ངྷ་ས་ཚོཊ་སྐྱིད་བཅུ་གཅིག་ཐུན་མོང་གི་གོ་སྒྲིག་འོག དེ་རིང་ཕྱི་ཚེས་ ༡༩ ཉིན་གྱི་སྔ་དྲོའི་ཆུ་ཚོད་ ༩།༣༠ ཐོག་བཞུཊ་སྒར་ངྷ་ས་ཐེག་ཆེན་ཆོས་གླིང་གཙུག་ལག་ཁང་དུ། སྟག་ལུང་ཞབས་དྲུང་རིན་པོ་མཆོག་དང་རྣམ་གྲྭ་སློབ་དཔོན་རྣམ་གཉིས་དབུ་བཞུཊ་ཐོག་ངྷ་སའི་ཉེ་འཁོར་གྱི་དགོན་སྡེ་ཁག་གི་གྲྭ་བཙུན་རྣམ་པ་དང་། ཕྱོཊ་མཐའ་ཁག་གི་དགོན་པ་ ༢༡ ཙམ་གྱི་དགེ་འདུན་པའི་སྐུ་ཚབ། ས་གནས་མང་ཚོགས་བཅས་ཁྱོན་མི་བརྒྱ་ཕྲག་ལྷག་འདུ་འཛོམས་ཐོག ཉེ་ལམ་མདོ་སྨད་རྔ་པ་ཁུལ་འབར་ཁམས་རྫོང་དུ་རང་ལུས་མེར་བསྲེཊ་ཀྱིས་རྒྱ་གཞུང་ལ་ངོ་རྒོལ་བྱས་ཏེ་སྐུ་གྲོངས་པའི་གྲྭ་བློ་བཟང་བློ་འཛིན་གཙོས། བོད་ཕྱི་ནང་གཉིས་སུ་རང་ལུས་མེར་བསྲེཊ་བཏང་བའི་རྒྱལ་གཅེས་དཔའ་དཔའ་མོ་རྣམས་ཀྱི་ཆེད་བསྔོ་སྨོན་མཆོད་འབུལ་རྒྱས་པ་ཞིག་གནང་སོང་།
འདིའི་ཐད་ངྷ་ས་ཚོཊ་སྐྱིད་མཐུན་འབྲེལ་ཚོགས་པའི་ཚོཊ་གཙོ་དྭང་ཟུར་ཡོན་ཏན་རྒྱ་མཚོ་ལགས་ཀྱིས་བརྗོད་ན། ཐེངས་འདིའི་མཆོད་འབུལ་སྨོན་ལམ་དེ་གཙོ་བོ་ཕྱི་ཚེས་ ༡༧ ཉིན་འབར་ཁམས་རྫོང་དུ་རང་ལུས་མེར་བསྲེགས་བཏང་སྟེ་སྐུ་གྲོངས་པའི་གྲྭ་བློ་བཟང་བློ་འཛིན་ལགས་ཀྱི་དོན་དུ་ཡིན་ཚུལ་དང་། ༢༠༠༨ ལོར་བོད་ནང་ཞི་བའི་ངོ་རྒོལ་བྱུང་རྗེས་ངྷ་སའི་ཚོཊ་སྐྱིད་ཁག་མཉམ་འབྲེལ་གྱིས་དུས་ནས་དུས་སུ་མཆོད་འབུལ་སྨོན་ལམ་གོ་སྒྲིག་གནང་བཞིན་ཡོད་སྐོར་ངོ་སྤྲོད་གནང་སོང་།
གསར་འགོད་པ། དཔལ་ལྡན།
སྨོན་ལམ་ཞིག་གིས་འདས་པོར་རྗེས་དྲན་ཞུས།།
སྐད་འབོད་ཅིག་གིས་རྣམ་ཤེས་ཕར་ལ་བསྐྱལ།།
སྨོན་ལམ་སྐད་འབོད་ཆུ་ཡི་རླབས་རིས་འདྲ།།
བདེན་དོན་ཉི་གཞོན་འདྲེན་པའི་ཐབས་ལགས་སམ།།
ཚེ་སྲོག་ང་གཅིག་མེ་ལྕེའི་ཀློང་དུ་ཡལ།།
རྣམ་ཤེས་ང་གཅིག་གཤིན་རྗེའི་གྲོང་དུ་ལུས།།
དཔའ་རྒོད་ང་གཅིག་བདེན་དོན་ཕོ་ཉར་བསམ།།
ང་དང་ཁྱོད་རང་བདེ་བའི་མལ་དུ་ལྷུངས།།
མིག་གིས་མཐོང་བ་ཙམ་ཡང་མི་བཟོད་ཅིང་།།
སེམས་ཀྱིས་བསམ་ཚེ་སྙིང་ངང་གས་ལ་ཁད།།
རང་ལུས་མེ་ལྕེར་བསྒྲོན་པའི་དཔའ་རྒོད་དྲུང་།།
ང་ནི་སྡར་མའི་ཁྲོད་ཀྱི་སྡར་མ་ཞིག།