བདུན་ཕྲག་སྔོན་མ་ནས་བཟུང་ཁམས་དཀར་མཛེས་རྫོང་འབྲེལ་ཡོད་ལས་ཁུངས་ཀྱིས། དཀར་མཛེས་རྫོང་ཐོག་གི་ཉེ་འཁོར་དུ་ཡོད་པའི་བོད་མིའི་ས་ཞིང་དང་ས་ཆ་སྟོང་པ་མང་ཆེ་བར་རིན་འབབ་ཕྲན་བུ་རེ་སྤྲད་དེ། མོས་མཐུན་ཡོད་མེད་ལ་མ་ལྟོས་པར་ས་ཆ་གཞུང་བཞེས་བྱེད་ཀྱི་ཡོད་འདུག
ས་གནས་མི་མང་གིས་བརྗོད་པ་ལྟར་ན། ས་ཁྱོན་ཆེ་ཆུང་ལ་དཔག་ནས་རྒྱ་སྒོར་ཁྲི་ ༤ ཙམ་རེ་སྤྲོད་ཀྱི་ཡོད་པ་དང་། ས་ཞིང་འདེབས་འཛུགས་བྱས་ཡོད་རིགས་ལ་རྒྱ་སྒོར་སྟོང་ ༨ ཁ་སྣོན་དུ་སྤྲོད་ཀྱི་ཡོད་ཀྱང་། ས་ཆའི་རྒྱུན་ལྡན་གྱི་རིན་གོང་ལྟར་རྩིས་ཚེ། ས་ཆ་དེ་དག་ལ་རྒྱ་སྒོར་ཁྲི་ ༤༠ ནས་ ༥༠ ཡིན་ཡང་། སྲིད་གཞུང་གི་བཀའ་ལྟར་བསྒྲུབ་པ་ལས་མི་མང་ལ་དབང་ཆ་གང་ཡང་མེད་སྐོར་སོགས་བརྗོད་འདུག
