ཁ་སང་ཕྱི་ཚེས་ ༢༦ ཉིན་རྒྱ་ནག་སན་ཏུང་ཞིང་ཆེན་ཅི་ནན་འབྲིང་རིམ་མི་དམངས་ཁྲིམས་ཁང་གིས་ཁྲུང་ཆེན་གྲོང་ཁྱེར་དམར་ཤོག་དྲུང་ཆེ་པའོ་ཤི་ལའི་ལ་ཁྲིམས་བཤེར་བྱས་པ་གནས་སྐབས་མཚམས་འཇོག་བྱེད་དགོས་བྱུང་ཡོད་འདུག
ཉིན་གྲངས་ ༥ རིང་རྒྱ་ནག་སན་ཏུང་ཞིང་ཆེན་ཅི་ནན་འབྲིང་རིམ་མི་དམངས་ཁྲིམས་ཁང་གིས་ཁྲུང་ཆེན་གྲོང་ཁྱེར་གྱི་དམར་ཤོག་དྲུང་ཆེ་པའོ་ཤི་ལའི་ལ་དངོས་སུ་ཁྲིམས་ར་ཚོགས་ཏེ། པའོ་ཡིས་ལྐོག་ཟ་རུལ་སུངས་དང་ལྐོག་རྔན་བླངས་པ། གཞུང་གི་དབང་ཆ་ལོག་པར་སྤྱད་པའི་ནག་ཉེས་ལ་འདྲི་གཅོད་བྱས་ཡོད་ཀྱང་། པའོ་ཡིས་ནག་ཉེས་གཅིག་ཀྱང་ངོས་ལེན་མ་བྱས་སྟབས། གནས་སྐབས་སུ་ཁྲིམས་བཤེར་མཚམས་འཇོག་བྱེད་དགོས་བྱུང་ཡོད་པ་དང་། ཉིན་མཐའ་མ་དེར་ཁྲིམས་དཔོན་གྱིས་པའོ་ཡི་ཁྲིམས་རའི་རྣམ་འགྱུར་དྲང་པོ་མིན་སྟབས་ཁྲིམས་ཆད་ནན་མོ་གཅོད་དགོས་པའི་རེ་འདུན་བཏོན་ཡོད་འདུག
ཁྲིམས་བཤེར་སྐབས་པའོ་ཡིས། “སྔོན་ཆད་རང་གི་ལས་དོན་ལ་འཐུས་ཤོར་སོང་ཡོད་སྲིད་ཀྱང་། རང་ཉིད་ལ་ནག་ཉེས་ཡོད་པར་གཏན་ནས་ངོས་ལེན་མེད་ལ། ངས་ཁྲིམས་ཁང་དུ་རང་གི་གནས་ལུགས་བཤད་པ་དེ་བྱ་སྤྱོད་ངན་པ་དང་ཁྲིམས་ཆད་ནན་མོ་གཅོད་པའི་ནག་ཉེས་ཤིག་ལ་འགྱུར་གྱི་མེད། སྤྱི་བདེ་དང་ཞིབ་བཤེར་ཁང་། ཁྲིམས་ཁང་གསུམ་ནི་གཅིག་ལ་གཅིག་བརྟེན་གྱིས་འགྲོ་དགོས་པ་ལས། ཞིབ་བཤེར་ཁང་གཅིག་པུའི་ཐག་གཅོད་ལ་ཉན་པ་ཡིན་ན། གྱོད་དོན་དྲང་བདེན་གྱིས་ཐག་གཅོད་བྱེད་པར་འགོག་རྐྱེན་འབྱུང་སྲིད་པ་མ་ཟད། གྱོད་དོན་ལ་ནོར་འཁྲུལ་མང་པོ་འབྱུང་གཞི་ཞིག་ཏུ་འགྱུར་སྲིད་སྟབས། ངས་རང་ཉིད་ཀྱི་བསམ་ཚུལ་དང་ལྟ་བ་བཤད་པ་དེ་ནག་ཉེས་ཤིག་ཏུ་མཐོང་གི་མེད།” ཅེས་བརྗོད་འདུག
ཕྱི་ཚེས་ ༢༢ ཉིན་གྱི་ཞོགས་པ་པེ་ཅིན་གྱི་ཆུ་ཚོད་༨ དང་སྐར་མ་ ༤༣ ཐོག ཅི་ནན་འབྲིང་རིམ་མི་དམངས་ཁྲིམས་ཁང་གིས་ཁྲུང་ཆེན་གྲོང་ཁྱེར་གྱི་དམར་ཤོག་དྲུང་ཆེ་པའོ་ཤི་ལའི་ལ་ཁྲིམས་རྭ་ཚོགས་པ་དང་། སྐབས་དེར་པའོ་ཡི་ཕུ་བོ་དང་ནུ་བོ། པའོ་ཡི་སྔར་གྱི་ཆུང་མ་ལི་ཌན་ཡཱས་མ་བུ་གཉིས། ཀོའུ་ཁེ་ལའི་ཡི་གཅེན་མོ་སོགས་ཁྱིམ་མི་གཉེན་འབྲེལ་ ༥ དང་། རྒྱ་ནག་ནང་ལོཊ་ཀྱི་གསར་འགོད་པ་ ༡༩། ཀོའུ་ཡིས་ལྐོག་གསོད་བྱས་པའི་དབྱིན་ཇིའི་ཚོང་པ་ནཱེལ་ཧེ་ཝོའུ་ཌི་ཡི་ཁྲིམས་རྩོད་པ་ཧེ་ཀྲིན་ཧྲིན་དང་། དེ་མིན་གྱི་ཉེས་ཅན་དཔང་མི་སོགས་སྤྱི་ཚོགས་ཀྱི་གནད་ཡོད་མི་སྣ་ ༨༤ བཅས་ཁྱོན་མི་གྲངས་ ༡༡༠ ཁྲིམས་རྭའི་ནང་ཞུགས་བཅུག་ཡོད་པ་དང་། ཕྱི་རྒྱལ་གྱི་གསར་ཁང་ ༡༤༠ ལྷག་གི་གསར་འགོད་པ་ཅི་ནན་དུ་ཆེད་སྐྱོད་ཀྱིས་བཅར་འདྲི་བྱས་ཡོད་ཀྱང་། ཁྲིམས་རྭའི་ནང་འཛུལ་ཞུགས་བྱེད་དུ་བཅུག་མེད་པ་དང་། གནད་དོན་དབྱེ་ཞིབ་པ་ཚོས་ཐེངས་འདིའི་རྒྱ་གཞུང་གི་ཆབ་སྲིད་འཁྲབ་སྟོན་ཁྲོད་དམར་ཤོག་གཞུང་གི་དཔོན་རིགས་ཚོའི་སྐྱུག་བྲོ་བའི་ཉེས་དོན་མང་པོ་ཕྱིར་མངོན་ཡོད་ལུགས་སོགས་བརྗོད་ཀྱིན་ཡོད་འདུག
་་་་་ དེ་མིན་གྱི་ཉེས་ཅན་དཔང་མི་སོགས་སྤྱི་ཚོགས་ཀྱི་གནད་ཡོད་མི་སྣ་ ༨༤ བཅས་ཁྱོན་མི་གྲངས་ ༡༡༠ ཁྲིམས་རྭའི་ནང་ཞུགས་བཅུག་ཡོད་པ་དང་། ཕྱི་རྒྱལ་གྱི་གསར་ཁང་ ༡༤༠ ལྷག་གི་གསར་འགོད་པ་ཅི་ནན་དུ་ཆེད་སྐྱོད་ཀྱིས་བཅར་འདྲི་བྱས་ཡོད་ཀྱང་། ཁྲིམས་རྭའི་ནང་འཛུལ་ཞུགས་བྱེད་དུ་བཅུག་མེད་པ་དང་།
གནད་དོན་དབྱེ་ཞིབ་པ་ཚོས་ཐེངས་འདིའི་རྒྱ་གཞུང་གི་ཆབ་སྲིད་འཁྲབ་སྟོན་ཁྲོད་དམར་ཤོག་གཞུང་གི་དཔོན་རིགས་ཚོའི་སྐྱུག་བྲོ་བའི་ཉེས་དོན་མང་པོ་ཕྱིར་མངོན་ཡོད་ལུགས་སོགས་བརྗོད་ཀྱིན་ཡོད་འདུག ་་་་་་ཟེར།
པའོ་ཡི་སྐད་ཆ་དེ་གདེངས་ཚོད་ཡོད་པའི་སྒོ་ནས་བཤད་པ་འདྲ་བོ་ཚོར་བྱུང་།
མ་གཞི་ནས་རྒྱ་དམར་གྱི་སྲིད་ཇུས་ནི་མི་ཞིག་ལ་ནག་ཉེས་འགེལ་འདོད་པ་དང་མི་ཞིག་ནག་པོར་བཟོ་འདོས་བྱུང་ཚེ་ཐབས་བརྒྱ་ཇུས་སྟོང་གིས་མི་དེ་རྫོང་ས་ཞིག་ལ་རྫོང་ཅི་ཐུབ་བྱེད་པ་དེ་གཞུང་གི་སྲིད་ཇུས་དང་རྒྱ་མིའི་གཤིས་ཀ་ཡང་རེད།
ད་ཏེངས་པའོ་ཉེས་འདོགས་འདི་ལས་ཏར་སོང་ན་ག་ལེར་རྒྱ་ནག་ལ་འགྱུར་བ་འགྲོ་བར་ཤུགས་རྐྱེན་ཏན་ཏན་ཐེབས་ཀི་རེད་སྙམ།
རྒྱ་ནག་དམར་ཕྱོགས་ཀྱི་དྲུང་ཆེ་པ་འོ་ཤིའི་སྐད་ཆ་འདི་ལ། ཅུང་ཟད་གཟི་བརྗིད་དང་། སྒམ་ཚུགས་ཀྱི་རྣམ་པ་ཕྲན་ཞིག་ཡོད་ཀྱང་། ལམ་འགྲོ་མེད་པའི་མི་ཞིག་ཡིན་ཚེ་གང་ཡོད་ཀྱང་ཅི་ཕན།