སློབ་མར་རྡུང་སྟེ་ལག་པ་བཅག

སློབ་སྦྱོང་ཡག་པོ་དགོས་པ་།རྡུང་ན་འགྲིག་གི་མེདཔ་།
བཤད་ན་མ་ཁ་ལ་མ་ཉན་པ་།
ཏོག་ཙམ་ཐལ་དྲད་ཤག
རྡུང་སྟེ་ལག་པ་བཅག་པ་དེ་འདྲའི་ནོར་འཁྲུལ་ཆེན་པོ་རེད།
དྲྭ་གོགས་རྣམས་ཕལ་ཆེ་དགེ་རྒན་བྱེད་མྱོང་མེད་པ་འདྲ།ད་མ་ལབ་ཡག་ས་རེད།

དགེ་རྒན་སྤེན་པ་དོན་འགྲུབ་ལ་ནོར་འཁྲུལ་ཤོར་ཟིན་པ་རེད། ཉེས་པ་ཡང་བཏང་ཚར་འདུག དེ་གླེང་ནས་དོན་དག་ཆེན་པོ་མི་འདུག རྗེས་མ་གཟབ་རྒྱུ་གལ་ཆེན་པོ་རེད། སྤྱིར་གོང་དུ་སློབ་སྤྱིའི་གསུངས་པ་ལྟར་བོད་པའི་བྱིས་པ་རྣམས་ཅུང་ཙམ་ཧར་པོ་དང་རྩུབ་པོ་ཡོད་པ་རེད། ལྷག་པར་དུ་རྣམ་གཡེང་དང་རྩེད་མོར་གཡེང་རྒྱུ་གཞན་ལས་ལྡབ་འགྱུར་གྱིས་དགའ་བོ་འདུག དེ་ནི་དགེ་རྒན་དང་སློབ་གྲྭ་གཅིག་པུའི་གནད་དོན་ཙམ་ལ་བརྟེན་ནས་བྱུང་བ་ཞིག་མ་རེད། གཙོ་བོ་ཁྱིམ་ཚང་གི་སློབ་གསོ་གནས་ཚད་ཧ་ཅང་སྐྱོ་དྲགས་པས་རེད། གང་ལྟར། ད་ལྟའི་གནས་བབ་ལ་སློབ་ཕྲུག་ཚོར་དགེ་རྒན་གྱིས་ཅུང་ཙམ་མ་གཅུན་རང་གཅུན་གྱི་གནས་སྟངས་ཤིག་གི་འོག་ཡོད་པ་རེད། ཡིན་ནའང་། དགེ་རྒན་གྱིས་སློབ་མར་གཅུན་སྐབས་སྔར་ནས་བསམ་བློ་སྔོན་དུ་སོང་བའི་སྒོ་ནས་སློབ་གཅུན་བྱེད་དགོས་པ་རེད་མ་གཏོགས། ཧོད་རྒྱུགས་དང་ཁོང་ཁྲོའི་དབང་དུ་ཕྱིན་ཏེ་སློབ་གཅུན་བྱས་པ་ཡིན་ན། ད་རེས་ཀྱི་གནས་ཚུལ་འདི་རིགས་འབྱུང་ངེས་པ་རེད། འདིའི་ཐད་ནས་སློབ་མར་གཅུན་ཐབས་ཀྱི་དཔེ་མཚོན་ཞིག་བརྗོད་འདོད་བྱུང་། ང་རང་སྔོན་ཆད་སློབ་ཆུང་སློབ་མ་ཡིན་དུས་དགེ་རྒན་ཡར་བསགས་ཤིག་ཡོད། ཁོང་གིས་ནམ་རྒྱུན་སྨྱུག་མ་ལེབ་ལེབ་ཞིང་ཚད་ལ་སོར་གཉིས་དང་རིང་ཚད་ལ་མཐོ་གང་ཅན་སློབ་མར་གཅུན་སྐྱོང་ཆེད་བཟུང་བསྡད་ཡོད། དེ་བཞིན། སློབ་མར་གཅུན་སྐབས་ཁོང་ཁྲོའི་ཚོར་བ་ཅུང་ཙམ་ཡང་མི་སྟོན། ཁ་ནས་རྒྱུ་མཚན་དང་སློབ་སྐུལ་བྱེད་ཞོར་ཉེས་པ་བསགས་པའི་ཚད་གཞི་ལ་བལྟས་ནས་རེ་ཟུང་གཅུན་གྱིན་ཡོད། ཁོང་གིས་གཅུན་སྐབས་ཉེས་པ་གཟེད་མཁན་སློབ་ཕྲུག་ཚོའི་བསམ་བློ་ནང་འཇིགས་སྣང་གིས་ཁེངས་ཏེ་ཡིད་ལ་གང་ཡང་དྲན་རྒྱུ་མེད་པ་ལྟ་བུའི་ཚོར་བ་གཏན་ནས་མི་འབྱུང་བར། སོ་སོའི་བསགས་པའི་ཉེས་པའི་ཐད་ལ་བསམ་བློ་འཁོར་ཐུབ་མ་ཟད། རང་ཉིད་འགྲུབ་མི་འདུག་བསམ་པའི་སློབ་གསོ་ཡང་ཐོབ་ཐུབ་ཀྱི་ཡོད། འདི་ནི་ང་རང་གིས་སློབ་ཕྲུག་ཡིན་དུས་དངོས་སུ་བརྒྱུད་མྱོངས་པའི་གནས་ཚུལ་ཞིག་ཡིན།
ངས་འདིར་བརྗོད་འདོད་པ་ནི། དགེ་རྒན་གྱིས་སློབ་ཕྲུག་གཅུན་པའི་ལས་དེ་ནི་སློབ་ཕྲུག་གི་ཆེད་དུ་ཡིན་པས་ན། དགེ་རྒན་གྱིས་སྔར་ནས་སློབ་གཅུན་ཐད་རིག་པ་གསལ་དྭངས་ཀྱི་སྒོ་ནས་སོ་སོའི་ཉམས་ཞིབ་དང་ཐབས་ལམ་ལེགས་པོ་ཞིག་བཙལ་བའི་ཐོག་ནས་ལག་བསྟར་བྱེད་པ་ལས། དེ་ལས་ལྡོག་སྟེ་སྐབས་ཐོག་གི་ཚོར་བ་དང་ཁོང་ཁྲོའི་དབང་དུ་ཕྱིན་ཏེ། དགེ་རྒན་རང་ཉིད་ཀྱི་སྐབས་ཕྲལ་གྱི་དགའ་སྐྱོ་ཆགས་སྡང་གི་ཆེད་དུ་སློབ་མར་གཅུན་པ་ཡིན་ན། དེ་ནི་སོ་སོའི་ནོར་འཁྲུལ་བཟོས་པ་ཞིག་རེད་ལ། ཐ་ན་དགེ་སློབ་འདུ་ཤེས་བོར་ཏེ་དགྲ་འཛིན་དང་འཁོན་འཛིང་གི་བསམ་བློའི་དབང་གིས་བསྐྱེད་པའི་གྱོད་དོན་དུའང་མི་འགྱུར་བའི་ངེས་ཡོད་པ་མ་རེད།

ངས་མཐོང་སྣང་ལ་ད་རེས་གླེང་འོས་པའི་གནད་དོན་གཙོ་བོ་ནི་ཕྱོགས་གཞན་ཞིག་ན་འདུག་བསམ། དེ་ནི་སློབ་གྲྭའི་འཛིན་སྐྱོང་གིས་སློབ་མ་རེ་རེའི་འཚར་ལོངས་ཐད་དོ་གལ་དང་སེམས་ཁྲལ་གྱི་རྣམ་པ་གསལ་བོ་མེད་པ་དེ་རེད། ༼ད་ལྟའི་བར་ཐག་གཅོད་མ་བྱས་པ་དེ་ཚེས་ ༡༩ གཟའ་སྤེན་པ་རེད། ཚེས་ ༢༠ གཟའ་ཉི་མར་དངོས་གཞི་འགྲན་བསྡུར་རེད། ༢༡ ཉིན་གུང་གསེང་བཏང་། ཚེས་ ༢༢ དང་ ༢༣ ཉིན་དབུས་བོད་སློབ་འཛིན་ཚོགས་ཀྱི་སྐུ་མགྲོན་སོང་སྟེ་ད་ལྟའི་བར་ཁོམ་མ་སོང་། ལྷག་པར་གནས་ཚུལ་འདིའི་རིགས་ང་གཅིག་པུའི་ཐག་གཅོད་མི་ཐུབ་པར་འགན་འཛིན་ལྷན་ཚོགས་ཀྱི་ཚོགས་མི་ཚང་མ་མཉམ་དུ་འཛོམས་ཏེ་ཐག་གཅོད་གནང་དགོས་སྟབས་ལྷག་པ་རེད།༽ཅེས་པའི་སློབ་གྲྭའི་འགན་འཛིན་གྱི་སྐད་ཆ་འདིས་ཕྲན་ལ་མཚོན་ན་ཏོག་ཙམ་བློ་ཕམ་གྱི་ཚོར་བ་ཞིག་སྤྲད་ཡོང་གི་འདུག མ་གཞི་སློབ་གྲྭའི་འཛིན་སྐྱོང་གི་འགན་ནི་སློབ་ཕྲུག་རྣམས་ཀྱི་བདེ་ཐང་འཚར་ལོངས་ལ་སེམས་ཁུར་དང་འགན་འཁྱེར་རྒྱུ་དེ་རེད་མ་གཏོགས། གུང་གསེང་ལ་རོལ་རྒྱུ་དང་མཛད་སྒོའི་རྩེད་མོ། སྐུ་མགྲོན་ལ་སྣེ་ལེན། འགན་འཛིན་ལྷན་ཚོགས་ཀྱི་མི་སྣ་ཚོའི་ཁོམ་སྐབས་བཅས་ལ་ཁ་གཡར་ཏེ་འཐུས་ཤོར་གཏོང་ཆོག་པ་ཞིག་རྩ་བ་ནས་མ་རེད།

མ་གཞི་སློབ་གྲྭ་ནི་ཁྱིམ་བདག་དང་སློབ་ཕྲུག་ལ་དབང་ཡོད་བཤད་སའི་གར་སྟེགས་ཞིག་མ་རེད། ཁྱིམ་བདག་ལ་ཡིད་ཆེས་སྦྱིན་མཁན་དང་། སློབ་ཕྲུག་ལ་འགན་ལེན་བྱ་སའི་མྱི་སྡེ་སྤྱི་ཚོགས་ཀྱི་ཞབས་ཞུའི་སྟེགས་བུ་ཡོད་ན་མེད་ན་དེ་རེད། དེར་བརྟེན། སློབ་གྲྭ་དང་དགེ་རྒན་ཞེས་མྱི་རྣམས་ཀྱི་འདུ་ཤེས་ཁྲོད་གོ་གནས་ཆེན་པོ་ཞིག་བཟུང་བསྡད་ཡོད་པ་རེད། དེར་བརྟེན་སློབ་གྲྭའི་འགན་འཛིན་ཡིན་ན་རེད། དགེ་རྒན་རྣམ་པ་ཡིན་ན་རེད། སོ་སོའི་གནས་བབས་གལ་ཆེན་པོ་དེ་ངོས་ཟིན་དགོས་པ་གནད་དམ་པ་རེད། སློབ་གྲྭའི་ལས་སྣེ་གང་ཡིན་ཡང་མྱི་སྡེ་སྤྱི་ཚོགས་ཀྱི་ཚོགས་སྡེ་གཞན་གང་ལས་ཀྱང་ལྷག་པའི། སྤྱི་ཚོགས་ལ་འགན་ལེན་གྱི་འདུ་ཤེས་དགོས་པ་རེད།

ཡིན་ནའང་། འདི་ལྟའི་འགན་ལེན་ལྡན་པའི་མྱི་སྡེ་སློབ་གསོའི་དཔུང་ཁག་ཅིག་འཛུགས་ཐུབ་མིན་དེ་ནི། སློབ་གྲྭའི་ནང་གི་དགེ་ལས་པ་ཁོ་ནར་ཁག་དཀྲིས་ན་འགྲིག་པ་ཞིག་ཀྱང་གཏན་ནས་མ་རེད། གཞུང་འཛིན་སྒྲིག་འཛུགས་ལ་ཐད་གར་འབྲེལ་བ་ཆགས་ཡོད།
དཔེར་ན། བཙན་བྱོལ་སྤྱི་ཚོགས་ཁྲོད་མྱི་སྡེ་སློབ་གསོའི་དཔུང་ཁག་ལ་མཐོང་དང་བརྩི་འཇོག་ཆེན་པོ་མེད་པ་དེས། མྱི་སྡེ་སློབ་གསོའི་དཔུང་ཁག་གི་རྒྱུ་སྤུས་ཀྱང་དེ་ལ་དེ་བསྟུན་གྱིས་ཡག་པོ་མ་བྱུང་བ་རེད།

སྤྱིར་དགེ་ལས་བའི་རྒྱུ་སྤུས་མཐོར་འདེགས་ཡོང་མིན་དེ་ནི། མྱི་སྡེ་སློབ་གསོའི་དཔུང་སྡེ་ནང་ཤེས་ཡོན་ཡག་ཤོས་དང་ཀུན་སྤྱོད་བཟང་ཤོས་ཀྱི་མི་རྣམས་བསྡུ་ཐུབ་མིན་ལ་ཐུག་ཡོད་ལ། དེའང་མྱི་སྡེ་སློབ་གསོའི་དཔུང་ཁག་ལ་མཐུན་རྐྱེན་འཛོམས་མིན་ལ་རག་ལས་ཡོད། དེར་བརྟེན། དགེ་ལས་བ་རྣམས་ཀྱི་གསོལ་ཕོགས་དང་འཚོ་བའི་མཐུན་རྐྱེན་ནི། ཁྲིམས་དཔོན་དང་བཀའ་བློན་ཁྲི་པ། སྤྱི་འཐུས་ཚོགས་གཙོ་སོགས་བཙན་བྱོལ་བའི་གོ་གནས་མཐོ་ཤོས་དག་ལས་ཀྱང་ངེས་པར་དུ་ལྡབ་འགྱུར་གྱིས་ཡག་པོ་ཡོད་དགོས། དེའི་རྒྱུ་མཚན་ནི་གཅིག་ནས་དགེ་ལས་བ་དག་གིས་ཉིན་མཚན་དབྱེར་མེད་ལ་སློབ་ཕྲུག་འཚོ་སྐྱོང་འབད་དགོས་སྟབས། ཞོར་ནས་སོ་སོའི་དཔལ་འབྱོར་མཁོ་གཉེར་སོགས་ཀྱི་དུས་ཚོད་མེད་སྟབས། སོ་སོའི་ཕོགས་དངུལ་གྱིས་ཁྱིམ་གྱི་འཚོ་གནས་ཁག་ལེན་མ་ཐུབ་པར་ཞོར་ལས་གཉེར་དགོས་བྱུང་ཚེ། རང་བཞིན་གྱིས་སློབ་གསོའི་འགན་ཁུར་འཐུས་ཤོར་དུ་འགྲོ་ངེས་ཡིན། རྒྱུ་མཚན་དེའི་དབང་གིས་མྱྱི་སྡེ་སློབ་གསོའི་དཔུང་ཁག་གི་འཚོ་བའི་མཐུན་རྐྱེན་ནི། སྤྱི་ཚོགས་ཧྲིལ་པོའི་ཚོགས་སྡེ་གཞན་དག་ལས་མཐོ་བ་དགོས་པ་གལ་ཆེན་པོ་ཡིན། གཉིས་ནས་མྱི་སྡེ་སློབ་གསོའི་དཔུང་གི་གནས་གོ་བབས་ནི་སྤྱི་ཚོགས་ཧྲིལ་པོའི་ཚོགས་སྡེ་གང་ལས་ལྡབ་འགྱུར་གྱིས་མཐོ་བ་ཡོད་དགོས། དེང་གི་དུས་འདིར་མི་རྣམས་ཀྱི་འདུ་ཤེས་ཁྲོད་རིན་ཐང་ལྟ་བའི་ཚད་གཞི་ཕྱོགས་གཉིས་ནས་ཡོང་གི་ཡོད། གཅིག་ནི་དཔལ་འབྱོར་གྱིས་མཚོན་པའི་ཕྱི་དངོས་པོའི་གོ་བབས་དང་། གཅིག་ནི་ཤེས་ཡོན་གྱི་མཚོན་པའི་ནང་བསམ་བློའི་གོ་བབས་ཡིན། དེར་བརྟེན། སྤྱི་ཚོགས་ཧྲིལ་བོའི་འདུ་ཤེས་ཁྲོད་མྱི་སྡེ་སློབ་གསོའི་དཔུང་ཁག་ནི་གུས་བརྩི་བྱེད་ཡུལ་དང་། མྱི་སྡེ་སློབ་གསོའི་ལས་དོན་ནི་བླ་ན་མེད་པ། ལས་དོན་དེའི་ཁྲོད་ཞུགས་འདོད་ཀྱི་འདུན་པ་ནི་གཞན་ལ་མཐོ་བ་ཞིག་བསྐྲུན་དགོས།
དཔེར་ན། ཁྱིམ་ཚང་ཞིག་གི་མི་སྡེ་ཁྲོད་ཕ་མའི་གནས་བབས་དེ་ག་ཡོད་ནང་བཞིན། སྤྱི་ཚོགས་ཞིག་གི་མྱི་སྡེ་ཁྲོད་སློབ་གསོའི་དཔུང་སྡེ་ཡི་གནས་བབས་ཀྱང་དེ་ལྟར་ཡོང་དགོས། གོ་ཐོས་ལ་སྔོན་ཆད་ཨ་རིའི་རྡུལ་མཚོན་གྱིས་ཉི་ཧོང་ཕམ་ཉེས་སུ་བཏང་སྟེ། ཉི་ཧོང་རྒྱལ་ཡོངས་མི་དམངས་ཀྱི་འཚོ་གནས་ཐད་དཀའ་ཁག་ཆེན་པོ་འཕྲལ་ཡོད་ཀྱང་། སྐབས་དེར་ཉི་ཧོང་གི་སློབ་སློབ་གྲྭའི་དགེ་ལས་དང་སློབ་ཕྲུག་དག་གི་འཚོ་བའི་ཐད་དཀའ་ངལ་འཕྲད་མ་བཅུག་པར། མྱི་སྡེ་སློབ་གསོའི་དཔུང་ཁག་གཞན་གང་ལས་གཙུག་འཛིན་བྱས་ཡོད། དེར་བརྟེན། དེང་གི་དུས་འདིར་ས་སེན་ཤུལ་ཙམ་ལས་མེད་པའི་ཉི་ཧོང་གི་འཛམ་གླིང་གི་དཔལ་འབྱོར་དང་གསར་གཏོད་གང་ཐད་ནས་མདུན་སྐྱོད་པའི་གྲལ་དུ་ཚུད་ཡོད་པ་རེད། ད་ནི་འཕྲོས་ཏེ་ཉ་ཉོག་ལུང་པ་གང་བཤད་སོང་།

མདོ་རྩ་སྙིང་པོ། ངས་བཤད་འདོད་པ་ནི། གནད་དོན་གང་ཞིག་བྱུང་མིན་ལ་མིག་གཅེར་རྒྱུ་དེ་མ་ཡིན་པར། གནད་དོན་དེར་ལྟ་སྟངས་དང་ངོས་འཛིན་ག་འདྲ་བྱེད་ཀྱི་ཡོད་མེད་དེ་གནད་གཙོ་བོ་རེད། དེར་བརྟེན། སློབ་གྲྭའི་འགན་འཛིན་གྱི་སྐད་ཆ་དེ་དག་གིས། ཁོའི་མྱི་སྐྱོང་སློབ་གསོའི་ཐད་འཛིན་པའི་འདུ་ཤེས་དེ་ཡང་དག་ཅིག་མིན་པར་མཐོང་ལ། མྱི་སྡེ་སློབ་གསོའི་དཔུང་ཁག་གི་འགན་གཙོ་བོ་དེ་མྱིའི་འཚར་ལོངས་བདེ་ཐང་ལ་གཙུག་ཏུ་མ་བཟུང་བར། ཕྱི་ཚུལ་གྱི་མཛད་སྒོ་བརྩི་སྲུང་གི་སྲོལ་ལུགས་ཙམ་དང་། གོང་རིམ་དཔོན་རིགས་ལ་སྣེ་ལེན། ངལ་གསོ་གུང་གསེང་ལ་གཡེང་རྒྱུ་དག་རྩ་ཆེན་པོ། བསྒྱུར་དུ་མེད་པ་ལྟ་བུ་ཞིག་ཏུ་བཟུང་ནི་སློབ་གསོའི་སྡེ་ཁག་གི་གཏིང་རིམ་ནོར་འཁྲུལ་གཙོ་བོ་དེ་རེད།

གལ་སྲིད་མྱི་སྡེ་སློབ་གསོའི་དཔུང་སྡེ་ཞིག་གིས་སློབ་ཕྲུག་ཅིག་གི་འཚར་ལོངས་བདེ་འཇགས་ཀྱི་འགན་དེ་ནི། རྒྱལ་ཁབ་དེའི་སྲིད་འཛིན་ལ་སྣེ་ལེན་བྱ་ལས་ལྡབ་བརྒྱ་འགྱུར་གྱིས་གལ་ཆེ་བར་བརྩི་ཐུབ་ཚེ། མྱི་སྡེ་སློབ་གསོའི་དཔུང་ཁག་དེ་ནི་ངེས་པ་དོན་གྱིས། འགྲོ་བ་མྱི་བཟོ་སྐྲུན་བྱ་སའི་བཟོ་གྲྭ་རྣལ་མ་དེ་ཆགས་ཐུབ་ལ། འགྲོ་མྱིའི་ཤེས་རིག་གི་གཙང་བོའང་སློབ་གྲྭ་དེ་ནས་བརྡོལ་ངེས་རེད།

མི་ངན་མང་དག་ཞིག་གི་ཉེ་ཆར་གནས་ཚུལ་འདི་ལ་མི་འདོད་པའི་པའི་རྣམ་འགྱུར་སྟོན་པ་འདི་ནི་སོ་སོའི་ནོར་འཁྲུལ་ཁས་ལེན་མ་བྱས་པའི་རྐྱེན་རེད།
དེང་སང་བོད་པའི་སློབ་མ་རྣམས་ནི་དགེ་རྒན་ལེགས་པའི་དཀའ་སློབ་མ་ཉན་པ་གྱེན་ལོག་བྱས་པ་ནོར་འཁྲུར་ཆེན་པོ་ཡིན་དུས་བསམ་བློ་ནན་ཏན་གཏོང་དགོས།

ལོ་མང་སྔོན་ནས་བོད་ཕྲུག་ཁྱིམ་སྡེའི་སློབ་ཕྲུག་ལ་མི་བརྡུང་དང་། བྱམས་པོ་དགོས་ཞེས་ལག་སྟར་ཞུས་ཤག། དེའི་སྐབས་ཡང་སྦེལ་ཀོབ་ཏུ་གནས་ཚུལ་བྱུང་བ་དྲན་སོང་དེ་ནི་དགེ་རྒན་སེམས་ཤུགས་ཆག་ནས་འཛིན་གྲྭ་ཁྲིད་པ་ཙམ་ལས་གཞན་སློབ་ཕྲུག་རྣམས་འདོད་མོས་གཏང་ཞག་དེའི་རྒྱུ་འབྲས་ནི་ལོ་དེར་སློབ་ཕྲུག་གི་ཤེས་སྤྱོད་སྤུས་ཚད་ཧ་ཅང་ཞན་པོ་ཆགས་ཤག། ཨ་མ་ལགས་ནས་ཐད་ཀར་དགེ་སློབ་དཀྱིལ་བཀའ་ཕེབས་ཤག། འདི་ལྟར་བྱས་ཆོག་མིན་ཐད། དེ་རྗེས་དུག་རྫས་སྤྱོད་མཁན། ཐ་མག་འཐེན་མཁན་ཇེ་མང་དུ་སོང་བ་རེད། ད་ང་ཚོ་ཕལ་ཆེར་བོད་ནང་ཡོད་པའི་བོད་རིགས་ཚོར་ངོ་ཚ་པོ་ཞིག་དང་། ཁེ་རྐྱང་པོ་བཟོ་ཉེན་འདུག། མཁྱེན་ལྡན་རྣམས་སུ་ཞུ་རྒྱུ་ལ་གལ་ཏེ་ཤ་ཚའི་ལག་པ་ཤོར་ཚེ་ལུས་ཀྱི་རྐེད་པ་སྨད་ལ་ཞུ་དགོས་པ་ཧ་ཅང་གལ་ཆེ་རེད། འདི་བདེ་འཇགས་ཉེན་བསྲུང་བ་ཚོར་མང་ཚོགས་ཁྲོད་ཉེན་འགོག་སྐབས་སློབ་གསོ་འདི་ལྟར་སྤྲོད་པ་རེད། ཡིནའང་དགེ་རྒན་དེ་ཅུང་གླེན་རྟགས་ཆེ་ཙམ་བྱུང་བ་རེད། འདི་ནི་དབུས་ཁྱིམ་སྡེའི་སློབ་གསོ་སྤྲོད་ཕྱོགས་ལ་རག་ལུས་པ་རེད། དགེ་རྒན་ལ་སློབ་ཕྲུག་སྟང་འཛིན་བྱེད་ཕྱོགས་ཐད་སློབ་གསོའི་ཆུ་ཚད་གོང་མཐོ་དགོས་པ་རེད། ཆུ་ཚད་དེ་ཡང་ཟླ་བ་དྲུག་དྲུག་ནས་དགེ་རྒན་ཁོ་ན་ལ་སྤྲོད་པ་ལས་ཉ་དང་ཉུང་མ་བསྲེས་ན་ཕན་ལས་གནོད་པ་ཉེན་ཆེ་ཆགས་ཡོད། སློབ་ཕྲུག་མ་ཉེས་ཞེས་པའི་རིག་པ་ནུབ་ཕྱོགས་ནས་སླེབས་ཤིང་ནུབ་ཕྱོགས་པ་རྣམས་རང་གི་བུ་ཕྲུག་བྱིས་པའི་དུས་ནས་གོམས་གཤིས་བཟང་པོ་འཇགསཐབས་་ཀྱི་ཤེས་ཡོན་རིག་ལམ་སྣ་མང་ལ་སྦྱང་གོམས་བྱས་ནས་ཡོང་བ་བརྟེན་ཁོ་ཚོར་ལམ་དེར་དེད་རྒྱུ་དཀའ་ངལ་དེ་ཙམ་མེད་རེད། ཡིན་ཡང་གལ་ཏེ་བྱིས་སློབ་ནས་མཐོ་སློབ་བར་སྤྱོད་རྩུབ་དང་། བག་གཡེང་བྱས་ཚེ་ཕྲལ་དུ་ཕ་མར་བརྡ་ལན་བྱེད་པ་རེད། དེ་ནི་ནུབ་ཕྱོགས་པས་འགྲོ་ལུགས་གཉེར་སྟང་རེད། ང་ཚོའི་འདི་འདྲ་བྱེད་དམ་མི་བྱེད་རང་གི་རང་གི་འདྲི་གཞི་ཆགས་ཡོད། དེ་རྗེས་ནུབ་ཕྱོགས་ཕ་མས་བུ་ཕྲུག་ལ་ཁོ་རང་ཚོའི་འཚོ་གོས་དཀའ་ངལ་རྒྱག་སྟངས་ནས་རྩིས་པའི་རེ་གཏོད་གང་བྱེད་དང་། གང་བྱས་ཆ་ཚང་འགྲེལ་བརྗོད་ཐོག་གནོན་ཤུགས་མི་དམན་པ་ཞིག་སྤྲོད་པ་རེད། དེ་བྱས་ནས་ཡར་རྒྱས་མ་བྱུང་ཚེ་ཕ་མས་སེམས་ཁམས་ཀྱི་སྨན་པ་བསྟེན་པ་དང་། ཡང་སློབ་གྲྭ་བརྗེ་པོ་རྒྱག་པ་ལ་སོགས་པའི་རྒྱུ་རྐྱེན་ཤེས་ཚོར་བྱེད་པ་རེད། སྐབས་རེ་གྲོགས་ངན་པ་དང་འབྲེལ་བ། སྐབས་རེ་ལོ་ཚད་མ་སླེབས་གོང་ལ་དགའ་གྲོགས་འགྲིག་པ། ཡང་ཕ་མ་ཡ་བྲལ་གྱིས་སེམས་ཁམས་མ་སྐྱིད་པ། ནད་ཀྱིས་དབང་ལས་རིག་འཚོ་ཞན་པ་སོགས་རྒྱུ་རྐྱེན་མང་དག་ཞིག་ཡོད་པ་རེད། ད་ལྟ་གོང་གི་ཕྲུག་གུ་འདིའི་ཕ་མས་རང་ལ་འོས་འགན་ཡོད་པ་འདྲ་པོ་གང་ཡང་ཤེས་རྟོགས་མེད་པ་གསལ་པོ་རེད་ཤག། འགན་ཁྲིད་མགོ་ནས་འཇུག་བར་ཡོད་པ་རེད། ད་དུང་མཐོ་ས་ནས་བཤད་ན་རང་དང་མི་རིགས།་རིག་གཞུང་ཟེར་བ་སོགས་ཀྱང་འབྲེལ་བ་ཆགས་པ་རེད། ང་ཚོ་སྟོང་དང་། རྒྱལ་གྱི་མཚམས་སུ་སླེབས་ཡོད་པ་རེད། བོད་ཕྲུག་ཤར་ཕྱོགས་སུ་སྐྱེས་པ་ནི་དེ་འདྲའི་གོམས་གཤིས་དང་བྲལ་ཞིང་རྒྱ་གར་ཞིང་འབྲོག་འདྲེས་མིའི་མི་སྤྱོད་དེ་ཧ་ཅང་གི་ཤུགས་རྐྱེན་ཆེན་པོ་རེད། འདི་ཡིས་དོན་དངོས་ཐོག་ང་ཚོ་ད་དུང་ཡང་གཞན་དང་བསྡུར་ན་ལད་མོ་བྱེད་ཤེས་ཙམ་ལས་རྗེས་ལུས་སུ་ཡོད་པ་གསལ་པོ་རེད་་་་་་་་་་་་་་་་ ཡ་ད་ལོངས་ཤོག་ཨང་་་་་་་

ངོ་ཚ་འོས་པའི་གནས་ཚུལ་རེད། ང་ཚོའི་ནམ་རྒྱུན་རྒྱ་ནག་ཞེས་མ་རུང་བ་དང་གདུག་རྩུབ་ཅན་ཞིག་དུ་ངོས་འཛིན་གྱིན་ཡོད་ནའང་། དེང་དུས་རབས་ཉེར་གཅིག་པའི་ནང་འདིར་དགེ་སློབ་བར་ལ་སྤྱོད་ངན་འདི་འདྲ་དཀོན་པོ་རེད།
གལ་སྲིད་ལུས་རྩལ་དགེ་རྒན་སྤེན་པ་དོན་འགྲུབ་ལས་སྣེ་ནས་གཏན་ཕུད་མ་བྱས་ན་རང་དགར་མི་འཇོག་ཐག་ཆོད་ཡིན།