རྒྱ་གར་དང་པཱ་ཀི་སི་ཐན་གྱི་མཐའ་མཚམས་དམག་མིས་ཕན་ཚུན་མེ་མདའ་རྒྱག་རེས་ཀྱིས་དམག་མིར་ཤི་རྨས་ཐེབས་ཡོད་པར། ཨ་རིས་ཕྱོགས་གཉིས་ཀར་མེ་མདའ་རྒྱག་མཚམས་འཇོག་དགོས་པའི་སྐུལ་འདེད་བྱས་འདུག
གཟའ་ཉི་མའི་ཉིན་ཇཱ་མི་ཀ་ཤཱི་མིར་རྒྱལ་མཚམས་ནས་རྒྱ་གར་མཐའ་སྲུང་དམག་དང་པཱ་ཀི་སི་ཐན་མཐའ་སྲུང་དམག་བར་ཕན་ཚུན་མེ་མདའ་རྒྱག་རེས་བྱས་ཏེ། པཱ་ཀི་སི་ཐན་གྱི་དམག་མི་གཅིག་དམར་གསོད་དང་གཞན་ཞིག་ལ་རྨས་སྐྱོན་བཟོས་ཏེ་གནས་ཚུལ་ཛ་དྲག་ཆེ་རུ་འགྲོ་བཞིན་ཡོད་པ་དང་། པཱ་ཀི་སི་ཐན་གྱིས་དེ་ནི་རྒྱ་གར་མཐའ་སྲུང་དམག་གིས་མཐའ་མཚམས་ས་ཐིག་བརྒལ་ཏེ་འཕྲོག་བཅོམ་བྱས་ཡོད་སྐོར་བརྗོད་ཡོད་ཀྱང་། རྒྱ་གར་གྱིས་དེར་ངོས་ལེན་བྱས་མེད་པ་མ་ཟད། ཁོ་ཚོའི་དམག་མི་པཱ་ཀི་སི་ཐན་གྱི་ས་ཁུངས་སུ་ནམ་ཡང་འཛུལ་མེད་པའི་ལན་འདེབས་བྱས་འདུག
ཁ་སང་ཕྱི་ཚེས་ ༧ ཉིན་ཨ་རིའི་ཕྱི་སྲིད་ལས་ཁུངས་ཀྱི་མགྲིན་ཚབ་པ་ནཱུ་ལན་ཌེ་ (Victoria Nuland) ཡིས། རྒྱ་གར་དང་པཱ་ཀི་སི་ཐན་ཕྱོགས་གཉིས་ཀྱི་མཐའ་སྲུང་དམག་བར་ཕན་ཚུན་མེ་མདའ་རྒྱག་མཚམས་འཇོག་དགོས་པའི་འབོད་སྐུལ་ཞུས་ཡོད་པ་མ་ཟད། ཕྱོགས་གཉིས་བར་གྱི་གནས་བབ་རྒྱུན་ལྡན་ཆགས་རྒྱུ་མ་ཟད། ཚོང་འབྲེལ་དང་རྒྱལ་ཁུངས་ཕན་ཚུན་ནང་འགྲུལ་བཞུད་སོགས་ཡོང་ཐུབ་པར་བྱ་རྒྱུར་རེ་བ་འཛིན་གྱི་ཡོད་ཚུལ་བརྗོད་འདུག
གསར་འགོད་པ། བནྡེ་སྐྱབས།
![The Dalai Lama offers blessings to his followers at his Himalayan residence in the northern hill town of Dharamshala, India, on December 20, 2024 [Priyanshu Singh/Reuters]](https://tibettimes.net/wp-content/uploads/2025/05/Screen-Shot-2025-05-09-at-3.37.35-PM-360x180.png)
ཀློག་མཁན་རྣམ་པ་ཚོས་བསམ་ཚུལ་རིགས་ལ་གུས་བརྩི་ཞུ་མཁན་ཞིག་ཡིན་མོད། མཆན་དང་བསམ་ཚུལ། སྐྱོན་བརྗོད་དང་ཐེར་འདོན་རིགས་གང་ཡིན་ཡང་གནས་ཚུལ་གྱི་མགོ་མཇུག་བར་གསུམ་ཆ་ཚང་བ་རེ་ཀློག་རྒྱུ་གལ་ཆེ།
གོང་དུ་ Sometezin གྱིས་གསར་འགྱུར་འདི་ནོར་ཡོད་ཚུལ་བརྗོད་འདུག འོན་ཀྱང་། ཟླ་ཚེས་ལ་དོ་སྣང་བྱས་ཡོད་ན་སྐད་ཆ་དེ་འདྲ་བཤད་མི་སྲིད། གོང་གི་གནས་ཚུལ་དེ་ནི་ཕྱི་ཚེས་ ༦ ཉིན་པཱ་ཀི་སི་ཐན་དང་རྒྱ་གར་མཐའ་སྲུང་དམག་བར་ཐེངས་འདིའི་མེ་མདའ་རྒྱག་རེས་བྱས་པའི་ཉིན་དང་པོའི་དོན་རྐྱེན་དང་། ཕྱི་ཚེས་ ༧ ཉིན་ཨ་རིས་ཕྱོགས་གཉིས་ལ་འབོད་སྐུལ་ཞུས་པའི་གནས་ཚུལ་བཀོད་ཡོད།
འོན་ཏེ། Sometenzin གྱིས་དྲ་གནས་བཀོད་པའི་གནས་ཚུལ་དེ་བསྐྱར་དུ་ཕྱི་ཚེས་ ༨ ཉིན་བྱུང་པའི་དོན་རྐྱེན་རེད། ཕྱི་ཚེས་ ༨ ཉིན་པཱི་སི་ཐན་དམག་གིས་རྒྱ་གར་གྱི་དམག་མི་གཉིས་དམར་གསོད་དང་གཅིག་གི་མགོ་ཁྱེར་པའི་དོན་རྐྱེན་བྱུང་ཡོད། གང་ལྟར་གསར་འགོད་པས་གོང་གི་གསར་འགྱུར་དེ་འབྲི་སྐབས་ཕྱི་ཚེས་ ༨ ཉིན་གྱི་དོན་རྐྱེན་དེ་བྱུང་མེད་སྟབས། གསར་འགོད་པས་འདས་པ་དང་སྐབས་ཐོག་དེར་གནས་ཚུལ་ཇི་བྱུང་དང་འབྱུང་བཞིན་པ་ལས། མ་འོངས་པར་སུས་སུ་གསོད་རྒྱུ་ཡིན་མིན་དང་ག་ཚོད་གསོད་རྒྱུ་ཡིན་མིན་ལ་ཁ་ཚོད་གཅོད་ཀྱི་མེད། གནས་ཚུལ་ལ་ཉིན་རེའམ་ཆུ་ཚོད་སྐར་ཆ་འགའི་རྗེས་སུ་འགྱུར་བ་འགྲོ་སྲིད་པ་དེ་ངེས་དགོས།
གསར་འགོད་པའི་གནས་ཚུལ་ཡག་པོ་ཞིག་མགོ་འཚོས་མི་འདུག ཨིན་ཡིག་གི་གསར་འགྱུར་བརྒྱུད་ལམ་ཁག་ཏུ་རྒྱ་གར་གྱི་དམག་མི་གཉིས་བསད་ཡོད་སྐོར་བཀོད་འདུག གནས་ཚུལ་འདིའི་སྐོར་ཨིན་ཡིག་ཐོག་ཡོད་པའི་གསར་འགྱུར་མང་ཆེ་བའི་མགོ་བརྗོད་འདི་ལྟར་འཁོད་འདུག Pakistan troops kill two Indian soldiers, tension heightens