དབང་པོ་སྐྱོན་ཅན་གྱི་ཨོ་རྩེད།༼པར།༽

ཟླ་འདིའི་ཕྱི་ཚེས་ ༢༩ ཉིན་དབྱིན་ཡུལ་ལོན་ཌོན་གྱི་རྒྱལ་སྤྱིའི་ཨོ་རྩེད་ར་བ་རུ་རྒྱལ་སྤྱིའི་དབང་བོ་སྐྱོན་ཅན་ཨོ་ལིམ་ཕིག་གི་རྩེད་འགྲན་ཐེངས་ ༡༤ པ་དེ་མགོ་འཛུགས་གནང་ཡོད་པ་དང་། ཉིན་དང་པོའི་དབུ་འབྱེད་མཛད་སྒོར་དབྱིན་ཇིའི་རྒྱལ་མོ་སྐུ་ཕྲེང་གཉིས་པ་ཨི་ལེ་རྫཱ་བྷེ་ཐི་མཆོག་གིས་དབུ་འབྱེད་གསུང་བཤད་གནང་ཡོད་འདུག

རྩེད་མོའི་རྣམ་གྲངས་ཁག་ལས་རྩེ་གྲས་དག་ལ་གསེར་དང་དངུལ་ཟངས་བཅས་ཀྱི་བྱ་དགའི་རྟགས་མ་སྤྲོད་ཀྱི་ཡོད་པ་ལྟར། འདས་པའི་ཉིན་གཉིས་རིང་གི་རྩེད་འགྲན་ནང་རྒྱ་ནག་ཨང་དང་པོ་དང་ཨོ་སི་ཊི་ལེ་ཡ་ཨང་གཉིས་པ། དབྱིན་ཡུལ་ཨང་གསུམ་པ། ཡུ་ཁི་རན་ཨང་བཞི་པ། འཇར་མིན་ཨང་ལྔ་པ། ར་ཤི་ཡ་ཨང་དྲུག་པ། ཨ་རི་ཨང་བདུན་པ། བྷར་རྫིལ་ཨང་བརྒྱད་པ། ཁེ་ན་ཌ་ཨང་དགུ་པ་བཅས་རེད།

དབུ་འབྱེད་མཛད་སྒོ་ཧ་ཅང་དྲ་རྒྱས་པོ་ཞིག་ཚོགས་ཡོད་པ་དང་། སྐུ་མགྲོན་དུ་དབྱིན་ཇིའི་རྒྱལ་མོ་(Queen Elizabeth II)མཆོག་གིས་གཙོས་རྒྱལ་སྲས་ (Prince William)མཆོག་དང་བཙུན་མོ་(Catherine)། དེ་བཞིན་འཛམ་གླིང་གི་གནམ་དཔྱད་རིག་པའི་མཚན་རིག་པ་གྲགས་ཆེན་དབང་བོ་སྐྱོན་ཅན་སི་ཊ་ཧྥིན་ཧོ་ཁེན་( Stephen Hawking)སོགས་ཕེབས་ཡོད་འདུག

ཐེངས་འདིའི་རྩེད་འགྲན་ནང་རྒྱལ་ཁབ་ ༡༦༤ ནས་དབང་པོ་སྐྱོན་ཅན་གྱི་རྩེད་མོ་བ་ ༤༢༩༤ ཙམ་འཛུལ་ཞུགས་གནང་ཡོད་པ་དང་། རྩེད་རིགས་རྣམ་གྲངས་ ༥༠༣ ཙམ་ཡོད་པ་ཁག་སྡེ་ཚན་ཆེ་བ་ ༢༠ རུ་བགོས་ཏེ། ཟླ་འདིའི་ཚེས་ ༢༩ ཉིན་མགོ་འཛུགས་དང་ཟླ་ ༩ ཚེས་ ༩ ཉིན་མཇུག་བསྡུ་རྒྱུ་ཡིན་འདུག

རྒྱ་ནག གསེར་གྱི་རྟགས་མ་ ༦ དང་། དངུལ་གྱི་རྟགས་མ་ ༦ ། ཟངས་ཀྱི་རྟགས་མ་ ༣ ། ཁྱོན་བསྡོམས་རྟགས་མ་ ༡༥ ཐོབ།

ཨོ་སི་ཊི་ལེ་ཡ། གསེར་གྱི་རྟགས་མ་ ༣ དང་། དངུལ་གྱི་རྟགས་མ་ ༣ ། ཟངས་ཀྱི་རྟགས་མ་ ༣ ། ཁྱོན་བསྡོམས་རྟགས་མ་ ༩ ཐོབ།

དབྱིན་ཡུལ། གསེར་གྱི་རྟགས་མ་ ༢ དང་། དངུལ་གྱི་རྟགས་མ་ ༣ ། ཟངས་ཀྱི་རྟགས་ ༢ ། ཁྱོན་བསྡོམས་རྟགས་མ་ ༧ ཐོབ།

ཡུ་ཁི་རེན། གསེར་གྱི་རྟགས་མ་ ༢ དང་། དངུལ་གྱི་རྟགས་མ་ ༢ ། ཟངས་ཀྱི་རྟགས་མ་ ༤ ། ཁྱོན་བསྡོམས་རྟགས་མ་ ༨ ཐོབ།

འཇར་མན། གསེར་གྱི་རྟགས་མ་ ༢ དང་། དངུལ་གྱི་རྟགས་མ་ ༢ ། ཟངས་ཀྱི་རྟགས་མ་ ༢ ། ཁྱོན་བསྡོམས་རྟགས་མ་ ༦ ཐོབ།

ར་ཤི་ཡ། གསེར་གྱི་རྟགས་མ་ ༢ དང་། དངུལ་གྱི་རྟགས་མ་ ༡ ། ཟངས་ཀྱི་རྟགས་མ་ ༡ ། ཁྱོན་བསྡོམས་རྟགས་མ་ ༤ ཐོབ།

ཨ་རི། གསེར་གྱི་རྟགས་མ་ ༡ དང་། དངུལ་གྱི་རྟགས་མ་ ༡ ། ཟངས་ཀྱི་རྟགས་མ་ ༤ ། ཁྱོན་བསྡོམས་རྟགས་མ་ ༦ བཅས་ཐོབ།

དབང་པོ་སྐྱོན་ཅན་གྱི་ཨོ་ལིམ་ཕིག་གི་རྩེད་འགྲན་ཐོག་མར་དབུ་བརྙས་ས་ཡང་དབྱིན་ཡུལ་ཡིན་པ་དང་། དེ་ནི་ཐོག་མར་དབྱིན་ཡུལ་དུ་( Stoke Mandeville Games)ཞེས་པའི་རྩེད་མོ་ཞིག་ཡོད་པ་དེ། ༡༩༤༨ ལོར་དབྱིན་ཡུལ་ནང་རྒྱལ་སྤྱིའི་ཨོ་རྩེད་འགྲན་ཚོགས་དང་དུས་མཉམ་ཁེལ་སྟབས། སི་ཌོཀ་མན་ཌེ་ཝེ་ལེ་རྩེད་མོ་ཞེས་པ་འཛམ་གླིང་དམག་ཆེན་གཉིས་པའི་ནང་རྨས་སྐྱོན་ཕོག་སྟེ་དབང་པོ་སྐྱོན་ཅན་ཆགས་པ་དག་གི་རྩེད་མོའི་ངོ་བོར་བསྒྱུར་ཏེ་ད་ལྟའི་བར་རྒྱུན་མཐུད་ཡོད་འདུག