དེ་རིང་བོད་མདོ་སྨད་ཀླུ་ཆུ་ཟམ་ཚ་ལོ་ཚོ་སྡེ་བའི་རྒྱལ་གཅེས་དཔའ་བོ་ཚེ་རིང་རྣམ་རྒྱལ་ལགས་ཀྱིས་རང་ལུས་མེར་བསྲེགས་ཀྱིས་སྐུ་གྲོངས་འདུག
དེ་རིང་ཕྱི་ཚེས་ ༢༩ ཉིན
གྲྭ་བསྟན་འཛིན་ལགས་ཀྱིས་འདི་གར་གནས་ཚུལ་བརྗོད་པ་ལྟར་ན། རྒྱལ་གཅེས་དཔའ་བོ་ཁོང་གི་ཕའི་མིང་ལ་ཆོས་རོ་དང་མའི་མིང་ལ་རྟ་མགྲིན་འཚོ། ཁོང་གི་བཟའ་ཟླའི་མིང་ལ་ཆོས་སྐྱོང་འཚོ་འབོད་ཀྱི་ཡོད་འདུག ཁོང་ལ་བྱིས་པ་བུ་མོ་གཉིས་ཡོད་པའི་ནང་ནས་ཆེ་བ་རྡོ་རྗེ་སྐྱིད་ལོ་ ༧ ཡིན་པ་དང་། ཆུང་བ་སྐལ་བཟང་སྒྲོལ་མ་ལོ་ ༣ ཡིན་འདུག
ད་ལྟའི་ཆར་རྒྱལ་གཅེས་དཔའ་བོ་ཁོང་གི་སྐུ་ཕུང་རང་ཁྱིམ་དུ་གདན་འདྲེན་གནང་སྟེ། གདོང་གཟིགས་དགོན་ཕུན་ཚོགས་རབ་རྒྱས་གླིང་དང་རྨོག་རུ་དགོན་གཉིས་ཀྱི་དགེ་འདུན་པའི་གཙོས། ས་གནས་མང་ཚོགས་འདུ་འཛོམས་ཀྱིས་བསྔོ་བ་སྨོན་ལམ་གསུངས་བཞིན་ཡོད་འདུག
གསར་འགོད་པ། ཚེ་རིང་རྒྱལ།
དཔའ་བོ་ཁོང་གི་མཚན་ཚེ་རིང་བཀྲ་ཤིས་མ་ཡིན་པར་ཚེ་རོང་རྣམ་རྒྱལ་ཡིན་པ་དགོངས་འཇགས་ཞུ
ཨོཾ་མ་ཎྀ་པདྨེ་ཧཱུཾ། རྒྱལ་གཅེས་དཔའ་བོ་ཁོང་ལ་མྱ་ངན་གུས་འདུད་དང་། ཤུལ་ལུས་ནང་མི་ཚོར་གདུང་སེམས་མཉམ་སྐྱེ་ཞུ་གི་ཡོད།
དུས་བབ་གསར་འགྱུར་དུས་ཐོག་རེད།
བོད་མིའི་སྙིང་སྟོབས་མེ་ལྕེ་རེད།
བྱེས་གྱུར་བོད་མི་ར་རྡིབ་རེད།
བོད་པའི་བདེན་དོན་སུ་ཡིས་རྩོད།
ད་ང་ཚོས་ག་རེ་བྱེད་དགོས་རེད། བོད་ཕྱི་ལོག་ན་ཡོད་པའི་བོད་མི་གཅིག་འབུམ་བཞི་ཁྲི་རྣམས་གང་ཞིག་ལ་ཕྱིན་སོང་བ་རེད། ང་ཚོ་ད་དུང་སྒུག་ནས་སྡོད་རྒྱུ་ཡིན་ནམ་་། འབངས་མི་ཡི་ཁྲོད་ན་ཤ་ཁྲག་ལ་མེ་འབར་གྱི་ཡོད་པ་བོད་གཞུང་གིས་མ་མཐོང་བ་རེད་དམ། ང་ཚོ་ཕྱི་ལོག་ནས་འདི་ལྟར་བསྡད་བསྡད་ན་ཆོ་གང་ཡང་མཐོང་གི་མི་འདུག