| ཞོར་བཤད་ཞོར་དུ་ཆེས་གལ་ཆེན་དུ་བརྩིས་པའི་ཚོགས་ཆེན་སྟེང་ཐག་གཅོད་དང་ལམ་ཁ་གསར་བ་འམ་ཐབས་ཇུས་གསར་བ་གང་ཡང་མེད་པར་སྐད་ཆ་རྙིང་པ་ཁ་ཤས་ཤིག་ལ་ཡང་བསྐྱར་རྩོད་པ་བརྒྱབ་བརྒྱབ་མཐར་བོད་བཙན་བྱོལ་ཚང་གི་ཚོགས་འདུ་ཆེན་མོ་རྒྱལ་ཁའི་ངང་གྲོལ་སོང་ཞེས་ཆབས་བསྒྲགས་བྱེད་རྒྱུར་སྒུག་ན་འགྲིག་གི་ཡོད་པ་ཞིག་རེད་འདུག ངས་འདི་བསམ་དང་ཁོས་འདི་བཤད་ཀྱི་འདུག བོད་གཞུང་གི་ལངས་ཕྱོགས་དང་ཚོགས་པ་ཚོས་ལངས་ཕྱོགས་འདི་རེད་ཟེར་ནས་མུ་མཐུད་དུ་གླེང་ནས་བསྡོད་པ་ལས། ད་ནི་གཞུང་ཡིན་ཡང་འགྲིག་ཚོགས་པ་སོ་སོ་ཡིན་ཡང་རེད། ཁ་རོག་གེར་འདུག་ཚོད་ཅིག་མིན་པར་ཆིག་སྒྲིལ་བྱས་དེ་ང་ཚོས་གང་ཞིག་བྱེད། ཇི་ལྟར་ལག་ལེན་ཡོད་པ་ནས་བོད་ནང་གི་བོད་མི་ཚོས་རེ་བ་དང་མངོན་འདོད་སྒྲུབ་ཟེར་ནས་གླེང་མཁན་ནས། ངས་འདི་ལྟར་ལམ་སྣེ་འཁྲིད་འདོད་ཡོད། ངས་རྗེས་སུ་ཤར་བསྐྱོད་བྱེད་མཁན་གྱི་ཚོགས་པ་དང་བོད་མི་སུ་ཡོད་ཟེར་ནས་གླེང་ཤེས་མཁན་གྱི་བོད་པ་སུ་ཡང་བྱུང་མི་སྲིད་པ་དེ། ཚོགས་འདུ་ཆེན་མོ་ཚོགས་པའི་འབྲས་བུ་ཡིན་པ་འདུག ཉིན་མ་རེ་རེ་བཞིན་ཁ་སང་གི་རྗེས་སུ་དེ་རིང་དང་། དེ་རིང་གི་རྗེས་སུ་སང་ཉིན། ད་དུང་རྩོད་པ་རྒྱོབས་དང་གནང་ཉིན་མོར་ཚོགས་ཆེན་རྒྱལ་ཁའི་ངང་གྲོལ་ངེས་ཡིན། |
