ཁ་སང་ཕྱི་ཚེས་ ༢༣ ཉིན་བོད་ཀྱི་མི་རབས་གསར་བའི་མཐུན་ཚོགས་ཀྱི་གོ་སྒྲིག་འོག སུད་སིའི་གྲོང་ཁྱེར་ཛུ་རིག་གི་ཁྲོམ་གཞུང་དུ། མཐུན་ཚོགས་ཀྱི་ཚོགས་མི་རྣམས་གཙོས་པའི་མི་གྲངས་ ༡༥ ལུས་སྟོད་དམར་ཧྲང་དུ་བུད་དེ་བོད་དོན་ལས་འགུལ་ཞིག་སྤེལ་ཡོད་འདུག
ཉིན་འདི་འགར་སུད་སི་ཛུ་རིག་གྲོང་ཁྱེར་གྱི་གནམ་གཤིས་ཧ་ཅང་གྲང་ཞིང་། དྲོད་ཚད་གླད་ཀོར་འོག་གི་ཨང་ ༩ ནས་ ༡༠ བར་སླེབས་ཡོད་ཀྱང་། ཕྱི་ལུགས་ལོ་སར་བསླེབ་ལ་ཉེ་ཞིང་གྲོང་འཁྱེར་ནང་མང་ཚོགས་འདུ་འཛི་ཧ་ཅང་ཆེ་བའི་གོ་སྐབས་བཟུང་སྟེ། ཁ་སང་ཕྱི་ཚེས་ ༢༣ ཉིན་བོད་མི་དེ་དག་གིས་ལུས་སྟོད་དམར་ཧྲང་གིས་ལུས་སྟེང་དུ་བོད་ནང་རང་ལུས་མེར་བསྲེགས་གཏོང་བཞིན་པའི་ཛ་དྲག་གནས་བབ་མཚོན་པའི་རི་མོ་དང་ཡི་གེ་བྲིས་ཏེ། མང་ཚོགས་ཁྲོད་ཕྱི་ལོ་ ༡༩༤༩ ལོ་ནས་རྒྱ་གཞུང་གིས་བོད་ཀྱི་ས་ཁུལ་ཡོངས་ལ་གདུག་རྩུབ་མནར་གཅོད་བཏང་དང་གཏོང་གིན་པའི་གནས་ཚུལ་དང་། བོད་ནང་ད་བར་མི་ ༩༦ ཙམ་གྱིས་སྐུ་ལུས་མཆོད་མེར་འབུལ་དགོས་པའི་རྒྱུ་མཚན། བོད་མི་ཉེས་མེད་མང་པོ་བཙོན་འཇུག་ཁྲིམས་ཆད་གཏོང་བཞིན་པ་སོགས་དབྱིན་ཡིག་ནང་འཁོད་པའི་ཡིག་ཆ་མང་ཚོགས་ནང་འགྲེམ་སྤེལ་གནང་ཡོད།
གནས་ཚུལ་མཁོ་གཏོང་བ། ཕུན་ཚོགས།
བསྔགས་བརྗོད་ཞུ། ལས་འགུལ་ག་འདྲ་གཅིག་སྤེལ་ཀྱང་དུས་འདིར་དགོས་གལ་ཆེ་ཡོ་རོབ་གླིང་གྲང་ངར་ཀླད་སྒོར་འོག་ན་ཡོད་པས་ངས་མྱོང་བ་འཚོ་ཐུབ་ལ་སེམས་ཤུགས་བསྐྱེད་ནས་གང་དགའ་ཅི་ཐབས་ལ་འབད་པ་ཞུ།།
བོད་དཔའ་མཛངས་བདེན་དོན་རྣམ་པར་རྒྱལ་གྱུར་ཅིག།།།
གསར་རྒོད་ཚོ། རི་བོང་གི་ར་ལས་སྙིང་རྗེ་བའི་རྟོག་བཟོ་གངས་སེང་གི་རྒྱུད་པ་མིན་ལ། ཆུ་རྙོག་ནང་གི་འདམ་སེང་གི་རྒྱུད་པ་དེ་བས་ཀྱང་མིན་སྟབས། ཁ་བ་བུ་ཡུག་ཁྲོད་འགྱིང་ངེར་ལངས་ཞིང་ཉམས་ཀྱིས་འཚོ་བའི་འབྲོང་གི་བུ་རྒྱུད་ཡིན་པས། སུད་སིའི་གནམ་འཁྱག་གོར་ཐིག་འོག་གི་འོག་ལ་ཟགས་ཀྱང། གྲང་ངར་གྱིས་འཁྱག་ག་ལ་སྲིད། ཧཧཧཧ ཡི་རངས་ཡོད།།