ལྐོག་ཟ་རུལ་སུངས་བྱེད་མཁན་སྐྱ་བོ་ཙམ་མིན་པར་ཆོས་ལུཊ་པའི་ནང་དུའང་འདུག

༸གོང་ས་མཆོག་གིས་བྷང་ལོར་ཊུམ་ཁུར་མཐོ་སློབ་ཏུ་དགེ་སློབ་ ༢༠༠༠ བརྒལ་བར་བཀའ་སློབ་བསྩལ་སྐབས། རྒྱ་གར་མཐོ་སློབ་ཁག་ཏུ་འཚེ་མེད་ཞི་བའི་ལྟ་གྲུབ་སློབ་སྦྱོང་བྱ་དགོས་ཤིང་། རྒྱ་གར་འཚེ་མེད་ཞི་བ་རྒྱུན་འཛིན་བྱེད་པར་བོད་མིས་རྒྱ་གར་ལ་ཞབས་འདེཊ་ཞུ་ཐུབ་སྐོར་བཅས་གསུངས་འདུག

རྒྱ་གར་བྷང་ལོར་ཊུམ་ཁུར་གཙུག་ལག་སློབ་གྲྭ་དང་སེར་བྱེས་གྲྭ་ཚང་གཉིས་ཀྱི་གདན་ཞུ་ལྟར། ཁ་སང་ཕྱི་ཚེས་ ༦ ཉིན་གྱི་སྔ་དྲོ་༸གོང་ས་མཆོག་གིས་ལྷོ་ཕྱོགས་བྷང་ལོར་དུ་རྟེན་གཞི་བྱས་པའི་ཊུམ་ཁུར་ (Tumkur University) གཙུག་ལག་སློབ་གྲྭའི་ཚོགས་ཁང་དུ། སློབ་གྲྭ་དེའི་དགེ་ལས་སློབ་ཕྲུག་ ༢༠༠༠ བརྒལ་བར་༼འགྲོ་བ་མིའི་དཀའ་ངལ་སེལ་ཆེད་བཅོམ་ལྡན་ལྡན་གྱི་བསླབ་བྱ་ཉམས་ལེན་༽ཞེས་པའི་བརྗོད་གཞིའི་ཐོག་བཀའ་སློབ་བསྩལ་ཡོད་འདུག

ཐོག་མར་༸གོང་ས་མཆོག་གིས་འགྲོ་བ་མིའི་རིགས་ལ་སོ་སོའི་མི་ཚེ་བདེ་སྐྱིད་ལྡན་པ་ཞིག་འཚོལ་རྒྱུ་དང་སྡུག་བསྔལ་ཉུང་དུ་གཏོང་རྒྱུའི་ཀླད་པ་དང་ཤེས་ཡོན་ཡོད་ཀྱང་། སྐབས་རེར་རང་གི་རྣམ་དཔྱོད་དང་ཤེས་ཡོན་བེད་སྤྱོད་ལོག་པར་བཏང་བའི་ཉེར་ལེན་གྱིས་སྤྱི་ཚོགས་ཁྲོད་གནོད་པ་ཚབས་ཆེན་འབྱུང་བཞིན་ཡོད་པ་དང་། དུས་རབས་ཉི་ཤུ་པ་ནི་མི་གསོད་ཁྲག་སྦྱོར་གྱི་དུས་རབས་ཤིག་གྱུར་ཏེ་མི་ས་ཡ་ ༢༠༠ ལྷག་རྐྱེན་འདས་སུ་ཕྱིན་ཡོད་ཅིང་། དུས་ད་ལྟ་ཡང་མི་མང་པོ་ཞིག་གིས་ཕྱིའི་དངོས་པོའི་ལོངས་སྤྱོད་ཙམ་དང་། ལྷག་པར་དུ་དཔལ་འབྱོར་ཁོ་ནར་དོ་སྣང་བྱེད་པ་ལས་འགྲོ་བ་མིའི་ནང་སེམས་ཀྱི་བཟང་པོའི་རིན་ཐང་ལ་མཐོང་དང་ཆ་འཇོག་གང་ཡང་བྱེད་ཀྱི་མེད་སྐོར་གསུངས་འདུག

༸གོང་ས་མཆོག་གིས་མུ་མཐུད་དུ་འཛམ་གླིང་སྟོབས་ཆེན་རྒྱལ་ཁབ་ཨ་རི་གཙོས་ཡུལ་ལུང་མང་དག་ཅིག་གི་ནང་དབུལ་ཕྱུག་གི་ཁྱད་པར་ཆེན་པོ་ཡོད་ཅིང་། ང་ཚོས་འགྲོ་བ་མིའི་སྤྱི་ཚོགས་ནང་དབུལ་ཕྱུག་གི་བར་ཁྱད་ཇེ་ཉུང་དུ་གཏོང་བ་དང་། ཕན་ཚུན་བར་འདྲ་མཉམ་ཡོང་ཆེད་འཁུར་མཉམ་ལེན་གནང་དགོས་ཤིང་། ལྐོག་ཟ་རུལ་སུངས་ཀྱི་གནད་དོན་ནི་མིའི་སྤྱི་ཚོགས་ཁྲོད་ཀྱི་སྐྲན་ནད་ལྟ་བུ་ཞིག་དང་། དེང་སྐབས་ལྐོག་ཟ་རུལ་སུངས་བྱེད་མཁན་སྐྱ་བོའི་སྡེ་ཙམ་མིན་པར་ཆོས་ལུཊ་པའི་ནང་དུའང་འབྱུང་བཞིན་ཡོད་ལ། བྱེད་སྟངས་དེ་ནི་མིའི་བཟང་སྤྱོད་ཀྱིས་མ་འདང་བ་ཞིག་ཡིན་སྟབས། ང་ཚོས་མ་འདང་བའི་ཆ་དེ་ངོས་འཛིན་བྱས་པའི་ཐོག་སྔར་ནོར་ཡོད་པ་དག་ཡོ་བསྲང་བྱ་རྒྱུ་ཧ་ཅང་གལ་ཆེན་ཡིན་སྐོར་གསུངས།

ཡང་༸གོང་ས་མཆོག་གིས་རྒྱ་གར་འཕཊ་པའི་ཡུལ་ནི་ལོ་རྒྱུས་ཐོག་འགྲོ་བ་མིའི་རིཊ་ཀྱི་དཔལ་ཡོན་ཕྱུག་ཤོས་ཀྱི་ལུང་པ་ཞིག་ཆཊ་ཡོད་པ་དང་། ཁོང་གི་ངོས་ནས་རྒྱ་གར་ལུང་པ་དེ་འཛམ་གླིང་ཆོས་ལུཊ་རྣམས་འཆམ་མཐུན་མཉམ་གནས་བྱེད་ཐུབ་སའི་མིག་དཔེ་བཟང་པོ་ཞིག་ཏུ་བརྩི་བཞིན་ཡོད་ཀྱང་། མཚམས་རེར་རྒྱ་གར་ནང་འཚེ་བ་མེད་པ་དང་ཞི་བའི་ལྟ་གྲུབ་བཟང་པོ་དག་ཅུང་ཉམས་ཆག་ཏུ་འགྲོ་བཞིན་སྐོར་གསུངས་ཏེ། “བྷང་ལོར་ཊུར་ཁུར་སློབ་གཉེར་ཁང་གཙོས་རྒྱ་གར་མཐོ་སློབ་ཁག་ཏུ་རྒྱ་གར་འཚེ་མེད་ཞི་བའི་ལྟ་གྲུབ་དང་འབྲེལ་བའི་སློབ་སྦྱོང་སྤྲོད་རྒྱུ་ཧ་ཅང་གལ་ཆེན་པོ་རེད་ལ། སློབ་སྦྱོང་བྱེད་སྟངས་དེའང་འཇིག་རྟེན་སྤྱི་ཡོངས་ལ་དམིགས་ཏེ་སློབ་སྦྱོང་བྱ་དགོས་པ་ཆཊ་ཡོད ” ཅེས་གསུངས།

མཇུག་ཏུ་༸གོང་ས་མཆོག་གིས་གནའ་རབས་རྒྱ་གར་གྱི་འཚེ་མེད་ཞི་བའི་ལྟ་གྲུབ་རྒྱུན་འཛིན་གནང་བར་བོད་མིའི་ངོས་ནས་རྒྱ་གར་ལ་ཞབས་འདེཊ་བསྒྲུབ་ཐུབ་པའི་རེ་བ་བྱེད་ཀྱི་ཡོད་ཅིང་། ལྷག་པར་དུ་བྷང་ལོར་ཊུམ་ཁུར་སློབ་གཉེར་ཁང་གིས་དེང་དུས་ཤེས་ཡོན་སློབ་སྦྱོང་གི་ཞོར་དུ། བོད་མིས་གཅེས་འཛིན་བྱེད་བཞིན་པའི་དཔལ་ནཱ་ལེནྡྲའི་ནང་པའི་ལྟ་གྲུབ་སློབ་སྦྱོང་ལས་གཞིའི་ཐོག་སེར་བྱེས་གྲྭ་ཚང་དང་མཉམ་ལས་གནང་བར་ཡི་རངས་བསྔཊ་བརྗོད་དང་། ཁོང་སྒེར་ངོས་ནས་འདས་པའི་མི་ལོ་ ༤༠ གོང་ནས། བོད་ཀྱི་ནང་པའི་བསྟི་གནས་ཁག་དང་དེང་དུས་ཤེས་ཡོན་སློབ་གཉེར་ཁང་བར་ཤེས་ཡོན་ཉམས་མྱོང་བརྗེ་རེས་བྱ་རྒྱུ་འགངས་ཆེན་དུ་བརྩི་བཞིན་ཡོད་ཚུལ་གསུངས།

སྐབས་དེར་བྷང་ལོར་ཊུམ་ཁུར་གཙུག་ལག་སློབ་གྲྭས་༸གོང་ས་མཆོག་ལ་ཆེ་བསྟོད་ཀྱི་གཟེངས་རྟཊ་ཤིག་འབུལ་བཞེས་གནང་ཡོད་པར་མ་ཟད། མཐོ་སློབ་དེས་རྒྱ་གར་ཚན་རིག་མཁས་པ་གཉིས་དང་མཐོ་སློབ་དེའི་མི་སྣ་རྒན་གྲས་ཁག་ཅིག་ལའང་གཟེངས་རྟཊ་རེ་ཕུལ་ཡོད་འདུག

ཕྱི་ཚེས་ ༩ ཉིན་ལྡི་ལི་བོད་ཁང་དང་ཊོ་ཞེ་ཊ་སྒོམ་སྒྲུབ་ལྟེ་གནས་ཁང་གི་གོ་སྒྲིག་འོག ༸གོང་ས་མཆོག་རྒྱལ་ས་ལྡི་ལིའི་བྷུ་ངྷ་ཇཱ་ཡན་ཏེ་སྐྱེད་མོས་ཚལ་ (Buddha Jayanti Park) དུ། ས་གནས་མང་ཚོགས་སྟོང་ཕྲག་བརྒལ་བར་ནང་ཆོས་ངོ་སྤྲོད་དང་། ཚེས་ ༢༦ ཉིན་འབྲས་ལྗོངས་སུ་ཆིབས་བསྒྱུར་གྱིས་ཁུལ་དེར་གསར་བཞེངས་བྱས་པའི་སྟོན་པའི་སྐུ་བརྙན་ཆེན་པོ་ཞིག་ལ་རབ་གནས་དང་། ཡུལ་སྐོར་སྤྲོ་འཆམ་པར་དམིཊ་ཏེ་འཛུཊ་སྐྲུན་བྱས་པའི་༼ནང་པའི་སྤྱི་གླིང་༽ཞིག་ཀྱང་དབུ་འབྱེད་གནང་རྒྱུ་ཡིན་འདུག