སི་ཁྲོན་མཛོད་དགེ་རུ་རང་ལོ་ ༣༠ ཡིན་པའི་དཀོན་མཆོག་དབང་མོ་ལཊ་ཀྱིས་རང་ལུས་མེར་བསྲེཊ་ཀྱིས་རྒྱ་གཞུང་ལ་ངོ་རྒོལ་བྱས་ཏེ་སྐུ་གྲོངས་འདུག
བཞུཊ་སྒར་ངྷ་སར་གནས་སྡོད་ཕ་ཡུལ་མཛོད་དགེ་ནས་ཡིན་པའི་སྐུ་ཞབས་ལེགས་བཤད་ལགས་ཀྱིས་འདི་གར་གནས་ཚུལ་མཁོ་སྤྲོད་གནང་བ་ལྟར་ན། ཕྱི་འདིའི་ཕྱི་ཚེས་ ༡༣ ཉིན་གྱི་བོད་ནང་གི་དགོང་མོའི་ཆུ་ཚོད་ ༡༡ དང་ཕྱེད་ཀའི་སྟེང་། སི་ཁྲོན་ཆེན་ཞིང་རྔ་པ་ཁུལ་མཛོད་དགེ་རྫོང་སྟག་ཚ་གྲོང་རྡལ་དུ། རང་ལོ་ ༣༠ ཡིན་པའི་བོད་རིཊ་བུད་མེད་དཀོན་མཆོག་དབང་མོ་ཞུ་བ་ཞིག་གིས་རང་ལུས་མེར་བསྲེགས་ཀྱིས་རྒྱ་གཞུང་གི་དྲག་གནོན་དབང་སྒྱུར་སྲིད་བྱུས་ལ་ངོ་རྒོལ་གནང་སྟེ་སྐབས་ཐོག་དེར་སྐུ་གྲོངས་ཡོད་འདུག
ཁོང་མོས་རང་ལུས་མེར་བསྲེགས་བཏང་མ་ཐག་མཛོད་དགེ་རྫོང་ས་གནས་ཉེན་རྟོག་པ་མང་པོ་ཞིག་འབྱོར་ཏེ་སྐུ་ཕུང་བཙན་ཁྱེར་བྱས་ཡོད་འདུག་ལ། ཉིན་དེའི་ཕྱི་དྲོ་ཙམ་ལ་ཉེན་རྟོག་པས་ཁོང་མོའི་བཟའ་ཟླ་སྒྲོལ་མ་སྐྱབས་སུ་རུས་ཐལ་ཕྱིར་སྤྲོད་བྱས་ཡོད་ཀྱང་། སྐབས་དེར་ཉེན་རྟོག་པས་སྒྲོལ་མ་སྐྱབས་ལཊ་སུ་ཆུང་མ་དཀོན་མཆོག་དབང་མོས་རང་སྲེག་བྱེད་དོན་བཟའ་ཚང་ནང་ཁུལ་གྱི་རྙོག་དྲ་ཡིན་པའི་ཁས་ལེན་བྱ་དགོས་པའི་བཙན་བཀའ་བཏང་བར། སྒྲོལ་བ་སྐྱབས་ལཊ་ཀྱིས་ངོས་ལེན་རྩ་བ་ནས་མ་བྱས་སྟབས་ཁོང་ཡང་སྐབས་ཐོག་དེར་འཛིན་བཟུང་བཙན་ཁྲིད་བྱས་ཡོད་འདུག
དཀོན་མཆོག་དབང་མོ་ལགས་ནི་ཕ་ཡུལ་སི་ཁྲོན་ཞིང་ཆེན་རྔ་པ་ཁུལ་མཛོད་དགེ་རྫོང་སྟག་ཚ་མཐའ་བ་ནས་ཡིན་ཞིང་། ཁོང་མོར་ད་ཆར་ཤུལ་དུ་རང་ལོ་ ༨ ཙམ་གྱི་བུ་མོ་ཞིག་དང་རང་ལོ་ ༣༡ ཡིན་པའི་བཟའ་ཟླ་སྒྲོལ་མ་སྐྱབས་གཉིས་ཡོད་འདུག་ལ། སྒྲོལ་མ་སྐྱབས་ལགས་ཀྱི་སྐྱེས་ཡུལ་སི་ཁྲོན་མཛོད་དགེ་བྱམས་མེ་ཕྱུགས་རྭ་སྡེ་བ་ནས་ཡིན་འདུག
དེ་རིང་གསར་འགོད་པས་ལེགས་བཤད་ལགས་སུ་ད་ཆར་མཛོད་དགེ་རྫོང་གི་གནས་སྟངས་གང་འདྲ་ཆཊ་ཡོད་མེད་སྐོར་དྲིས་པར། རྒྱ་གཞུང་གིས་གསུམ་བཅུའི་དུས་དྲན་སྔ་ནུབ་ཏུ་མཛོད་དགེ་རྫོང་གི་དགོན་སྡེ་ཁག་གཙོས་པའི་རྫོང་ཡོངས་ལ་དམ་དྲག་ཆེན་པོ་བྱས་ཡོད་ཅིང་། ལྷག་པར་དུ་རང་ལུས་མེར་བསྲེཊ་ཀྱི་དོན་རྐྱེན་དེ་བྱུང་རྗེས་མཛོད་དགེ་རྫོང་དུ་དམག་མི་སྔར་ལས་འབོར་ཆེན་འགྲེམ་འཇོག་གིས་དམ་དྲག་བྱས་པའི་རྐྱེན་གྱིས། ཞིབ་ཕྲའི་གནས་ཚུལ་དུས་ཐོག་ཏུ་ཤེས་རྟོཊ་ཡོང་བར་འགོག་རྐྱེན་འཕྲད་ཀྱི་ཡོད་སྐོར་བརྗོད་སོང་།
འདི་ནི་སི་ཁྲོན་མཛོད་དགེ་ཁུལ་དུ་རང་ལུས་མེར་བསྲེགས་གཏོང་མཁན་ཐེངས་ ༧ དེ་ཆགས་ཡོད་འདུག
གསར་འགོད་པ། དཔལ་ལྡན།
![The Dalai Lama offers blessings to his followers at his Himalayan residence in the northern hill town of Dharamshala, India, on December 20, 2024 [Priyanshu Singh/Reuters]](https://tibettimes.net/wp-content/uploads/2025/05/Screen-Shot-2025-05-09-at-3.37.35-PM-360x180.png)
ཨོཾ་མ་ནི་པདྨེ་ཧུཾཿཨོཾ་མ་ནི་པདྨེ་ཧུཾཿ ཨོཾ་མ་ནི་པདྨེ་ཧུཾཿཨོཾ་མ་ནི་པདྨེ་ཧུཾཿ
སླུ་བ་མ་མཆིས་རིན་ཆེན་རྣམ་གསུམ་གྱིས།། བར་དོའི་འཁྲུལ་སྣང་མྱུར་ཏུ་ཞི་མཛད་ཅིང་།། སྒྲིབ་གཉིས་མ་ལྷད་ཡིད་ཀྱི་རང་གཞིན་གསལ།།
རྫོགས་པའི་སངས་རྒྱས་ས་ལམ་བརྙེས་པར་ཤོག།
ཨོཾ་མ་ནི་པདྨེ་ཧུཾཿ