ཚན་རིག་པས་ནང་ཆོས་ཀྱི་རྟེན་འབྲེལ་མངོན་སུམ་ཚད་གྲུབ་ཏུ་མཐོང་གི་ཡོད།

༸གོང་ས་མཆོག་གིས་བཞུཊ་སྒར་དུ་དུས་ཡུན་ཉིན་གསུམ་རིང་། ལྷོ་ཀོ་རི་ཡའི་ནང་པའི་དད་ལྡན་པ་ ༢༥༠ གཙོས་རྒྱལ་ཁབ་ ༦༢ ནས་བཅར་བའི་ཆོས་ཞུ་བ་ ༥༠༠༠ བརྒལ་བར། མགོན་པོ་ཀླུ་སྒྲུབ་ཀྱིས་མཛད་པའི་༼དབུ་མ་རྩ་བ་ཤེས་རབ༽བཀའ་ཁྲིད་གནང་མགོ་བཙུཊ་འདུག 

ལྷོ་ཀོ་རི་ཡའི་ནང་པའི་དད་ལྡན་པ་ཁག་ཅིག་གིས་ཇི་ལྟར་གསོལ་འདེབས་ཞུས་དོན་ལྟར། དེ་རིང་ཕྱི་ཚེས་ ༢༩ ཉིན་ནས་མགོ་འཛུཊ་ཀྱིས་དུས་ཡུན་ཉིན་གསུམ་རིང་། ༸གོང་ས་མཆོག་གིས་བཞུཊ་སྒར་ངྷ་ས་ཐེག་ཆེན་ཆོས་གླིང་གཙུག་ལག་ཁང་དུ། ལྷོ་ཀོ་རི་ཡའི་ནང་པའི་དད་ལྡན་པ་ ༢༥༠ གཙོས་བཞུཊ་སྒར་ཁུལ་གྱི་སེར་སྐྱ་མང་ཚོཊ་དང་། འཛམ་གླིང་རྒྱལ་ཁབ་ ༦༢ ཙམ་ནས་བཅར་བའི་དད་ལྡན་ཆོས་ཞུ་བ་ ༥༠༠༠ བརྒལ་བར། དཔལ་མགོན་འཕཊ་པ་ཀླུ་སྒྲུབ་ཀྱིས་མཛད་པའི་༼དབུ་བ་རྩ་བ་ཤེས་རབ༽བཀའ་ཁྲིད་གནང་མགོ་བཙུཊ་ཡོད་ཅིང་། གསུང་ཆོས་ཀྱི་ཉིན་མཐའ་མར་མང་ཚོཊ་ལ་བཀའ་དབང་གནང་རྒྱུ་ཡིན་འདུག

གསུང་ཆོས་ཀྱི་ཐོག་མར་༸གོང་ས་མཆོག་གིས་མང་ཚོཊ་ལ་དུས་རབས་ཉེར་གཅིག་ནང་སེམས་ཀྱི་ཞི་བདེ་བརྒྱུད་འཛམ་གླིང་ཞི་བདེ་བསྐྲུན་ཐབས་སྐོར་ལ་བཀའ་སློབ་བསྩལ་དོན། “ང་ཚོ་ཚང་མས་དུས་རབས་ཉེར་གཅིག་ནང་མི་ཚེ་བསྐྱལ་དགོས་ཀྱི་ཡོད་ལ། ངས་ནམ་རྒྱུན་ལོ་ན་ ༢༠ ནས་ ༣༠ བར་དུས་རབས་ཉེར་གཅིག་པའི་མི་རབས་རེད། ལོ་ན་ ༦༠ནས་ ༧༠ བར་དུས་རབས་ཉི་ཤུ་པའི་མི་རབས་རེད་ཟེར་གྱི་ཡོད། དུས་རབས་ཉེར་གཅིག་པ་ལོ་བཅུ་ཕྲག་ལྷག་མ་གཏོཊ་ཕྱིན་མེད་ལ། ལོ་བཅུ་ཕྲག་བརྒྱད་གཞི་ནས་འགྲོ་དགོས་པ་རེད། འཛམ་གླིང་སྤྱིའི་ཆ་ནས་དུས་རབས་གསར་པ་དེ་དུས་རབས་རྙིང་པ་དང་མི་འདྲ་བར་ཞི་བདེ་ཡོད་པ་ཞིག་དགོས་པ་རེད། ཞི་བདེ་ཟེར་བ་དེ་མཚན་སྔཊ་བསགས་ཏེ་ཡོང་ཐུབ་པ་ཞིག་མ་རེད། ཞི་བདེ་ནི་ནང་སེམས་ཀྱི་ཞི་བདེ་བརྒྱུད་ཞི་བདེ་ཡོང་དགོས་པ་རེད། ཞི་བདེ་ཕྱི་ལོཊ་ནས་འབད་བརྩོན་བྱེད་པ་དང་ཡིག་ཆ་བཞག་པ་ལྟ་བུས་ཡོང་ཐབས་ཡོད་པ་མ་རེད། ཞི་བདེ་ངོ་མ་ཞིག་ཡོང་དགོས་ན་སེམས་ཀྱི་ཞི་བདེ་བཟོ་དགོས་པ་རེད། དེང་སང་ཚན་རིག་པའི་ཁྲོད་ནང་གི་རྣམ་པར་ཤེས་པ་གལ་ཆེན་ཞིག་ལ་ངོས་འཛིན་བྱེད་ཀྱི་ཡོད་ལ། ཀླད་པའི་འགྲོ་སྟངས་ཐོག་ཞིབ་ཚཊ་པོའི་བསླེབས་ཡོང་དུས་རྣམ་པར་རྟོག་པ་དང་འབྲེལ་བ་ཤུཊ་ཆེན་པོ་ཡོད་བསྡད་པ་ཞིག་རེད། “ཅེས་གསུངས་སོང་།

༸གོང་ས་མཆོག་གིས་མུ་མཐུད་གསུངས་དོན། “ཅི་ཙམ་གྱིས་རྣམ་རྟོག་འཁྲུག་ནས་བསྡད་ཡོད་ན་ཀླད་རྩ་ལ་སྐྱོན་ཡོད་པ་ཞིག་དང་། དེའི་ཐོག་ནས་ལུས་པོའི་འཕྲོད་བསྟེན་ལ་གནོད་བསྡད་པ་ཞིག་ཡོང་གི་ཡོད། སེམས་ལ་རྣམ་རྟོག་མེད་པར་སེམས་ཞི་བདེ་བག་ཕེབས་ངང་གནས་ཡོད་ན་ལུས་པོའི་འབྱུང་བ་སྙོམས་པ་ཡོད། ཉེ་ཆར་ཨ་རིར་ཚོཊ་འདུ་ཞིག་གི་སྐབས་ཚན་རིག་པ་ཞིག་གིས། སེམས་ལ་ཞི་བདེ་ཡོང་མཁན་དེ་རྒས་རྒྱུར་འགོར་བ་དང་མི་ཚེ་རིང་པོ་ཡོང་གི་རེད་ཅེས་བཤད་སོང་། དེང་སང་ཕྱིའི་དངོས་པོ་གཅིག་པུ་མིན་པར་ནང་གི་རྣམ་པར་ཤེས་པའི་སྐོར་དོ་སྣང་གསར་པ་ཞིག་ཡོང་གི་ཡོད། དེ་ཡིན་དུས་སེམས་ཀྱི་ཞི་བདེ་ལབ་ཡོང་དུས་སེམས་ཀྱི་ཡོན་ཏན་ཞིག་ཆཊ་ཡོད། སེམས་ཀྱི་ཞེ་སྡང་དང་ཕྲག་དོག་ཟེར་བ་དེ་དག་གིས་སེམས་དཀྲུག་གི་ཡོད། སེམས་ཀྱི་ཞི་བདེ་བཟོ་ཟེར་བ་དེ་སེམས་ཀྱི་ཞི་བདེ་དཀྲུག་མཁན་གྱི་རྣམ་རྟོག་དེ་སྐྱོན་དུ་བལྟས་ནས་དེ་ཉུང་དུ་གཏོང་བ་དང་། དེའི་འགལ་ཟླར་གྱུར་བའི་འཛིན་སྟངས་འགལ་བ་ཡིན་པའི་རྣམ་རྟོག་བྱམས་པ་དང་བརྩེ་བ། བཟོད་པ་བཅས་ཡར་རྒྱས་བཏང་སྟེ་སེམས་ཀྱི་ཞི་བདེ་བསྐྲུན་དགོས་པ་རེད། དེ་ལྟ་བུའི་སེམས་ཀྱི་ཞི་བདེ་བསྐྲུན་ཟེར་བ་དེ་སྐྱེ་བ་ཕྱི་མའི་སྐད་ཆ་མ་རེད། ནང་པ་ཡིན་ན་ཐར་པ་ཐམས་ཅད་མཁྱེན་པའི་སྐད་ཆ་བཤད་ཀྱི་མེད་ལ། ཕྱི་མ་ལྷ་ཡུལ་དུ་སྐྱེས་དང་དག་ཞིང་དུ་སྐྱེས། དཀོན་མཆོག་དགྱེས་པོ་ཡོང་གི་རེད་ཟེར་བའི་སྐད་ཆ་གང་ཡང་བཤད་ཀྱི་མེད། དུས་རབས་ཉེར་གཅིག་དེ་སེམས་ཀྱི་ཞི་བདེ་བརྒྱུད་ཞི་བདེ་ངོ་མ་ཞིག་ཡོང་བར་གཞོན་སྐྱེས་ཚོར་འགན་ཡོད་པ་རེད། “ཅེས་གསུངས། 

ཡང་༸གོང་ས་མཆོག་གིས། “ཆོས་པ་སྤྱི་དང་སངས་རྒྱས་པའི་ཆོས་པ་ཞིག་གི་ངོས་ནས་བཤད་ན། སེམས་ཀྱི་ཞི་བདེ་བསྒྲུབ་རྒྱུར་རང་ཉིད་ལ་ཕ་མེས་ནས་ཡོད་པའི་སངས་རྒྱས་པའི་ཆོས་དེ། ཆོ་ག་ཕྱག་ལེན་འདོན་པ་ཙམ་མིན་པར་སེམས་རྒྱུད་བཏུལ་བའི་ཐོག་སེམས་ལ་ཞི་བདེ་ཡོང་བ་ཞིག་བྱ་དགོས། འཛམ་གླིང་ཐོག་སངས་རྒྱས་པའི་ཆོས་སྤེལ་རྒྱུའི་དོན་དུ་མིན་པར། སོ་སོའི་ཕ་མེས་ཆོས་ལུཊ་ཉམས་སུ་བླངས་ན་བརྟན་པོ་ཞིག་དང་ཡག་པོ་ཡོང་གི་རེད། སངས་རྒྱས་ཆོས་ཉམས་ལེན་བྱེད་མཁན་ཞིག་གིས། སངས་རྒྱས་པའི་ཆོས་ནང་གསུངས་པའི་སེམས་འདུལ་ཐབས་སྐོར་ཆོས་མེད་མཁན་ཚོར་བཤད་པར་སྔོན་ལ་རང་གི་སེམས་བཏུལ་དགོས་ཀྱི་ཡོད། སངས་རྒྱས་པའི་ཆོས་བྱེད་མཁན་ཡིན་ལབ་སྟེ་རང་ཉིད་ཆཊ་སྡང་གིས་གཞན་དབང་དུ་བཏང་ན། སངས་རྒྱས་པའི་ཆོས་པ་ཆཊ་ཀྱི་མེད། གཞན་གྱི་སེམས་ལ་ཞི་བདེ་བསྐྲུན་པར་རང་ཉིད་ཀྱི་སེམས་ལ་ཞི་བདེ་དགོས་པ་དང་། དེ་ཡོང་བར་སོ་སོའི་ཆོས་བརྒྱུད་ནས་བཤད་པའི་ཐབས་ལམ་དེའི་ཐོག་སེམས་ནང་ཞི་བདེ་བསྐྲུན་ཐབས་བྱ་དགོས། སངས་རྒྱས་པའི་ཆོས་པ་ཞིག་གི་ངོས་ནས་སོ་སོའི་སེམས་ཅི་ལྟར་འདུལ་དགོས་མིན་ཐོག་ཁ་ཡོད་ལག་ཡོད་ཀྱིས་གཞན་ལ་སྐུལ་མ་གཏོང་ཐུབ་ན་ཡག་པོ་རེད། “ཅེས་གསུངས། 

ཞི་བདེ་སེམས་ནས་འཚོལ་ཐབས་སྐོར་ལ་གསུངས་དོན།” ཆོས་དད་ཡོད་མིན་ལ་མ་ལྟོས་པར་འཛམ་གླིང་འདིའི་ཐོག་མི་དུང་ཕྱིར་ ༧༠ ཙམ་ཡོད་པ་དེ། སེམས་ལ་བྱམས་བརྩེ་ཡོང་བ་དང་ནང་སེམས་ལ་དོ་སྣང་གསར་པ་ཞིག་བསླེབ་དགོས་རྒྱུ་གལ་ཆེན་རེད། དུས་རབས་ཉེར་གཅིག་ཞི་བདེའི་དུས་རབས་ཤིག་ཡོང་བར་སེམས་ཀྱི་ཞི་བདེ་བསྐྲུན་ཐབས་ལ་དོ་སྣང་བྱ་དགོས། དེ་ཡང་ཆོས་ཕྱོཊ་ཙམ་མིན་པར་ཤེས་ཡོན་ཐོག་སློབ་སྦྱོང་སྤྲོད་དགོས་པ་རེད། ཆོས་དང་མ་འདྲེས་པའི་ཐོག་མིའི་རྣམ་དཔྱོད་བེད་སྤྱོད་བཏང་སྟེ། ཡིད་བློའི་བདེ་སྐྱིད་སྒོ་ལྔའི་ཤེས་པར་བརྟེན་ནས་ཡོང་བསྡད་པ་ཙམ་མིན་པར། ཡིད་བློའི་རང་སྟེང་ནས་བདེ་བ་ཡོང་རྒྱུར་ངོ་སྤྲོད་བྱ་དགོས། ཡིད་བློའི་སྟེང་གི་བདེ་སྐྱིད་ཡིད་བློའི་རྟོཊ་པ་རང་སྟེང་ནས་དབྱེ་འབྱེད་བྱ་དགོས། ཆོས་ཟེར་བ་དེ་མིའི་རྣམ་དཔྱོད་དང་འབྲེལ་བ་ཡོད་པ་རེད། མིའི་སྤྱི་ཚོཊ་ནང་ཆོས་དད་ཡོད་པ་རེད་མ་གཏོཊ། དུད་འགྲོའི་སྤྱི་ཚོཊ་ནང་ཆོས་དད་མེད་ཀྱང་དྲང་བདེན་ཡོང་གི་ཡོད། ཆོས་དད་ནི་རྒྱུ་མཚན་ལ་བསམ་བློ་བཏང་སྟེ་འགྲོ་གི་ཡོད། ཡི་ཤུ་བླ་ཆེན་གྱིས་རྒྱུ་མཚན་དང་དད་པ་གཉིས་མཉམ་དུ་འགྲོ་དགོས་ཞེས་བཤད་པ་ལྟར། གང་ལྟར་མིའི་རྣམ་དཔྱོད་ལ་བརྟེན་ནས་འཕྲལ་ཕུཊ་ཀྱི་ཁེ་གྱོང་ལ་བསམ་བློ་བཏང་སྟེ། སེམས་དཀྲུག་མཁན་གྱིས་སྡུག་བསྔལ་སྤྲོད་ཀྱི་ཡོད་དུས་དེ་སྐྱོན་དུ་བལྟས། སེམས་ཞི་བདེ་ཡིས་བདེ་སྐྱིད་སྤྲོད་ཀྱི་ཡོད་དུས་དེ་ཡོན་ཏན་དུ་བལྟ་དགོས། དེ་མིན་ཕྱི་ལོཊ་ནས་བཟི་སྨན་ཟ་བ་དང་སྨན་ཁབ་བརྒྱབ་ན་ཞི་བདེ་ཡོང་གི་མེད་དུས། སེམས་ཀྱི་སྦྱོང་བརྡར་ཐོག་ནས་སེམས་ཞི་བདེ་ཡོང་ཐབས་གནང་དགོས། “ཞེས་གསུངས།

ནང་ཆོས་ཀྱི་ལྟ་བ་རྟེན་འབྱུང་གི་ཐད་གསུངས་དོན། “གྲངས་ཅན་ལྷ་མེད་པ་དང་གཅེར་བུ་བ། སངས་རྒྱས་པའི་ཆོས་བཅས་ཀྱིས་འཇིག་རྟེན་བཀོད་པ་པོ་མི་འདོད་པར། རྒྱུ་དང་འབྲས་བུའི་ཐོག་འགྱུར་བ་འགྲོ་བསྡད་པ་ཞིག་བཤད་ཀྱི་ཡོད། རྟེན་འབྱུང་གི་ཐ་སྙད་དེ་བཤད་ཀྱི་ཡོད་པ་མ་རེད། རྟེན་འབྱུང་བཤད་མཁན་ནང་པ་གཅིག་པུ་རེད། ཕྱིའི་སྣོད་དེ་རྒྱུ་དང་རྐྱེན་ལ་བརྟེན་ནས་འབྱུང་ཞིང་འགྱུར་འགྲོ་བ་ཞིག་ཏུ་འདོད་ཀྱི་ཡོད་ཀྱང་། སྣོད་དེར་ཡོད་པའི་བཅུད་ཀྱི་སེམས་ཅན་བདེ་སྡུག་ལོངས་སྤྱོད་པ་པོ་དེ། ཕུང་པོ་ལས་དོན་གཞན་པའི་རྟཊ་གཅིག་རང་དབང་བ་ལབ་ཡོང་དུས། རྟེན་འབྱུང་གི་གོ་དོན་ཆ་ཚང་དེ་ལས་ཡོད་པ་མ་རེད། ཕྱིའི་སྣོད་ཀྱི་བཀོད་པ་རྒྱུ་དང་རྐྱེན་ལ་བརྟེན་ནས་སྐྱེས་ཤིང་འབྱུང་བ་ཡིན་ནའང་། བདེ་སྡུག་ལོངས་སྤྱོད་པ་པོའི་བདག་དེ་ཕུང་པོ་ལས་དོན་གཞན་པའི་རྟཊ་གཅིག་རང་དབང་བའི་བདག་ཅིག་བཤད་ཀྱི་ཡོད། སངས་རྒྱས་པའི་ཕྱིའི་སྣོད་ཀྱི་བཀོད་པ་རྒྱུ་དང་རྐྱེན་ལ་བརྟེན་ནས་འབྱུང་བ་ཙམ་དུ་མ་ཟད། བདེ་སྡུག་ལོངས་སྤྱོད་པ་པོའི་བདག་དེ་ཕུང་པོ་བརྟེན་ནས་འབྱུང་བ་དང་ཕུང་བོ་ལ་བརྟེན་ནས་གྲུབ་བསྡད་པ་ཞིག་རེད། སངས་རྒྱས་པའི་ཆོས་ཀྱིས་རྟེན་ཅིང་འབྲེལ་བ་འབྱུང་བ་ཞེས་བཤད་བསྡད་ཡོད་ལ་དེ་ནི་ཐུན་མོང་མ་ཡིན་པ་ཞིག་ཆགས་ཡོད། དེ་ཆོས་ལུཊ་སུ་གཅིག་གིས་གསུངས་ཡོད་པ་མ་རེད། ནང་པ་སངས་རྒྱས་པ་ཁོ་ནས་འགྲེལ་བཤད་ཅིག་ཡིན་པ་རེད། དེང་སང་ཚན་རིག་པའི་ནང་དུའང་རྟེན་ཅིང་འབྲེལ་བར་འབྱུང་བ་ཞེས་པ་དེ། མཐོང་ཆོས་སུ་ཡོད་པ་ཞིག་དང་མངོན་སུམ་ཚད་གྲུབ་ཅིག་ལ་མཐོང་བསྡད་ཡོད། “ཅེས་གསུངས། 

ཕྱི་ཟླ་ ༡༡ ཚེས་ ༤ ནས་ ༡༣ ཉིན་བར་ ༸གོང་ས་མཆོག་གིས་མུ་མཐུད་དུ་ཉི་ཧོང་དུ་ས་གནས་མང་ཚོཊ་ལ་དགེ་བཤེས་གླང་རི་ཐང་པས་མཛད་པའི་༼བློ་སྦྱོང་ཚིག་བརྒྱད་མ༽བཀའ་ཁྲིད་དང་། རྒྱལ་ས་ཊོག་ཀྱོའོ་གཙོས་གྲོང་ཁྱེར་ཁག་ཅིག་ཏུ་༼རྐྱེན་ངན་འཕྲད་སྐབས་བཟང་ཕྱོཊ་ནས་ཟློག་ཐབས༽དང་། ཚན་རིག་དང་ནང་ཆོས་བགྲོ་གླེང་གི་མཁས་པའི་ཚོཊ་འདུར་ལྷན་ཞུཊ། ༼དཀའ་ངལ་གྲོལ་བའི་ནུས་སྟོབས༽བཅས་ཀྱི་ཐོག་བཀའ་སློབ་བསྩལ་རྒྱུ་ཡིན་འདུག

གསར་འགོད་པ། དཔལ་ལྡན།