སྐབས་བཅུ་དགུ་བའི་རྒྱལ་ཡུམ་ཆེན་མོའི་རྐང་རྩེད་སྤོ་ལོ་འགྲན་སྡུར་ཟླ་འདིའི་ཕྱི་ཚེས་ ༢༡ ཉིན་ནས་བཟུང་རྒྱ་གར་ལྷོ་ཕྱོགས་ཧོན་སུར་གཞིས་ཆགས་སུ་ཚོགས་རྒྱུ་ཡིན་འདུག
བོད་རྒྱལ་ཡོངས་རྩེད་རིགས་ཚོགས་པས་གོ་སྒྲིག་འོག་ལོ་ལྟར་རྒྱལ་ཡུམ་ཆེན་མོའི་དྲན་རྟེན་གསེར་གྱི་གཟེངས་རྟགས་རྐང་རྩེད་སྤོ་ལོ་འགྲན་བསྡུར་གོ་སྒྲིག་གནང་བཞིན་པ་ལྟར། ཟླ་འདིའི་ཕྱི་ཚེས་ ༢༡ ཉིན་ནས་བཟུང་སྐབས་ ༡༩ བའི་རྒྱལ་ཡུལ་ཆེན་མོ་དྲན་རྟེན་རྐང་རྩེད་སྤོ་ལོ་འགྲན་བསྡུར་དེ་ཉིན་གྲངས་ ༡༢ ལྷག་གི་རིང་རྒྱ་གར་ལྷོ་ཕྱོགས་ཧོན་སུར་རབ་རྒྱས་གླིང་གཞིས་ཆགས་སུ་ཚོགས་གཏན་ཁེལ་ཡོད་པ་དང་། ཐེངས་འདིའི་རྐང་སྤོ་འགྲན་བསྡུར་ནང་རྒྱ་གར་དང་བལ་ཡུལ། ཁེ་ཎ་ཌ་བཅས་རྒྱལ་ཁབ་གསུམ་དང་། རྒྱ་གར་གྱི་མངའ་སྡེ་ཁག་ ༡༣ བཅས་ནས་ཁྱོན་རུ་ཁག་ ༢༣ མཉམ་ཞུགས་གནང་ཡོད་འདུག་ལ། ཕྱི་ཟླ་ ༨ པའི་ཚེས་ ༡ ཉིན་མཐའ་མའི་འགྲན་བསྡུར་གནང་རྒྱུ་ཡིན་འདུག
འདི་ལོའི་སྐབས་ ༡༩ པའི་རྒྱལ་ཡུམ་ཆེན་མོའི་རྐང་སྤོལ་རྩེད་འགྲན་ཁྲོད་ཞུགས་པའི་རུ་ཁག་ཁག་ནི། མ་ངྷི་ར་སིའི་མཚམས་དང་བལ་ཡུལ་ཀ་ཐ་མན་གྲུའི་ཆོལ་གསུམ་ཆིག་སྒྲིལ་རུ་ཁག ཁེ་ན་ཌའི་ཊོ་རིན་ཊོ་རུ་ཁག ངྷ་ཧོར་ཕུན་ཚོགས་གླིང་རུ་ཁག ན་གྷ་ལན་ཌི་ཀོ་ཧེ་མ་རུ་ཁག བོད་ཁྱིམ་མཉམ་འབྲེལ་རུ་ཁག ཀེ་རཱ་ལ་རུ་ཁག སྤེལ་ཀོབ་རུ་ཁག མོན་གྷོ་འདོད་རྒུ་གླིང་རུ་ཁག མན་ལོར་རུ་ཁག དོན་འགྲུབ་གླིང་རུ་ཁག ཧོན་སུར་རབ་རྒྱས་གླིང་རུ་ཁག༼ཀ༽ ཨོ་རི་ས་ཕུན་ཚོགས་གླིང་རུ་ཁག སྤེལ་ཀོལ་བདེ་སླར་རུ་ཁག སྦོག་ར་བློ་སྒྲིག་དཔལ་འབྱོར་གླིང་རུ་ཁག བེ་རྗེ་ཝ་ར་རུ་ཁག བྷ་རོ་ཊ་རུ་ཁག སྤོག་ར་བཀྲ་ཤིས་དཔལ་འཁྱིལ་རུ་ཁག གྷོ་བ་རུ་ཁག ལྡི་ལི་རུ་ཁག མེ་འོད་ཆོས་འཕེལ་གླིང་རུ་ཁག ཧོན་སུར་རབ་རྒྱས་གླིང་རུ་ཁག་༼ཁ༽ ཤི་ལོང་གངས་ལྗོངས་རུ་ཁག་བཅས་ཡིན་འདུག
བོད་རྒྱལས་ཡོངས་རྩེད་རིགས་ཚོགས་པས་གོ་སྒྲིག་གནང་བཞིན་པའི་རྒྱལ་ཡུམ་ཆེན་མོའི་དྲན་རྟེན་གསེར་གྱི་གཟེངས་རྟགས་རྐང་སྤོ་འགྲན་བསྡུར་དེ་ནི། ཕྱི་ལོ་ ༡༩༨༡ ལོར་བོད་ཕྲུག་ཁྱིམ་སྡེའི་རྩིས་དཔོན་ཟུར་བ་ཇོ་བོ་ཚེ་རིང་ལགས་ཀྱིས་གསར་འཛུགས་གནང་ཡོད་པ་དང་། ད་ལྟའི་བར་ལོ་ལྟར་རྒྱལ་ཡུམ་ཆེན་མོའི་བཀའ་དྲིན་རྗེས་དྲན་ཆེད་བཞུགས་སྒར་དང་རྒྱ་གར་ལྷོ་ཕྱོགས་བཅས་ས་གནས་ཁག་ཏུ་རེས་མོས་ཀྱིས་ཚོགས་བཞིན་ཡོད་འདུག
གསར་འགོད་པ། དོན་གོ
དྲ་ལམ་ནས་བལྟ་ཐུབ་བམ།
རྐང་རྩེད་པོ་ལོ།