བོད་ནས་བོད་མི་ཞིག་གིས་ཨེ་ཤེ་ཡ་རང་དབང་རླུང་འཕྲིན་ཁང་ལ་གནས་ཚུལ་མཁོ་སྤྲོད་བྱས་པ་ལྟར་ན། ཟླ་འདིའི་ཕྱི་ཚེས་ ༡༠ ཉིན་གྱི་དགོང་དྲོ། མཚོ་སྔོན་ཞིང་ཆེན་མཚོ་ལྷོ་ཁུལ་བྲག་དཀར་རྫོང་འབྲོང་ཐུ་ཞང་དམེ་གླིང་སྡེ་བའི་དཔལ་མགོན་རྒྱལ་ཞུ་བའི་སློབ་མ་ཞིག་དང་། རང་ལོ་ ༡༤ ཡིན་པའི་རིན་ཆེན་རྡོ་རྗེ། རང་ལོ་ ༡༡ ཡིན་པའི་རིག་འཛིན་རྡོ་རྗེ་བཅས་སློབ་མ་གསུམ་དང་། སྡེ་བ་གཞན་གྱི་སློབ་མ་ ༢ བཅས་སློབ་གྲྭའི་ཉེ་འགྲམ་གྱི་སྤྱི་གླིང་ཞིག་་གི་ནང་ཇག་པས་བཙན་ཁྲིད་བྱས་ཡོད་འདུག
སྐབས་དེར་བོད་མི་ཞིག་གིས་ཉིན་དེའི་དགོང་མོ་དམག་ལྭ་གྱོན་པའི་མི་ཁག་ཅིག་གིས། བྱིས་པ་དེ་དག་རླངས་འཁོར་ནང་བཅུག་སྟེ་ཁྲིད་ཡོད་པ་ཙམ་ལས། ཁོང་ཚོའི་ནང་མིས་བྱིས་པ་རྣམས་གང་དུ་ཁྲིད་ཡོད་མེད་ཤེས་རྟོཊ་བྱུང་མི་འདུག་ཀྱང་། ཁ་སང་ཕྱི་ཚེས་ ༡༢ ཉིན་ཁོང་ཚོའི་ཁྲོད་ཀྱི་བྱིས་པ་ཆེ་ཤོས་དེས་ཁོང་གི་ཨ་མར་ཁ་པར་བཏང་སྟེ། ཁོང་ཚོ་ཇག་པས་བཙན་ཁྲིད་བྱས་ཡོད་ཚུལ་དང་། གལ་སྲིད། ཁྱིམ་བདག་གིས་བྱིས་པ་རེར་རྒྱ་སྒོར་ཁྲི་ ༢༠ རེ་མ་སྤྲད་ཚེ་ཀློད་གྲོལ་གཏོང་རྒྱུ་མིན་པར་མ་ཟད། བྱིས་པ་ཚོ་དམར་གསོད་གཏོང་གི་ཡིན་ཞེས་འཇིཊ་སྐུལ་བྱས་ཡོད་སྐོར་བརྗོད་ཡོད་འདུག་ལ། ཕྱིས་སུ་བྱིས་པའི་བརྡ་ལན་སྤྲད་པའི་ཁ་པར་ཨང་གྲངས་བརྩད་གཅོད་བྱེད་སྐབས། ཁ་པར་དེ་ཁ་ཆེའི་བུ་མོ་ཆུང་ཆུང་ཞིག་གི་ཐོབ་ཐང་ལག་ཁྱེར་རྫུན་མ་ཞིག་བརྒྱུད་དེ་བཟོས་ཡོད་འདུག
གནས་ཚུལ་དེའི་ཐད། རྫོང་སྤྱི་བདེ་ལས་ཁུངས་ཀྱིས་རྐུན་མ་དང་ཇག་པར་དོཊ་གཞི་ཡོད་པའི་ས་གནས་ཀྱི་མི་ ༡༢ ལྷག་འཛིན་བཟུང་བྱས་ཡོད་ཀྱང་། སློབ་མ་བཙན་ཁྲིད་ཀྱི་གནས་ཚུལ་སུ་དང་འབྲེལ་བ་ཡོད་མེད་བརྩད་གཅོད་མ་ཐུབ་པར་ལྷག་ཡོད་འདུག
ལག་དམར་བ་དེ་གཙོ་སུ་ཡིན་ཚང་མས་དོ་སྣང་བྱེད་དགོས་།།
དམག་ལྭ་གྱོན་པའི་མི་ཁག་ཅིག་དང་། ཕྱིས་སུ་བྱིས་པའི་བརྡ་ལན་སྤྲད་པའི་ཁ་པར་ཨང་གྲངས་བརྩད་གཅོད་བྱེད་སྐབས། ཁ་པར་དེ་ཁ་ཆེའི་བུ་མོ་ཆུང་ཆུང་ཞིག་གི་ཐོབ་ཐང་ལག་ཁྱེར་རྫུན་མ་ཞིག་བརྒྱུད་དེ་བཟོས་ཡོད་འདུག ཅེས་པ་འདིས། ཅི་མཚོན་ཐུབ་བམ། མུ་མཐུད་ནས་གསར་འགྱུར་གསར་པ་སྒུག་ནས་ཡོད། བྱིས་པ་རྣམས་ཀྱི་སྲོག་སྐྱོབ་ཐུབ་པའི་སྨོན་ལམ་རྒྱབ་བཞིན་ཡོད་ལགས།
ཇག་པ་དེ་ཚོ་མི་རིགས་སུའི་ཁོངས་སུ་གཏོགས་པ་ཡིན་མིན་ཤེས་རྒྱུ་དེ་གལ་གནད་ཅིག་རེད་དོ།
བྱིས་པའི་ཕ་མ་ཚོར་སྙིང་རྗེ། བོད་ཁུལ་ནི་གནས་ཚུལ་འདི་རིགས་ད་བར་ལྷིང་འཇགས་ཡིན། དེང་སྐབས་བོད་ཡུལ་དུའང་གནས་ཚུལ་འདི་འདྲ་འབྱུང་བཞིན་ཡོད་ན། གནས་ཚུལ་བོད་ཁུལ་ཡོངས་ནས་ཤེས་པ་བྱས་ཏེ། ཚང་མས་སྔ་ས་ནས་གཟབ་གཟབ་བྱ་ཐུབ་ན་ལེགས།