བོད་མི་ཞིག་ལ་མཚོན་ནས་བཤད་པ་ཡིན་ན་ནི། རང་གི་སྒེར་དོན་ཙམ་གྱི་ཆེད་དུ་ཤུགས་ལྡན་བསྟེན་རྒྱུ་གལ་ཆེན་ཡིན་ནམ། ཡང་ན་བོད་སྤྱི་བའི་དོན་དུ་འབད་བརྩོན་བྱེད་རྒྱུ་གལ་ཆེན་པོ་ཡིན། དེ་ནི་སྐྱེ་བོ་གང་ཟག་སྒེར་ངོས་ནས་རང་གི་སེམས་ལ་དྲི་བ་བཀོད་རྒྱུ་ཞིག་ལས། ཆོས་ལུགས་དད་པ་རང་དབང་ཡིན་མིན་ཟེར་ནས་སྐད་ཆ་ཞིག་འཁྱེར་ཡོང་རྒྱུ་ནི་ལྷག་མེད་པར་སྣང་། ད་དུང་ཆོས་ལུགས་དད་པ་རང་དབང་ཟེར་ནས་ཁ་ལ་ཡོང་ཚད་་ཅིག་བཤད་དེ་འཇིག་རྟེན་གྱི་ལྷ་འདྲེ་མ་རུང་བ་གང་ཡང་རུང་བ་ཞིག་ལ་སྐྱབས་བཅོལ་ནས་ཆོས་ལུགས་དད་པ་རང་དབང་ཡིན་མིན་བཤད་མཁན་དག་གིས་ད་དུང་ནང་བ་ཟེར་ནས་འཛུབ་མོ་འཛུགས་སྐབས། ཐོག་མར་རང་ཉིད་ལ་འཛུབ་མོ་བཙུགས་དེ་རང་ཉིད་ཀྱི་ཆོས་ལུགས་དད་པ་རང་དབང་ཟེར་བ་དེའི་ཚད་གཞི་གང་ནས་འཇོག་གི་ཡོད་མེད་དེ་ལ་ལན་གསལ་བོ་ཞིག་བཙལ་ནས་ད་གཟོད་བོད་མི་མང་དང་༧གོང་ས་མཆོག་གིས་འདེམས་བཞིན་པའི་ལམ་ཁ་འདི་ཉིད་གལ་ཆེ་འམ། རྒྱ་འདྲེ་གདུག་པ་ཅན་གྱི་བྲན་དུ་སོང་དེ་རང་གི་ཚེ་འདི་ཕྱི་གང་ལ་ཡང་ཕན་ཐོག་མེད་པའི་རྒྱ་འདྲེའི་དེའི་བྲན་དུ་སོང་ན་ཡག་པོ་ཡོད་མེད་དེ་ནི་སྐྱེ་བོ་དེའི་རིགས་ཀྱི་ད་ལྟའི་བོད་མི་ཚང་གི་སྐྱིད་སྡུག་ངོས་ལ་བསམ་ཤེས་བྱེད་ཐུབ་པའི་བསམ་བློ་ཞིག་ཡོད་ན་ད་གཟོད་ཤེས་སྲིད་པ་ལས། དོན་མེད་དུ་ཁ་ནང་ལ་ཡོང་ཚད་ཀྱིས་ཆོས་ལུགས་དད་པ་རང་དབང་ཟེར་ནས་ཀུ་ཅོ་འདོན་པ་ནི་གཏན་ནས་མི་འོས་པར་སྣང་། གང་ཡིན་ཟེར་ན་ཁ་ཆེ་དྲག་སྤྱོད་པ་དག་གིས་ཀྱང་ཁོང་ཚོས་ཆོས་ལུགས་དད་པ་རང་དབང་ཁ་ལ་འཁྱེར་ནས་ཁ་ཆེ་བ་མིན་པའི་མི་གཅིག་གསད་ཀྱང་། ཁོང་ཚོས་ལྷ་དམག་དུ་སྐྱེ་བ་ལེན་པར་ཡིད་ཆེས་བྱེད་ཀྱི་ཡོད་པ་དང་གཅིག་མཚུངས་མ་ཡིན་ནམ། དེས་ན་ངེད་ཅག་གི་ཁ་ཆེ་དྲག་སྤྱོད་པ་དག་གིས་ཆོས་ལུགས་དད་མོས་རང་དབང་དེར་ཡང་བརྩི་བཀུར་དང་རྗེས་སུ་ཡི་རུང་བྱེད་དགོས་ཀྱི་ཡོད་དམ་ཟེར་ནས་ཤུག་ལྡན་གྱི་བྲན་འཁོར་བ་དག་ལ་སྐད་ཆ་ཞིག་འདྲི་འདོད་ཡོད། དེ་ལ་མི་སུས་ལན་བཏབ་ཀྱང་འགྲིག ཡིན་ཡང་། དོན་མེད་རྙོག་གཏམ་ཁོ་ནའི་རིགས་དྲ་ཐོག་འདིར་འཁྱེར་ནས་མ་ཡོང་རོགས་ཟེར་ན་འདོད།
དྲ་ངོས་ཀྱི་གནས་ཚུལ་ཚང་མའི་པར་དབང་བོད་ཀྱི་དུས་བབ་ལ་ཡོད།
དྲ་གྲོགས་གསར་བ་ལགས། ཁྱེད་ཀྱིས་རབ་ཡིན་ན་ང་རང་ལ་མོས་མཐུན་བྱས་པ་དེ་ལྟར་དུ་རྗེས་ཕྱོགས་བོད་ཡིག་འབྲི་བའི་ཕྱོགས་སུ་འབད་བརྩོན་བྱེད་རོགས་ཞུ། ངེད་ཅག་གི་མི་རིགས་ཀྱི་སྐད་ཡིག་ལ་ངེད་ཅག་གིས་བེད་སྤྱོད་གཏོང་དགོས་པ་དེ་ནི་ཁྲིམས་དང་ཡིག་ཆ་སོགས་འཇོག་དགོས་དོན་ཡོད་ནི་མ་རེད། ཁྱེད་ཀྱིས་ང་རང་གི་བསམ་ཚུལ་དེར་མོས་མཐུན་བྱས་པ་ནི་ང་ཚོ་བོད་པ་སྤྱི་བའི་དོན་ལ་རམ་འདེགས་བྱས་པ་རེད།
I agree with you.