གཞོན་ནུའི་དབུས་རྒྱུན་སྐབས་བཅོ་ལྔ་པའི་གསར་དུ་བདམས་ཐོན་བྱུང་པའི་རྒྱུན་ལས་བསྟན་འཛིན་བརྩོན་འགྲུས་ལགས་ཀྱིས་དགོངས་པ་ཞུས་འདུག
བོད་ཀྱི་གཞོན་ནུ་ལྷན་ཚོགས་ཀྱི་སྐབས་བཅོ་ལྔ་བའི་ཚོགས་ཆེན་ཕྱི་ཟླ་ ༥ པའི་ཚེས་ ༢༧ ནས་ཟླ་འདིའི་ཚེས་ ༡ ཉིན་བར་ཚོགས་པའི་སྟེང་། གཞོན་ནུ་ལྷན་ཚོགས་ཀྱི་སྐབས་བཅོ་ལྔ་པའི་དབུས་རྒྱུན་ ༡༠ གསར་དུ་བདམས་ཐོན་བྱུང་ཡོད་པའི་ཁྲོད། ངྷ་ས་ས་གནས་གཞོན་ནུའི་ཤེས་ཡོན་འགན་འཛིན་བསྟན་འཛིན་བརྩོན་འགྲུས་ལགས་ཨང་དྲུག་པར་བསླེབས་ཏེ། སྐབས་བཅོ་ལྔ་པའི་དབུས་རྒྱུན་ཁྲོད་བདམས་ཐོན་བྱུང་ཡོད་ཀྱང་། ཕྱི་ཚེས་ ༣ ཉིན་བསྟན་འཛིན་བརྩོན་འགྲུས་ལགས་ཀྱིས་སྒེར་གྱི་དཀའ་ངལ་ཞིག་གི་མིང་ཐོག་ནས་དབུས་རྒྱུན་ཁང་ལ་དགོངས་ཞུ་ཕུལ་བར། ཕྱི་ཚེས་ ༤ ཉིན་དབུས་རྒྱུན་གསར་པས་ཁོང་ལ་དགོངས་པ་འཁྲོལ་པའི་ཐག་གཅོད་བྱུང་ཡོད་འདུག
གསར་འགོད་པས་ཁ་པར་བརྒྱུད་དབུས་གཞོན་ནུའི་རྒྱུན་ལས་ཁང་ལ། བསྟན་འཛིན་བརྩོན་འགྲུས་ལགས་ཀྱིས་དགོངས་པ་ཞུས་པའི་སྐོར་ལ་བཅར་འདྲི་ཞུས་པར། གཞོན་ལྷན་དྲུང་ཆེ་བཀྲ་ཤིས་ལམ་བཟང་ལགས་ཀྱིས། བསྟན་འཛིན་བརྩོན་འགྲུས་ཀྱིས་སྒེར་གྱི་དཀའ་ངལ་ཐོག་ནས་དགོངས་པ་ཞུས་ཡོད་པ་དང་། འགྲོ་སྟངས་ལྟར་ན་དབུས་རྒྱུན་གསུམ་ཆ་གཉིས་ཀྱིས་དགོངས་ཞུར་མོས་མཐུན་བྱུང་ན་དགོངས་པ་འཁྲོལ་གྱི་ཡོད་པ་ལྟར་བསྟན་འཛིན་བརྩོན་འགྲུས་ལ་དགོངས་པ་འཁྲོལ་ཡོད་སྐོར་དང་། ངྷ་ས་ས་གནས་གཞོན་ནུ་གལ་ཆེན་པོ་ཆགས་ཀྱི་ཡོད་པ་ལྟར་ཁོང་གིས་ས་གནས་གཞོན་ནུའི་ནང་ཕྱག་ལས་མུ་མཐུད་གནང་རྒྱུ་ཡིན་སྐོར་བརྗོད་བྱུང་།
ཡང་གསར་འགོད་པས་བསྟན་འཛིན་བརྩོན་འགྲུས་ལགས་སུ་དབུས་རྒྱུན་ནས་དགོངས་པ་ཞུ་དོན་སྐོར་དྲིས་པར་ཁོང་གིས་ད་ལྟའི་ཆར་དེའི་ཐད་གང་ཡང་བཤད་རྒྱུ་མེད་སྐོར་བརྗོད་བྱུང་།
གསར་འགོད་པ། བནྟེ་སྐྱབས།
ང་ཚོའི་སྤྱི་ཚོགས་ཐོར་ཤིག་ཏུ་གཏོང་འདོད་པ་ནི་རྒྱ་ནག་དམར་པོའི་གཞུང་གི་རེ་བ་ཉག་གཅིག་དང་།
ལུག་སྤག་གྱོན་པའི་སྤྱང་ཁྱི་གྲོད་པ་ནང་བཏད་དང་བློ་ཁ་ཕྱི་ལ་ཕྱོགས་པའི་རྒྱ་ནག་དམར་པོའི་དངུལ་ལོར་གྱི་རྒྱུགས་ཁྱི་དེ་དག་རེད།
ཁོ་ཚོའི་བསམ་དོན་དེ་དག་ལམ་དུ་མི་རྒྱུགས་པ་དེ་ཤེས་ལྡན་ལྷག་བསམ་ཅན་རྣམས་པས་འགན་འཁུར་མང་ཙམ་དང་མགོ་བོ་རྨོངས་བའི་ཁོ་བོ་ཅག་ལ་ལམ་བསྟོན་བྱེད་པའི་དུས་སུ་བབས།
རྩམ་ཟན་བོད་པ་ཞིག་གི་ངོས་ནས་རེ་བ་བྱེད་རྒྱུ་ནི་ཚོགས་པ་ཐོར་ཤིག་དང་དུམ་བུ་དུམ་བུར་མི་འགྲོ་བའི་ཆེད་ཚོགས་མི་རྣམས་བསམ་ཤེས་དང་མ་འོང་གི་བྱ་བཞག་ཆེད་ནམ་ཡང་ཆིག་སྒྲིལ་ཡོང་བར་རེ་སྨོན་ཅི་ནས་བྱེད་བཞིན་ཡོད།
་་་་་་ བྱས་ཉེས་འདི་སྐབས་སྐབས་བཅུ་བཞི་བའི་རྒྱུན་རེ་གཉིས་ཤིག་གི་ཧམ་སེམས་ཧོལ་རྒྱུག་གིས་བཟོས་པ་རེད། འདས་པའི་ལོ་གསུམ་ནང་གང་དྲན་དྲན་དང་གང་འདོད་འདོད་ལས་པའི་ཉེར་ལེན་གྱི་དབང་གིས་སྤྱི་ཚོགས་ཀྱི་མིག་ནང་དུ་གཞོན་ནུ་དོལ་རྒྱལ་ཚོགས་པ་ལྟ་བུ་ཞིག་བཟོས་བཞག་པ་རེད། ཚོགས་གཞོན་གྱིས་བོད་ཀྱི་གཞོན་ནུ་ལྷན་ཚོགས་གཏོར་བཤིག་བཏང་རྗེས་ཁོ་རང་ཁཱ་ན་ཊྲར་ལམ་ཁ་བཟོས་བཞག་ཡོད་པ་རེད། ་་་་་་ཟེར།
མདོར་དེད་ན། རང་བཙན་ཞེས་པའི་ཡིག་འབྲུ་འདི་གཉིས་ཀྱིས་ལྷ་མི་འདྲེ་གསུམ་ཆ་ཚང་དཀྲིགས་སོང་བ་རེད། དེ་ལས་ལྡོག་ནས་ལྷ་དགོངས་དཀྲིགས་མེད་པ་ཡིན་ན། གཞོན་ལྷན་ཁག་གཉིས་སུ་གྱེས་ཀྱི་མ་རེད་ལ། ཆུ་སྒང་གསར་རྙིང་ལྟར་འགྱུར་སྲིད་ཀྱི་མ་རེད། དེ་མིན་དོན་གྲུབ་ལྷ་དར་དང་བསྟན་འཛིན་བརྩོན་འགྲུས་སོགས་དཔའ་བོ་རང་རེད་ལ། བོད་ལ་ཤ་ཚ་མཁན་གྱི་མིག་དཔེ་རང་རེད། ནོར་ས་ཞིག་ཡོད་ཚེ་སྤྲེལ་ལད་འཁྲབ་ཀྱི་མེད་པ་དེ་རེད། དེ་བས། ཟ་ཡ་འཐུང་ཡ་ཙམ་མ་གཏོགས་ཀླད་པའི་ནང་མེད་མཁན་ཚོས་གང་མང་བྱུང་མི་ལབ་རོགས་ཞུ་རྒྱུ་ཡིན།
སྐབས་བཅུ་བཞི་པའི་བོད་ཀྱི་གཞོན་ནུ་ལྷན་ཚོགས་ཀྱི་རྒྱུན་ལས་རྣམས་ཀྱིས་ནག་ཉེས་གནམ་མཁར་མི་ཤོང་པ་བསགས་སོང་། གཞོན་ནུ་ལྷན་ཚོགས་ཀྱི་འདས་པའི་མི་ལོ་ ༤༠ རིང་གི་ལོ་རྒྱུས་ནང་ནག་ཐིག་ཆེ་ཤོས་དེ་ཕབས་ཡོད། གནས་ཚུལ་འདི་དག་ཡོངས་རྫོགས་ཀྱི་རྒྱབ་ལོག་ནས་སྒྲུབ་མཁན་ཚོགས་གཞོན་གྱི་མིང་འཁུར་མཁན་དོན་གྲུབ་ལྷ་དར་རེད། ཡིན་ནའང་མིང་ཆལ་ངན་པ་དེ་རྒྱུན་ལས་ཚང་མ་དང་ལྷག་དོན་དུ་ཚོགས་གཙོ་ཚེ་དབང་རིག་འཛིན་གྱི་སྟེང་དུ་བབ་ཡོད་པ་རེད།
བོད་ཀྱི་གཞོན་ནུ་ལྷན་ཚོགས་དུམ་བུ་གཉིས་སུ་གཏོང་བ་ལས། གཞོན་ནུའི་ལངས་ཕྱོགས་ལ་འགྱུར་བ་གཏོང་པ་དང་། ཡང་ན་གཞོན་ལྷན་རྦད་དེ་སྒོ་བརྒྱབ་ཡོད་ན་དེ་ཡག་ཤོས་རེད། གཞོན་ནུ་དུམ་བུ་གཉིས་སུ་བཏང་བ་འདི་གཞོན་ནུ་ལྷན་ཚོགས་ལ་གྱོང་ཆེན་པོ་ཡིན་པ་མ་ཟད། བོད་སྤྱི་བའི་རྩ་དོན་དང་བོད་མིའི་ཆིག་བསྒྲིལ་ལ་དོ་ཕོག་ཆེན་པོ་བཟོས་ཡོད། བྱས་ཉེས་འདི་སྐབས་སྐབས་བཅུ་བཞི་བའི་རྒྱུན་རེ་གཉིས་ཤིག་གི་ཧམ་སེམས་ཧོལ་རྒྱུག་གིས་བཟོས་པ་རེད། འདས་པའི་ལོ་གསུམ་ནང་གང་དྲན་དྲན་དང་གང་འདོད་འདོད་ལས་པའི་ཉེར་ལེན་གྱི་དབང་གིས་སྤྱི་ཚོགས་ཀྱི་མིག་ནང་དུ་གཞོན་ནུ་དོལ་རྒྱལ་ཚོགས་པ་ལྟ་བུ་ཞིག་བཟོས་བཞག་པ་རེད། ཚོགས་གཞོན་གྱིས་བོད་ཀྱི་གཞོན་ནུ་ལྷན་ཚོགས་གཏོར་བཤིག་བཏང་རྗེས་ཁོ་རང་ཁཱ་ན་ཊྲར་ལམ་ཁ་བཟོས་བཞག་ཡོད་པ་རེད།
ངས་གོ་བ་བྱས་ན། ད་རེས་གཞོན་ནུ་ལྷན་ཚོགས་དུམ་བུ་གཉིས་ཆགས་དགོས་པའི་རྐྱེན་རྩ་གཙོ་བོ་དོན་གྲུབ་ལྷ་དར་རེད་འདུག་ཀྱང་། དེའི་རྒྱབ་ལོགས་ན་སྤྱི་འཐུས་ཀརྨ་ཡེ་ཤེས་འདུག་ཟེར།
ཨོམ་མ་ཎི་པདྨེ་ཧཱུམ། སྙིང་རྗེ།
ཐེངས་ ༡༥ དབུས་གཞོན་ལྷན་གྱི་ཚོགས་ཆེན་ལ་ཟུར་ཉན་དུས་ཚོད་གང་ཡོད་ཀྱིས་སོང་བ་ཡིན། སྐབས་དེར་དབུས་རྒྱུན་གསར་བའི་སྔོན་འགྲོའི་འོས་འདེམས་བྱེད་དུས། བསྟན་བརྩོན་དབུས་རྒྱུན་ལ་འདེམས་པར་དགག་བྱ་སུམ་ཅུ་ལྷག་བྱུང་སོང་མོད། གང་ལྟར་དབུས་རྒྱུན་གྱི་སྔོན་འགྲོའི་འོས་གཞིའི་ཁུངས་སུ་ཚུད་སོང་།
ཚོགས་ཆེན་མཐའ་མའི་ཉིན་དེར་དངོས་གཞིའི་འོས་གཞི་འོས་འདེམས་བྱེད་དུས། བསྟན་བརྩོན་གྱིས་གསལ་བཤད་ཅིག་བྱས་སོང་། ཁོས་ཟེར་ན། ཁོ་ལ་མི་གཅིག་གཉིས་ཤིག་མ་ཡིན་པར་གཞོན་ནུའི་ཚོགས་མི་སུམ་ཅུ་ལྷག་གིས་དགག་བྱ་བྱས་པ་དེ། གཞོན་ནུའི་ན་ཚ་རྙིང་བ་ཞིག་གིས་ཡིན་པའི་རྣམ་འགྱུར་བཟུང་སོང་།
དེ་ཉིན་བསྟན་བརྩོན་ལ་སྐྱོན་བརྗོད་ཀྱི་ཡིག་ཆ་མང་པོར་མཚན་རྟགས་བརྒྱབས་ནས་བཀྲམས་འདུག ཡིན་རུང་། བསྟན་བརྩོན་ལ་རང་ཉིད་བསྐྱར་ཞིབ་ཀྱི་འདུ་ཤེས་མ་བཟུང་བར་གཞོན་ནུའི་ན་ཚ་རྙིང་བར་ཁ་གཡར་བ་ནི། འགན་འཁུར་མེད་པའི་བྱ་སྤྱོད་ཅིག་རེད།
མ་གཞི་ནས། བསྟན་བརྩོན་དེང་སང་། ཟགས་བཞིན་པའི་སྐབས་ཤིག་རེད། འདིའི་རྒྱུ་རྐྱེན་ག་རེ་ཡིན་ནམ། བསྟན་བརྩོན་གྱི་ཁོར་ཡུག་ལ་འགྱུར་བ་ཐེབས་པ་རེད་དམ། བསྟན་བརྩོན་གྱི་བྱ་སྤྱོད་མ་འགྲིག་པ་རེད་དམ། བསྟན་བརྩོན་ནི། བོད་དོན་ལས་འགུལ་བའི་མིང་ཞིག་ཡོད་རུང་། བསྟན་བརྩོན་ལ་གྲུབ་འབྲས་ག་རེ་ཡོད་དམ།
ལྷག་པར་དུ། བསྟན་བརྩོན་གྱི་རྒྱབ་ལྗོངས་ལ་སུ་ཞིག་ཡོད་དམ། བོད་རྒྱལ་ཡོངས་རང་བཙན་མཐུན་གྱི་རྐང་འཛིན་པ་སུ་སུ་ཡིན་ནམ། སྤྱིར་ན། བསྟན་བརྩོན་ལ་རྒྱུས་མངའ་ཡོད་མཁན་ཞིག་ཡིན་ན། ཉོབ་སྣང་མི་སྐྱེ་མཁན་དཀོན་པའི་ཚོད་ཅིག་རེད། འདིའི་རྒྱུ་རྐྱེན་ག་རེ་ཡིན་ནམ།
༄༅། བསྟན་འཛིན་བརྩོན་འགྲུས་ལགས་དབུས་རྒྱུན་ལས་དགོངས་པ་ཞུ་དོན་གཙོ་བོ་འཕལ་ཆེར་ཚོགས་གཙོར་བདམས་ཐོན་མ་བྱུང་བའི་རྐྱེན་ཡིན་སྲིད། གང་ལ་ཞུ་ན། བསྟན་བརྩོན་ལགས་ནས་ད་བར་བོད་ཀྱི་རྩ་དོན་ཆེད་རྒྱ་གར་ནང་ལས་འགུལ་མང་དག་གཅིག་བརྩམས་ཏེ་རྒྱ་གར་གཞུང་ནས་ཀྱང་ཁོང་ལ་དོགས་ཟོན་བཀག་ཉར་བྱེད་དགོས་པའི་གནས་སྟངས་ཆགས་ཡོད་ལྟབས་ཁོང་རང་ནས་ཀྱང་ཚོགས་གཙོར་བདེམས་ཐོན་ཡོང་བའི་རེ་བ་ཏན་ཏན་རྒྱབ་ཡོད་རེད་བསམ་ཀྱི་འདུག་ལ་འོས་བབས་ཀྱང་མཐོང་གི་འདུག དེ་མིན་སྒེར་གྱི་དཀའ་ངལ་ཡོད་ན་ས་རྒྱུན་ནང་ལ་ཡང་འཕྲེད་སྲིད། གང་ལྟར་ས་རྒྱུན་ནས་དགོང་པ་མ་ཞུས་པ་ཡག་པོ་རེད། མ་རྟོགས་ཕང་པོ་རེད།