བོད་མིའི་སྒྲིག་འཛུགས་ཆོས་རིག་དང་ནང་སྲིད། དཔལ་འབྱོར། ཕྱི་དྲིལ། འཕྲོད་བསྟེན་བཅས་ཀྱི་བཀའ་བློན་རྣམ་པ་ཡུ་རོབ་ནང་ཕྱོགས་སྐྱོད་གནང་བཞིན་འདུག
བོད་མིའི་སྒྲིག་འཛུགས་དྲ་བར་གནས་ཚུལ་བཀོད་པ་ལྟར་ན། ཨི་ཊ་ལིའི་རང་སྐྱོང་མངའ་ཁུལ་ལྷོ་ཊི་རོལ་(South Tyrol)གྱི་ཡུ་རོབ་ཤེས་ཡོན་བསྟི་གནས་ཁང་གི་གོ་སྒྲིག་འོག བོད་མིའི་སྒྲིག་འཛུགས་ཀྱི་ཆོས་རིག་བཀའ་བློན་པདྨ་ཆོས་འབྱོར་མཆོག་དང་ནང་སྲིད་བཀའ་བློན་རྒྱ་རི་སྒྲོལ། དཔལ་འབྱོར་བཀའ་བློན་ཚེ་རིང་དོན་གྲུབ། ཕྱི་དྲིལ་བཀའ་བློན་བདེ་སྐྱིད་ཆོས་དབྱངས། འཕྲོད་བསྟེན་བཀའ་བློན་ཚེ་རིང་དབང་ཕྱུག་མཆོག་བཅས་ཡུལ་དེར་ཕྱོགས་སྐྱོད་གནང་སྟེ། ཡུལ་དེས་ཨི་ཊ་ལི་སྤྱི་མཐུན་རྒྱལ་ཁབ་འོག་རང་སྐྱོང་ལོངས་སུ་སྤྱོད་ཕྱོགས་ཐོག་ཚོགས་འདུ་ཁག་ཅིག་ནང་མཉམ་ཞུགས་གནང་ཡོད་འདུག
བདུན་ཕྲག་རྗེས་མའི་ནང་བཀའ་བློན་རྣམ་པ་བྷེལ་ཇམ་དང་ཧྥ་རན་སི། སུད་སི། འཇར་མན། ནེ་ངྷར་ལན་ཌི་བཅས་སུ་ཕེབས་ཏེ་ས་གནས་བོད་མི་ཚོར་གསུང་བཤད་དང་། ༧གོང་ས་མཆོག་ལ་ནོ་བྷེལ་ཞི་བདེ་གཟེངས་རྟགས་འབུལ་བཞེས་ཀྱི་དུས་དྲན་ཐེངས་ ༢༤ པའི་སྟེང་མཉམ་ཞུགས་གནང་འཆར་ཡོད་འདུག
བོད་པའི་བཀའ་བློན་རྣམ་པའི་སྤྲོ་བསང་ཆེན་མོ།
རིག་པ་འདོན་པ་མང་པོ་ཞིག་གིས་བཀའ་བློན་ཕྱོགས་སྐྱོད་ལ་སྐྱོན་བརྗོད་གནང་དུས་ཏན་ཏན་བདེན་པའི་ཆ་མང་བ་འདུག་སྙམ། བཀའ་བློན་ཁྲི་པ་བློ་སེང་ནས་ག་དུས་ཡིན་ཡང་སྤྱི་ཚོགས་ཀྱི་ཁྲོད་དུ་རང་ཉིད་མ་འོངས་པར་བཀའ་ཁྲི་འཐོབ་རྒྱུ་ཐབས་ཤེས་ཁོ་ན་གནང་བ་དང་ལྷག་པར་བཙན་བྱོན་བོད་མི་རྣམས་དཔལ་འབྱོར་གྱིས་བསླུ་བྲིད་བྱ་རྒྱུའི་ཐབས་ལམ་བཏོན་དང་འདོན་བཞིན་འདུག་པས་ཡིད་གཟབ་དགོས་གལ་ཆེ། བློ་སེང་ལགས། རྗེ་ཙོང་པས། འདྲེ་ཤར་སྒོའི་ཕྱོགས་སུ་གནས་པ་ལ། །གླུད་ནུབ་སྒོར་གཏོང་བ་དོན་རེ་ཆུང། །ཞེས་གསུངས་པ་འདི་ཐུགས་འཇགས་གནང་རོགས་ཞུ།
བཀའ་ཤག་སྔོན་མའི་སྐབས་གཞིས་ཆགས་སྲ་བརྟན་དང་ཤེས་ཡོན་སྲིད་བྱུས་སོགས་བོད་མིའི་དགོས་མཁོ་དང་ཕུགས་ཀྱི་ཁེ་ཕན་ལ་དམིགས་ནས་ལས་འཆར་རབ་དང་རིམ་པར་སྤེལ་ཡོད།
འོན་ཀྱང་སྐབས་འདིའི་བཀའ་ཤག་གི་ལས་འཆར་ཁག་ནི་མིག་རྒྱང་ཐུང་བ་དང་། ལོ་གཅིག་གཉིས་ནང་ངེས་པར་ཚར་དགོས་པ་ཤ་སྟག་རེད།
བཀའ་ཤག་སྐབས་འདི་པས་བྱ་ཐབས་གཅིག་དང་དམིགས་ཡུལ་གཅིག་རང་བཟུང་ཡོད། བྱ་ཐབས་ནི་ཁྱབ་བསྒྲགས་མང་ཙམ་བྱས་ནས་གཅིག་བྱེད་ཀྱི་འདུག་མདོག་མདོག་སྟོན་ཡས་དང་། དམིགས་ཡུལ་ནི་སྐབས་རྗེས་མར་བསྐྱར་དུ་འོས་ཐོབ་པ་བྱ་རྒྱུ་དེ་རེད།
དོན་དངོས་ཐོག་བཀའ་ཤག་སྐབས་འདི་པས་བོད་རྒྱ་ཞི་མོལ་ཐད་ལས་དོན་ག་རེ་བསྒྲུབ་ཡོད་དམ། ཤེས་ཡོན་ཡར་རྒྱས་ཆེད་ཕུགས་ཕན་གྱི་ལས་གཞི་ག་རེ་སྤེལ་ཡོད་དམ། བཙན་བྱོལ་གྱི་སྒྲིག་འཛུགས་སྲ་བརྟན་ཡོང་བར་ལས་འཆར་ག་རེ་སྤེལ་ཡོད་དམ།
མང་ཙམ་བཤད་པ་ལས་མང་ཙམ་བསྒྲུབ་དགོས་པ་དང་། མང་ཙམ་ཕེབས་པ་ལས་འགོ་འདོན་གཙོ་སྐྱོང་མང་ཙམ་གནང་ན་གལ་མི་ཆེའམ།
འགྲིག་གི་འདུག ཁོ་རང་ཚོའི་ལས་དུས་མ་རྫོགས་བར་ལྟ་སྐོར་གང་མང་མང་དང་། གཞུང་དངུལ་ག་ཚོད་བཀོལ་སྤྱོད་བྱེད་ཐུབ་ན་ཁོང་ཚོའི་ཁེ་བཟང་རེད། ཁོང་ཚོའི་དམིགས་ཡུལ་བཙན་བྱོལ་བོད་གཞུང་ལྷངས་འཇགས་ངང་གནས་རྒྱུ་དེ་གཅིག་པོ་རེད། དེ་མིན་ཁོང་ཚོར་དམིགས་ཡུལ་ཅི་ཡང་མེད་པ་བློ་སེང་གིས་ཡང་ཡང་བཤད་པ་ལྟར་རེད།
སྤྱིར་བཏང་བཀའ་བློན་རྣམ་པ་དང་ལས་ཀྱི་སྣེ་མོ་བ་ཚོ་ལས་ཁུངས་ནང་འཛུལ་མ་བསྡད་པར་ཕྱོགས་ཕེབས་གནང་རྒྱུ་གལ་ཆེན་པོ་རེད། འོན་ཀྱང་ཉེ་ལམ་སྐུ་ངོ་རྣམ་པ་ཕྱོགས་ཕེབས་དེ་ཏོག་ཙམ་གོ་སྒྲིག་ཡག་པོ་རང་བྱུང་མེད་པའི་རྣམ་པ་ཞིག་བྱུང་། ཡུ་རོབ་སྡོད་མཁན་བོད་མི་ཞིག་གི་བཤད་པ་ལྟར་ན། ཉེ་ལམ་བདུན་གཅིག་གཉིས་ནང་བཀའ་ཟུར་ཟམ་གདོང་རིན་པོ་ཆེ་དང་སྲིད་སྐྱོང་། དེ་ནས་བཀའ་བློན་ལྔ་སོགས་བསྟུད་མར་ཕེབས་ནས་ས་གནས་བོད་རིགས་ཚོགས་པའི་གོ་སྒྲིག་པ་ཚོ་ལའང་སྣེ་ལེན་གཅིག་རྗེས་གཉིས་མཐུད་བྱས་དགོས་པ་དང་། མི་མང་ཚོ་ཡང་བཀའ་སློབ་མང་དྲག་ནས་སུན་སྣང་གི་ཚོར་བ་བྱུང་ལུགས་སོགས་གོ་རྒྱུ་འདུག
སླད་ནས་ཕྱོགས་སྐྱོད་གནང་ན་གཅིག་རྗེས་གཉིས་མཐུད་མིན་པར་འཆར་གཞི་ལྡན་པ་ཞིག་གི་དགོས་འདུག དེ་མིན་ན་མི་མང་སྙོབས་སྣང་དང་གོ་སྒྲིག་པ་ཚོ་ཡང་སུན་སྣང་སྐྱེས་ངེས་རེད།
ཕྱོགས་ཕེབས་དང་འབྲེལ་བའི་གནད་དོན་དེ་ལས་གལ་ཆེ་བ་ཞིག་ནི་ད་ལྟ་སྐུ་ངོ་ཚོ་ཕེབས་སའི་ས་གནས་དེ་དག་གི་བོད་མི་དང་ཡུལ་མི། རྒྱལ་ཁབ་གང་གི་ཆ་ནས་དེ་དག་བོད་དོན་ལ་རྟག་ཏུ་གདུང་སེམས་མཉམ་བསྐྱེད་དང་རྒྱབ་སྐྱོར་ཡོད་ཡོད་པ་རེད་པ། ཡང་ནས་ཡང་དུ་མཇལ་རྒྱུ་གལ་ཆེན་པོ་ཡིན་ཀྱང་མང་དྲག་ན་ཞེ་སུན་སྐྱེད་སྲིད། དེ་ལས་ལྡོག་ཏེ་དཀྱིལ་ཤར་ཡུལ་ལུང་། ཨ་ཕི་རི་ཀ ལྷོ་ཨ་མི་རི་ཀ་དང་ལྷོ་ཤར་ཨེ་ཤི་ཡའི་ནང་བོད་དོན་རྒྱབ་སྐྱོར་དང་གདུང་སེམས་མཉམ་བསྐྱེད་ཀྱི་ལས་སྐུལ་སྤེལ་ཐུབ་ན་ཕན་འབྲས་ཆེ་བར་མཐོང་།
གཅིག་བྱས་ན་ཡུལ་ལུང་འདི་ཚོའི་ནང་མཐུན་རྐྱེན་ཞན་པ་དང་སྣེ་ལེན་མེད་པས་ཟ་རྒྱུ་འདུག་གནས་ལ་སྐྲག་ནས་སྐུ་ངོ་ཚོ་ཕེབས་རྒྱུར་འཛེམས་སོན་བྱེད་ཀྱི་ཡོད་པ་ལྟ་བུའི་སྣང་བ་ཞིག་བྱུང་གི་འདུག ང་ཚོ་རང་བཙན་ནི་རྩོད་ཀྱི་མེད་པས་ངེས་པར་དུ་ལུང་པ་དེ་དག་གིས་གདུང་སེམས་མཉམ་བསྐྱེད་བྱེད་དང་བྱེད་བསམ་གྱི་འདུག
བཀའ་བློན་ལྔ་ཡོ་རོབ་ན་རྒྱུག་བསྡད་འདུག སྲིད་སྐྱོང་རྒྱལ་ཁབ་གཞན་ཞིག་གི་ནང་འཁྱམས་བསྡད་ཡོད་པ་བཤད་མ་དགོས་པ་རེད། ཁ་སང་དེ་རིང་གངས་སྐྱིད་ཕལ་ཆེར་བཀའ་བློན་གཅིག་ཀྱང་མེད་པའི་དུས་ཚོད་ཅིག་ཏུ་ཁེལ་ཡོད་ཚོད་འདུག
དེང་སྐབས་གངས་ཅན་སྐྱིད་གཞུང་གི་མགོ་ཁྲིད་ཚོས་ཕྱི་རྒྱལ་ཁག་ཏུ་རྒྱུག་འགྲན་གནང་གི་ཡོད་པ་འདྲ། ཉེ་ལམ་སྤྱི་འཐུས་ཚོགས་གཙོ་སོགས་མི་ལྔ་དྲུག་ཤིག་ཡོ་རོབ་ནང་དང་དབྱིན་ལན་སོགས་སུ་སྐོར་མྱུལ་བྱེད་ཀྱིན་འདུག་ཟེར་ནས་གསར་འགྱུར་ནང་སླེབས་སོང་། དེ་རིང་སླར་ཡང་བཀའ་བློན་ཚང་མ་ཡོ་རོབ་གནང་སྐོར་མྱུལ་རྒྱག་གི་ཡོད་པའི་གནས་ཚུལ་ཞིག་སླེབས་སོང་། འདི་ག་རེ་ཡིན་ནམ།