ཕྱི་ཚེས་ ༢༡ ཉིན་ཀན་ལྷོ་ཁུལ་ཉེན་རྟོག་སྡེ་ཁག་གིས་བརྡ་ཁྱབ་ཅིག་སྤེལ་ཏེ། མེར་བསྲེགས་དང་འབྲེལ་ཡོད་མི་སྣ་རྩིས་སྤྲོད་བྱེད་མཁན་གྱི་བོད་མི་ནང་རུལ་བར་རྒྱ་སྒོར་ཁྲི་ ༥ ནས་ ༢༠ བར་གྱི་བྱ་དགའ་སྤྲོད་རྒྱུ་ཡིན་པ་བསྒྲགས་འདུག
དེ་རིང་ཕྱི་ཚེས་ ༢༤ ཉིན་དྷ་སར་གནས་སྡོད་བུད་མེད་རྩོམ་པ་པོ་གཟུངས་ཕྱུག་སྐྱིད་ཀྱིས། འདི་ག་གསར་ཁང་ལ་ཀན་ལྷོ་ཁུལ་ཉེན་རྟོག་སྡེ་ཁག་གིས་ས་གནས་ཁག་ཏུ་བཀྲམས་པའི་བརྡ་ཁྱབ་ཡི་གེའི་པར་རིས་ཤིག་བཏང་འབྱོར་བྱུང་བའི་ནང་། ཉེ་ཆར་བོད་མདོ་སྨད་གཙོས་དང་བླ་བྲང་ཁུལ་དུ་རྒྱ་གཞུང་གི་དྲག་གནོན་སྲིད་ཇུས་ལ་ངོ་རྒོལ་གྱིས། སྔ་ཕྱིར་རང་ལུས་མེར་བསྲེགས་ཀྱི་ངོ་རྒོལ་བྱུང་བའི་གནས་ཚུལ་ཐད། ཟླ་འདིའི་ཕྱི་ཚེས་ ༢༡ ཉིན་ཀན་ལྷོ་ཁུལ་ཉེན་རྟོག་སྡེ་ཁག་གི་ངོས་ནས། མང་ཚོགས་ཀྱིས་མ་སྐུལ་དང་ལེན་གྱིས་ཁྲིམས་འགལ་ཉེས་སྤྱོད་འདི་རིགས་ལ་འཐབ་རྩོད་བྱེད་དགོས་པ་དང་། དུས་ཐོག་དང་འཕྱུགས་པ་མེད་པར་ལྐོག་ཇུས་འགོད་མཁན་མངོན་གསལ་དུ་ཐེར་འདོན་བྱེད་ཆེད། ཁྲིམས་ལྟར་ཁྲིམས་འགལ་ཉེས་སྤྱོད་ལ་དྲག་རྡུང་བྱས་ནས་སྟོབས་ཤུགས་ཡོད་རྒུས་རང་ཁུལ་གྱི་འཆམ་མཐུན་གཏན་འཇགས་སྲུང་སྐྱོང་བྱ་དགོས་པའི་བཀའ་རྒྱ་བཏང་སྟེ། རང་ལུས་མེར་བསྲེགས་དང་འབྲེལ་ཡོད་མི་སྣ་རྒྱ་གཞུང་ལ་རྩིས་སྤྲོད་བྱེད་མཁན་ལ་དངུལ་གྱི་བྱ་དགའ་སྤྲོད་རྒྱུ་ཡིན་སྐོར་གྱི་བརྡ་ཁྱབ་དོན་ཚན་བཞི་ཅན་ཞིག་འགྲེམས་བསྒྲགས་བྱས་ཡོད་འདུག
ཀན་ལྷོ་ཁུལ་ཉེན་རྟོག་ལས་ཁུངས་ཀྱི་བརྡ་ཁྱབ་དེའི་ནང་། གཅིག སྤྱི་བདེ་ལས་ཁུངས་ལ་རང་བསྲེགས་དོན་རྐྱེན་བཟོ་བ་དང་འབྲེལ་བའི་ཇུས་འགོད་དང་ངན་སྐུལ། ལྐོག་ཇུས་འགོད་པ་དང་མི་སེམས་སླུ་བ་བཅས་ཀྱི་ཁུངས་སྣེ་ཉེས་མཚང་ཐེར་འདོན་དང་། གོང་ཞུ་བཅས་བྱེད་པའི་མི་སྣ་ལ་མི་དམངས་ཤོག་སྒོར་ཁྲི་ ༥ ཡི་བྱ་དགའ་གནང་རྒྱུ། གཉིས། ཉེ་ཆར་བྱུང་བའི་རང་བསྲེགས་དོན་རྐྱེན་བཞིའི་ལྐོག་ཇུས་འགོད་མཁན་དེ་འཕྱུགས་པ་མེད་པར་ཐེར་འདོན་བྱེད་པའི་མི་སྣ་ལ་མི་དམངས་ཤོག་སྒོར་ཁྲི་ ༢༠ ཡི་བྱ་དགའ་གནང་རྒྱུ། གསུམ། སྤྱི་བདེ་ལས་ཁུངས་ཀྱིས་ཁུངས་སྣེ་ཐེར་འདོན་བྱེད་པའི་མི་གཏན་ནས་གསང་སྲུང་བྱ་རྒྱུ་དང་། མི་ལུས་བདེ་འཇགས་ཀྱི་འགན་འཁུར་རྒྱུ་ཡིན། བཞི། བྱ་དགའ་འདི་དམིགས་བསལ་གྱི་ཐབས་ལམ་དང་བྱེད་སྟངས་བརྒྱུད་ནས་སྤྲོད་རྒྱུ་ཡིན། ཅེས་བཀོད་འདུག
གཞན་ཡང་བརྡ་ཁྱབ་ཡི་གེ་དེའི་ནང་ཉེན་རྟོག་སྡེ་ཁག་ལ་འབྲེལ་བ་བྱ་སའི་གཏན་འཇགས་ཁ་པར་གཉིས་དང་། ལག་འཁྱེར་ཁ་པར་གཉིས་བཅས་མཁོ་སྤྲོད་བྱས་ཡོད་པ་མ་ཟད། ཉེ་ཆར་བསྟུད་མར་རང་བསྲེགས་གཏོང་བའི་དོན་རྐྱེན་བཞི་བྱུང་སྟེ། སྤྱི་ཚོགས་འཆམ་མཐུན་གཏན་འཇགས་དང་མི་དམངས་མང་ཚོགས་ཀྱི་བདེ་སྡོད་ལས་བརྩོན་གྱི་རྣམ་པར་ཤུགས་རྐྱེན་ཚབས་ཆེན་ཐེབས་ཡོད་སྐོར་བརྗོད་འདུག
![The Dalai Lama offers blessings to his followers at his Himalayan residence in the northern hill town of Dharamshala, India, on December 20, 2024 [Priyanshu Singh/Reuters]](https://tibettimes.net/wp-content/uploads/2025/05/Screen-Shot-2025-05-09-at-3.37.35-PM-360x180.png)
ཕྱི་ལོགས་སུ་ཡོད་པའི་བོད་པ་ཚང་མས་རྒྱ་གཞུང་ཀན་ལྷོ་ཁུལ་ཉེན་རྟོག་ལས་ཁུངས་ཀྱིས་སྤྲད་པའི་ཨང་གྲངས་དེ་དག་གི་ཐོག་གཅིག་རྗེས་གཉིས་མཐུད་ཀྱིས་ཁ་པར་གཏོང་རོགས། ཚང་མས་མགྲིན་དབྱངས་གཅིག་གྱུར་གྱིས་བོད་ལ་རང་དབང་དགོས། ༸གོང་ས་མཆོག་བོད་ལ་གདན་འདྲེན་ཞུ་དགོས་ཅེས་གསུང་། གལ་སྲིད་རྒྱ་སྐད་ཤེས་མཁན་ཡོད་ན་西藏要自由དང་迎请达赖喇嘛返回西藏ཅེས་གསུང་རོགས། ཁོ་ཚོ་སུན་སྣང་གིས་ཁ་པར་དེ་དག་གི་སྒོ་རྒྱག་རག་པར་ཏུ་གཏོང་རོགས། ཁ་པར་ཨང་གྲངས་དེ་དག་འདི་ལྟར་རེད།
008615293669011
008615293669012
00869416696271
00869416696272
འདི་བློ་ཐབས་ཤིག་མིན་རྒྱུ་མི་འདུག གལ་ཏེ་ཁ་པར་ཨང་གྲངས་བརྗེས་རྗེས་ཤེས་མཁན་ཡོད་ན་ཡང་བསྐྱར་འཇོག་རོགས། ཧ་ཧ།
བཙན་བྱོལ་ན་གནས་པའི་བོད་མི་ཀུན་ལ་ཞུ་རྒྱུ།དེ་རིང་གི་བརྡ་ཁྱབ་འདི་ནི་ང་ཚོ་ལ་མཚོན་ན་གོ་སྐབས་ཤིག་རེད། གོ་སྐབས་འདི་བཟུང་ནས་ང་ཚོ་རིན་མེད་ཐོག་ནས་ཇུས་འགོད་དང་ངན་སྐུལ་བྱེད་མཁན་དེ་སུ་ཡིན་མིན་གསལ་བཤད་བྱེད་དགོས་ཀྱི་རེད།རང་མི་རིགས་ཀྱི་གཅེས་ཕྲུག་དག་གི་རིན་ཆེ་ཚེ་སྲེག་ཕྲོག་མཁན་དེ་ནི་འཛམ་གླིང་འདིའི་མི་མང་ཀུན་གྱིས་རྒྱ་ནག་ཀོང་ཁྲན་སྲིད་གཞུང་ཡིན་པ་ངེས་ལེན་བྱེད་བཞིན་པ་དེ་གསལ་བཤད་བྱེད་དགོས་ཀྱི་མ་རེད་དམ།འདི་ནི་ང་ཚ་འགྲུབ་ཐུབ་པ་ཞིག་ཡིན་ན།གོང་གི་བརྡ་ཁྱབ་ནང་གི་ཁ་པར་ཨང་གྲངས་རྣམས་འདི་ནས་བགོད་རྒྱུ་མཁྱེན་མཁྱེན་ཞུ།
ཕྱི་ལོགས་སུ་ཡོད་པའི་བོད་པ་ཚང་མས་རྒྱ་གཞུང་ཀན་ལྷོ་ཁུལ་ཉེན་རྟོག་ལས་ཁུངས་ཀྱིས་སྤྲད་པའི་ཨང་གྲངས་དེ་དག་གི་ཐོག་གཅིག་རྗེས་གཉིས་མཐུད་ཀྱིས་ཁ་པར་གཏོང་རོགས། ཚང་མས་མགྲིན་དབྱངས་གཅིག་གྱུར་གྱིས་བོད་ལ་རང་དབང་དགོས། ༸གོང་ས་མཆོག་བོད་ལ་གདན་འདྲེན་ཞུ་དགོས་ཅེས་གསུང་། གལ་སྲིད་རྒྱ་སྐད་ཤེས་མཁན་ཡོད་ན་西藏要自由དང་迎请达赖喇嘛返回西藏ཅེས་གསུང་རོགས། ཁོ་ཚོ་སུན་སྣང་གིས་ཁ་པར་དེ་དག་གི་སྒོ་རྒྱག་རགས་པར་ཏུ་གཏོང་རོགས། ཁ་པར་ཨང་གྲངས་དེ་དག་འདི་ལྟར་རེད།
008615293669011
008615293669012
00869416696271
00869416696272
ཡར་ཞུ། ཀན་ལྷོ་ཁུལ་ཉེན་རྟོག་སྡེ་ཁག་གི་མགོ་གཙོ་ཧུའུ་སྐུ་ཞབས་རེད། བརྒྱུད་སྐུལ་བྱེད་མཁན་ཞིང་ཆེན་ཏང་གི་རྒྱུན་ལས་ཀྲུའུ་ཞི་ཝུན་སྐུ་ཞབས་རེད། ཇུས་འགོད་མཁན་ཀྲུང་དབྱང་ཏང་གི་འཐུས་མིའི་ཚོགས་ཆེན་གྱི་རྒྱུན་ལས་ཀྲུའུ་ཞི་སྲིད་འཛིན་ལས་ཐོགས་དང་ཝུན་ཇ་པའོ་སོགས་རེད། ཁོང་ཚོར་ཤ་ཉེའི་འབྲེལ་བ་ཡོད་པ་རེད། མི་དམངས་ཤོག་སྒོར་ཁྲི་ ༢༠ དེ་མགྱོགས་པོར་འཕྲོད་པའི་རེ་བ་ཡོད།