ཉེ་ཆར་ལིས་ཀྲན་ཧྲུའུ་ལས་གནས་གཞན་དུ་གཏོང་རྒྱུ་ཡིན་པ་བསྒྲགས་ཏེ་ལས་མཚམས་བཞག་ཡོད་ལ། དེ་ནི་ཧུའུ་ཞིས་གཉིས་ཀྱི་ཕྱོགས་མཐུན་མི་སྣ་བསྐོ་འཐེན་གྱི་འགག་རྩ་ཞིག་ཆགས་ཡོད་འདུག
ཟླ་འདིའི་ཕྱི་ཚེས་ ༡༨ ཉིན་རྒྱ་ནག་ཀུའེ་ཀྲིག་ཞིང་ཆེན་གྱིས་ཚོགས་འདུ་ཞིག་བསྐངས་ཏེ། ཚོགས་ཐོག་ཏུ་རྒྱ་ནག་དབུས་གཞུང་གི་ཐག་གཅོད་ལྟར། ལིས་ཀྲན་ཧྲུའུ་ཡིས་ད་ལྟའི་ཀུའེ་ཀྲིག་ཞིང་ཆེན་གྱི་དམར་ཤོག་དྲུང་ཆེ་དང་རྒྱུན་ལས། འཐུས་མི་བཅས་ཀྱི་ལས་འཁུར་མཚམས་བཞག་སྟེ། ལས་གནས་གཞན་པར་གོ་སྒྲིག་བྱ་རྒྱུ་ཡིན་པ་བསྒྲགས་འདུག
མིང་གསལ་འདོན་བྱས་མེད་པའི་འབྲེལ་ཡོད་མི་སྣ་གཉིས་ཀྱིས་རོའུ་ཌིར་གསར་ཁང་ལ་བརྗོད་པ་ལྟར་ན། ད་ལྟ་ལོ་ ༦༡ ཡིན་པའི་ལིས་ཀྲན་ཧྲུའུ་ནི་རྒྱ་ནག་དབུས་གཞུང་སྒྲུབ་ཁང་གི་དྲུང་ཆེར་བསྐོ་འཆར་ཡིན་འདུག ཡང་འབྲེལ་ཡོད་མི་སྣ་ཁག་གིས་ལིས་ཀྲན་ཧྲུའུ་རྒྱ་གཞུང་དབུས་རྩ་འཛུགས་སྡེ་ཁག་གི་མགོ་གཙོར་བསྐོ་འཆར་ཡིན་པ་དང་། རྩ་འཛུགས་སྡེ་ཁག་ནི་རྒྱ་གཞུང་དཔོན་རིགས་བསྐོ་འཐེན་ཐད་སྟངས་འཛིན་གྱི་དབང་ཤུགས་ཡོད་པའི་འགག་རྩའི་ལས་གནས་ཤིག་ཆགས་ཡོད་པར་བརྗོད།
རྒྱ་གཞུང་སྐབས་བཅོ་བརྒྱད་པའི་ཚོགས་ཆེན་སྔོན་གྱི་ས་གནས་ཞིང་ཆེན་ ༢༣ དང་། རང་སྐྱོང་ལྗོངས་ ༥ ། ཐད་གཏོགས་གྲོང་ཁྱེར་ ༤ བཅས་ཀྱི་མཐོ་རིམ་དཔོན་རིགས་བསྐོ་འཐེན་གྱི་ལས་གཞི་དེ། འདས་པའི་ཟླ་ ༩ ལྷག་གི་དུས་ཡུན་རིང་ནང་ཁུལ་འདེམས་སྒྲིག་བྱས་ཏེ། ཉེ་ཆར་ཕྱི་ཟླ་ ༧ ཚེས་ ༣ ཉིན་མཇུག་བསྡུས་ཡོད་པ་རེད།
སྲིད་དོན་དབྱེ་ཞིབ་པ་དག་གིས་ལིས་ཀྲན་ཧྲུའུ་ནི་ཧུའུ་ཅིན་ཐའོ་དང་ཞིས་ཅིན་ཕེན་གཉིས་ལ་འབྲེལ་བ་ལེགས་པོ་ཡོད་སྟབས། ཧུའུ་ཞིས་ཤོག་ཁག་གཉིས་ཀྱིས་དང་ལེན་བྱེད་བདེ་བའི་མི་སྣ་ཞིག་ཆགས་ཡོད་པ་དང་། གནས་ཚུལ་འདིའི་རྒྱབ་ལྗོངས་གཙོ་བོ་ནི་ཧུའུ་ཡི་གཙོ་འཁོར་དུ་གླེང་བཞིན་པའི་ཅིན་ཅིས་ཧྭ་སྐབས་རྗེས་མའི་རྒྱུན་ལས་ཁྲོད་འགྲོ་ཐུབ་མིན་དེ་ཡིན་ལ། ཉེ་སྔོན་གསར་ལམ་ཁག་ཏུ་ཅིན་དང་པའོ། ཀྲུའུ་གསུམ་ལྐོག་འབྲེལ་ཡོད་པའི་གནས་ཚུལ་ཕྱིར་ཁྱབ་པ་དེས། དོན་གྱིས་ཅིན་ཅིས་ཧྭ་ཡི་ད་ལྟའི་དབང་ཤུགས་དང་། སྐབས་རྗེས་མིའི་རྒྱ་གཞུང་དབུས་ཆབ་སྲིད་ལྷན་ཁང་གི་རྒྱུན་ལས་ཁྲོད་ཁོ་སླེབས་སྲིད་པའི་རྣམ་འགྱུར་ཞིག་ལ་ངོས་འཛིན་བྱེད་བཞིན་ཡོད་འདུག
ལོ་སྔོན་མའི་ཕྱི་ཟླ་ ༡ ཚེས་ ༡༧ ཉིན་རྒྱ་ནག་གཞུང་འབྲེལ་ཤིན་ཧྭ་རྒྱ་དྲ་བའི་སྟེང་། ཟླ་དེའི་ཕྱི་ཚེས་ ༡༣ ཉིན་ཀུའེ་ཀྲིག་ཞིང་ཆེན་གྱི་དམར་ཤོག་དྲུང་ཆེ་ལིས་ཀྲན་ཧྲུའུ་ཡིས་དགུན་འཁྱག་གི་གྲང་ངར་ཁྲོད། ཡུན་ནན་དང་ཀུའེ་ཀྲིག་མཐའ་མཚམས་ཝུན་མཱན་རི་ཁུལ་དུ་ཡོད་པའི་དབུལ་ཕུངས་གྲོང་ཚོ་ཡཱིས་ནཱ་རུ་བསྐྱོད་དེ། ཉིན་གཉིས་རིང་ཞིང་དབུལ་ཁྱིམ་ཚང་དུ་ཞག་སྡོད་དང་ཞིང་གྲོང་མང་ཚོགས་ཀྱི་ཟ་མ་ཟས་ཤིང་། དབུལ་ཕུངས་མི་མང་གི་འཚོ་བར་རྒྱུས་ལོན་བྱས་སྐོར་གྱི་དྲ་ངོས་ཤོག་གྲངས་ ༡༠ ཅན་གྱི་དམིགས་བསལ་གསར་འགྱུར་རྒྱས་པ་ཞིག་སྤེལ་ཏེ། ལིས་ཀྲན་ཧྲུའུ་མི་མང་ཁྲོད་དྲིལ་བསྒྲགས་ཡོང་ཐབས་བྱས་མྱོང་ཡོད་པ་རེད།
ད་ཡོད་རྒྱ་གཞུང་དབུས་དམར་ཤོག་འཐུས་མི་དང་རྗེས་སྣོན་འཐུས་མི་ཁྱོན་བསྡོམས་ ༣༥༠ ཡོད་པའི་ནང་ནས། འཐུས་མི་ ༢༠༠ ལྷག་རྒན་ཡོལ་འགྲོ་དགོས་ལ། དབུས་ཆབ་སྲིད་ལྷན་ཁང་གི་དམར་ཤོག་འཐུས་མི་ ༢༥ ཁྲོད་ནས་མི་ ༡༧ སྐབས་བཅོ་བརྒྱད་པའི་ཚོགས་ཆེན་སྔོན་དུ་རྒན་ཡོལ་བྱ་དགོས་པ་མ་ཟད། སྐབས་རྗེས་མའི་རྒྱ་གཞུང་དབུས་ཆབ་སྲིད་ལྷན་ཁང་གི་རྒྱུན་ལས་གྲས་སུ། ད་ཡོད་རྒྱུན་ལས་ཞིས་ཅིན་ཕེན་དང་ལི་ཁི་ཆང་གཉིས་མ་གཏོགས་གཞན་ཚང་མ་རྒན་ཡོལ་འགྲོ་དགོས་པ་ཆགས་ཡོད།
དེ་རིང་ཁ་སང་དྲ་ངོས་གང་སར་རྒྱ་དཔོན་མཐོ་རིམ་མི་སྣ་ཚོ་ནང་འཁྲུགས་བྱུང་ན་བོད་ཀྱི་གནད་དོན་དེ། སྐྱ་རེངས་ཀྱི་དུས་བཟང་ཞིག་ཤར་ནས་རྣམ་ལྡན་གྱི་སྐྱེ་བོ་མཐའ་དག་མུན་པའི་གནས་ལས་ཐར་བར་འདོད་མཁན་ཤ་སྟག་ཏུ་སྣང་། དེ་ནི་འབོད་མེད་ལྷུན་གྱིས་གྲུབ་པའི་དགོས་འདུན་ཞིག་དང་། རོ་མྱོང་མི་ཐུབ་པའི་གཡུར་ཟའི་འབྲས་བུ་ཞིག་ཡིན་པ་སོམ་ཉི་ཅི་ཡོད། མ་ཟད་མཐོ་རྒྱལ་ཁབ་ཆེན་པོ་ཨ་རི་དང་། དམའ་གཉོམ་ཆུང་དུ་གནས་པའི་བོད་མི་གཙོས་པའི། རང་དབང་ལ་དགའ་བའི་མི་རིགས་མཐའ་དག་གི་རེ་འདུན་ཡང་དེ་ཉིད་ཡིན། འདིའི་མིག་དཔེ་གཟས་ས་ནི་དེ་སྔོན་ཨུ་རུ་སུའི་འཕོ་འགྱུར་ལ་བལྟས་ནས་མི་རྣམས་ཀྱིས་རེ་བསྒུག་བྱེད་བཞིན་ཡོད། འོན་ཀྱང་དོན་ངོ་མ་བསམས་ན་ནི་ཁག་པོ་ཞིག་རེད། ནམ་ཞིག་རྒྱ་ནག་འདི་ནང་འཁྲུག་བྱུང་ནའང་བོད་ལ་ཕན་པའི་རྒྱལ་ཁབ་ཅིག་གྱུར་རྒྱུ་སྟེ་དེ་བས་ཁག་ཙམ་ཡིན། དེ་སྔོན་མན་ཇུའི་རྒྱལ་རབས་སྟེ་སུན་ཙོམ་ཧྲིན་གྱིས་མགོ་སྟེང་བསློགས་ནས་མི་སེར་གྱི་རྒྱལ་ཁབ་དེ་བཙུགས་པ་རེད། རྗེས་སུ་མི་སེར་རྒྱལ་ཁབ་ནང་ལ་འཕོ་འགྱུར་ཕྱིན་སྐབས་མན་ཇུའི་མི་རིགས་ལ་ཕན་ཐོགས་གང་ཡང་བྱུང་མེད། ཡང་ན་མང་གཙོ་ཆགས་ན་ཕན་ཐོགས་ཡོད་ཅེས་བརྗོད་ན། དེ་སྔོན་སྐབས་སུ་རྒྱ་གར་གྱི་མངའ་སྡེའི་ནང་གསེས་པཱ་འཇའ་ཕིས་རང་བཙན་དགོས་ཟེར་ཏེ་ངོ་རྒོལ་དང་འཐབ་རྩོད་བྱས་པ་རེད། སྐབས་དེར་རྒྱ་གར་གྱི་སྲིད་འཛིན་ཨིན་ཌ་གྷན་དི་རེད། མོས་དམག་མི་བཏང་པའི་ལོ་རྒྱུས་ཚབས་ཆེན་ཡོད་པ་ལས་པཱ་འཇའ་ཕིར་ཕན་ཐོགས་དང་རྒྱལ་ཁ་ཐོབ་པའི་ལོ་རྒྱུས་གང་ཡང་བྱུང་མེད། རྒྱ་གར་འདི། དེའི་སྐབས་སུ་ནས་མང་གཙོ་གཙང་མའི་རྒྱལ་ཁབ་ཅིག་ཡིན་པ་མ་ཟད་རང་ཉིད་རང་བཙན་ཐོབ་པའི་མི་རིགས་ཤིག་ཡིན། ཡང་ན་རྒྱ་ནག་འདི་མང་གཙོ་འགྱུར་ཚེ་འགྲོ་བ་མིའི་ཐོབ་ཐང་དང་ཧྭམ་གྱི་མི་རིགས་འདྲ་མཉམ་སོགས་གྱུར་ཏེ། བོད་མི་རྣམས་ལ་དཀའ་ངལ་མེད་པར་ཆགས་རྒྱུ་རེད་ཅེས་བརྗོད་ན་དེ་བས་ངེས་པ་མེད། རྒྱ་གར་ནང་དུ་ལ་དྭགས་ཀྱི་མི་རིགས་དང་། ཁྱི་ཤའི་མི་རིགས་དག་ལ་ཕན་ཐོགས་ཇི་ཙམ་ཡོད་པ་ང་ཚོས་མཐོང་གསལ་ཡིན། མ་ཟད་ཨ་རིའི་གདོད་མའི་མི་སེར་དེ་གནའ་དུས་ནས་ཡུལ་མི་ཡིན་ནའང་དེ་ཙམ་གྱི་ཕན་ཐོགས་དང་ཁེ་བཟང་ཡོད་པ་མཐོང་ཨེ་སོང་། རྒྱ་གར་དང་ཨ་རི་གཉིས་ཀ་མང་གཙོའི་རྒྱལ་ཁབ་ཅིག་རེད། དེས་ན་ང་ཚོའི་མི་རིགས་འདི་ནི་ཆེས་དུས་ཡིན་གང་འཚམ་ནས་རྗེས་ལུས་སུ་ཐེབས་སྟབས་ད་ཆར་གང་འདྲ་བྱས་ན་ཡང་ནུས་པ་ཐོན་རྒྱུ་ཁག་པོ་ཡིན། ཡིན་ནའང་ངས་ལྷག་བསམ་མེད་པར་ཁ་ནང་གང་དྲན་ཞིག་བཤད་པ་རེད་ཅིག་སོམས་ཤིག མ་ཟད་ངས་ཆེས་མཐའ་མའི་སྐད་ཆ་ཞིག་བཤད་ན་ང་ཚོར་དགོས་པ་སློབ་སྦྱོང་དེ་རེད། འདི་ང་ཚོ་བསླུ་མི་ཡོང་ལ། ད་ལྟའི་ཆར་འདི་ལས་ལྷག་པ་ཞིག་ཡེ་ནས་མ་མཐོང་སོང་། ང་ཚོས་རྒྱ་ནག་གི་འཕོ་འགྱུར་རྐྱང་རྐྱང་བསྒུགས་ཏེ་བསྡད་ན་ཉིན་ཞིག་གང་ཡང་སླེབ་མཁན་མེད་པར་ཁེ་རྐྱང་དུ་ལྷག་སྲིད།
ཧ་ཧ་ མངའ་རིས་ཕོ་ཉ་ལགས་ཀྱི་གསུངས་ནང་བཞིན་ཡིན་སྲིད་པ་རེད།
རྒྱ་དཔོན་ནང་འཁྲུག་བྱུང་ན་༼བཀང་ཐང་ལས་༽བལ་ཡུལ་རྒྱ་རྫོང་རྣམས་སུ་འཁྲུག་པར་བྱེད། བོད་ལ་སྐྱིད་པའི་ཉི་མ་ཅུང་ཟད་འཆར། སྤྱོད་ངན་རང་གི་བྱས་ནས་དུས་ངན་ཟེར། དུས་ནི་མི་འགྱུར་མི་རྣམས་འགྱུར་བ་ཡིན།