ད་ལྟ་རིང་གནས་ཚུལ་འབྱོར་གསལ་ལ། དེ་རིང་སྔ་དྲོའི་བོད་ནང་གི་ཆུ་ཚོད་ ༡༠།༡༥ ཙལ་ལ་བོད་མདོ་སྨད་རྔ་པ་རྫོང་རྨེའུ་རུ་མ་ཞང་། རུ་ཆེན་དང་པོའི་ཉག་སྐོར་མའི་ཕ་དཔའ་ལོ་དང་། མ་མ་སྒྲོན་གཉིས་ཀྱི་བུ་གཅོད་པ། རང་ལོ་ ༢༤ ཙམ་ཡིན་པ་ཁོང་གིས་རྨེའུ་རུ་མའི་ཞང་ཐོག་ཏུ་རྒྱ་གཞུང་ལ་ངོ་རྒོལ་གྱིས་རང་ལུས་མེར་བསྲེགས་བཏང་སྟེ། མེ་ལྕེ་དྲག་པོའི་ཀློང་དུ་ངོ་རྒོལ་སྐད་འབོད་བྱས་ཡོད་པ་དང་། སྐར་མ་ཁ་ཤས་རྗེས་ས་གནས་ཉེན་རྟོག་པ་འབྱོར་ཏེ། ཁོང་གི་ལུས་ཀྱི་མེ་བསད་དེ་བཙན་ཁྲིད་བྱས་ཡོད་འདུག
དངོས་ སུ་མཐོང་མཁན་ཁག་ཅིག་གིས་བརྗོད་པ་ལྟར་ན། སྐབས་ཐོག་དེར་འདས་གྲོངས་སུ་གྱུར་ཡོད་མེད་གསལ་པོ་མ་ཤེས་ཀྱང་མེས་ཚིག་པའི་རྨས་སྐྱོན་ཧ་ཅང་ཚབས་ཆེན་ཡིན་སྟབས། གསོན་པའི་རེ་བ་གཏན་ནས་མེད་ཚུལ་བརྗོད་འདུག
གནས་ཚུལ་བྱུང་མ་ཐག་ནས་རྨེའུ་རུ་མའི་ཞང་ཐོག་ཡོངས་སུ་དྲག་ཆས་ཉེན་རྟོག་པ་སོགས་ཀྱིས་ཁེངས་ནས་དམ་དྲག་ཤུགས་ཆེན་བྱས་འདུག་པ་བཅས།
གནས་ཚུལ་གཏོང་མཁན། བློ་བཟང་ཡེ་ཤེས་དང་ཀ་ཉག་ཚེ་རིང་།
སྙིང་སྟོབས་བཞེད་དོན་མྱུར་དུ་འགྲུབ་པར་སྨོན།
དོན་དངོས་ཀྱི་རྒྱལ་གཅེས་དཔའ་རྒོད་ཚོའི་བརྡ་ལན་དང་། བཀའ་ཁྲིའི་བརྡ་ལན་དུ་བསྙད་པ་གཉིས་ལ་གཤིབ་བསྡུར་གནོངས་དང་ཧེ་བག་གང་འདྲ་འདུག་གམ། གྲུབ་འབྲས་དང་བྱས་རྗེས་གཅིག་ཀྱང་སྟོན་རྒྱུ་མེད་པར་ལོ་གཅིག་འཁོར་བའི་དུས་དྲན་ཟེར་བ་བཙུགས་སོང་། བཀའ་ཁྲི་གཅིག་པོ་ལ་ལོ་རེར་སྟེ་དུས་དྲན་ཐེངས་ལྔ་ལ་བྱ་དགོས་ཆགས་རྒྱུ་རེད། དཔའ་རྒོད་ཚོ་ལ་ཅི་ཡང་་་་་་
བརྒྱ་ཕྲག་རྩོམ་པའི་ལས་ཀྱི་དབང་ཐང་ལ།།
བཙན་པོའི་ལྕག་ཚན་གང་གི་བསྒྲུན་མེད་པ།།
དཔའ་བོ་དག་གི་བདེན་པའི་ང་རོ་ལ།།
གདུག་རྩུབ་སྟོག་གི་འགག་འཕྲེང་ཀྱག་ཀྱོག་འདི།།
མི་བཟོད་ལས་ཀྱིས་བསྐྲུན་པའི་ངར་མ་ཡིས།།
དཔའ་བོ་དག་གི་གཟི་བརྗིད་ཁམ་དུ་ཟོས།།
སྙིང་རྗེ་སྙིང་གི་དབུས་ན་དུག་མདའ་ཡིས།།
མྱལ་ཁམས་ངོས་ཀྱི་གཟུགས་བརྙན་ཅལ་དུ་བཀྲམ།།
གང་དང་གང་གིས་གསེར་གྱི་མི་ལུས་དེ།།
རིན་ཐང་དབེན་པའི་ངང་ཚུལ་ཆེར་སྐྱེད་དེ།།
་་་་་་་་་་་ད་མི་འབྲི་་་་བདེ་མོ་་བྱོས
མེ་དམར་གོས་སུ་གྱོན་པའི་དཔའ་བོ་དག།
མེ་དང་ལྕག་གི་སྡུག་བསྔལ་རབ་ཁུར་ནས།།
མེ་ལྕེའི་ཀློང་ནས་གད་རྒྱངས་སྒྲོཊ་བཞིན་དུ།།
མེ་ཡིས་ལོ་རྒྱུས་བྲིས་ནས་བཞུད་སོང་ཐལ།།
བཙན་བྱོལ་བོད་མིའི་སྒྲིག་འཛུགས་ལགས། ཁྱེད་ཚོ་དོན་དམ་གྱི་བོད་མིའི་མགྲིན་ཚབ་པ་ཡིན་པ་བདེན་ན། གནས་ཚུལ་འདི་ཚོ་BBCགཙོས་རྒྱལ་སྤྱིའི་གསར་ལམ་ཁག་ཏུ་སྐྱེལ་རོགས།
གང་ན་བྱིན་རླབས་འོད་ཀྱིས་འཁྱུག་པ་ཡི།།
ཉམས་མེད་རྒྱལ་བ་བདེ་གཤེགས་འཁོར་བཅས་ཀྱིས།།
ཐར་ལམ་མཐོང་སྨོན་ཡིད་དགའ་ཆོས་འཛིན་ནས།།
དཔའ་བོ་དཔའ་མོ་བསུ་བའི་སྟ་གོན་མཛོད།།
ཨོྃ་མ་ཎི་པདྨེ་ཧཱུྃཿ་ ཨོྃ་མ་ཎི་པདྨེ་ཧཱུྃཿ ཨོྃ་མ་ཎི་པདྨེ་ཧཱུྃཿ་
དམར་བོ་མེ་ཡི་ཚལ་ནས་འཕུར་བ་ཡི།།
གངས་རིའི་རྣམ་ཤེས་ཚ་བའི་འཇིགས་པ་ཅན།།
ཐ་དག་མ་ལུས་བརྩེ་བའི་བདག་ཉིད་བ།།།
རྒྱལ་ཀུན་ཐུགས་བརྗེ་ཆར་གྱིས་བརླན་པར་མཁྱེན།།
ཨོྃ་མ་ཎི་པདྨེ་ཧཱུྃཿ་ ཨོྃ་མ་ཎི་པདྨེ་ཧཱུྃཿ ཨོྃ་མ་ཎི་པདྨེ་ཧཱུྃཿ་