དེ་རིང་ཆོས་རིག་དྲུང་ཆེ་ངག་དབང་ཆོས་གྲགས་ལགས་དབུས་བོད་མིའི་སྒྲིག་འཛུགས་ཆེས་མཐོའི་ཁྲིམས་ཞིབ་ཁང་གི་ཁྲིམས་ཞིབ་པར་བདམས་ཐོན་བྱུང་སོང་།
དེ་རིང་ཉིན་རྒྱབ་ཆུ་ཚོད་ ༢།༢༠ ཐོག སྐབས་བཅོ་ལྔ་པའི་བོད་མི་མང་སྤྱི་འཐུས་ལྷན་ཚོགས་ཀྱི་གྲོས་ཚོགས་ཚོགས་དུས་དྲུག་པའི་ལས་ཉིན་གསུམ་པའི་སྟེང་། སྤྱི་འཐུས་ཚོགས་གཙོ་མཆོག་གིས་བོད་མིའི་སྒྲིག་འཛུགས་རྩིས་ཞིབ་ལས་ཁང་གི་སྤྱི་ཁྱབ་འགན་འཛིན་བཀའ་བརྒྱུད་དོན་གྲུབ་ལགས་དང་། ད་ལྟའི་ཆོས་རིག་དྲུང་ཆེ་ངག་དབང་ཆོས་གྲགས་ལགས་རྣམ་གཉིས་ཀྱི་མིང་ཐོ་གྲོས་ཚོགས་ནང་སྙན་སྒྲོན་ཞུས་པ་ལས། ངོ་ཡོད་སྤྱི་འཐུས་ ༣༧ གྱིས་འོས་ཤོག་ཕངས་ཏེ། བཀའ་རྒྱུད་དོན་གྲུབ་ལགས་སུ་འོས་གྲངས་ ༡༦ དང་། ངག་དབང་ཆོས་གྲགས་ལགས་སུ་འོས་གྲངས་ ༢༡ ཐོབ་སྟེ། ད་ལྟའི་ཆོས་རིག་དྲུང་ཆེ་ངག་དབང་ཆོས་གྲགས་ལགས་མང་མོས་ཐོག་ཁྲིམས་ཞིབ་པ་གཞན་གཅིག་ལ་བདམས་ཐོན་བྱུང་བ་གསལ་བསྒྲགས་གནང་སོང་།
འོས་བསྡུའི་སྔོན་དུ་སྤྱི་འཐུས་ཚོགས་གཙོ་སྤེན་པ་ཚེ་རིང་མཆོག་གིས་ངོ་སྤྲོད་གནང་བ་ལྟར་ན། བཙན་བྱོལ་བོད་མིའི་བཅའ་ཁྲིམས་དོན་ཚན་ ༦༣ པའི་དགོངས་དོན་ལྟར། ཁྲིམས་ཞིབ་པ་ཆེ་བ་དང་སྤྱི་འཐུས་ཚོགས་གཙོ་གཞོན་གཉིས། སྲིད་སྐྱོང་མཆོག་བཅས་ཀྱིས་གྲོས་བསྡུར་བརྒྱུད་འདེམས་སྒྲུག་ཚོགས་གི་ཚོགས་མི་བསྐོ་འཛུགས་གནང་ཡོད་འདུག
ཁྲིམ་ཞིབ་པ་འདི་སྔོན་མ་ནས་མང་པོ་མཇལ་མྱོང་ཡོད། ཕར་བལྟས་ན་མྱི་གཟི་བརྗིད་ལྡན་པ་ཞིག་འདུག་མོད་འགག་རྩའི་སྐབས་སུ་ཕྱག་ལས་གནང་སྟངས་སོགས་ཆ་རྒྱུས་གང་ཡང་མེད་པས་རྒྱུས་ཡོད་ཚོས་ངོ་སྤྲོད་མདོར་བསྡུས་རེ་མཆན་ལམ་ནས་གནང་ན་ཡག་པོ་གང་འདྲ་ཡོད་ས་རེད། མང་པོ་ཞིག་གི་གོ་རྟོགས་ལ་ཕན་ངེས་རེད། དེ་མིན་དགོས་མེད་མཆན་ཉོག་སྤེལ་ནས་ཅི་བྱེད།
བཀྲ་ཤིས་བདེ་ལེགས་ཞུ།
བཀྲ་ཤིས་བདེ་ལེགས་ཞུ།
འོན་ཀྱང་ང་ཚོའི་ཁྲིམས་ཞིབ་ཁང་དེས་ག་རེ་ཕན་ཐོག་གི་ཡོད་མེད་ཤེས་མ་སོང་།
ཡང་གཅིག་བཤད་ན་ལྐོག་ཟ་རུལ་སོང་རྣམས་ཀྱང་མཐར་ཐུག་ན་རྒྱ་གར་ཁྲིམས་ཁང་ལ་འགྲོ་དགོས་པ་ལས་བོད་མིའི་སྒྲིག་འཛུགས་ཀྱི་ཁྲིམས་ཞིབ་ཁང་ལ་ལས་ཀ་གང་ཡང་མིན་འདུག ཧཧཧཧ
འོ་ན་ཡག་ཤོས་གསུམ་མམ་བཞིས་དགོངས་པ་ཞུས་རྗེས་ཀྱི་ལྷག་མ་གཉིས་ལས་བདམས་པའོ། ཧ་ཧ་ཀུ་རེ་ཡིན། དེ་ཡང་རང་དབང་རེད། དགོངས་པ་ཞུ་ལོས་ཆོག འོན་ཀྱང་་་་
གང་ལྟར་ཁྲིམས་སྲོལ་ལྟར་བསྐོས་པས་ལེགས་སོ།
དཔལ་ལྡན་དབུས་བོད་མིའི་སྒྲིག་འཛུགས་ཀྱི་ཆེས་མཐོའི་ཁྲིམས་ཞིབ་པ་གསར་བར་བཀྲ་ཤིས་བདེ་ལེགས་ཞུ།
སྤྱི་ནོར་༸གོང་ས་༸སྐྱབས་མགོན་༸རྒྱལ་དབང་ཡིད་བཞིན་ནོར་བུ་མཆོག་དང་། དབུས་བོད་མིའི་སྒྲིག་འཛུགས་ཀྱི་བཀའ་དགོངས་ལྟར་སྤྱི་ཚོགས་ལ་ལྷག་བསམ་དྲང་བདེན་གྱིས་ཞབས་ཞུ་སྒྲུབ་མཁན་གྱི་བཀུར་འོས་དཔལ་ལྡན་ཁྲིམས་ཞིབ་པ་སྐུ་ངོ་ངག་དབང་ཆོས་གྲགས་མཆོག་ལ་འཚམས་འདྲིའི་བཀྲ་ཤིས་བདེ་ལེགས་གང་མང་དང་། ཁོང་གི་མཛད་བཞེད་ལེགས་འགྲུབ་འབྱུང་བའི་སྨོན་འདུན་ཞུ།