གཟའ་ཕུར་བུའི་ཉིན་ལྷོ་ཨ་ཧྥུ་རི་ཀའི་ཆེས་མཐོའི་ཁྲིམས་ཁང་གིས། སྔར་ལོ་༸གོང་ས་མཆོག་ལ་ཐོངས་མཆན་མ་སྤྲད་དེ་ནི་ཁྲིམས་འགལ་ཡིན་པའི་ཐག་གཅོད་བྱས་འདུག
ཕྱི་ཟླ་ ༡༡ ཚེས་ ༢༩ ཉིན་ལྷོ་ཨ་ཧྥུ་རི་ཀའི་ཆེས་མཐོའི་ཁྲིམས་ཁང་གིས། སྔར་ལོ་ལྷོ་ཨ་ཧྥུ་རི་ཀའི་ཡེ་ཤུ་ཆོས་དཔོན་ཌི་སི་མཱན་ཊོ་ཊོ་མཆོག་གིས་ཁོང་གི་སྐྱེས་སྐར་མཛད་སྒོར་༸གོང་ས་མཆོག་གདན་ཞུ་གནང་པར། སྐབས་དེའི་ལྷོ་ཨ་ཧྥུ་རི་ཀའི་ནང་སྲིད་སྡེ་ཁག་གི་མགོ་གཙོ་གྷ་ལའེ་མི་ནའེ་རྫུ་མཱ་(Mme Nkosazana Dlamini-Zuma)ཡིས་དུས་ཚོད་མནར་འགྱངས་ཀྱིས་ཐོངས་མཆན་མ་སྤྲད་པའི་བྱ་སྤྱོད་དེ་ནི་ཁྲིམས་འགལ་ཆགས་ཡོད་པའི་ཐག་གཅོད་གནང་འདུག
སྔར་ལོ་ལྷོ་ཨ་ཧྥུ་རི་ཀའི་ཡེ་ཤུའི་ཆོས་དཔོན་དང་ནོ་སྦེལ་ཞི་བདེ་གཟེངས་རྟགས་བཞེས་མཁན་ཌི་སི་མཱན་ཊོ་ཊོ་མཆོག་གིས། ཁོང་ཉིད་དགུང་ལོ་ ༨༠ ཕེབས་པའི་སྐྱེས་སྐར་མཛད་སྒོའི་ཐོག ༸གོང་ས་མཆོག་ཆེད་དུ་གདན་ཞུས་གནང་ཡོད་ཀྱང་། ལྷོ་ཨ་ཧྥུ་རི་ཀའི་ནང་སྲིད་སྡེ་ཁག་གི་མགོ་གཙོ་གྷ་ལའེ་མི་ནའེ་རྫུ་མཱ་ཡིས་དུས་ཚོད་མནར་འགྱངས་བྱས་ཏེ་༸གོང་ས་མཆོག་ལ་ཐོངས་མཆན་སྤྲད་མེད་སྟབས། ཌི་སི་མཱན་ཊོ་ཊོ་མཆོག་གིས་གནད་དོན་དེའི་ཐད་ལྷོ་ཨ་ཧྥུ་རི་ཀའི་གཞུང་ཆེས་མཐོའི་ཁྲིམས་ལ་ཞུ་གཏུགས་བྱས་ཡོད་པ་རེད།
ཉེ་ཆར་གཟའ་ཕུར་བའི་ཉིན་ལྷོ་ཨ་ཧྥུ་རི་ཀའི་ཁྲིམས་ཁང་གིས། སྐབས་དེའི་ལྷོ་ཨ་ཧྥུ་རི་ཀའི་ནང་སྲིད་སྡེ་ཁག་གི་མགོ་གཙོ་གྷ་ལའེ་མི་ནའེ་རྫུ་མཱ་ཡིས་དུས་ཚོད་མནར་འགྱངས་བྱས་ཏེ། ༸གོང་ས་མཆོག་ལ་ཐོངས་མཆན་མ་སྤྲད་པའི་བྱ་སྤྱོད་དེ་ནི་ཁྲིམས་འགལ་ཡིན་པའི་ཐག་གཅོད་བྱས་ཡོད་འདུག
ཌི་སི་མཱན་ཊོ་ཊོ་མཆོག་གིས་ལྷོ་ཨ་ཧྥུ་རི་ཀའི་ཆེས་མཐོའི་ཁྲིམས་ཁང་གི་ཐག་གཅོད་དེར་བསྔགས་བརྗོད་དང་། ཐག་གཅོད་དེ་ཡིས་ལྷོ་ཨ་ཧྥུ་རི་ཀའི་ཁྲིམས་ཁང་ནི་སྲིད་དོན་མི་སྣའི་སྟངས་འཛིན་འོག་མ་ཚུད་པར་རང་རྐྱང་ཕེར་བའི་ངོ་བོར་གནས་ཡོད་པའི་ངོས་འཛིན་གནང་ཡོད་པ་མ་ཟད། ཁོང་གིས་མ་འོངས་པར་ཡང་བསྐྱར་༸གོང་ས་མཆོག་ལྷོ་ཨ་ཧྥུ་རི་ཀའི་ནང་ཕེབས་ཞུ་གནང་སྲིད་པའི་རྣམ་འགྱུར་བསྟན་ཡོད་འདུག
གསར་འགོད་པ། ཚེ་རིང་རྒྱལ།
དྲང་བདེན་དང་གནས་ལུགས་ལ་བདེན་སྐྱོང་ཅན་གྱི་ཁྲིམས་ཁང་དེ་དག་གི་དབུ་འཕང་དགུང་ལ་འཕྱོར་བར་ཤོག
ཆོས་ལུགས་བླ་ཆེན་ཞིག་གི་སྐྱེས་སྐབས་གནས་ཚུལ་ལ། རྒྱལ་ཁབ་ཕན་ཚུར་ཚོང་འབྲེལ་ལ་གང་།
བདེན་པ་ཡོད་ཚད་འདི་ལྟར་རྟག་ཏུ་རྒྱལ་འགྱུར་ཅིག །