དེ་རིང་རྔ་པ་ཀིརྟི་དགོན་པའི་གྲྭ་བ་ཞིག་གིས་རང་ལུས་མེར་བསྲེགས་བཏང་ཡོད་ཀྱང་། དེ་མ་ཐག་རྒྱ་གཞུང་གི་ཉེན་རྟོག་པ་བསླེབས་ཏེ་བཙན་འཁྲིད་བྱས་ཡོད་འདུག
རྒྱ་གར་ལྷོ་ཕྱོགས་འབྲས་སྤུངས་ཟུང་ཆུ་ཁང་ཚན་གྱི་གྲྭ་གསུང་རབ་རྒྱ་མཚོ་ལགས་ཀྱིས་གནས་ཚུལ་མཁོ་སྤྲོད་གནང་བ་ལྟར་ན། དེ་རིང་ཕྱི་དྲོའི་བོད་ནང་གི་ཆུ་ཚོད་ ༥ དང་སྐར་མ་ ༡༠ པའི་སྟེང་རྔ་པ་ཀིརྟི་དགོན་པའི་གྲྭ་བློ་ཚུལ་ཁྲིམས་(བློ་བཟང་འཕྲིན་ལས)ལགས་ཀྱིས་རྔ་པ་རྫོང་ཐོག་གི་དཔའ་བོའི་སྲང་ལམ་ཞེས་པ་རུ། “ རྒྱལ་བ་རིན་པོ་ཆེ་བོད་མྱུར་དུ་བོད་ནང་ཕེབས་འཇུག་དགོས”ཞེས་པ་སོགས་ཀྱི་སྐད་འབོད་གནང་བཞིན་རང་ལུས་མེར་བསྲེགས་བཏང་ཡོད་འདུག་ལ། དེ་མ་ཐག་རྒྱ་གཞུང་གི་ཉེན་རྟོག་པ་དང་དམག་མི་བསླེབས་ནས་ཁོང་གི་ལུས་ཀྱི་མེད་བསད་དེ་བཙན་ཁྲིད་བྱས་ཡོད་འདུག
གནས་ཚུལ་མཁོ་སྤྲོད་པས་བརྗོད་པ་ལྟར་ན། གྲྭ་བ་ཞིག་གིས་རང་ལུས་མེར་བསྲེགས་བཏང་ཡོད་པ་དངོས་ཡོད་རེད། ཡིན་ནའང་དགེ་འདུན་པ་ཁོང་སྡེ་བ་གང་ནས་ཡིན་པ་དང་མིང་སོགས་ཅུང་ཁ་མཚུངས་ཀྱི་མི་འདུག ངས་ཐོག་མར་གོ་དུས་རྔ་པ་ཀིརྟི་ཡུལ་མཚོ་མ་ནས་རེད་ཟེར་ཡང་། རྗེས་སུ་རྔ་པ་རྨེ་རུ་མ་ནས་ཡིན་པའི་སྐད་ཆ་ཞིག་ཀྱང་འདུག ད་ལྟ་དགུང་ལོ་ག་ཚོད་ཡིན་མིན་དང་། ནང་མིའི་ལོ་རྒྱུས་སོགས་ཤེས་ཐུབ་ཀྱི་མི་འདུག རྩད་གཅོག་བྱེད་བཞིན་པ་ཡིན་པས་གནས་ཚུལ་ཁ་གསལ་ཆགས་རྗེས་བསྐྱར་དུ་གཏོང་ཡོང་། ད་ལྟ་པར་འགའ་ཡང་འབྱོར་སོང་མོད། དེ་རིང་མེར་བསྲེགས་གཏོང་མཁན་ཁོང་གི་པར་ཡིན་མིན་གསལ་ཁ་མི་འདུག རྒྱ་གཞུང་གིས་ཁ་པར་བརྒྱུད་ལམ་སོགས་བཀག་སྡོམ་བྱས་ཏེ་འབྲེལ་བ་མཐུད་ཐུབ་ཀྱི་མི་འདུག་ཟེར།
གསར་འགོད་པ། ཚེ་རིང་རྒྱལ།
དགེན་གྱིས་གནས་ཚུལ་ཡོང་ཁུངས་རྫུན་་དུ་གདའ།
ཕྱིན་ཆད་སུ་ཡིན་ཡང་འདིའི་རིགས་ལ་གཟབ་གཟབ་གནང་རོགས་་་་་་་བདེན་པ་དེ་རྫུན་པར་མ་སྒྱུར་ཁ་དྲོ།
འབྲས་སྤུངས་ཟུང་ཆུ་ཁང་ཚན་གྱི་གསུང་རབ་རྒྱ་མཚོ་ལགས་ཀྱི་གནས་ཚུལ་སྤེལ་བ་ལ་བསྔགས་བརྗོད་ཡོད། ཡིན་ན་ཡང་གནས་ཚུལ་གསལ་བོ་འགོད་རྒྱུ་གལ་ཆེ། གནས་ཚུལ་གསལ་བོ་མེད་པར་བཀོད་ན་ནམ་ཞིག་བདེན་པ་དེ་ཡང་རྫུན་པར་འགྱུར་མི་སྲིད་པ་མིན་པས་གཟབ་གཟབ་བྱེད་རྒྱུ་གལ་ཆེ།
ཕན་རླགས་དང་གྲུབ་འབྲས་དགོས་ན་དཔང་རྟགས་དང་གསལ་པོ་བརྗོད་དགོས། དེང་སང་བོད་ནང་ཞུ་རྒོལ་ལ་བཙན་བྱོལ་ནང་རྙོང་གྲ་དང་ངོ་སོ་བྱེད་ན་ཕན་ཐོག་མེད།
མི་རིགས་ཀྱི་དཔའ་བོ་ལགས་ལ་གུས་འདུད་ཞུ།
ཕྲན་ཆུང་ལ་རེའི་ཞིག་ཡོད་པ་ནི་གནས་ཚུལ་གསལ་བོ་གསལ་རྐྱང་ལས་འོལ་ཚོད་ཀྱིས་མི་བཤད་པར་ཞུ་གང་ཡིན་ཞེ་ན་བློས་བཏང་འདི་དག་གི་རིན་ཐང་ཅེ་ཞན་དུ་འགྲོ་ཉེན་འདུག
དཔའ་བོ་ཁོང་གི་འདོད་དོན་མྱུར་དུ་འགྲུབ་པར་སྨོན། ཨོཾ་མ་ཎི་པདྨེ་ཧུཾཿ ཨོཾ་མ་ཎི་པདྨེ་ཧུཾཿ ཨོཾ་མ་ཎི་པདྨེ་ཧུཾཿ ཨོཾ་མ་ཎི་པདྨེ་ཧུཾཿ ཨོཾ་མ་ཎི་པདྨེ་ཧུཾཿ ཨོཾ་མ་ཎི་པདྨེ་ཧུཾཿ ཨོཾ་མ་ཎི་པདྨེ་ཧུཾཿ ཨོཾ་མ་ཎི་པདྨེ་ཧུཾཿ
མྱ་ངན་དང་གུས་འདུད་ཞུ།
འབྲས་སྒོ་མང་ཟུང་ཆུ་ཁང་ཚན་གྱི་གནས་ཚུལ་མཁོ་གཏོང་པ་གསུང་རབ་རྒྱ་མཚོ་ལ་བཀའ་དྲིན་ཆེ་ཞུ གང་ཡིན་ཟེར་ན་ ཕ་ཡུལ་དྲ་རྒྱ་ phayul. ཐོག་ཏུ་གནས་ཚུལ་མཁོ་གཏོང་པ་ཀ་ཉག་ཚེ་རིང་དང་ གངས་རི་ ད་དུང་དབྱིན་ལན་བོད་དོན་རྒྱབ་སྐྱོར་ཚོགས་པ་སོགས་ཀྱི་གནས་ཚུལ་འདྲ་མིན་བཀོད་འདུག་པས། ཁ་ཤས་ཀྱི་གྲྭ་བ་ཞིག་རེད་ཟེར་མཁན་དང་ཡང་ཁ་ཅིག་གིས་ གྲྭ་བ་ཞིག་མ་རེད་བུ་མོ་ཞིག་རེད་ ཡང་ཁ་ཅིག་གིས་ ཕོ་ཞིག་ཡིན་པ་ལས་དངོས་མིང་དང་ རྔ་བ་གང་ནས་ཡིན་མིན་སོགས་ལ་ཁ་གསལ་མི་འདུག་པས་གོང་གི་གྲྭ་གསུང་རབ་རྒྱ་མཚོའི་གནས་ཚུལ་དེ་ཅུང་ཁ་གསལ་བོ་ཞིག་རེད་འདུག བྱས་ཙང་ གནས་ཚུལ་མཁོ་སྤྲོད་གནང་བ་ཐུགས་རྗེ་ཆེ་ཞུ་
མགོ་བོ་དུད་དེ་མྱ་ངན་ཞུ། རྒྱལ་ཞེན་ཆེ་བའི་དཔའ་བོ་དག་མྱུར་དུ་རང་ཡུལ་ཁ་བའི་ཞིང་དུ་སྐྱེས་ནས་བདེ་སྐྱིད་ཕུན་ཚོགས་ཀྱི་དཔལ་ཡོན་ལ་ལོངས་སྤྱོད་རྒྱུ་ཡོང་བའི་སྨོན་འདུད་ཞུ།