དེ་རིང་ཕྱི་ཚེས་ ༢༨ ཉིན་རྒྱ་ནག་གཞུང་འབྲེལ་ཞིན་ཧྭ་གསར་ཁང་གིས་གནས་ཚུལ་སྤེལ་བ་ལྟར་ན། ཁ་སང་ཕྱི་ཚེས་ ༢༧ ཉིན་གྱི་བོད་ནང་གི་ཉིན་རྒྱབ་ཆུ་ཚོད་ ༢ དང་སྐར་མ་ ༡༦ སྟེང་། ལྷ་སའི་ཇོ་ཁང་མདུན་ཐང་དུ་རང་ལུས་མེར་བསྲེགས་ཀྱིས་ངོ་རྒོལ་སྐད་འབོད་བྱེད་མཁན། རང་ལོ་ ༡༩ ཡིན་པའི་རྡོ་རྗེ་ཚེ་བརྟན་ལགས་ཁ་སང་ཉེན་རྟོག་མི་སྣས་ལུས་སྟེང་གི་མེ་བསད་དེ་སྨན་ཁང་དུ་ཁྲིད་རྗེས་སྐུ་གྲོངས་ཟིན་པ་དང་། དར་རྒྱས་ལགས་མདང་དགོང་སྲོག་ཉེན་ལས་མཐར་སྟེ། སྐད་ཆ་བཤད་ཐུབ་ཀྱི་ཡོད་པའི་སྐོར་བཀོད་འདུག
འདིའི་ཐད་དེ་རིང་འབྲེལ་ཡོད་མི་སྣ་ཞིག་གིས་གནས་ཚུལ་མཁོ་སྤྲོད་བྱས་པ་ལྟར་ན། ཁ་སང་ཕྱི་ཚེས་ ༢༧ ཉིན་ལྷ་སའི་ཇོ་ཁང་མདུན་དུ། རྡོ་རྗེ་ཚེ་བརྟན་ལགས་དང་རྔ་པ་སོ་རུ་མའི་རང་ལོ་ ༢༥ ཡིན་པའི་དར་རྒྱས་ལགས་གཉིས་ཀྱིས། ཉིན་གུང་ཆུ་ཚོད་ ༡ ཡས་མས་སུ་ཇོ་ཁང་གཡོན་ཕྱོགས་ཀྱི་སྟག་ཤར་མགྲོན་ཁང་དུ་ཁང་མིག་གཅིག་བླངས་ཏེ་གྲ་སྒྲིག་བྱས་ཡོད་འདུག་ལ། ཆུ་ཚོད་ ༢ དང་སྐར་མ་ ༡༥ ཐོག་མགྲོན་ཁང་ནས་སྔ་གཞུག་ཏུ་ཕྱིར་ཐོན་ཏེ། ཀི་སྒྲ་སྒྲོག་བཞིན་རང་ལུས་མེར་སྒྲོན་རྗེས་མི་གཅིག་ཇོ་ཁང་མདུན་གྱི་དར་ཆེན་འཁྲིས་བར་མེ་ལྕེ་དམར་ལམ་ལམ་འབར་བཞིན་རྒྱུགས་ཡོད་པ་དང་། གཅིག་གོམ་པ་༡༠ ལྷག་རྒྱུཊ་རྗེས་སར་འགྱེལ་འདུག སྐབས་དེར་ནམ་རྒྱུན་དེར་ཡོད་པའི་སྐོར་སྲུང་དམག་གིས་མེ་བསད་རྗེས་བཙན་ཁྲིད་བྱས་ཡོད་འདུག
དེ་རིང་ཕྱི་ཚེས་ ༢༨ ཉིན་གྱི་ཞོགས་པར་ས་གནས་ཉེན་རྟོག་པ་རྡོ་རྗེ་ཚེ་བརྟན་ལགས་ཀྱིས་ཕ་ཡུལ་དུ་ཞིབ་དཔྱོད་བྱེད་དུ་ཡོང་ཡོད་པ་དང་། སྐབས་དེར་ཉེན་རྟོག་པས་ནང་མིར་ཁོང་གྲོངས་ཡོད་པའི་སྐོར་ལས་གསལ་བཤད་ཅི་ཡང་བྱས་མི་འདུག་ལ། ཁ་སང་ཁོང་དང་ཟ་ཁང་དེའི་དངུལ་གཉེར་གྱི་ལས་ཀ་བྱེད་བཞིན་པའི་དར་རྒྱས་གཉིས་ཀྱིས་རང་ལུས་མེར་བསྲེགས་ཀྱིས་རྒྱ་གཞུང་ངོ་རྒོལ་སྐད་འབོད་བྱས་རྗེས། ཟ་ཁང་གི་སྤྱིན་བདག་དང་ལས་རོགས་ཚང་མ་བཙན་ཁྲིད་བྱས་ཏེ། ཟ་ཁང་ནང་མི་གཅིག་ཀྱང་འགྲོ་མི་ཆོག་པར་བཟོས་ཡོད་འདུག
རང་ལོ་ ༡༩ ཡིན་པའི་རྡོ་རྗེ་ཚེ་བརྟན་ལགས་ནི། མདོ་སྨད་བླ་བྲང་བསང་ཆུ་རྫོང་འབོ་ར་ཞང་སྐྱ་དེའུ་ཁོག་རུ་ཁག་དང་། དགོན་པ་ནས་སྤྱི་ལེ་གཉིས་ཙམ་གྱི་སར་ཡོད་པའི་སྤེལ་ལུང་སྡེ་བའི་ཕ་བན་དེ་མཁར་དང་མ་སྒྲོལ་དཀར་སྐྱིད་གཉིས་ཀྱི་བུ་ཡིན་ཞིང་། ཆུང་དུས་འབོ་ར་སློབ་ཆུང་འགྲིམས་མྱོང་ཡོད་འདུག ལོ་ཤས་གོང་ནས་ལྷ་སར་ཡོང་སྟེ་ཁྲོམ་གཟིགས་སྒང་གི་༼ཉི་མའི་གླིང་༽ འབོད་པའི་བོད་པའི་ཟ་ཁང་ཞིག་ཏུ་མ་བྱན་གྱི་ལས་ཀ་བྱས་ཡོད་པ་དང་། སྔ་ལོར་ཕ་ཡུལ་དུ་ཕྱིན་སྟེ་འདི་ལོའི་ལོ་མགོར་ཕྱིར་ལོག་རྗེས་ཟ་ཁང་དེ་རུ་མུ་མཐུད་མ་བྱན་གྱི་ལས་ཀ་བྱེད་ཀྱི་ཡོད་འདུག ཁོང་ལ་སྤུན་མཆེད་བརྩོན་འགྲུས་རྒྱ་མཚོ་དང་དཀོན་མཆོག་བཀྲ་ཤིས་བཅས་གསུམ་ཡོད་པའི་ཁྲོད་ཀྱི་ཆུང་བ་དེ་ཡིན་འདུག
གསར་འགོད་པ། དོན་གོ
གངས་ཅན་ཞིང་གི་ཆོས་སྲིད་བྱ་བའི་གདུགས། །འདེགས་པའི་སྲི་ཞུར་གཏོགས་པའི་སྐྱེ་འགྲོ་ཀུན། །སྐྱེ་ཀུན་ཕྱག་ན་པད་མོས་རྗེས་བཟུང་སྟེ། །མ་དག་སྲིད་པའི་མཚོ་ལས་ཐར་བར་ཤོག
ཡང་དཔའ་བོ་ཞིག་གིས་རང་ས྄ྲོག་བ྄ློས་བཏང་ཚར་འདུག
དཀོན་མཆོག་མཁ྄ྱེན།༎།༎།༎།༎།༎།༎།༎།༎།༎།༎ཨོཾ་མ་ཎི་པད྄ྨེ་ཧུྃཿཨོཾ་མ་ཎི་པད྄ྨེ་ཧུྃཿཨོཾ་མ་ཎི་པད྄ྨེ་ཧུྃཿཨོཾ་མ་ཎི་པད྄ྨེ་ཧུྃཿཨོཾ་མ་ཎི་པད྄ྨེ་ཧུྃཿཨོཾ་མ་ཎི་པད྄ྨེ་ཧུྃཿཨོཾ་མ་ཎི་པད྄ྨེ་ཧུྃཿཨོཾ་མ་ཎི་པད྄ྨེ་ཧུྃཿཨོཾ་མ་ཎི་པད྄ྨེ་ཧུྃཿ
ཚེ་ལས་འདས་པ། རྡོ་རྗེ་ཚེ་བརྟན་གཙོས་པའི་སེམས་ཅན་ཚེ་ལས་འདས་ཚད་རྣམས་ཀྱི་སྔར་བསགས་ཀྱི་ཉེས་ལྟུང་ཐམ་ཅད་བྱང་ཞིང་དག་སྟེ་རྣམས་མཁྱེན་རྒྱལ་བའི་གོ་འཕང་བདེ་བླག་ཉིད་དུ་ཐོབ་པ་དང་། ཚེ་དང་ལྡན་པ་དར་རྒྱས་གཙོས་པའི་སེམས་ཅན་ཐམ་ཅད་ཀྱི་གནས་སྐབས་ཀྱི་མི་འདོད་པའི་རིགས་མཐའ་དག་ཞི་སྟེ་མཐར་ཐུག་རྫོགས་པའི་སངས་རྒྱས་ཀྱི་གོ་འཕང་ཐོབ་པའི་སྤྱན་རས་གཟིགས་ཀྱིས་བྱིན་གྱི་རླབ་ཏུ་གསོལ། ཨོཾ་མ་ཎི་པདྨེ་ཧུཾཿཨོཾ་མ་ཎི་པདྨེ་ཧུཾཿཨོཾ་མ་ཎི་པདྨེ་ཧུཾཿཨོཾ་མ་ཎི་པདྨེ་ཧུཾཿཨོཾ་མ་ཎི་པདྨེ་ཧུཾཨོཾ་མ་ཎི་པདྨེ་ཧུཾཿཨོཾ་མ་ཎི་པདྨེ་ཧུཾཿཿཨོཾ་མ་ཎི་པདྨེ་ཧུཾཿཨོཾ་མ་ཎི་པདྨེ་ཧུཾཿ