་འདི་ཐག་གཅོད་བརྟན་པོ་གཅིག་དང་། མ་འོངས་པར་དམིཊ་པ་ཞིག་གནང་བ་ཡིན་ཚེ་ཆོས་ལུགས་ཚང་མ་དགོས་གལ་ཧ་ཅང་གལ་ཆེ་རེད། དེ་མེད་ཚེ་ད་དུང་ཡང་རྩོད་རྙོག་འདྲ་མིན་ཡོང་སྲིད་པ་རེད་། དང་ཐོག་བགྲོ་གླེང་ལྷུག་པོ་བྱས་ནས་མཁས་དབང་སྣ་ཚོགས་མཉམ་ལེགས་ཆ་གྲངས་མེད་བླངས་ནས་མཐའ་མིའི་ནང་ཆོས་དགེ་བཤེས་མའི་ཆོས་ལུགས་སྲིས་ཇུས་འབད་ཐབས་གནང་གལ་ཆེའོ།།།
ཡ་གྲོགས་པོ་བུ་ཡུག་ལགས་སྲིད་སྐྱོང་མཁས་དབང་བློ་བཟང་སེང་གེ་ལགས་ལ་ཁྱེད་ཀྱི་་འདྲ་མཚུང་གྱི་རིག་པ་ཞིག་བཏང་བ་དེ་ཤིན་ཏུ་ནས་ཀྱང་ཐབས་སྐྱོ་པོ་རེད་འདུག། བཙུན་མ་ལག་ཁྱེར་གནང་བ་དེ་གསར་སྟོད་མ་ཡིན་ན་ཁྱེད་ཀྱི་གསར་སྟོད་ཀྱི་མཚན་གཞི་གཅིག་ཆར་ཤོག།།།
ཡ་གྲོགས་པོ་བུ་ཡུག་ལགས་སྲིད་སྐྱོང་མཁས་དབང་བློ་བཟང་སེང་གེ་ལགས་ལ་ཁྱེད་ཀྱི་་འདྲ་མཚུང་གྱི་རིག་པ་ཞིག་བཏང་བ་དེ་ཤིན་ཏུ་ནས་ཀྱང་ཐབས་སྐྱོ་པོ་རེད་འདུག། བཙུན་མ་ལག་ཁྱེར་གནང་བ་དེ་གསར་སྟོད་མ་ཡིན་ན་ཁྱེད་ཀྱི་གསར་སྟོད་ཀྱི་མཚན་གཞི་གཅིག་ཆར་ཤོག།།།
(ད་རེབ་ཁོང་གིས་བཙུན་མ་ཚོར་ལག་འཁྱེར་སྤྲད་ན་ཁོང་ཚོ་ལྟོ་གོས་ཐོག་རང་མགོ་ཐོན་ཐུབ་ཀྱི་རེད་)ཅེས་པ་འདི་ནང་ཆོས་ཀྱི་དོན་ཅི་ཡང་ཧ་མ་གོ་བའི་རྟགས་སུ་མངོན་འདུག་ལགས།
གྲྭ་རྫུན་མགོ་རིལ་དྲང་བདེན་གྱི་སློང་མོ་བ་ཟེར་བས་སྨྱོ་ལབ་བསྐྱོན་གིན་འདུག ཨ་མ་རྗེ་བཙུན་པདྨ་དང་། བཀའ་ཟུར་རིན་ཆེན་མཁའ་འགྲོ་གཉིས་ནི་བོད་ཀྱི་བུད་མེ་ཚོས་མིག་དཔེ་ལྟ་ས་དང་། བྱིས་པ་ཁྲི་སྟོང་མང་པོའི་ཨ་མ་ཡིན།
གྲྭ་རྫུན་འདིས་གནད་ཡོད་བུད་མེད་འདི་ཚོ་ལ་སྐྱོན་བརྗོད་བྱེད་ཁུལ་གྱིས་ཆོལ་ཁའི་ན་ཚ་གླེང་ཁུལ་བྱེད་མོད། རླབས་ཆེན་གྱི་ཨ་མ་དག་གི་བླ་ན་མེད་པའི་ཕྱག་རྗེས་ནི་ནམ་ཡང་ང་ཚོས་སེམས་ངོར་གསལ་པོ་ཡིན།
སྤྱི་བཏང་གི་ལས་གཞི་འདིའི་རིགས་ལ་དགའ་བསུ་ཞུ་ཆོག་ཀྱང་། བགྲོ་གླེང་གནང་མཁན་དང་བཙུན་དགོན་ཁག་གི་སྐུ་ཚབ་ཡོངས་སྟངས་བཅས་ལ་ངོས་ལེན་རྩ་བ་ནས་མེད། བོད་ཀྱིང་བཙུན་མའི་འདུས་སྡེ་ཡོངས་རྫོགས་ཀྱི་བདེ་སྡུག་དང་འབྲེལ་བ་ཡོད་ན་ས་དགེ་བཀའ་རྙིང་གཡུང་དྲུང་བོན་དང་བཅས་པའི་བཙུན་དགོན་ཁག་གི་སྐུ་ཚབ་ངེས་པར་དུ་འདུས་དགོས་རྒྱུ་ཡིན་པས་ལས་དགེ་ལྡན་པའི་བཙུན་དགོན་ཁག་ཅིག་གིས་དེ་དག་ཚང་མའི་སྐུ་ཚབ་ནམ་ཡང་མཚོན་མི་ཐུབ། ངས་ཁྱེད་ཚོར་དྲི་བ་ཞིག་ཞུ་གིན་ཡིན། རིན་ཆེན་མཁའ་འགྲོས་དབུ་ཁྲིད་པའི་བཙུན་མའི་ལས་འཆར་དང་དེར་རྒྱབ་སྐྱོར་གནང་མཁན་ཚང་མས། རིས་སུ་མ་མཆེད་པའི་བཙུན་དགོན་ཁག་གི་བཙུན་མ་སློབ་པ་མཐར་སོན་པ་རྣམས་ལ་དགེ་བཤེས་མའི་མཚན་སྙན་འབུལ་ཕྱོགས་ཐད་བགྲོ་གླེང་གནང་གིན་ཡོད་རེད་དམ། ཡང་ན་དགེ་ལྡན་པའི་བཙུན་དགོན་ཁག་ཅིག་པོའི་སྐོར་རེད། དྲི་བ་སྔ་མ་ལྟར་ཡིན་ན། དགེ་ལྡན་པའི་བླ་སྤྱི་གཅིག་པོར་དགེ་བཤེས་མའི་མཚན་ཉིད་འབུལ་ཕྱོགས་ཐད་ཆེད་བཅར་ཞུ་དགོས་དོན་ཅི་ཡིན་ནམ། རིས་སུ་མ་མཆེད་པའི་བསྟན་བདག་དབུ་ཁྲིད་བླ་ཆེན་རྣམ་པར་ཞུ་མི་དགོས་པའི་རྒྱུ་མཚན་ངེས་པར་དུ་དགོས། དྲི་བ་ཕྱི་མ་ལྟར་ཡིན་ན། བོད་གཞུང་ཆོས་རིག་ལས་ཁུངས་ཀྱིས་དེར་ཐེ་བྱུས་ནམ་ཡང་གནང་དགོས་དོན་མེད། བོད་གཞུང་ཆོས་རིག་ལས་ཁུངས་ནི་ཆོས་བརྒྱུད་བྱེ་བྲག་པ་ཞིག་གིས་ཆེད་དུ་བཙུགས་པ་རྩ་བ་ནས་མིན། མ་ཟད་བཙུན་མའི་ལས་འཆར་ཡང་དེ་དང་གཅིག་མཚུངས་རེད། ཅི་སྟེ་གནས་ཚུལ་འདིའི་རིགས་ཁ་གསལ་གཏིང་གསལ་ཞེས་མེད་ཚེ་རང་གཞུང་འདིར་ཡིད་ཆས་དང་བློ་གཏད་ཇི་ཞན་ལས་ཇི་འཕེལ་ནམ་ཡང་འགྲོ་མི་སྲིད།
དྲང་བདེན་གྱི་སློང་མོ་བས་བཤད་པར་རྒྱུ་མཚན་འདུག་དེ་རང་ལ་རྒྱབ་སྐྱོར་ཡོད་དཱ།
གང་ལྟར་ཆོས་རྒྱུད་ཀྱི་བསྟན་བདག་རྣམས་དང་ཆོས་རྒྱུད་ཀྱི་སྤྱི་འཐུས་རྣམས་ཀྱིས་ཐག་ཆོད་མ་ཐུབ་པའི་གནད་དོན་དེ་བུད་མེད་གཉིས་ཀྱིས་ཐག་ཆོད་གནང་རྩིས་ཡིན་པ་རེད། དེ་ལ་དགོངས་པ་བཞེས་དགོས་པ་མ་རེད་དམ། བཙུན་མ་དེ་ཚོར་ཅི་ཞིག་དགོས་ཀྱི་ཡོད་དམ། དེ་འདྲ་ཨུ་ཚུགས་ཆེན་པོ། དགོས་པའི་སློབ་སྦྱོང་གྱིས། མི་དགོས་པའི་ཐོབ་ཐང་རྩོད་དགོས་མི་འདུག ཀླུ་སྨྱོན་གྱིས་ཡང་རྒྱབ་སྐྱོར་བྱེད་ཀྱིན་འདུག་གཱ། བུད་མེད་བློ་ལ་སྙིང་པོ་མེད། སྙིང་པོ་མེད་པ་ཆུ་ཡི་སྦུ་བ་ཡིན།
ཡང་ཟུར་ཁང་དབང་ཆེན་གྱིས་བསམ་ཚུལ་བཤད་པ་དེ་ལའང་རྒྱབ་སྐྱོར་ཡོད། རིས་སུ་མ་ཕྱེས་པའི་བོད་ཀྱི་བཙུན་མའི་ཚོགས་འདུ་ཞིག་ཡིན་ན་རིས་སུ་མ་ཕྱེས་པའི་བཙུན་དགོན་ཁག་གི་འཐུས་མི་ཅི་ཡིས་ཕྱིར་མགྲོན་འབོད་མ་བྱས་པ་རེད་དམ། ད་དུང་ས་སྐྱ་དང་རྙིང་མ་ག་ལ་ཚད། བཀའ་རྒྱུད་དང་བོན་པོ་ཇོ་ནང་སོགས་ཀྱང་མི་འདུག་གམ། བསམ་ཚུལ་རིས་སུ་མ་ཕྱེས་ཏེ་ཤོད་དགོས་པ་རེད་མ་གཏོགས་དེ་ཡང་ཕྱོགས་ལྷུང་ལ་འགྲོ་གི་འདུག ཡང་ངས་བཤད་པ་དེ་ཡང་ཕྱོགས་ལྷུང་འགྲོ་སྲིད་པ་རེད། གང་ལྟར་ཆོས་དོན་ལྷན་ཁང་ཡིན་ནའང་འདྲ།་ཆོས་རིག་ལྷན་ཁང་ཡིན་ནའང་འདྲ་སྔ་ས་ནས་དགོངས་པ་རྒྱ་ཆེན་པོ་བཞེས་དགོས་པ་རེད་མ་གཏོགས། ད་ལྟ་དུས་ཚོད་གཉན་འཕྲང་གི་སྐབས་སུ་དོ་དོ་ནན་གཟབ་གཟབ་མ་གནང་ན་འཐོར་ཞིག་ཏུ་འགྲོ་ངེས། གཞི་ནས། བཀའ་ཁྲིས་བཤད་པ་ལྟར། རང་ཁ་རང་གསོ། རང་མགོ་རང་ཐོན། རང་ས་རང་སའི་གནས་སུ་རང་ཡལ་དུ་འགྲོ་ངེས་པ་རེད། དེ་ངས་བསམ་ཚུལ་ཡིན།
བཀའ་ཁྲི་བློ་བཟང་སེང་གེ་མཆོག་འཇོན་ཐང་ཅན་ཞིག་ལོས་ཡིན། འོན་ཀྱང་གནས་འགག་དེ་འདྲའི་སྐབས་སུ་ཤེས་ཡོན་གཏིང་ཟབ་མེད་པའི་སྐད་ཆ་མང་པོ་གསུངས་ཀྱི་འདུག ད་རེབ་ཁོང་གིས་བཙུན་མ་ཚོར་ལག་འཁྱེར་སྤྲད་ན་ཁོང་ཚོ་ལྟོ་གོས་ཐོག་རང་མགོ་ཐོན་ཐུབ་ཀྱི་རེད་ཅེས་གསུངས་པ་ནི་ཧ་ཅང་ཚད་དམའ་བོའི་ཕྲུ་གུ་ཆུང་ཆུང་གི་སྐད་ཆ་རེད། ལྟོ་གོས་འཚོལ་ཐབས་ཁོ་ནའི་ཆེད་དུ་ལག་འཁྱེར་སྤྲོད་དགོས་པ་རེད་ཅེས་གསུངས་པ་ནི་ཧ་ཅང་ནོར། གནས་དོན་དེ་དེ་འདྲའི་རྩོད་གཞི་ཅན་དང་ཐག་གཅོད་མ་ཐུབ་པ་རྒྱུན་རིང་ལྷག་དགོས་པ་རྒྱུ་ཚན་མང་དག་ཡོད་ལགས། ལག་འཁྱེར་སྤྲད་ན་དགེ་སྐྱོན་ག་རེ་ཡོད་རེད། ཚད་གང་འདྲ་ཞིག་ལ་བཟུང་གི་ཡིན་པ་དང། ནང་ཆོས་ཀྱི་ལུང་དང་མཐུན་མ་མཐུན་སོགས་མང་པོ་ཞིག་ལ་བསྟུན་དགོས་པ་རེད།
བཀའ་ཟུར་རིན་ཆེན་མཁའ་འགྲོ་དང་བཀའ་ཟུར་རྗེ་བཙུན་པདྨ་གཉིས་ཀྱི་བཙན་བྱོལ་ནང་དངོས་གསལ་མེད་པའི་འཐབ་རྩོད་ཤུགས་ཆེ་གནང་བ་རེད་། རིན་ཆེན་མཁའ་འགྲོའི་བེུད་ཀྱི་ཆེད་དུ་ཡིན་ཁུལ་གྱི་འཐབ་རྩོད་བྱས་པ་དང་རྗེ་བཙོན་པདྨས་སློབ་ཕྲུག་ཚོའི་དོན་ཏུ་ཡིན་ལབ་ནས་སློབ་ཚན་དབྱིན་ཡིག་བཞག་དགོས་པའི་འཐབ་རྩོད་གནང་བ་རེད་། མཁྱེན་གསལ་བཞིན་བཀའ་ཤག་སྐབས་སྔོན་མ་སུའི་དབང་འོག་ཏུ་མ་ཚུད་པའི་བེུད་འདི་གཉིས་ནི་ཡབ་གཞིས་ཚང་གི་ཁྱིམ་རྒྱུད་རེད་། དངོས་གནས་ཁོང་གཉིས་ཀྱི་ལས་གཞི་ཁག་རྩ་ཁྲིམས་ལ་སྟོས་མི་དགོས་པ་དང་གཞུང་འཛིན་བཀའ་ཤག་ལ་བརྩི་མི་དགོས་པའི་དཔོན་ཉམ་དེ་མཐོང་དུས་དེ་སྔོན་རྒྱ་ནག་ནང་མོའི་ཆུང་མ་དང་འདྲ་བའི་དབང་ཚད་ཡོད་པའི་ཕྱོགས་ཁག་གཅིག་ཡིན་པ་བསམ། ག་དུས་ཡིན་ན་མོ་འདི་གཉིས་ཀྱི་ལས་དོན་ལ་མཐོ་རིམ་ཁྲོད་རྒྱོབ་སྐྱོར་རག་པ་དང་། དམངས་ཀྱི་སྐྱོན་འཛུགས་བྱེད་མཁན་མེད་པ་འདིར་དོན་ངོ་མ་ག་རེ་མཚོན་པ་རེད་གསལ་བཤད་མི་དགོས་པ་རེད་། དེ་རིང་བློ་སེང་ལ་རིན་ཆེན་མཁའ་འགྲོའི་བཀའ་དབང་ཇི་ལྟར་རྩལ་ཡོད་མེད་ནི་བློ་སེང་གི་ངག་རྩལ་ནས་ཐོན་སོང་། དཔེ་ན་རྒྱབ་སྐྱོར་ཡོད་། རྒྱབ་སྐྱོར་ཡོད་ཅེས་པ་འདི་རེད་། འདི་ནི་བཙན་བྱོལ་བོད་མིའི་ལོ་རྒྱུས་ནང་ལོ་ལྔ་བཅུའི་གནས་ཚུལ་འཇུག་སྒྲིག་མ་ཐུབ་པའི་གནས་ཚུལ་ཕར་མ་ཞིག་ཡོད་པ་དེ་རེད་།
ལས་ཀ་དེ་མགོ་འཛུགས་པ་དང་མཇུག་སྐྱོང་རྒྱུ་ཚང་མ་བུད་མེད་སྤྱི་དང་ཁྱད་པར་བཙུན་མའི་ལས་ཀ་ཞིག་རེད། སྐྱེས་པ་སྤྱི་དང་ཁྱད་པར་དུ་གྲྭ་པ་ཚོར་དེའི་མགོ་ནས་མར་འཁོར་ནས་སྐད་ཆ་བཤད་པའི་ཐོབ་ཐབ་ཨེ་ཡོད་དམ།
བཙུན་མ་ཚོ་སློབ་མཐར་ཕྱིན་སྐབས་དགེ་བཤེས་མའི་ཕྱག་ཁྱེར་འབུལ་རྒྱུ་ཧ་ཅང་གལ་ཆེན་རེད། འོན་ཀྱང་ཕྱག་ཁྱེར་དེ་ཚད་དང་ལྡན་པ་ཞིག་ཡོང་རྒྱུའི་སླད་དུ་དང་པོ་ནས་སྒྲིག་ཁྲིམས་མནན་མོ་ཞིག་འཇོག་རྒྱུ་གལ་ཆེ། སྤུས་དག་ཅིག་ཡོང་དགོས་ན་ཕྱོགས་གང་ནས་བལྟས་ན་ཤེས་ཡོན་ཡོད་མཁན་གྱི་བཙུན་མ་ཉུང་ཤོས་རེ་སྤྲད་ན་ལེགས།
བཀའ་ཟུར་རིན་ཆེན་མཁའ་འགྲོས་ལོ་མང་རིང་འབད་བརྩོན་བྱེད་པའི་གྲུབ་འབྲས་ཡག་པོ་རེད། མ་གཞི་དགེ་བཤེས་ཞེས་པའི་ལག་ཁྱེར་དེ་འཁྲབ་བསྟོན་བྱེད་ཆོག་ཟེར་བའི་ཐོབ་ཐང་ཞིག་རེད་དེ་སུ་ལ་སྤྲད་ན་ཡང་ཁྱད་པར་མེད་གི དཔེར་ན་དགེ་བཤེས་ལུང་རིག་རྒྱལ་མཚོ་ལ་དགའ་ལྡན་ཁྲིར་པའི་ཐོབ་ཐང་སྤྲད་པ་དང་དགེ་བཤེས་སྐལ་བཟང་དང་ལི་ཐང་སྣ་བུག་རྒྱལ་མཚོ་སོགས་ལ་དགེ་བཤེས་གི་ལག་ཁྱེར་སྤྲད་ཡོད་པ་ཚང་མ་གཅིག་མཚུངས་རེད། འདིའི་ཐ་སྙད་དེ་དགེ་བཤེས་ཡིན་དང་དགེ་བཤིག་ཡིན་གསལ་པོ་ཞིག་མི་འདུག དགེ་བཤིག་ཡིན་པའི་དཔང་རྟགས་མང་པོ་ཞིག་འདུག འོན་ཀྱང་དགེ་བཤེས་ཡིན་པའི་དཔང་རྟགས་ཧ་ཅང་གི་དཀོན་པོ་རེད་བཞག
ཀེ་ཏ་ཀ་་་་་་ལགས་་་་རིན་ཆེན་མཁའ་འགྲོས་བཀའ་ཁྲི་ལ་སྤྲེལ་ལད་འཁྲབ་ཟེར་བའི་སྐད་ཆ་དེས་ཁྱོད་རང་ལ་རྡ་སའི་གནས་ཚུལ་ལ་ཅུང་ཙམ་རྒྱུས་མངའ་མེད་པ་གསལ་སྟོན་བྱས་ཡོད།
རིན་ཆེན་མཁའ་འགྲོས་བཀའ་ཁྲི་བློ་སེང་ལ་ཕར་སྤྲེལ་ལད་འཁྲབ་རྒྱུ་ཕར་བཞག་་་་་་རིན་ཆེན་མཁའ་འགྲོས་བཀའ་ཁྲི་ལ་མར་བཙན་བཀའ་ཡང་གཏོང་ཆོག་པའི་གོ་རིམ་ཤེས་བ་གྱིས།
ཁྱི་བརྒྱུད་མཐོ་བོ་དང་མི་ཆེན་སྐུ་དྲག་ཚོས་ལག་འོག་ནས་བཀའ་ཁྲི་སེངྒེ་འདི་ནུས་མེད་ཉམས་ཆུང་ཞིག་ཡིན་པའི་གོ་རིམ་དེ་མ་ཤེས་མེད་ན་རྡ་སའི་གནས་ཚུལ་མ་ཤེས་བ་རེད།
བཀའ་ཁྲི་མཆོག་གི་གཏམ་བཤད་ཀྱི་ནང་དོན་ནི་གཟི་རྗི་ཆེན་ལ་
འོད་མདང་རྣམ་པར་བཀྲ་བའི་གསར་གཏོད་གྱི་ཆ་ཤས་ཤིག་རེད།
གཞུང་འབྲེལ་ཐོག་ནས་བོད་ཀྱི་བཙུན་མ་རྣམས་ལ་དགེ་བཤེས་མའི་ཕྱག་
འཁྱེར་བཞེས་རྒྱུའི་གོ་སྐབས་ཤིག་གནང་བ་ནི་གསར་གཏོད་དངོས་མ་རེད།
ཕེབས་ཟིན་པའི་བཀའ་ཁྲི་རྣམས་དང་བཀའ་བློན་སུ་གང་གིས་དེ་འདྲའི་ཁ་
གསལ་ཐོག་གོ་སྐབས་དེ་གནང་མེད།བཙུན་དགོན་ཁག་ཁ་ཤས་ནང་གཞུང་
ཆེན་བཀའ་པོད་ལྔའི་བསླབ་པ་མཐར་སོན་པའི་བཙུན་མ་ཇི་སྙེད་ཀྱི་
ཐོན་ཡོད་ན་ཡང་ད་ལྟ་བར་དགེ་བཤེས་མའི་ཕྱག་འཁྱེར་བཞེས་རྒྱུ་བྱུང་མེད།
དེ་རིང་བཀའ་ཁྲི་མཆོག་ནས་བཀའ་འཁྲོལ་གནང་བ་ནི་ལོ་རྒྱུས་ནང་བྱུང་མྱོང་མེད་པའི་གསར་གཏོད་ཞིག་རེད།མ་ཟད་རང་ཁ་རང་གསོ་ཡང་རེད།
བོད་ཀྱི་བཙུན་མ་རྣམས་སོ་སོའི་རྐང་པཐོག་ལང་ཐུབ་པའི་ཆ་རྐྱེན་དང་བཙུན་རྣམས་ཀྱིརང་ཁ་རང་གསོ་གནང་ཐུབ་པའི་ལམ་ཁ་གསར་པ་ཞིག་རེད།
རིན་ཆེན་མཁའ་འགྲོས་ལོ་མང་རིང་འབད་བརྩོན་བྱས་པའི་གྲུབ་འབྲས་སྨིན་གྲབ་འདུག་ཨ།
བཀའ་ཁྲི་སེངྒེ་འདི་རྒྱབ་དཔུང་མཐུག་པའི་རིན་ཆེན་མཁའ་འགྲོའི་ལག་འོག་ལ་འགྲོ་གྲབ་འདུག་ཨ།
དེང་སང་དགེ་བཤེས་ཟེར་བ་དེ་ལ་རྒྱུ་ཡོད་ན་གདན་ས་ནས་སྐུ་འགྱེད་དང་མང་ཇ་རྒྱུག་ནས་ལས་སླ་མོ་གཏོང་ཐུབ་ཀྱི་ཡོད།
དགེ་བཤེས་ལག་འཁྱེར་ཐོབ་ན་ཐར་པ་ཐུབ་སོང་བ་ལྟ་བུ་ཚད་མཐོ་བོ་ཞིག་གི་མི་སྣ་རླབས་ཆེན་ཆེ་མཐོང་ཡོད་བ་ཞིག་ཆགས་སོང་བ་མ་ཡིན་པ་ཤེས་བ་གྱིས།
བསམ་བཞིན་དུ་ཉོག་གཏམ་གླེང་བ་མིན་མོད། དངོས་གནས་བཤད་ན་”རྐང་པའི་སྒང་ལངས་མི་ཐུབ་མཁན་དེ་བྱིས་དམར་འབྱར་རམ། ཡང་ན་ཞ་བོ་ཞིག་ལས་འགྲོ་ས་མེད་ཨང་” སྙམ་ལ། སྤྱིར་བཏང་ནས་འདི་དང་འདི་འདྲས་མཚོན་ཐ་སྙད་མང་པོ་ཞིག་ཇི་ལྟར་བྱས་ཏེ་བརྒྱུད་ལམ་དུ་སྤྱད་ན་འོས་འཚམ་ཡིན་མིན་ལ་བརྡ་སྤྲོད་རིག་པ་སྨྲ་བ་སྤྱི་དང་། ཡང་དགོས་གསར་འགྱུར་གྱི་བྱ་བ་གཉེར་མཁན་ཚོས་དོ་ནན་གནང་དགོས་པ་ཞིག་རེད་སྙམ་མོ། །
རིན་ཆེན་མཁའ་འགྲོས་བཀའ་ཁྲི་མཆོག་སྤྲེལ་ལད་འཁྲབ་ནས་སྐད་བཏང་བ་མ་གཏོགས། ང་ཚོའི་ཁྲི་པ་གསར་པ་མཆོག་ལ་བོད་ཀྱི་ནང་དོན་རིག་གནས་ཕར་ཞོག ཕ་སྐད་དག་མ་ཞིག་ཀྱང་བསྐྱོན་ཤེས་ཀྱི་མེད་དུས། དགེ་བཤེས་མའི་ཕྱག་ཁྱེར་འབུལ་ཕྱོགས་སྐོར་ལ་བཀའ་ཁྲི་མཆོག་གིས་ལམ་སྟོན་ཅི་ལྟར་གནང། གལ་སྲིད་གནང་རྒྱུ་ཡོད་ན། རྡོ་ལས་འོ་མའང་ཐོན་རྒྱུ་ཡོད་པའི་ཆོས་ཉིད་གོ་ལྡོག་ཏུ་འགྲོ་ངེས་སྟབས། སྐུ་མཁྱེན་ཁྱེད་རྣམ་པས་བཙུན་མའི་བསྟན་པར་ཕྱག་ལས་གནང་གི་ཡོད་ན། དངོས་གནས་ཕན་པ་ཞིག་གནང་རོགས། མ་གཞི་ནས་རིན་ཆེན་མཁའ་འགྲོ་འདི་ལའང་ཞིབ་འཇུག་བྱ་རྒྱུ་མེད་པ་ཞིག་ག་ལ་ཡིན། བཙན་བྱོལ་ནང་གི་སྐྱུག་བྲོ་བའི་ཟུར་ངོས་དག་གླེང་ན་བློ་ཕམ་ཆེན་པོ་རེད་གདའ།
བཀའ་ཁྲི་མཆོག་གིས་དགེ་བཤེས་མར་ལག་ཁྱེར་སྤྲད་ན་གསར་སྟོད་ཡིན་ཟེར། སྐུ་ངོ་མཆོག་གི་གསར་སྟོད་ཀྱི་དམིགས་ཡུལ་ཧ་ཅང་ཆུང་འདུག། དེས་ན་ཁྱེད་ཀྱི་དུས་རྒྱུན་འབྲས་རྡ་ལི་ཟ་བཞིན་ཡོད་པས་དོ་དགོང་ཨ་མདོའི་འཐེན་ཐུག་ཞིག་བསྐོལ་ན་དེ་ཡང་གསར་སྟོད་ཡིན་རྒྱུ་རེད།
བཀའ་ཁྲིས་བཀའ་ཤག་གི་ལྟ་གྲུབ་གསུམ་དུ་སྒྲོག་བཞིན་པའི་རང་ཁ་རང་གསོ་ཐད་ནས་འགྲེལ་རྒྱག་སྐབས། དགེ་བཤེས་མར་ལག་འཁྱེར་སྤྲད་པ་ཡིན་ན། ད་གཟོད་བཙུན་མ་ཚོ་ས་སོའི་རྐང་པའི་ཐོག་ལངས་ཐུབ་མཁན་ཡིན་པར་བཤད་འདུག དེ་མིན་་་་་་་་
དགོས་མཁོ་དང་གནས་སྐབས་ལྟ་བཞིན་མཚམས་རེར་རང་ཁ་རང་གསོ་ལ་་་རང་མགོ་རང་ཐོན་་་ཡང་ཟེར་གྱི་འདུག
ཨ་མའི་བུ་ལ་ཡོན་ཏན་ཡོད་ན་དགའ་ལྡན་ཁྲི་བ་བདག་པོ་མེད།ཅེས་པ་འདི་ཨ་མ་ཞིག་གིས་རང་གི་བུ་ལ་བསྩལ་པའི་སྙིང་སྟོབས་ཡིན་ལ།བུ་ཡིས་ཀྱང་ཨ་མའི་རེ་འདུན་ཇི་བཞིན་ལེགས་པར་བསྐངས་ཡོད།
ཨ་མའི་བུ་ལ་ཡོན་ཏན་ཡོད་ན་བཀའ་བློན་ཁྲི་བ་བདག་པོ་མེད།ཅེས་པ་འདི་ནི་བུ་རྒོད་ཅིག་གིས་རང་ལ་སྙིང་སྟོབས་བསྩལ་པའི་ང་རོ་ཡིན་ལ།ད་ལྟ་རང་ཉིད་གངས་ཅན་བོད་ཀྱི་རྒྱལ་རབས་ལོ་རྒྱུས་ཀྱི་ལེའུ་ཞིག་ཏུ་ལེགས་པར་བཞེངས་ཐུབ་ཡོད།
ཡང་ཨ་མའི་བུ་མོར་ཡོན་ཏན་ཡོད་ན་བཤེས་གཉེན་བུ་མོར་བདག་པོ་མེད།ཅེས་པ་འདི་ལ་ཨ་མའི་བུ་མོ་སུ་ཞིག་འཛེགས་ཏེ་ལོ་རྒྱུས་དང་གཏམ་བརྒྱུད་གསར་བ་ཞིག་སུ་ཞིག་གིས་བསྐྲུན་ཐུབ་ན།བཀྲ་ཤིས་དང་དགའ་བསུའི་ཤིས་ཚིག་ཡང་ཡང་ཞུའོ།།
དེ་རིང་གི་བགྲོ་གླེང་འདིའི་ནང་ས་སྐྱ་དང་རྙིང་མ་བཀའ་བརྒྱུད་སོགས་ཀྱི་བཙུན་དགོན་ཁག་ཡོང་མི་དགོས་པའི་རྒྱུ་མཚན་ཅི་ཡིན་ནམ། འོ་ན་ཆོས་བརྒྱུད་དེ་དག་ལ་དགེ་བཤེས་ཤིག་པའི་མཚན་དེ་ཐོབ་ཐང་མེད་པ་རེད་དམ། དོན་ངོ་མའི་དགེ་བཤེས་དང་རབས་འབྱམས་པ་སོགས་བོད་ཀྱི་སྲོལ་དར་ས་གཙོ་བོའི་དེ་ས་སྐྱའི་ཕྱོགས་ནས་དར་ཡོད་པ་སུ་གང་གི་སྙོན་དུ་མེད། འོན་ཀྱང་ང་ཚོའི་ལས་འགུལ་དང་ཐོབ་ཐང་སོགས་འདྲ་མཉམ་མེད་པའི་ཉེར་ལེན་གྱིས་ནུས་པ་མཉམ་འདུས་དང་གོམས་བུ་ཆིག་སྒྲིལ་སོགས་་ཐོར་གཞིའི་རྩ་བའང་འདི་ལྟ་བུ་རིགས་དེ་ཡིན། འདིར་ཆོས་རིག་ལས་ཁུངས་ཀྱི་ངོས་ནས་ངེས་པར་གསལ་བཤད་ཅེས་གནང་དགོས།