སྤྱི་འཐུས་ཚོགས་གཙོ་མཆོག་གིས་དབུ་ཁྲིད་པའི་ཞུ་གཏུག་ཚོགས་ཆུང་སྦེལ་ཇེམ་དང་ཧྥ་རན་སི། ཧོ་ལན་ཌི། འཇར་མན། དབྱིན་ཡུལ་བཅས་རྒྱལ་ཁབ་ཁག་ལྔའི་ནང་ཕྱོགས་སྐྱོད་ཀྱིས་བོད་དོན་ཞུ་གཏུག་གི་ལས་འགུལ་སྤེལ་གྱི་ཡོད་འདུག
ཟླ་འདིའི་ཕྱི་ཚེས་ ༣ ཉིན་ནས་བཟུང་བོད་མི་མང་སྤྱི་འཐུས་ལྷན་ཚོགས་ཀྱི་ཚོགས་གཙོ་སྤེན་པ་ཚེ་རིང་མཆོག་དང་། སྤྱི་འཐུས་སྒྲོལ་མ་ཚེ་རིང་། སྤྱི་འཐུས་ཨ་ཀྲུག་ཚེ་བརྟན། སྤྱི་འཐུས་ཐུབ་བསྟན་དབང་ཆེན། སྤྱི་འཐུས་སྨན་པ་མཁྱེན་རབ་བཅས་ལས་གྲུབ་པའི་ཞུ་གཏུག་ཚོགས་ཆུང་། ཡུ་རོབ་ཀྱི་རྒྱལ་ཁབ་སྦེལ་ཇེམ་དང་ཧྥ་རན་སི། ཧོ་ལན་ཌི། འཇར་མན། དབྱིན་ཡུལ་བཅས་རྒྱལ་ཁབ་ཁག་ལྔའི་ནང་སྐུ་ཚབ་དོན་གཅོད་ཁག་དང་རྒྱལ་སྤྱིའི་བོད་དོན་ལས་འགུལ་ཁང་གི་གོ་སྒྲིག་དང་མཐུན་འགྱུར་འོག་ཕྱོགས་བསྐྱོད་གནང་གི་ཡོད་པ་དང་། སྦེལ་ཇེམ་དུ་གཞུང་འབྲེལ་ཕྱོགས་སྐྱོད་སྐབས་སྤྱི་འཐུས་རྣམ་པས་སྦེལ་ཇེམ་བོད་དོན་རྒྱབ་སྐྱོར་ཚོགས་པའི་འཐུས་མི་དང་མཉམ་དུ་བོད་ནང་གི་ཛ་དྲག་གནས་སྟངས་དང་མ་འོངས་ལས་དོན་སྤེལ་ཕྱོགས་ཐོག་གོ་བསྡུར་གནང་ཡོད་པ་མ་ཟད། སྦེལ་ཇེམ་སྐུ་ཚབ་དོན་གཅོད་དང་བོད་རིགས་ཚོགས་བཅས་ཚོགས་སྡེ་ཁག་གི་རྒྱུན་ལས་དང་མཉམ་དུ་བཞུགས་མོལ་ཚོགས་འདུ་གནང་བ་དང་། སྐབས་དེར་སྤྱི་འཐུས་རེ་རེས་དབུ་མའི་ལམ་གྱི་སྲིད་བྱུས་སྐོར་དང་གྲོས་ཚོགས་ཚོགས་དུས་དྲུག་པའི་ལས་དོན་སྙིང་བསྡུས། ཆོས་དང་རིག་གཞུང་སྲུང་སྐྱོབ། རྒྱ་གཞུང་གིས་བོད་ཐོག་འཛིན་པའི་སྲིད་ཇུས། ས་གནས་སུ་མི་མང་གིས་ལས་དོན་བྱེད་ཕྱོགས་བཅས་ཀྱི་ཐོག་གཏམ་བཤད་དང་དྲི་བ་དྲིས་ལན་བཅས་གནང་ཡོད་འདུག
ཚེས་ ༤ དང་ ༥ བཅས་ཉིན་གཉིས་རིང་ཡུ་རོབ་སྤྱི་མཐུན་གྱི་ཡུ་རོབ་ས་གནས་ལྷན་ཚོགས་ལས་ཁུངས་ཀྱི་སྤྱི་ཁྱབ་འཛིན་སྐྱོང་འགན་འཛིན་སྐུ་ཞབས་བྷེར་ནེ་སི་ལེ་ (Branislav Stanicek) ལགས་ཀྱིས། ལྷན་ཚོགས་ཁང་དུ་སྣེ་ལེན་གནང་སྟེ་ཡུ་རོབ་སྤྱི་མཐུན་རྒྱལ་ཁབ་ཀྱི་མངའ་ཁུལ་ལྷན་ཚོགས་ (EU Comminitee of Regions) ཞེས་པའི་ངོ་བོ་དང་ལས་དོན་ངོ་སྤྲོད་གནང་ཡོད་པ་དང་། སྤྱི་འཐུས་ཚོགས་གཙོ་མཆོག་གིས་བོད་མིའི་རྩ་དོན་སྒྲུབ་ཕྱོགས་དང་བོད་ནང་གི་ཛ་དྲག་གནས་སྟངས་གསལ་བཤད། ཞུག་གཏུག་ཡིག་ཆ་འབུལ་ལམ་ཞུས་ཡོད་པ་དང་། ཡུ་རོབ་གྲོས་ཚོགས་བོད་དོན་རྒྱབ་སྐྱོར་ཚོགས་པའི་ཚོགས་གཙོ་དང་ལྷན་དུ་བོད་ནང་ཛ་དྲག་གི་གནས་བབ་ཐོག་བཞུགས་མོལ་ཚོགས་འདུ་དང་། ཡུ་རོབ་སྤྱི་མཐུན་གྱི་དཔལ་འབྱོར་དང་སྤྱི་ཚོགས་ཡར་རྒྱས་ལྷན་ཚོགས་ཀྱི་འཐུས་མི་ ༤ དང་མཉམ་དུ་བོད་ནང་གི་ཛ་དྲག་གནས་སྟངས་དང་། ལྷན་ཚོགས་ཀྱིས་མ་འོངས་བོད་དོན་རྒྱབ་སྐྱོར་གནང་ཕྱོགས་ཐོག་གོ་བསྡུར། ཡུ་རོབ་སྤྱི་མཐུན་ཕྱི་སྲིད་ལས་ཁུངས་ (European External Action Service) ཀྱི་འགྲོ་བ་མིའི་ཐོབ་ཐང་དང་། ཨེ་ཤ་ཡའི་སྤྱི་ཁྱབ་འགན་འཛིན་སྐུ་ཞབས་ས་བྷ་ཐིལ་མཆོག་དང་། ཁོང་གི་ལས་རོགས་ལྕམ་སྐུ་མེན་ཌ་ལ་དང་མཉམ་དུ་འདས་པའི་གནས་ཚུལ་ལ་བསྐྱར་ཞིབ་དང་། མ་འོངས་བོད་དོན་གླེང་ཕྱོགས་སྐོར་གོ་བསྡུར། སྦེལ་ཇེམ་དབུས་དང་ས་གནས་གྲོས་ཚོགས་ཀྱི་འབྲེལ་ཡོད་ཆེས་མཐོའི་མི་སྣ་དང་ལྷན་དུ་བོད་དོན་ཞུ་གཏུགས་དང་། མ་འོངས་བོད་དོན་ཐོག་ལས་དོན་སྤེལ་ཕྱོགས་ཐད་ཐོག་གོ་བསྡུར་གནང་ཡོད་འདུག
ཚེས་ ༧ ཉིན་ནས་བཟུང་ཞུ་གཏུག་ཚོགས་ཆུང་གིས་ཧྥ་རན་སི་དང་ཧོ་ལན་ཌི། འཇར་མན། དབྱིན་ཡུལ་བཅས་སུ་ཕྱོགས་སྐྱོད་ཀྱིས་བོད་དོན་ཞུ་གཏུགས་ཀྱི་ལས་འགུལ་སྤེལ་འཆར་ཡོད་འདུག
མཆན་འདོགས་མཁན་ཚོས་བོད་ཡིག་འདི་ཙམ་ལས་མི་ཤེས་ནའང་མིའི་ངན་བཤད་པར་དཀའ་ངལ་ལ་མི་འཛེམ་པ་ཡ་མཚན་རེད། ང་ཡིན་ན་བོད་ཡིག་འདི་ཙམ་ལས་མི་ཤེས་ཚེ་མིའི་ངན་བཤད་རྒྱུར་བྲེལ་བ་ལས་རང་གི་ཆུ་ཚད་ཇེ་མཐོར་གཏོང་བར་འབད་ས་རེད། སྐད་ཆ་དྲང་མོར་བཤད་པ་ཡིན།
ཧ་ཧ་ཧ་རེད་ད་གཅིག་ལུས་སྲོག་བློས་གཏང་གིས་ཟས་བཅད་དུ་བཞུགས་ཡོད། འགའ་རེ་ཁྱུ་བསྒྲིགས་ནས་བོད་དོན་ཞེས་བསྐྱོད་པ་ད་ཡོ་རོབ་ཏུ་དྲི་ངད་ཆེ་རོགས་མིན་འགྲོ། འདབ་ཤོག་གཉིས་ལྡན་རྒྱ་ལ་ཁ་གཏད་བྱེད་དགོས་པ་རེད། དེང་སྐབས་རྒྱ་ཡི་ཡང་དབྱིན་སྐད་ཚད་མཐོའི་མི་ལོག་བཤད་དུ་བེད་སྤྱད་པ་མ་ཟད་དབྱིན་སྐད་ལྡན་པའི་བརྙན་འཕྲིན་ཡོད་པ་སོགས་སེམས་ནང་འཇོག་དགོས་པ་ཧ་ཅང་གལ་་་་་་་་་
ཟླ་གཞིན་ལགས། སྤྱི་འཐུས་ལ་སྡོད་པ་གང་དྲན་མ་རེད། རང་ལ་འོས་ཐོབ་ན་ཡིན་ད་ཡི་།
ཚེ་མགོན་ལོ་ལོ་ཁ་ཁ་སྡོད། རྒྱའི་དཔོན་རིགས་ཚོས་རྒྱ་སྐད་ཁོ་ལས་ཅི་ཡང་ཤེས་ཀྱི་མི་འདུག་པས། ང་ཚོའི་སྦོམ་ཤོད་ཡོད་པ་མ་རེད།
ཁ་སང་བོད་མི་མང་སྤྱི་འཐུས་ཚོགས་གཙོ་གཙོས་པའི་ཡུ་རོབ་མཉམ་འབྲེལ་དུ་བོད་དོན་ཞུ་གཏུགས་སྐྱོད་མཁན་འདི་ལ་མཚོན་ན། འགའ་ཞིག་ནི་དབྱིན་སྐད་ཟ་སྐད་དང་འཐུང་སྐད་ཤེས་ཙམ་དང་། འགའ་ཞིག་ནི་སུམ་རྟགས་སྐོར་སླར་བསྡུ་ལྷག་བཅས་ཀྱི་ཕྲད་ངོས་ཟིན་ཙམ་དང་། འགའ་ཞིག་ནི་རྒྱལ་བ་རིན་པོ་ཆེའི་དགོངས་རེད་ཅེས་ནས་ཁའི་ནང་འདོན་ཙམ་དང་། འགའ་ཞིག་ནི་དེ་ལས་ཀྱང་དབུས་སྐད་གཙང་མ་ཞིག་མ་གཏོགས་མི་ཚེའི་ནང་ནས་སྐད་རིགས་གཞན་གཅིག་ཀྱང་མི་རྒྱག་མདོག་བྱེད་མཁན་བཅས་རེད། དེ་བས་མི་སྣ་འདི་དག་ནི་ཆབ་སྲིད་ཀྱི་གོ་རྟོགས་དམན་པ། འཇིག་རྟེན་གྱི་ཁྲིམས་ལུགས་དོར་བ། རྒྱལ་སྤྱིའི་འགྲོ་སྟངས་མི་ཤེས་མཁན་ཤ་སྟག་འདུག་ཅིང་། སྐད་ཆ་གང་ཞིག་བཤད་ནའང་། ན་ནིང་དེ་ད་ལོར་སྐྱར་ཟློས་དང་ད་ལོ་སྟེ་སང་ལོར་ཡང་ཟློས་བྱེད་མཁན་རྐྱང་རེད། འདི་དང་འདི་ལྟ་བུའི་མི་སྣ་རྣམས་ཀྱིས་བོད་དོན་ཞུ་གཏུགས་བྱས་ན། ཕན་གནོད་ཅི་ཡོད། ངས་བལྟས་ན་གནམ་གྲུའི་ཀྲེ་ཀ་འཕྲོ་རླག་སོང་འདུག མ་ཟད་སྲིད་སྐྱོང་བློ་སེང་ཁོ་རང་མི་འགྲོ་བར་གང་ནས་གབ་སྟེ་ཡོད་དམ། གལ་ཏེ་ཁོ་རང་བསྐྱོད་པ་ཡིན་ན་ཁ་ཐུག་གིས་བོད་དོན་ལ་ཕན་མི་ཐོགས་ནའང་། སྐད་ཆ་འདྲ་ཆགས་པོར་བཤད་ཤེས་པ་དང་། རྒྱལ་སྤྱིའི་སྤྱི་ཚོགས་ཀྱི་འགྲོ་སྟངས་ཤེས་སྟབས། མི་གཞན་གྱི་མཐོང་ནའང་ངོ་ཚ་མི་དགོས་པར་ཆགས་རྒྱུ་རེད་ལ། དེ་མིན་ཅི་ཡང་མི་ཤེས་པའི་མི་སྣ་འགའ་ཞིག་གྲོས་ཚོགས་ཆེན་པོའི་ནང་ལ་སོང་བ་དེ་ནི། ལྐོག་རྟགས་སྟོན་སར་མ་གཏོགས་ཅི་ཕན། དེ་བས་ཕྱིན་ཆད་བོད་དོན་དང་འབྲེལ་བའི་གཞུང་སྒེར་སུ་ཞིག་ཕྱིར་བསྐྱོད་ནའང་། རྒྱལ་སྤྱིའི་སྤྱི་ཚོགས་ཀྱི་ཐོག་ལ་སྐད་ཆ་གསར་པ་དང་། ལྟ་སྟངས་གསར་པ། ནུས་པ་གསར་པ་བཟོ་ཐུབ་མཁན་ཞིག་འགྲོ་རོགས་གནང་ཞུ་རྒྱུ་ཡིན་ལ། དེ་མིན་གནམ་ཐང་ནང་ལ་འགྲོ་དུས་སུའང་མགོ་འཐོམས་མཁན་ཞིག་སྤྱི་ཚོགས་ཆེན་པོའི་སྡིངས་ཆའི་ཐོག་ལ་བོད་དོན་བཤད་པར་སྐྱོད་ཚེ། རྒྱ་མིས་བོད་ལ་ཡར་རྒྱས་གཏོང་ཡོད་ཅེས་ན་དཔང་རྟགས་སྟོན་ས་ངོ་མར་ཆགས་རྒྱུར་ཉེན་ཁ་འདུག གང་ཡིན་ཞེ་ན་རྒྱ་ནག་གིས་དེ་སྔོན་བོད་འདི་ཀླ་ཀློ་དང་ཅི་ཡང་མི་ཤེས་པའི་གླེན་ལྐུགས་ཀྱི་གྲལ་དུ་བརྩིས་པ་ལྟར། གནད་ལ་ཁེལ་པའི་གཏམ་ཞིག་བཤད་མི་ཤེས་ཚེ། ཕྱི་རྒྱལ་བ་དེ་ཚོའི་སེམས་ནང་བོད་མི་འདི་ཚོས་སློབ་སྦྱོང་ཡེ་ནས་བྱེད་ཀྱིན་ཡོད་སར་མ་རེད་སྙམ་ནས་བསམ་བློ་འདྲ་མིན་འཁོར་སྲིད་ཅིང་། གང་བཤད་པའི་སྐད་ཆ་དེ་ཚོ་ལའང་ཆགས་འཇོག་དང་ཡིད་རྟོན་མི་བྱེད་པར་གྱུར་ཏེ། ཕྱིན་ཆད་སྐད་ཆ་ལེགས་པོར་བཤད་ཤེས་མཁན་དེ་ཚོ་ཕྱིར་སྐྱོད་བྱས་ཚེ་སྐད་ཆ་ཉན་མཁན་མེད་པར་བཟོ་ཉེན་ཆེ། དེའི་ཕྱིར་བློ་སྦྱོང་ཚད་ལྡན་མེད་པའི་མི་སྣ་ཚོ་ས་གནས་གལ་ཆེན་ཐོག་ལ་བོད་དོན་བཤད་པར་མ་འགྲོ་རོགས་གྱིས།
སྐྱིད་པོ་གཏོང་དགོས་རེད་དཱ། འཆམ་འཆམ་སྤྲོ་པོ་ཡོང་བའི་རེ་སྨོན་ཡོད། རྗེས་སུ་ང་ཡང་སྤྱི་འཐུས་བྱེད་རྒྱུ་ཡིན། ཨ་རྩིས་དེ་འདྲའི་སྐྱིད་མདོག་ལ་ཨང།