ད་ནངས་ཀིརྟི་དགེ་རྩ་ཚོགས་པའི་ཚོཊ་ཁང་དུ། སྤྱི་འཐུས་དང་ལོ་རྒྱུས་སྨྲ་བ་ཁག་ཅིག་གིས་དབུ་མའི་ལམ་ལས་འགུལ་ཁང་གི་ས་གནས་ཚོཊ་མི་ཚོར་རང་བཙན་དང་ལམ་དབུ་མའི་ལམ་གྱི་འགལ་འབྲེལ་ཐོག་གཏམ་བཤད་སྤེལ་ཡོད།
དབུ་མའི་ལམ་མི་མང་ལས་འགུལ་ཁང་གི་གོ་སྒྲིག་འོག དེ་རིང་ཕྱི་ཚེས་ ༢༧ ཉིན་གྱི་སྔ་དྲོའི་ཆུ་ཚོད་ ༩།༣༠ སྟེང་བཞུཊ་སྒར་ཀིརྟི་དགེ་རྩ་ཚོགས་པའི་ཚོགས་ཁང་དུ། དྷ་ས་ས་གནས་དབུ་མའི་ལམ་མི་མང་ལས་འགུལ་ཁང་གི་ཚོགས་མི་ཚོར་དུས་ཡུན་ཉིན་གཅིག་རིང་གི་ཟབ་སྦྱོང་ཞིག་སྤྲད་ཡོད་ཅིང་། ཐེངས་འདིའི་ཟབ་སྦྱོང་སྤྲོད་མཁན་ལ་སྤྱི་འཐུས་ཀརྨ་ཆོས་འཕེལ་ལཊ་དང་སྤྱི་འཐུས་དགེ་བཤེས་རོང་པོ་བློ་བཟང་སྙན་གྲཊ། སྤྱི་འཐུས་ཐུབ་བསྟན་ལུང་རིཊ། ལོ་རྒྱུས་ཉམས་ཞིབ་པ་བཀྲ་ཤིས་ཚེ་རིང་བཅས་ཕེབས་འདུག
ཐེངས་འདིའི་ཟབ་སྦྱོང་སྐབས་བོད་མི་མང་སྤྱི་འཐུས་ཀརྨ་ཆོས་འཕེལ་ལགས་ཀྱིས། ༼རང་བཙན་མ་གཏོཊ་དབུ་མའི་ལམ་དུ་བསྐྱོད་མི་ཐུབ་པའི་རྒྱུ་མཚན༽ ཞེས་པའི་བརྗོད་གཞིའི་ཐོག་གཏམ་བཤད་སྤེལ་ཡོད་ཅིང་། དེ་བཞིན་དགེ་ལུཊ་སྤྱི་འཐུས་དགེ་བཤེས་རོང་པོ་བློ་བཟང་སྙན་གྲགས་ལཊ་ཀྱིས། ༼རང་བཙན་འཐབ་རྩོད་མ་གནང་བར་དབུ་མའི་ལམ་དུ་བསྐྱོད་དགོས་པའི་རྒྱུ་མཚན༽ཞེས་པའི་བརྗོད་གཞིའི་ཐོག་གཏམ་བཤད། ཨ་མྱེས་རྨ་ཆེན་བོད་ཀྱི་རིག་གཞུང་ཞིབ་འཇུག་ཁང་གི་འགན་འཛིན་དང་ལོ་རྒྱུས་ཉམས་ཞིབ་པ་བཀྲ་ཤིས་ཚེ་རིང་ལཊ་ཀྱིས། ༼ཡོན་རྒྱལ་རབས་སྐབས་བོད་རྒྱ་ནག་གི་ཆ་ཤས་ཡིན་མིན་གྱི་དོན་དངོས༽ ཞེས་པའི་བརྗོད་གཞི། བཀའ་ཟུར་དང་སྤྱི་འཐུས་ཐུབ་བསྟན་ལུང་རིཊ་ལགས་ཀྱིས། ༼བཀའ་ཤག་སྐབས་བཅུ་གཉིས་དང་བཅུ་གསུམ་པས་དབུ་མའི་ལམ་གྱི་སྲིད་བྱུས་འཛིན་ཕྱོཊ༽ཞེས་པའི་བརྗོད་གཞིའི་ཐོག་གཏམ་བཤད་སྤེལ་རྒྱུ་ཡིན་འདུག
གསར་འགོད་པས་དབུ་མའི་ལམ་མི་མང་ལས་འགུལ་ཁང་གི་རིག་གཞུང་འགན་འཛིན་བློ་བཟང་ཆོས་འབྱོར་ལཊ་སུ་ཟབ་སྦྱོང་གོ་སྒྲིག་གནང་དོན་སྐོར་བཅར་འདྲི་ཞུས་པར། དེང་སྐབས་བོད་པའི་སྤྱི་ཚོཊ་ནང་ལྟ་གྲུབ་གཅིག་ཀྱང་ཐབས་ལམ་མ་འདྲ་བའི་དབང་གིས་ལས་འགུལ་སྤེལ་ཕྱོཊ་ཁྱད་པར་ཡོང་གི་ཡོད་སྟབས། ཐེངས་འདིའི་ཟབ་སྦྱོང་དེ་དབུ་མའི་ལམ་མི་མང་ལས་འགུལ་ཁང་གི་ས་གནས་ཚོཊ་མི་ཚོར་ལྟ་གྲུབ་འདྲ་མིན་ཐོག་གོ་རྟོགས་སྤེལ་རྒྱུ་དང་།མ་འོངས་པར་དབུ་མའི་ལམ་མི་མང་ལས་འགུལ་ཁང་གི་ངོས་ནས། དབུ་མའི་ལམ་གྱི་ལས་འགུལ་དེ་རྣམ་པ་གསར་པ་ཞིག་དང་སྤུས་དག་པོ་ཞིག་སྤེལ་ཐུབ་རྒྱུར་དམིཊ་པ་ཞིག་ཡིན་ཞེས་བརྗོད་སོང་།
ཟླ་འདིའི་ཕྱི་ཚེས་ ༡༣ ཉིན་དབུ་མའི་ལམ་མི་མང་ལས་འགུལ་ཁང་གི་ངྷ་རམ་ས་ལའི་ས་གནས་རྒྱུན་ལས་ ༡༨ གསར་འདེམ་གནང་ཡོད་འདུག
༼ གནས་ཚུལ་རྒྱས་པ་བོད་ཀྱི་དུས་བབ་ཚགས་པར་སྟེང་འགོད་རྒྱུ་ཡིན།༽
གསར་འགོད་པ། དཔལ་ལྡན།
དབུ་མའི་ལམ་གྱི་ཟབ་སྦྱོང་གནང་སྐབས་་་་རང་བཙན་མ་གཏོགས་དབུ་མའི་ལམ་དུ་བསྐྱོད་མི་ཐུབ་པ་་་་ཞེས་པ་བཅུག་དགོས་དོན་གང་ཡིན་ནམ། དེ་ནི་དབུ་མའི་ལམ་ལ་ཟབ་སྦྱོང་མིན་པར་མ་ཟད་གཉའ་གནོན་འདྲ་བོ་ཞིག་མཐོང་གི་འདུག།
དབུས་བོད་མི་སྒྲིགས་འཛུགས་ཀྱི་ལམ་ཕྱོགས་དབུ་མིའི་ལམ་ཡིན་པ་མ་ཚད་བཙལ་བྱོལ་ས་ཁུལ་མང་དག་ཞིག་གི་ནང་དབུས་བོད་མི་སྒྲིགས་འཛུགས་ཀྱི་དོན་སྐྱོད་ཁང་ནས་དབུ་མིའི་ལམ་གཞི་རྩ་འཛིན་ནས་ལས་དོན་བྱེད་ཀྱི་ཡོད།
དབུས་གཙང་སྤྱི་འཐུས་ཟླ་བ་ཚེ་རིང་གི་རང་གི་ཁེ་ཕན་དང་རང་གི་ཕྱོགས་གཏོག་རྣམས་འདུལ་ཐབས་དང་དཔལ་འབྱོར་གྱིས་ལས་འགུལ་ཆེད་འདི་སྤེལ་བ་ཡིན་པས་ནམ་ཡང་ངོས་ལན་མེད།་་མ་ཚད་ད་དུང་ཁོང་གི་ཡོང་གླིང་སློབ་གྲཱ་སྤྱི་རྒྱུ་དགེ་བདག་གནང་ནས་སྡོད་ཡོད་པའི་གནས་ཚུལ་འདུག་པས་དངོས་ནས་ཉེན་ཅན་པ་རང་རེད།
དབུ་མའི་ལམ་གྱི་མི་མང་ལས་འགུལ་ཁང་གི་དབུས་ས་གཉིས་ཀྱི་ལས་འགུལ་བ་ཚང་མར་རྗེས་སུ་ཡི་རང་ཡོད།
ཁྱེད་རྣམ་པའི་བྱ་བ་ལམ་ལྷོང་དང་སྤྱི་དོན་ལེགས་འགྲུབ་ཡོང་བའི་སྨོན་ལམ་གྲངས་མེད་ཡོད།
བོད་རྒྱལ་ལོ།
དབུ་མའི་ལམ་གྱི་ལས་འགུལ་ཁང་གི་ལས་འགུལ་ཡག་པོ་འདུག སྐུ་ངོ་ཀརྨ་ཆོས་འཕེལ་ལྟ་བུ་རྣམ་དཔྱོད་ཅན་གྱི་མི་སྐད་བཏང་བ་དེས་དོན་དངོས་ཀྱི་གནས་ལུགས་ཤེས་རྟོགས་ཐུབ་ངེས་རེད། ངོ་མ་ཡག་པོ་འདུག
ལྷག་པར་དབུས་གཙང་ཚོགས་གཙོ་ཟླ་བ་ཚེ་རིང་གི་ངོས་ནས་ཚོགས་ཟུར་ཀརྨ་ཆོས་འཕེལ་གདན་ཞུ་གནང་བ་དེས་འབྲེལ་ལམ་ལའང་ཕན་གྱི་རེད། གཞན་མཁས་དབང་བཀྲ་ཤིས་ཚེ་རིང་དང་། བཀའ་ཟུར་ཐུབ་བསྟན་ལུང་རིགས། བློ་བཟང་སྙན་གྲགས་སོགས་གདན་ཞུ་གནང་བ་དེ་ཡག་བྱུང་།
གསར་འགོད་པ་ནོར་འདུག ༧།༡༣ཉིན་སྐབས་དང་པོའི་རྡ་ས་ས་གནས་རྒྱུན་ལས་གསར་འདེམས་བྱུང་བ་རེད།
རྡ་ས་ས་གནས་དབུ་མའི་ལམ་མི་མང་ལས་འགུལ་ཁང་གི་རྒྱུན་ལས་སུ་གཞོན་སྐྱེས་ཤེས་ཡོན་ཅན་མང་ཙམ་སླེབས་འདུག་པ་དགའ་བོ་བྱུང།
དབུ་མའི་ལམ་ནི་འཛམ་གླིང་ཞི་བདེའི་ཁ་ཕྱོགས་དང་ཧ་ཅང་མཐུན་ཞིང་། དེང་གི་ཡུལ་དུས་གནས་བབ་དང་ཡང་ཤིན་ཏུ་མཐུན་པ། མི་རེ་རེས་ནུས་པ་འདོན་ས་འགྲོ་བའི་བོད་མི་རིགས་ས་ཁོངས་དང་བཅས་པ་ཆིག་སྒྲིལ་གྱི་རྣམ་པ་གསར་བའི་ཁྱིམ་ཚང་ཆེན་པོ་ཞིག་གི་སྒྲོམ་གཞི་ཡིན།
དེ་ཡང་ད་ལྟའི་བོད་མིའི་སྒྲིག་འཛུགས་ཀྱི་དམངས་གཙོའི་སྲིད་བྱུས་ཡིན་ལ། བོད་མིའི་དོན་གྱི་བདག་པོ་༸རྒྱལ་དབང་ཐམས་ཅད་མཁྱེན་པས་ཐོག་མཐའ་བར་གསུམ་དུ་ལེགས་པར་དཔྱད་ཅིང་ཀུན་ལ་བསྒྲགས་པའི་བོད་མི་རིགས་ཀྱི་མ་འོངས་གསེར་གྱི་ལམ་ཆེན་ཡིན། དེས་ན་གཟུར་གནས་རྣམ་དཔྱོད་ཅན་གྱི་སྐྱེ་བོ་ཞིག་དག་གིས་འདི་ལ་ཡིད་ཆེས་དང་ངེས་ཤེས་སྐྱེད་པར་རིགས་སོ། །
“ངྷ་ས་ས་གནས་དབུ་མའི་ལམ་མི་མང་ལས་འགུལ་ཁང་ནི། ༢༠༡༢ ལོའི་ཟླ་ ༧ ཚེས་ ༡༣ ཉིན་གསར་དུ་བཙུཊ་པ་ཞིག་ཡིན་ཞིང་། ད་ཆར་ཚོགས་པ་དེར་ཁྱོན་ཚོགས་མི་ ༡༨ ཙམ་ཡོད་འདུག”
ཟེར་བ་འདི་ཉི་མ་དེའི་གསར་གནས་ཁ བརྡར་བཀོད་པ་དེ་ལ་གཞི་བཞག་ཡིན་ནམ་སྙམ།
http://www.khabdha.org/?p=31239
གསར་གནས་དང་རྒྱུན་ལས་རྣམ་པའི་འདྲ་པར་སོགས་གོང་བཀོད་དྲ་ཐག་ནས་གཟིགས་ཐུབ་པ་འདུག
“ངྷ་ས་ས་གནས་དབུ་མའི་ལམ་མི་མང་ལས་འགུལ་ཁང་ནི། ༢༠༡༢ ལོའི་ཟླ་ ༧ ཚེས་ ༡༣ ཉིན་གསར་དུ་བཙུཊ་པ་ཞིག་ཡིན་ཞིང་། ད་ཆར་ཚོགས་པ་དེར་ཁྱོན་ཚོགས་མི་ ༡༨ ཙམ་ཡོད་འདུག”
སྤྱིར་དབུ་མའི་ལམ་གྱི་མི་མང་ལས་འགུལ་ཁང་ནི་༢༠༠༨།༠༢།༡༥ཉིན་ཐོག་མའི་ཚོགས་ཆེན་དང་འབྲེལ་དངོས་སུ་དབུ་བརྙེས་པ་ཡིན། དེ་རྗེས་རྡ་སར་དབུ་མའི་ལམ་གྱི་མི་མང་ལས་འགུལ་ཁང་གི་ལས་ཁུངས་ཟུར་འཛུགས་ཀྱིས་ས་གནས་ཁག་ལ་ཡང་ཡན་ལག་དབུ་མའི་ལམ་གྱི་མི་མང་འགུལ་ཁང་གི་འབྲེལ་མཐུད་པ་བསྐོ་འཛུགས་གནང་ཡོད། དེས་ན་རྡ་སར་དབུས་ལས་ཁུངས་དང་ད་དུང་ས་གནས་རྒྱུན་ལས་ཁང་ཞིག་བྱུང་ན་འཚམས་ན་ཡང། ས་གནས་དེ་ཚོགས་པ་ཞིག་ཆགས་ན་མི་འོས། མ་གཞི་ནས་དབུ་མའི་ལམ་མི་མང་ལས་འགུལ་ཁང་འདི་ཉིད་ཚོགས་པ་ཞིག་གི་ངོ་བོར་གནས་མེད།
དེ་བས་གསར་འགོད་པས་དེའི་ཐད་ལ་གསལ་བཤད་ཅིག་གནང་རོགས།