ལོན་ཌོན་རྒྱལ་སྤྱིའི་ཨོ་ལིམ་པིག་ལུས་རྩེད་འགྲན་ཚོགས་སྟེང་། ཁ་སང་ཕྱི་དྲོའི་དབྱིན་ཡུལ་གྱི་ཆུ་ཚོད་ ༩ པའི་བར། ལུས་རྩེད་རྣམ་གྲངས་ཁག་ལས་ཨ་རི་ཨང་པོ་དང་། རྒྱ་ནག་ཨང་གཉིས་པ། ལྷོ་ཀོ་རི་ཡ་ཨང་གསུམ་པ། དབྱིན་ཡུལ་ཨང་བཞི་པ། ཧྥ་རན་སི་ཨང་ལྔ་པ། འཇར་མན་ཨང་དྲུག་པ། ཨི་ཊ་ལི་ཨང་བདུན་པ་བཅས་རེད།
རྒྱལ་སྤྱིའི་རྩེད་རིགས་སྤྱིའི་འགྲོ་སྟངས་ལྟར། ཐེངས་འདིར་ཡང་བྱ་དགའི་ཨང་རིམ་ཁྲོད་གསེར་གྱི་རྟགས་མ་དང་དངུལ་གྱི་རྟགས་མ། ཟངས་ཀྱི་རྟགས་མ་བཅས་མཐོ་གྲས་རིགས་གསུམ་ཡོད་ཅིང་། ཟླ་འདིའི་ཕྱི་ཚེས་ ༢༧ ཉིན་ནས་མགོ་འཛུགས་བྱས་ཏེ་ཉིན་ ༧ རིང་གི་ལུས་རྩེད་རྣམ་གྲངས་ཁག་གི་ཨང་རིམ་གཤམ་དུ་བཀོད་ཡོད།
ཨ་རི། གསེར་གྱི་རྟགས་མ་ ༢༡ དང་། དངུལ་གྱི་རྟགས་མ་ ༡༠ ། ཟངས་ཀྱི་རྟགས་མ་ ༡༢ ། ཁྱོན་བསྡོམས་རྟགས་མ་ ༤༣ ཐོབ།
རྒྱ་ནག གསེར་གྱི་རྟགས་མ་ ༢༠ དང་། དངུལ་གྱི་རྟགས་མ་ ༡༣ ། ཟངས་ཀྱི་རྟགས་མ་ ༩ ། ཁྱོན་བསྡོམས་རྟགས་མ་ ༤༢ ཐོབ།
ལྷོ་ཀོ་རི་ཡ། གསེར་གྱི་རྟགས་མ་ ༩ དང་། དངུལ་གྱི་རྟགས་མ་ ༢ ། ཟངས་ཀྱི་རྟགས་ ༥ ། ཁྱོན་བསྡོམས་རྟགས་མ་ ༡༦ ཐོབ།
དབྱིན་ཡུལ། གསེར་གྱི་རྟགས་མ་ ༨ དང་། དངུལ་གྱི་རྟགས་མ་ ༦ ། ཟངས་ཀྱི་རྟགས་མ་ ༨ ། ཁྱོན་བསྡོམས་རྟགས་མ་ ༢༢ ཐོབ།
ཧྥ་རན་སི། གསེར་གྱི་རྟགས་མ་ ༨ དང་། དངུལ་གྱི་རྟགས་མ་ ༥ ། ཟངས་ཀྱི་རྟགས་མ་ ༦ ། ཁྱོན་བསྡོམས་རྟགས་མ་ ༡༩ ཐོབ།
འཇར་མན། གསེར་གྱི་རྟགས་མ་ ༥ དང་། དངུལ་གྱི་རྟགས་མ་ ༩ ། ཟངས་ཀྱི་རྟགས་མ་ ༦ ། ཁྱོན་བསྡོམས་རྟགས་མ་ ༢༠ ཐོབ།
ཨི་ཊ་ལི། གསེར་གྱི་རྟགས་མ་ ༤ དང་། དངུལ་གྱི་རྟགས་མ་ ༥ ། ཟངས་ཀྱི་རྟགས་མ་ ༣ ། ཁྱོན་བསྡོམས་རྟགས་མ་ ༡༢ བཅས་ཐོབ།
རྒྱ་གར་ལ་ད་བར་དངུལ་གྱི་རྟགས་མ་ ༡ དང་ཟངས་ཀྱི་རྟགས་མ་ ༡ བཅས་ཁྱོན་བསྡོམས་རྟགས་མ་ ༢ ཐོབ་སྟེ། འགྲན་ཞུགས་རྒྱལ་ཁབ་ཡོངས་ཀྱི་ཨང་ ༣༥ པ་དེ་ཆགས་འདུག
གསར་འགོད་པ། དོན་གྲུབ་བཀྲ་ཤིས།
![The Dalai Lama offers blessings to his followers at his Himalayan residence in the northern hill town of Dharamshala, India, on December 20, 2024 [Priyanshu Singh/Reuters]](https://tibettimes.net/wp-content/uploads/2025/05/Screen-Shot-2025-05-09-at-3.37.35-PM-360x180.png)
དོན་གྲུབ་བཀྲ་ཤིས་ལགས་ཀྱིས་མཆན་གང་བྱུང་མིང་བྱུང་རྒྱག་གི་མི་འདུག ག་རེ་བཏབས་པ་དེ་ཧ་ཅང་གནད་ལ་འཁེལ་བ་དང་སྤྱོད་ལམ་ཡག་པོ་དེ་འདྲ་རེད། ཤེས་ཡོན་དང་བསམ་བློ་ཚད་ལྡན་རེད། མཆན་བུ་འདེབས་མཁན་ཚང་མས་ཁོང་རྣམ་པར་མིག་དཔེ་བལྟས་ཏེ་མཆན་གྱི་ཁ་ཕྱོགས་ལ་ཡག་རུ་གཏོང་དགོས་ཀྱི་འདུག མི་ལ་འདམ་འབེབས་བྱེད་པ་དང་སོ་སོ་དགའ་མིན་གྱི་དབང་གིས་མི་ལ་སྐྱོན་འཛུགས་བྱེད་པ་སོགས་ཡག་པོ་ཁྱོན་ནས་མི་འདུག ངས་བསམ་ན་མཆན་འདེབས་བྱེད་ཀྱི་ས་མིག་དེ་གོང་གི་བརྗོད་གཞིའི་ནང་དོན་ཐོག་དཔྱད་པ་གཏོང་བ་དང་། སོ་སོའི་བསམ་ཚུལ་ཤོད་པ་དེ་ཡིན་པ་ལས་མི་གཞན་ལ་གང་བྱུང་སྐྱོན་འཛུགས་བྱེད་ས་ཞིག་གཏན་ནས་ཡིན་རྒྱུ་མ་རེད།
བསེ་རུའི་ར་འདི་རྣོ་དཔལ་ཆེ།།
བློ་ཆུང་ང་ལ་དགོས་མཁོ་ཆེ།།
རྣོ་བའི་སྟེང་ལ་རིན་ཐང་ཆེ།།
ཁ་ཆེ་པ་ཚོར་རྩིས་འདང་ཆེ།།
རྩེད་མོ་འོ།།
སྤྱིར་ལུས་རྩེད་དང་ལུས་རྩལ་གཉིས་ལ་ཁྱད་པར་ཆེན་པོ་ཡོད་པ་མ་ཟད། སྤྱི་བྱེ་བྲག་གི་ཁྱད་པར་ཞིག་ཀྱང་ཡོད་པ་འདྲ། ངོ་བོའི་ཆ་ནས་ལུས་རྩལ་ཞེས་བཏགས་ཀྱང་དོན་ལ་གནས་བ་ལྟ་བུར་སྣང་ཡང་། སྐབས་བབ་རྒྱལ་སྤྱིའི་ཨོ་རྩེད་ལྟ་བུར་མཚོན་ན། ཨོ་རྩེད་དང་འབྲེལ་བའི་བརྡ་ཆད་འདི་རིགས་བོད་ཡིག་ལས་དབྱིན་ཡིག་ནང་འཐོན་སྔ་བ་རྩོད་མེད་རེད། དེང་སྐབས་བོད་ཡིག་ནང་འབྲི་བཞིན་པ་འདི་དག་ཀྱང་དབྱིན་ཡིག་ལ་དཔེ་བྱས་པའམ། དབྱིན་ཡིག་ལས་ཚུར་བསྒྱུར་བའི་ཁུལ་ཡིན་རྒྱུ་རེད། དབྱིན་ཡིག་ནང་(Olympics games)ཞེས་འཁོད་ཡོད་པ་དང་། ཚིག་མཛོད་ཕལ་ཆེ་བའི་ནང་(game)ཞེས་པ་༼ རྩེད་མོ ༽ཞེས་པར་བསྒྱུར་ཡོད་སྟབས། ཨོ་ལིམ་པིག་གི་རྩེད་མོ་འམ། ཨོ་ལིམ་པིག་གི་ལུས་རྩེད་འགྲན་ཚོགས་ཞེས་བྲིས་ཀྱང་འགལ་བ་ཆེར་མེད་པར་མཐོང་ངོ་།།
མར་ལེ་རིང་ལུགས་སྦྱངས་པའི་རྟོགས་པ་དམན།།
ལག་ལེན་རྣམ་གསུམ་སྤྱད་པའི་ཉམས་མྱོང་ཞན།།
མ་རྟོག་འཁྲུལ་བའི་སྙོགས་མ་ཅི་མཆིས་པ།།
གཟུར་གནས་ཀེ་ཏ་ཀ་ཡིས་དྭངས་པར་མཛོད།།
དྲངས་པའོ།།
“ལུས་རྩེད་རྣམ་གྲངས་ཁག་ལས་རྒྱ་ནག་ཨ་རི་ང་པོ་དང་། ” ཞེས་པའི་དོན་ཏག་ཏག་རྟོགས་ཐུབ་ཀྱི་མི་འདུག ཀློག་པ་པོ་གཞན་ཚོར་ཡང་དེ་བཞིན་ཡིན་གྱི་རེད།
གསར་འགོད་པ་ལགས། དེར་བསྐྱར་ཞིབ་གནང་དང་།
ད་དུང་”ལུས་རྩལ་”གྱི་གོ་སར་”ལུས་རྩེད་”བཞག་པ་དེ་ཡང་དོན་དག་ཆུང་ཆུང་ཞིག་ཏུ་མཐོང་སྲིད་ཀྱང་། མ་འོངས་པར་དོན་དག་ཆེན་པོ་ཞིག་ཏུ་འགྱུར་སྲིད་པ་ཞིག་ཀྱང་རེད། ལུས་རྩལ་དང་ལུས་རྩེད་གཉིས་ཀྱང་མང་མོས་འོས་བསྡུ་བྱེད་དགོས་ཐུག་ན་དཀའ་ལས་རེད།