ཕྱི་ལོ་ ༢༠༠༨ ནས་དེ་རིང་བར་དུ་བོད་ཀྱིས་ཞི་བའི་འཐབ་རྩོད་ཀྱི་ངོ་བོ་ཉིན་རེ་ནས་ཉིན་རེར་ཇེ་ཆེ་ཇེ་དྲག་ཏུ་འགྲོ་བཞིན་པའི་སྐབས་འདིར། འུ་ཅག་གི་མི་བུ་རེ་ཟུང་གིས་ཤ་ཚ་སྙིང་ཉེ་ཡིན་ཁུལ་གྱིས་ལས་འགུལ་གྱི་ངོ་བོ་སྒྱུར་དགོས་ཚུལ་བཤད་ཀྱི་འདུག དེ་ཚང་མའི་བསམ་ངོ་ལ་ཤར་རྒྱུ་ཞིག་རེད། རང་གི་ཟུངས་ཁྲག་གཅིག་པའི་མི་བུ་ཞིག་ཕར་ཞོག ཐ་ན་དུད་འགྲོ་འབུ་སྲིན་ཞིག་ཡིན་ཡང་མེ་ལ་མཆོང་ན་འདོད་པ་མེད་མཁན་ཤ་སྟག་རེད། ཡིན་ཡང་། བདེན་ལུགས་ལ་བརྩི་བཀུར་མེད་པའི་དམར་གཞུང་ལ་འདི་ལྟར་མེ་ལྕེ་དང་སྲོག་གིས་གླེང་སློང་ཞིག་མ་བྱས་ན་དྲང་མོའི་ལམ་ལ་གུས་པའི་བོད་རིགས་ལ་བདེན་ཁ་སྦྱིན་རྒྱུ་མ་རེད་ལ། བློ་ཡིད་ཚིམ་པའི་བདེན་ལུགས་ཤིག་ནམ་ཡང་རྙེད་རྒྱུ་མ་རེད། ངས་འདི་ལྟར་བཤད་ན་འུ་ཅག་གི་མི་བུ་གང་མང་ཞིག་གིས་ང་ལ་སྡིགས་སྨོད་བྱ་ངེས་ཀྱང་། ངས་ཅིས་ཀྱང་བཤད་མཚམས་མི་འཇོག གང་ཡིན་ཟེར་ན། རང་སྲོག་མ་གཏོང་ཞི་རྒོལ་སྡེབ་ཀྱིས་ལོངས་ཞེས་པའི་ཚིག་འདི་དག་ཧ་ཅང་གི་སྙན་ཆ་ལྡན་པའི་གསུང་སྟངས་ཡ་རབས་ཤིག་རེད་ལ། སྒེར་གཅོད་པའི་གདུག་རྩུབ་ཧ་མ་གོ་བའི་བཤད་སྟངས་དགོད་བྲོ་བ་ཞིག་ཀྱང་རེད།
དེ་དང་མཉམ་དུ་སྔོན་ཆད་ཀྱི་སྐད་ཆ་ཞིག་ཡིད་ལ་ཤར་སོང་། ༢༠༠༨ ལོ་འུ་ཅག་མི་བུ་གང་མང་ཞིག་གོམ་བགྲོད་ལ་འགྲོ་བཞིན་པའི་སྐབས་ཤིག་ལ། འུ་ཚང་གི་ཆབ་སྲིད་པ་སྐོར་ཞིག་གིས་གཅིག་རྗེས་གཉིས་མཐུད་ཀྱིས་གསུངས་བཤད་འདི་འདྲ་ཞིག་གནང་སོང་། ༼བོད་ནང་ནས་བོད་མི་ཚོས་ངོ་རྒོལ་བྱེད་སྟངས་ཤེས་ཀྱི་མི་འདུག གངས་ཡིན་ཟེར་ན། དང་པོ་གྲ་སྒྲིག་མི་འདུག གཉིས་པ། མོ་ཊ་དང་སྦག་སྦག ཁང་བ་སོགས་ལ་རྡོ་གཞུས་ན་དམག་མིས་འཇུས་ཆོག་ཆོག་རེད། དེ་ལས་ང་ཚོ་ནང་བཞིན་གོམ་བགྲོད་བྱས་ན་ཐབས་ཤེས་གང་ཡང་མེད་པ་ཞེས་གདོང་དང་ལག་པའི་རྣམ་འགྱུར་ཡང་མ་འདྲ་བ་ཞིག་སྟོན་གྱི་འདུག༽ བསམ་ཚུལ་འདི་གཉིས་ཀྱིས་དྲི་མ་ཨ་ན་མ་ན་རེད་ལ། བོད་ནང་གི་གནས་བབ་ལ་རྒྱུས་ལོན་མེད་པའི་ཧམ་བཤད་ཅིག་ཀྱང་རེད།
དོན་དག་ལ་དཔའ་ངར་ཞུམ་མེད་ཀྱི་སྙིང་སྟོབས་འདི་ལྟ་བུ་ཞིག་མེད་ན། སྒེར་གཅོད་པའི་མདུན་ན་གནས་ལུགས་ཤིག་འགྲོ་ས་མེད་པ་ང་ཚོས་ངེད་པར་དུ་ཤེས་དགོས། རང་ཅག་གི་དཔའ་བོ་དཔའ་མོ་དག་གིས་མ་ཤེས་མ་གོ་བར་ཧོལ་རྒྱུག་བྱས་པ་མ་རེད། ཐབས་ཟད་པའི་ཐབས་ཤེས་འདི་བདམས་པ་རེད། ཡང་གཅིག་བཤད་ན། རྒྱལ་ཁབ་གང་མང་ཞིག་གི་རང་བཙན་ཤོར་ཡོད་ལ། མང་པོ་ཞིག་ལ་རང་བཙན་རག་ཡོད། རང་བཙན་རྩོད་མཁན་གྱི་རྒྱལ་ཁབ་གང་མང་ཞིག་གི་མི་བུ་ག་ཚོད་ཅིག་གི་རང་སྲོག་ཤོར་ཡོད་པ་ལོ་རྒྱུས་ན་ཧ་ཅང་གསལ་བོ་རེད། དེའི་ཕྱིར། འུ་ཅག་ཡང་ལམ་བུ་འདིར་འགྲོ་མ་ཐུབ་ན་སྒེར་གཅོད་རིང་ལུགས་པར་རྒྱུ་འབྲས་བློ་མིག་ཅིག་ཉིན་མོའི་སྐར་མ་རེད། མ་གཞི་དྲ་གྲོགས་གང་མང་ཞིག་གི་བསམ་ཚུལ་འདི་རང་མི་རིགས་ལ་ཤ་ཞེན་གཅེས་སྤྲས་ཡོད་པའི་ལྷད་མེད་གསུང་སྟངས་ཤིག་རེད་ལ། ཤེས་ཡོན་པའི་འགན་ཁུར་ཞིག་ཡིན་པས་ཡིད་ཆེས་ཡོད། ཡིན་ཡང་། ཕུགས་རྒྱང་རིང་པོས་དཔྱོད་ཤེས་ཀྱི་མིག་ཟུང་ནམ་ཡང་བཙུམ་མི་རུང་།
![Ren Quanniu said the Henan Provincial Justice Department revoked his licence over comments he made in court in a 2018 case [File: Leo Ramirez/ AFP]](https://tibettimes.net/wp-content/uploads/2025/07/Untitled-2-360x180.jpg)
སྐད་ཆ་འདི་ནི་སུས་ཀྱང་བཤད་ཐུབ་ཀི་མ་རེད་ལ་བཤད་པའི་ཐོང་ཐང་ཡང་ཡོད་བ་མ་རེད། རང་ཉིད་བདེ་བདེ་སྐྱིད་སྐྱིད་ངང་བསྡད་དེ་གཞན་གྱི་འདི་ལྟ་བུའི་ཛ་དྲག་གི་ལས་འགུལ་དང་གཟོད་པར་དཀའ་བའི་བློ་གཏོང་བྱས་དགོས་པ་རེད་ཟེར་ནས་སུས་བཤད་ཕོད་ཀི་རེད། ང་ཚོ་དང་ཁོ་ཚོ་སུ་ཡིན་ཡང་བོད་མི་རིགས་བདེན་དོན་དང་རང་དབང་གི་ཆེད་དུ་འབད་དགོས་པ་དང་བློ་གཏོང་བྱས་དགོས་པ་ནི་འདྲ་འདྲ་ཡིན་པ་ལས་གཞིས་ལུས་རྒྱ་ཆེ་མི་མང་གི་རྐྱང་རྐྱང་གི་འདི་ལྟར་བྱས་ཏེ། ང་ཚོས་ཁོ་ཚོའི་སྙིང་སྟོབས་ཆེ་རབས་དང་ལར་ཞེན་ཟབ་རབས་བཤད་དེ་ཁོ་ཚོ་རྐྱང་རྐྱང་མེ་མདའ་ཁར་བརྫངས་ནས་དེ་བསྡད་ལས་རྒྱུ་འབྲས་ལ་ག་ཡང་ག་ལ་རུང་།
འུ་ཚོའི་ཛ་དྲག་གི་སྐབས་འདི་འདྲ་ཞིག་ལ་སོ་སོའི་ཐུན་མིན་ལྟ་ཚུལ་རྣམས། འདི་ལྟར་བརྗོད་པ་ནི་ངོ་མ་ཡི་རང་གི་ཡུལ་རེད། དོན་གྱི་སྙིང་པོ། རང་གི་ལྟ་ཚུལ་དེ་ཚང་འཛོམས་པ་ཞིག་གཙོ་བོར་བཤད་དགོས་པ་དེ་རེད། དེ་ནས་འུ་ཚོའི་སྤུན་ཟླ་འགས་མི་རིགས་རྩ་དོན་དུ་གླེངས་པའི་སྐད་ཆ་ལ། འུ་ཚོ་སུ་ཡིན་རུང་འདང་ཞིབ་མོར་བརྒྱབས་ནས་སྨྲ་རྒྱུ་གལ་ཆེན་རེད། ཐུགས་རྗེ་ཆེ། སྐད་ཆ་འདི་བདག་གི་བསམ་ཚུལ་ཡིན།
་་་་་་་་ རང་ཅག་གི་དཔའ་བོ་དཔའ་མོ་དག་གིས་མ་ཤེས་མ་གོ་བར་ཧོལ་རྒྱུག་བྱས་པ་མ་རེད། ཐབས་ཟད་པའི་ཐབས་ཤེས་འདི་བདམས་པ་རེད། ཡང་གཅིག་བཤད་ན། རྒྱལ་ཁབ་གང་མང་ཞིག་གི་རང་བཙན་ཤོར་ཡོད་ལ། མང་པོ་ཞིག་ལ་རང་བཙན་རག་ཡོད། རང་བཙན་རྩོད་མཁན་གྱི་རྒྱལ་ཁབ་གང་མང་ཞིག་གི་མི་བུ་ག་ཚོད་ཅིག་གི་རང་སྲོག་ཤོར་ཡོད་པ་ལོ་རྒྱུས་ན་ཧ་ཅང་གསལ་བོ་རེད། ་་་་་་ཟེར།
རྔ་བ་ལེགས། ཤར་ཁུག་གིས་ཅི་བཤད་རྒྱུ་མ་ཤེས་པས་རེད་སྙམ།རྒྱའི་རྩ་ཁྲིམས་ལག་ཏུ་བཟུང་ནས་དབུ་མའི་ལམ་པ་ཚོ་སྔོན་ལ་ངེས་པར་འགྲོ་དགོས་རེད། གཞོན་ལྷན་རྒྱུན་ལས་དག་ལ་གཟིགས་འཚལ་ལོ། དེ་རྗེས་ཆོལ་ཁ་བཞིས་ལྷམ་སྒྲོག་བསྡམ་ནས་ཨང་གསར་ངང་སྡོད་དགོས་ངེས་རེད།གཞི་ནས་མི་མང་ལ་འབོད་བསྐུལ་ཞུས་ལ་ན། མིའི་ལུགས་དང་མཐུན་ནོ།།
ཆབ་སྲིད་ལ་ཅང་མི་ཤེས་མ་ཟད་བོད་རེས་མེར་བསྲེགས་བཏང་དུས་སྙིང་ལ་མི་བཟོད་པའི་ན་ཟུག་སྐྱེས་མཁན་ཞིག་ཡིན་ཀྱང། རང་དབང་དང་རང་བཙན་རྩོད་ལན་བྱེད་དགོས་ན་འདི་ལྟར་བྱེད་དགོས་རྒྱུ་རེད་སྙམ་གི ཁྱོད་ཀྱིས་བཤད་པར་རྒྱབ་སྐྱོར་ཡོད།
ཐབས་ཟད་པས་ཐབས་ཤེས་འདེམས་པ་མིན་པར། ཞི་བའི་ཐབས་ལམ་གཞན་ཡོད་མེད་དང། ལྷག་པར་རང་སྲོག་སྐྱོབ་ཆེད་འགོག་རྒོལ་སྣ་ཚོགས་ཀྱི་ཐབས་ཤེས་ཡོད་མེད་ཀྱང་བརྩམས་མི་འདུག་པ། དཔེར་ན། རྔ་བ་དང་རེབ་གོང་གི་རང་སྲེག་གཏོང་མཁན་རྣམས་ཀྱིས། རྔ་བ་དང་རེབ་གོང་ཁུལ་གྱི་དམར་ཤོག་དྲུང་ཆེ་གཉིས་གསོད་མི་ཐུབ་བམ། གསོད་དགོས་པའི་མི་རིགས་དབྱེ་འབྱེད་ཀྱི་ནག་ཉེས་སྟོན་རྒྱུ་མི་རྙེད་དམ། ཡིན་ནའང་དེ་ལྟར་གནང་མི་འདུག གཉིས་ནས་ཐབས་ཟད་ཟེར་བའི་ཐ་སྙད་འཇུག་ཡུལ་ནི། ཐབས་སྣ་ཚོགས་བྱས་ཟིན་རྗེས་ཕྱོགས་གང་ནས་བལྟས་ཀྱང་ཤི་བ་ལས་ཐབས་གཞན་མེད་པའི་གནས་སྟངས་སུས་བལྟས་ན་འང་མཐོང་ཐུབ་པ་ཞིག་ཡིན་དགོས་པ་རེད། དེ་ཡིན་དུས། རང་སྲེག་ཐབས་ཟད་པའི་ཐབས་ཡིན་ན་ཐབས་ཟད་སྟངས་བརྒྱད་གསུམ་གཅིག་དྲུག་ཟེར་བས་གསལ་འགྲེལ་གནང་མི་དགོས་སམ།། རྒྱུ་མཚན་སྔོན་ལ་བགྲང་སྡོམ་རྗེས་ནས་བརྒྱབས་ནས་མིའི་རྣ་བར་འགྲོ་བ་ཞིག་ཀྱང་རེད་བསམས།།
དྲ་གྲོགས་རྔ་བ་བརྒྱད་གསུམ་གཅིག་དྲུག་ལགས། ཚིག་བསྡུས་ཞིང་དོན་ཟབ་པས་གནས་ལུགས་ཞིག་གི་ཐད་ནས་ཉིང་ཁུངས་ཀྱི་སྐད་ཆ་དེ་ལ་རྒྱབ་སྐྱོར་མཐའ་གཅིག་ཏུ་ཡོད།
རེད།
ད་ང་ཚོ་ངོ་མ་མུ་མཐུད་མཆེད་དགོས་པ་ལས་ཆད་ན་མི་རུང་བའི་དུས་སྐབས་ཤིག་ཏུ་སླེབས་པར་འདོད་དོ།།
ལུས་སྲོག་ལོངས་སྤྤྱོད་ཐམས་ཅད་བློས་བཏང་མཛད་པའི་པུར་རྒྱལ་དཔའ་བོ་དཔའ་མོར་གུས་ཕྱག་འཚལ་ལོ།།
ཆབ་སྲིད་དབྱེ་ཞིབ་ལ་ང་མཁས་ཟེར་མཁན་རྣམས་ལྷན་འཛོམས་ཀྱིས་ཇི་དགེར་དགོངས་འཆར་སྤུངས་དགོས་པའི་ཛ་དྲག་པོའི་དུས་སྐབས་ཤིག་ཀྱང་ཡིན་པར་འདོད་དོ།།