སུད་སི་གནས་སྡོད་པ་ཀླུ་རྒྱལ་དོན་འགྲུབ་ལགས་ཀྱིས་འདི་གར་གནས་ཚུལ་བཏང་འབྱོར་ལྟར་ན། ཁ་སང་ཕྱི་ཚེས་ ༡༥ ཉིན་སྟེ། རྒྱ་ནག་དམར་ཤོག་ཚོགས་པའི་མགོ་ཁྲིད་གསར་བརྗེ་བསྒྱུར་དང་ལས་འགན་བརྒྱུད་སྤྲོད་ཀྱི་ཉིན་དང་པོར་ཡུ་རོབ་བོད་ཀྱི་གཞོན་ནུས་གོ་སྒྲིག་འོག སུད་སིའི་རྒྱལ་ས་བྷན་ (Bern) དུ་གནས་སྡོད་བོད་མི་ཁག་ཅིག་དང་བོད་དོན་རྒྱབ་སྐྱོར་བ་བཅས་བོད་མི་ ༢༠ ལྷག་འདུ་འཛོམས་ཀྱིས། རྒྱལ་ས་བྷན་དུ་ཡོད་པའི་རྒྱ་ནག་གཞུང་ཚབ་ཀྱི་སྒོ་འགྲམ་དུ་ད་ལྟའི་བོད་ནང་གི་ཛ་དྲག་གི་གནས་སྟངས་དང། ལྷག་པར་ཉེ་བའི་ཆར་རང་ལུས་མེར་བསྲེཊ་ཀྱིས་ལས་འགུལ་བསྟུད་མར་བྱུང་བཞིན་པའི་རྒྱལ་གཅེས་དཔའ་བོ་དཔའ་མོ་རྣམས་ལ་གནས་སྟངས་གདུང་སེམས་མཉམ་སྐྱེད་ཆེད། དུས་ཡུན་ཆུ་ཚོད་ ༢།༠༠ ཙམ་གྱི་རིང་ངོ་རྒོལ་སྐད་འབོད་ཀྱི་ལས་འགུལ་ཞིག་སྤེལ་ཡོད་འདུག
ལས་འགུལ་ཐོག་ཡུ་རོབ་གཞོན་ནུའི་ཚོགས་གཙོ་བསྟན་འཛིན་དགའ་ལྡན་ལགས་དང་གཞོན་ནུའི་ལས་བྱེད་མིག་དམར་སྒྲོལ་མ་བཅས་ཀྱིས། རྒྱ་ནག་གཞུང་གིས་མགོ་ཁྲིད་གསར་པ་ཚོས་ད་ལྟའི་བོད་ནང་གི་ཛ་དྲག་གི་གནས་སྟངས་ངེས་པར་དུ་འགྱུར་བ་གཏོང་དགོས་པ་མ་ཟད། འཛམ་གླིང་ནང་མང་གཙོའི་རྒྱལ་ཁབ་ཁག་གི་ཁྲིམས་སྒྲིག་ལ་མིག་དཔེ་བལྟས་ཏེ། བོད་ནང་གི་གདུག་རྩུབ་ཅན་གྱི་སྲིད་ཇུས་འདི་བཞིན་མྱུར་དུ་མཚམས་འཇོག་བྱ་རྒྱུ་དང་། རྒྱ་ནག་གཞུང་གིས་བོད་ནང་གི་བོད་མིའི་མངོན་འདོད་དང་དགེ་འདུན་མ་བསྒྲུབ་པར། སུད་སི་གནས་སྡོད་བོད་མི་ཚོས་ནས་རྒྱ་ནག་གཞུང་ལ་ངོ་རྒོལ་གྱི་ལས་འགུལ་མུ་མཐུད་སྤེལ་རྒྱུ་ཡིན་པའི་སྐོར་སོགས་གྱི་གཏམ་བཤད་གནང་ཡོད་འདུག་ལ། ཁ་སང་གི་ལས་འགུལ་སྐབས་རྒྱ་ནག་གཞུང་ཚབ་ཁང་གིས་གནོན་ཤུགས་འོག སུད་སི་བདེ་སྲུང་དམག་མིས་བོད་མིའི་ལས་འགུལ་ཕྱིར་འཐེན་བྱེད་དགོས་པའི་བརྡ་ལན་སྤྲད་ཡོད་པ་མ་ཟད། ལས་
གསར་འགོད་པ། དོན་གོ
