གཟའ་པ་སངས་ཉིན་གྷི་རེ་སིའི་གྲོང་ཁྱེར་ཨ་ཐན་ནས་མགོ་བཙུགས་ཏེ། ༢༠༡༢ ལོའི་ཨོ་ལམ་པེ་ཁི་རྩེད་འགྲན་དཔལ་འབར་སྐོར་སྐྱོད་མགོ་འཛུགས་བྱས་ཡོད།
ཕྱི་ཚེས་ ༡༠ ཉིན་ནས་མགོ་བཙུགས་ཏེ་འདས་པའི་ཉིན་བརྒྱད་རིང་ ༢༠༡༢ ལོའི་ཨོ་ལམ་པེ་ཁི་(Olympic) རྩེད་འགྲན་དཔལ་སྒྲོན་ཏེ་གྷི་རེ་སིའི་ནང་སྐོར་སྐྱོད་བྱས་མཐར། ཚེས་ ༡༨ ཉིན་གྷི་རེ་སིའི་གནའ་བའི་གྲོང་ཁྱེར་ཨ་ཐན་(Athen) ནས་ཨོ་རྩེད་དཔལ་འབར་དེ་དངོས་སུ་རྩེད་འགྲན་ཚོགས་ཡུལ་དབྱིན་ཇིར་བརྒྱུད་སྤྲོད་བྱས་ཡོད་ལ། སྐབས་དེར་དབྱིན་ཇིའི་སྲིད་བློན་གཞོན་པ་ནེ་ཁི་དང་། ད་ལོའི་ཨོ་རྩེད་གོ་སྒྲིག་ཚོགས་ཆུང་གི་ཚོགས་གཙོ་སོགས་དབྱིན་ཇིའི་གནད་ཡོད་མི་སྣ་དང་དམག་མི། རྩེད་འགྲན་པ་མང་པོ་ཨོ་རྩེད་དཔལ་འབར་སྣེ་ལེན་ཞུ་རུ་བསླེབས་ཐོག དེ་སྔོན་ཨོ་ལམ་པེ་ཁི་རྩེད་འགྲན་ཁྲོད་གཟེངས་རྟགས་ཐོབ་མྱོང་མཁན་དབྱིན་ཡུལ་རྒྱལ་རིགས་སྲས་མོ་རོ་ཡལ་(Princess Royal)ལགས་ཀྱིས་དཔལ་འབར་རྩིས་ལེན་བྱས་ཡོད་པ་རེད།
དེ་རིང་ཚེས་ ༡༩ ཉིན་དབྱིན་ཡུལ་གྱི་རྐང་སྤོལ་རྩེད་འགྲན་པ་གྲགས་ཅན་བྷེ་ཀམ་(David Beckham) གྱིས་དཔལ་འབར་ཁྱེར་ཏེ། ཨོ་རྩེད་དཔལ་འབར་སྐོར་སྐྱོད་དེ་གྷི་རེ་སི་ནས་དབྱིན་ཡུལ་དུ་ཐོན་ཡོད་ལ། ཉིན་གྲངས་ ༧༠ ནང་མི་སྣ་ ༨༠༠༠ གིས་གྲོང་ཁྱེར་དང་གྲོང་རྡལ་ཁག་ ༡༠༡༩ ཙམ་བརྒྱུད་དེ། ཕྱི་ཟླ་ ༧ ཚེས་ ༢༧ ཉིན་དབྱིན་ཡུལ་གྱི་སི་ཊི་རཱ་ཧྥོར་ཌིའི་ (Stratford) ཨོ་རྩེད་ཐང་ཆེན་གྱི་ཨོ་ལམ་པེ་ཁི་རྩེད་འགྲན་དབུ་འབྱེད་མཛད་སྒོའི་སྟེང་བསླེབ་པ་བྱ་རྒྱུ་ཡིན་འདུག
གསར་འགོད་པ། བནྡེ་སྐྱབས།
ཨ་འདུས་མིག་ཆུས་གསུང་བ་ལས་གཞན་གོང་འོག་གཉིས་བཞིན་སྨོན་ཚིག་དག་དགོས་དོན་མེད་ཀི. དེ་ལས་ཉིས་སྟོང་བརྒྱད་དང་བཅུ་གཉིས་སྡུར་ནས་དཔྱད་རྗོད་སྤེལ་རོགས་ཞུ. དེ་དང་ལྷན་༢༠༠༨ ནས་བཟུང་བཙན་པོ་དམར་བོས་མ་ཉེས་ཁ་གཡོག་གིས་གཅར་བརྡུང་བཙོན་འཇུག་ཁྲིམས་བཅད་བྱས་ཚུལ་མིག་མཐོང་ལག་ཟིན་ཅི་ཡོད་རེ་རེ་བྱས་ཏེ་་་
ཉིས་སྟོང་བཅུ་གཉིས་ལོའི་ཨོ་རྩལ་སྤྲོ་བོ་ཡོངས་བའི་སྨོན་འདུན་ཞུ།
ཁྱེད་ཚོས་གོ་སོང་ངམ། སྟོང་ལོ་བརྒྱད་ལྟར་ཨོ་རྩལ་རྩེད་འགྲན་ཆེན་མོར་ཕྱོགས་གང་ཐད་ནས་ངོ་རྒོལ་བྱེད་མཁན་དང་། འགྲོ་ལམ་འགོག་མཁན་ཨི་འདུག ཡོད་རྒྱུ་མ་རེད་རང་དབང་རྒྱལ་ཁབ་ཅིག་དང་། སྒེར་གཅོད་པའི་རྒྱལ་ཁབ་གཉིས་བསྡུར་ཐབས་ག་ལ་ཡོད་ཨང་།
རྟེན་འབྲེལ་ཞུ། རྩེད་འགྲན་འདི་བརྒྱུད་ནས་འཛམ་གླིང་ཞི་བདེ་ཡོང་བའི་རེ་འདུན་ཞུ