ཁ་སང་གཟའ་ལྷག་པའི་ཉིན་མཚོ་ལྷོ་ཁུལ་རྕི་གོར་ཐང་རྫོང་དུ་བོད་བསྟན་སྲིད་ཆེད་རང་ལུས་མེར་བསྲེཊ་གནང་མཁན་ཡོངས་ཀྱི་ཆེད་བསྔོ་སྨོན་མཆོད་འབུལ་གནང་ཡོད་འདུག
རྒྱ་གར་ལྷོ་ཕྱོགས་གནས་སྡོད་གྲྭ་མཆོག་གྲུབ་ལགས་ཀྱིས་འདི་གར་གནས་ཚུལ་བཏང་འབྱོར་ལྟར་ན། ཟླ་འདིའི་ཕྱི་ཚེས་ ༢༨ ཉིན་བོད་མདོ་སྨད་མཚོ་ལྷོ་་ཁུལ་རྩི་གོར་ཐང་རྫོང་དཔོལ་ཁ་གྲོང་རྡལ་དུ་ཡོད་པའི་ཨ་ཚོགས་དགོན་པའི་ནང་། བོད་མི་སེར་སྐྱ་ ༥༠༠ ལྷག་གིས་༸གོང་ས་མཆོག་གི་སྐུ་པར་མཐོང་གྲོལ་རིན་པོ་ཆེ་བཞུགས་ཁྲི་མངའ་གསོལ་དང་ཁ་བཏགས་བསྒྲོན་འབུལ། ༸གོང་ས་མཆོག་གི་སྐུ་ཚེ་ཡུན་རིང་བརྟན་ཆེད་རྒྱལ་བའི་ཞབས་བརྟན་གསོལ་འདེབས་སྐྱོར་བ་དང་། བོད་བསྟན་སྲིད་མི་རིཊ་ཀྱི་ཆེད་རང་ལུས་མེར་བསྲེཊ་ཀྱིས་རྒྱ་གཞུང་གི་དྲག་གནོན་དབང་བསྒྱུར་སྲིད་ཇུས་ལ་ངོ་རྒོལ་གནང་མཁན་རྒྱལ་གཅེས་དཔའ་བོ་དཔའ་མོ་འདས་གསོན་ཡོངས་ཀྱི་ཆེད་མ་ཎི་གསོག་སྒྲུབ་དང་བསྔོ་སྨོན་མཆོད་འབུལ་གནང་ཡོད་འདུག
གསར་འགོད་པ། དོན་གོ
ཨ་ཁུ་མཁས་གྲུབ་ལགས་ཀྱིས་ཕ་ཡུལ་གྱི་གནས་ཚུལ་མཁོ་སྤྲོད་བྱས་བར་ཐུགས་རྗེ་ཆེ་ཞུ་བ་དང་མཉམ་དུ་ལས་འགུལ་འདིའི་སྔ་རྗེས་ནས་ཕ་ཡུལ་གྱི་སྡེ་ཁག་དག་གི་བར་དུ་མཐུན་སྒྲིལ་གྱི་ནུས་ཤུགས་གསར་བ་ཞིག་བསྐྲུན་ཡོད་པར་ཀུན་ནས་རེའོ།