ཚོའོ་ཤ་ཡིས་བརྩམས། ཆབ་ཆ་འབྲུག་བྷེ་ཡིས་བསྒྱུར།
ཕྱི་ལོ་༢༠༡༣ ཟླ་༡༠ཚེས་༡༥ཉིན།ཀྲུང་གོའི་ཕྱི་འབྲེལ་སྡེ་ཚན་གྱི་མགྲིན་ཚབ་པ་ཧྭ་ཁྲོང་ཡིན་(Hua Chun Ying)གྱིས་གསར་འགོད་གསལ་བསྒྲགས་ཤིག་གི་ཐོགསུད་སིའི་(New Zurich newspaper)ཞེས་པའི་ཚགས་པར་སྟེང་༼བོད་རིགས་དྭ་ཕྲུགདྭ་ཕྲུག་མ་རེད།༽ཅེས་པའི་རྩོམ་ཡིག་ཅིག་བཀོད་ཡོད་པར་ཁ་གཡར་ཏེ།“ཐེངས་དེའི་དྭ་ཕྲུག་ཁྱུ་ཚོགས་དེ་རང་ཉིད་ཀྱི་རིག་གནས་དང་ཁ་བྲལ་སྟབས།བོད་ཡིག་མི་ཤེས་པ་ནི་ཏཱ་ལའི་བླ་མ་སྐུ་ཕྲེང་བཅུ་བཞི་པས་བོད་རང་བཙན་གྱི་ཆབ་སྲིད་དམིགས་ཡུལ་དུ་བཟུང་སྟབས།བོད་རིགས་ད་ཕྲུག་གི་གནད་དོན་དེ་བཟོས་པ་རེད” ཅེས་ཁ་རྡུང་བཏང་ཡོད་པ་རེད།
ངས་གསལ་བོར་དྲན་པ་ནི།༡༩༦༠ལོར་ཀྲུང་གོའི་ཉ་དང་འབྲས་ཀྱི་ཕ་ས་ཅཱང་སུའུ་ཞིང་ཆེན་ (Jiangsu Province) ནང་།ངའི་ཨ་ཕ་དང་སྒྱུག་པོ་སྒྱུག་མོ་ཚང་མ་དྭ་ཕྲུག་ཏུ་གྱུར་པ་རེད།རྒྱུ་ མཚན་ནི་ཁོ་ཚོའི་ཕ་མ་གཉིས་ཀྱིས་འབྲུ་རིགས་ཅུང་ཙམ་ལྷག་ཡོད་པ་དེ་ཕྲུ་གུ་ཚོར་ སྤྲད་དེ་རང་འགུལ་གྱིས་རང་ཉིད་ལྟོགས་ཤི་ཐེབས་དུ་བཅུག་ཡོད་པ་རེད།དྭ་ཕྲུག་ཏུ་གྱུར་བའི་དོན་རྐྱེན་འདི་ཚང་མ་མི་སུ་ཞིག་གིས་ཅིའི་ཕྱིར་བཟོས་པ་རེད།ཆབ་སྲིད་དམིགས་ཡུལ་གང་ཞིག་དང་འབྲེལ་བ་ཡོད་པ་རེད།དུས་སྐབས་དེར།ཀྲུང་གོའི་རྒྱལ་ཡོངས་སུ་མི་གྲངས་བྱེ་བ་༣ལྷག་ལྟོགས་ཤི་ཐེབས་ཡོད།བྱིས་པ་བགྲང་ལས་འདས་པ་ཞིག་དྭ་ཕྲུག་ཏུ་གྱུར་བ་དང་།ཡང་ན་ལྟོགས་ཤི་ཐེབས།ཐ་ན་གཙང་བཙོག་མེད་པར་ཡོད་ཚད་ཟ་བ་ཡིན།རྒྱ་མིའི་དྭ་ཕྲུག་དག་ལྟོགས་ཤི་ཐེབས་ཏེ་ཡིད་སྐྱོ་བའི་གནས་ཚུལ་འབྱུང་བཞིན་ཡོད་ན་ཡང་།སྲིད་ གཞུང་གིས་ཕྱི་ལོགས་སུ་མི་མངོན་པའི་ཚུལ་གྱིས་སྡེ་བ་སོ་སོར་དྲག་ཆས་མི་སྣ་ སྐུང་འཇོག་གིས་ཕྲུ་གུ་ཚོ་ཕྱི་རོལ་དུ་འཁྱམས་ཏེ་ལྟོ་སློང་མི་ཆོག་པ་བཟོས་པ་ རེད།
བོད་པའི་བྱིས་པ་ཁ་ཤས་ལ་ལམ་འགྲོ་བརྒྱུགས་ཏེ།ཁོ་ཚོ་ཏཱ་ལའི་བླ་མའི་རྗེས་འབྲངས་ནས་རྒྱ་གར་ལ་སྐྱབས་བཅོལ་དུ་འབྱོར་ཐུབ་པ་བྱུང་བ་རེད།དཀའ་དྲིན་རི་རབ་ལས་མཐོ་བའི་སུད་སིའི་མི་མང་གིས་སྙིང་རྗེ་དང་བརྩེ་བ་ཆེན་པོས་དྲོད་ལྡན་ལག་ཟུང་བརྐྱངས་ཏེ།བྱིས་པ་ཁྱུ་ཅིག་ལ་སློབ་སྦྱོང་བྱེད་པའི་མཐུན་རྐྱེན་གྱིས་མདུན་བསུས་ཏེ།བོད་མི་རིགས་ཀྱི་ཁྲག་རྒྱུན་དང་ཤེས་རིག་གི་ས་བོན་རྒྱུན་མཐུད་པ་རེད།བོད་པའི་དྭ་ཕྲུག་གི་སྐྱོ་གར་གྱི་འབྱུང་རྩ་ནི་ཁོ་ཚོའི་ཕ་སར་ཀྲུང་གོས་ཁྲིམས་འགལ་བརྙས་བཅོས་ཐེབས་པས་རེད།སྐབས་དེར་རྒྱ་གར་གཞུང་གིས་སྐྱབས་བཅོལ་བ་ཁོང་ཅག་གི་བདེ་ཐང་ལ་འགན་སྲུང་ཆ་ཚང་ཞིག་གནང་ཐུབ་མེད་ཀྱང་།ཁོང་ཚོར་མཐོ་སྒང་ལྟར་འཚོ་གནས་ཁོར་ཡུག་འོས་འཚམ་ཞིག་གི་མཐུན་རྐྱེན་བསྐྲུན་ཡོད།
བོད་པའི་བྱིས་པ་ངོས་ལེན་བྱེད་མཁན་སུད་སི་རྒྱལ་ཁབ་འཕུད།ཡུ་རོབ་ཀྱི་རྒྱལ་ཁབ་གཞན་དག་དང་།ཨ་རི་དང་ཨོ་སི་ཊོ་ལེ་ཡ་སོགས།ཐ་ན་ཐེ་ཝན་ཡང་དེའི་ནང་ཚུད་ཡོད།ཐ་ན་སྔོན་ཐོན་ཅན་གྱི་རྒྱལ་ཁབ་ཕལ་ཆེ་བ་དེའི་ནང་ཚུད་ཡོད།ཡུ་རོབ་དང་ཨ་རི།ཨོ་སི་ཊོ་ལེ་ཡ་སོགས་སུ་གནས་སྡོད་བྱེད་བཞིན་པའི་བོད་པའི་བྱིས་པ་ཁ་ཤས་དྭ་ཕྲུག་ཡིན་ཞིང་ཁ་ཤས་དྭ་ཕྲུག་མིན།ཁ་ཤས་ཀྱི་ཕ་མ་གཉིས་ཀ་བརླགས་ཡོད་ཅིང་ཁ་ཤས་ཀྱི་ཕ་མ་གང་རུང་བརླགས་ཡོད།ཡང་ཁ་ཤས་ཀྱི་ཕ་མ་གཉིས་ཀ་བདེ་ཐང་ཡིན།ཡིན་ཡང་།དེ་དག་ཚང་མས་དུས་རབས་དེའི་འཚོ་གནས་ཀྱི་དཀའ་སྡུག་ལ་གདོང་ལེན་བྱས་ཡོད།རྒྱ་གར་ནང་སྐྱབས་བཅོལ་དུ་ཡོད་པའི་དགའ་ལྡན་ཕོ་བྲང་ལ་བསྐྱལ་བའི་ཁོ་ཚོ་ཚང་མ་དྭ་ཕྲུག་རེད་ཅེས་རྩ་བ་ཉིད་ནས་ཤོད་ཀྱི་མེད།ངས་བཀླགས་མྱོང་བའི་སྒྲུང་གཏམ་ཞིག་ཏུ།སྐབས་དེའི་རྒྱ་གར་ནང་གི་སྐྱབས་བཅོལ་བོད་མི་ཚོས།གནའ་བོའི་ཤིང་ནགས་གཅོད་འབྲེག་གིས་ལམ་ཁ་བཟོ་དགོས་ཀྱི་ཡོད།ཁོང་ཚོས་འདི་ལྟར་དཀའ་ངལ་དང་ཉེན་ཁ་ཆེ་བའི་ངལ་རྩོལ་བྱས་དོན་ནི།ཁོང་ཅག་གི་ཕྲུ་གུ་ཚོར་སློབ་སྦྱོང་གི་རོགས་སྐྱོར་འཐོབ་ཆེད་ཡིན།དེར་བརྟེན།རྒྱལ་ཁབ་ཀྱི་བྲན་གཡོག་ལྟ་བུར་གྱུར་བའི་བོད་པ་ཚོས་རྒྱུན་དུ་དཔལ་ཡོན་ཅན་གྱི་རྒྱལ་ཁབ་དག་གི་བཀའ་དྲིན་ཚོར་གྱི་ཡོད་པ་རེད།
གཏན་སྡོད་ཕྱི་མིའི་བྱིས་པར་གྱུར་བའི་ཕྲུ་གུ་འདི་ཚོར་རང་ཉིད་ཀྱི་མ་སྐད་རིག་གནས་ཀྱི་ཤུལ་འཛིན་ནུས་པ་ལ་ཁྱད་པར་ཡོད།ཁ་ཤས་ཀྱིས་རྒྱུད་འཛིན་ཡག་པོ་བྱས་ཡོད།ཁ་ཤས་ཀྱིས་རྒྱུད་འཛིན་ཡག་པོ་ཐུབ་མེད།འདི་ལྟ་བུའི་མ་སྐད་རིག་གནས་བོར་བརླག་གི་རྣམ་པ་དེ་གནས་སྤོར་བྱེད་མཁན་གྱི་མི་རིགས་ཡོངས་རྫོགས་ཀྱི་གནས་སྟངས་གཅིག་པ་རེད།ཧྲང་ཧེ་གྲོང་ཁྱེར་གྱི་ཕྲུ་གུ་ཞིག་ཕ་མའི་རྗེས་འབྲང་ནས་པེ་ཅིན་དུ་གནས་སྤོར་བྱས་པའི་དབང་དུ་བཏང་ན།ཚང་མས་ཧྲང་ཧེ་རིག་གནས་རྒྱུན་འཁྱོངས་བྱེད་ཐུབ་བམ།ལུས་པོ་ཁོ་ན་ཡུ་རོབ་དུ་ཕྱིན་པའི་བོད་པའི་བྱིས་པ་ཚོར་ལྟ་ཅི་སྨོས།མི་མང་གིས་མཁྱེན་གསལ་ལྟར།ཀྲུང་གོས་དབང་བསྒྱུར་འོག་ཕ་མ་དང་མཉམ་དུ་འཚར་ལོངས་བྱུང་བའི་བོད་རིགས་བུད་མེད་རྩོམ་པ་པོ་འོད་ཟེར་དང་།ཡུ་གུར་སློབ་མའི་གཙོ་འཛིན་བོ་ཨར་ཁེལ་ཤིས་ (Wuerkaixi) གཉིས་ལ་མཚོན་ན་ཡང་རང་རིགས་ཀྱི་སྐད་ཡིག་བེད་སྤྱོད་ཤེས་ཀྱི་ཡོད་པ་མ་རེད།འདི་ཡང་སུས་བཟོས་པ་རེད་དམ།ཀཱོང་ཀྲུག་ཡུལ་མིས་པེ་ཅིན་གཞུང་གི་སྤྱི་སྐད་བཀག་འགོག་བྱས་པ་ཡང་ཅིའི་ཕྱིར་རེད།
ཡུ་རོབ་དང་ཨ་རི།ཨོ་སི་ཊོ་ལེ་ཡ་སོགས་སུ་ཡོད་པའི་སྐྱབས་བཅོལ་བོད་མིའི་ཕྲུ་གུ་ཚོས་རྒྱལ་ཁབ་དེ་དག་དང་མི་རིགས་དེ་དག་གི་ཁྲོད་དུ།ནག་ཉེས་ཁྲིམས་འགལ་གྱི་བྱ་སྤྱོད་གྲངས་ཀ་ཐོལ་པ་གསོག་མེད།ཀླད་ཀོར་ཡིན།དེ་ལས་ཀྱང་རྒྱལ་ཁབ་སོ་སོའི་མི་མང་དང་བོད་མི་མང་བར་གྱི་མི་རིགས་མཛའ་གྲོགས་དང་རིག་གནས་བརྗེ་རེས་ཀྱི་ཟམ་པ་ལྟ་བུར་གྱུར་ཡོད།ཁོ་ཚོ་ས་གནས་མང་ཚོགས་ཀྱི་གསོས་ཕྲུག་ཡིན་པར་ངོ་གནོངས་མི་དགོས་པའི་བོད་པའི་རིག་གནས་ཀྱི་ཕོ་ཉ་ཡང་རེད།དུས་ད་ལྟའི་བར་དུ།བོད་བརྒྱུད་ནང་བསྟན་རིག་པ་དེ་ཡུ་རོབ་དང་ཨ་རི།ཨོ་སི་ཊོ་ལེ་ཡ་སོགས་ཀྱི་སྣ་མང་རིག་གནས་ཁྲོད་ཀྱི་གལ་ཆེའི་ཆ་ཤས་ཤིག་ཆགས་ཟིན་ཡོད་པ་དང་།ནུབ་ཕྱོགས་པ་ཚོས་ནང་བསྟན་རིག་པ་སློབ་སྦྱོང་གི་གདམ་གསེས་བྱེད་ཡུལ་གྲུབ་མཐའི་ཆོས་སྒོ་གཙོ་བོ་ཞིག་ཏུ་གྱུར་ཡོད།དེ་བཞིན།བོད་བརྒྱུད་དགོན་པ་མང་པོ་མེ་ཏོག་བཞིན་ཨ་རི་དང་ཨོ་སི་ཊོ་ལེ་ཡ།ཡུ་རོབ་སོགས་ཀྱི་རྒྱལ་ཁབ་སོ་སོའི་ནང་བཏབ་ཡོད།འདིས་གསལ་བཤད་ཐུབ་པ་ནི།ཡུ་རོབ་དང་ཨ་རི།ཨོ་ སི་ཊོ་ལེ་ཡ་སོགས་ཀྱི་བོད་པ་སྐྱབས་བཅོལ་བའི་ཕྲུ་གུ་མང་ཆེ་བས་རང་ཉིད་ཀྱི་མ་ སྐད་རིག་གནས་རྒྱུན་འཛིན་དང་དར་སྤེལ་ཡག་པོ་བྱེད་ཀྱི་ཡོད་པ་དེ་རེད།ཡིན་ཡང་བོད་པའི་བྱིས་པ་ཁ་ཤས་ལ་མཚོན་ན།བོད་བརྒྱུད་ནང་བསྟན་རིག་པ་མ་ཤེས་པར་ཐ་ན་འདོར་བཞིན་ཡོད་མཁན་ཡང་ཡོད་པ་རེད།འདི་ཡང་ཏན་ཏན་ཁོ་ཚོའི་དད་མོས་རང་དབང་ལ་ཐུག་ཡོད་མོད་དོན་གྱིས་དེ་དག་ནི་ཅི་འདྲའི་ཡིད་སྐྱོ་བ་ཞིག་རེད་ཨང་།
སུད་སིའི་ཚགས་པར་དང་བརྙན་པར་ལ་ལར་ཆ་བཞག་ན།བོད་ པ་སྐྱབས་བཅོལ་བའི་བྱིས་པ་དག་ཡུལ་ལུང་དེ་དག་ནང་འཚར་ལོངས་ཀྱི་བྱུང་རིམ་སྒྲུང་ གཏམ་འབྲི་པའི་འདོད་མོས་བྱེད་བཞིན་པ་དེ་དག་ལ་ང་ཚོས་བཀའ་དྲིན་ཞུ།ཁོ་ཚོས་བྲིས་པ་དེར་ཕྱོགས་ཞེན་གྱི་ཆ་རེ་ཟུང་ཡོད་ནའང་།ང་ཚོས་ད་དུང་བཀའ་དྲིན་ཆེ་ཞུ།ང་ཚོའི་རེ་བར་ཁོ་ཚོས་མུ་མཐུད་དུ་དེ་ལས་མང་བའི་སྒྲུང་གཏམ་འབྲི་བ་དང་།སྐྱབས་བཅོལ་བོད་མིའི་ཕྲུ་གུའི་སྐྱོ་གར་དུས་རབས་ཀྱི་འབྱུང་རྩ་སོགས་གཏིང་ཟབ་ཀྱིས་གསལ་སྟོན་བྱེད་པའི་རེ་བ་ཡོད།
ངས་དེ་བས་ཀྱང་ཁོ་ཚོ་མགྱོགས་མྱུར་ངང་ཀྲུང་གོར་འགྲོ་ཐུབ་པའི་རེ་བ་བྱེད་ཀྱི་ཡོད།དེང་སྐབས་ཚུལ་མིན་གྱིས་བཟོས་པའི་དྭ་ཕྲུག་ག་ཚོད་ཅིག་ཡོང་གི་ཡོད་པར་ལྟོས་དང་།ཕྲུ་གུ་ག་ཚོད་ཅིག་ཡོད་དམ།སྲང་ལམ་གང་སར་ཁྱབ་པའི་སློང་མོ་བ་དེ་ཚོ་ཚུལ་མིན་གྱིས་བཟོས་པའི་དབང་བོ་སྐྱོན་ཅན་གྱི་དྭ་ཕྲུག་རྐྱང་རྐྱང་མ་རེད་དམ།ཀྲུང་གོ་ཅིའི་ཕྱིར་དྭ་ཕྲུག་དག་ཕྱིའི་རྒྱལ་ཁབ་ཁག་ཏུ་སྐྱེལ་བཞིན་པའི་རྒྱལ་ཁབ་ཅིག་ཏུ་གྱུར་པ་རེད།ཁོ་ཚོས་བརྡ་ལན་ཞིག་སྤྲོད་པའི་རེ་བ་ཡོད།
མ་རྩོམ། http://boxun.com/news/gb/pubvp/2013/10/201310220313.shtml#.UnclX41HJ8E
