ཁ་སང་ཕྱི་དྲོར་མེག་གྷན་བོད་ཀྱི་གསོལ་མགྲོན་ཁང་དུ་བུད་མེད་རྩོམ་པ་པོ་སྡོམ་པ་ཚེ་རིང་དབང་མོ་ལགས་ཀྱིས་བརྩམས་པའི་༼བོད་ནང་གི་རང་ཁྱིམ༽ཞེས་པའི་དེབ་དབུ་འབྱེད་དང་འབྲེལ་བགྲོ་གླེང་ཞིག་ཚོགས་སོང་།
ཁ་སང་རེས་གཟའ་ཟླ་བ་ཉིན་གྱི་ཕྱི་དྲོའི་ཆུ་ཚོད་༣པ་ཙམ་ལ།དྷ་ས་མེག་གྷན་བོད་ཀྱི་གསོལ་མགྲོན་ཁང་གི་ཚོགས་ཁང་དུ།ཨ་རིར་གནས་སྡོད་བུད་མེད་རྩོམ་པ་པོ་སྡོམ་པ་ཚེ་རིང་དབང་མོ་ལགས་ཀྱིས་བརྩམས་པའི་༼བོད་ནང་གི་རང་ཁྱིམ༽(A Home in Tibet)ཞེས་པའི་སྒྲུང་དེབ་ཅིག་དབུ་འབྱེད་གནང་སོང་ལ། སྐུ་མགྲོན་དུ་སྲིད་སྐྱོང་བློ་བཟང་སེང་གེ་མཆོག་དང་སྤྱི་འཐུས་ཚོགས་གཞོན་མཁན་པོ་བསོད་ནམས་བསྟན་འཕེལ་ལགས་གཉིས་ཀྱིས་གཙོས། སྤྱི་འཐུས་ཁག་ཅིག་དང་།དེ་བཞིན་བོད་དོན་ལས་འགུལ་བ་དང་རྩོམ་པ་པོ།ཕྱི་རྒྱལ་ཁག་ནས་ཕེབས་པའི་བོད་དོན་དོ་སྣང་ཅན་བཅས་ཁྱོན་མི་གྲངས་༥༠ཙམ་འདུ་འཛོམས་བྱུང་སོང་།
དེབ་དེའི་ནང་དུ་སྡོམ་པ་ཚེ་རིང་དབང་མོ་ལགས་ཀྱི་ཨ་མ་ལགས་ཆུང་ཆུང་སྐབས་ཀྱི་ལོ་རྒྱུས་དང་ཕྱིས་སུ་ཨ་མ་ལགས་བཙན་བྱོལ་དུ་ཕེབས་པའི་བརྒྱུད་རིམ། དེ་བཞིན་ཚེ་རིང་དབང་མོ་ལགས་ཕ་ཡུལ་ནང་ཆེན་དུ་ཐེངས་ ༥ གཉེན་འཕྲད་དུ་ཕྱིན་སྐབས། ཕ་ཡུལ་གྱི་ཡུལ་སྲོལ་གོམས་གཤིས་དང་འབྲོག་པའི་འཚོ་བ་སྐྱེལ་སྟངས། ཡུལ་ལྷ་གཞིས་བདག་ལ་མཆོད་བཀུར་བྱེད་སྟངས་སོགས་ཀྱི་མཐོང་ཐོས་མྱོང་གསུམ། གཞན་ཡང་།བཙན་བྱོལ་ནང་གི་མ་སྨད་གཉིས་ཀྱི་མཛའ་བརྩེའི་སྐོར་སོགས་བཀོད་ཡོད་འདུག
གསར་འགོད་པ། པདྨ་མཚོ།
གསར་འགོད་པས་གསལ་པོ་ཞིག་གསུངས་མི་འདུག་ག
དེབ་འདི་བོད་ཡིག་ནང་བྲིས་ཡོད་པ་རེད་པས། ཡང་ན་དབྱིན་ཇིའི་ནང་བྲིས་ཡོད་པ་རེད།