སྟེང་ན་ཉེས་པ་ཅན་གྱི་ང་ཞིག་ཡོད།།
བར་ན་ཤེས་རབ་མེད་པའི་ང་ཞིག་ཡོད།།
གཞུག་ན་གང་ཡང་མི་འཇོན་ང་ཞིག་ཡོད།།
ང་འདི་ང་རང་ཡིན་པས་ཁྱེད་རང་མིན།།
ང་ཡིས་ཁྱེད་ལ་བརྟག་ནས་སྐྱོན་མི་འདྲི།།
ང་ཡིས་ཁྱེད་རང་མཇལ་དུས་ཁྲོ་མི་སློང་།།
ང་ཡིས་ཁྱེད་རང་འགྲོག་དུས་གཡོ་མི་བྱེད།།
ང་འདི་ང་རང་ཡིན་པས་ཁྱེད་རང་མིན།།
ཁྱེད་ལ་ཁྱེད་ཀྱི་རྣམ་དཔྱོད་ཐུར་མེད་ཅིག།
ཁྱེད་ལ་ཁྱེད་ཀྱི་རང་གཤིས་བརྟན་པོ་ཞིག།
ཁྱེད་ལ་ཀུན་གྱིས་དགའ་བའི་སྤྱོད་པ་ཞིག།
ཁྱེད་འདི་ཁྱེད་རང་ཡིན་པས་ང་རང་མིན།།
ཡིན་ཡང་ཁྱེད་དང་ང་ཡི་བར་ཐག་ན།།
འགྲོ་བ་མི་ཞེས་ཟེར་བའི་ཐ་སྙད་ཅིག།
ནང་དགོས་བོད་པ་ཟེར་བའི་རིགས་ཞེན་ཞིག།
དེ་ཉིད་བསམ་ན་འུ་གཉིས་གཅིག་པ་ཡིན།།
གཅན་བཟོད་རྒྱམ་ལགས། གཉང་ནད་ཐེངས་ཤིག་གིས་གཉང་ཡིག་ཡིད་དུ་བརྟན་པོར་བཟུང་འདུག་པ་དེ་ཡང་དག་ཆ་ཞིག་གི་ཡར་རྒྱས་རེད་ལགས། རྗེས་ཕྱོགས་ངས་ཀྱང་གཉང་ཡིག་འདི་མི་ནོར་ཁོ་ཐག་ཡིན།
ཁྲ་མོ་གླིང་གི་ཡུལ་ནས་ཁྱེད་འཁྲུངས་པ།།
གླག་རྒོད་བཞིན་དུ་འཕུར་ནས་ཁྱེད་ཡོང་དུས།།
སྤྱང་གྲང་འཛོམ་པའི་རིགས་པའི་བརྡ་དག་འདི།།
གསུམ་ལ་གུས་པའི་འབངས་ཤིག་ཡིན་པར་མཐོང་།།
ནོར་བཅོས། ཡིད། ཡོད། ཡོད།
སྟེང་ན་གདོད་ནས་དག་པའི་ང་ཞིག་ཡིད༎
བར་ན་ཐམས་ཅད་མཁྱེན་པའི་ང་ཞིག་ཡིད༎
གཞུག་ན་འབད་མེད་ལྷུན་གྲུབ་ང་ཞིག་ཡོད༎
ང་འདི་ཚང་མ་ང་ཚོ་བོད་ལ་ཡོད༎
གཉང་གི་ཡི་གེ་འདི་རེད།”གཉང་” ང་ཁ་སྔོན་ཁོག་པ་མ་བདེ་བར་གཉང་ཤུར་བརྒྱབས་པས་ལས་ཁུངས་ལ་ནད་དགོངས་བཏང་དགོས་བྱུང་སོང་། དགོངས་ཞུ་ཡི་གེ་ནང་དུ་གཉང་ཤུར་ཇི་ལྟར་རྒྱག་བཞིན་པའི་སྐོར་ཁ་གསལ་དུ་བཀོད་ཡོད་པས་དགོངས་འཁྲོལ་གནང་རྒྱུར་སྟབས་བདེ་བྱུང་སོང་། དེ་ནས་བཟུང་གཉང་གི་ཡི་གེ་འདི་ཡང་་གང་ཡིན་གསལ་བོ་ཤེས་སོང་།
ད་ནི་དངོས་ནས་སྐུ་ཉིད་ལ་ཞུ་རྒྱུ་གང་ཞིག་ཡིན་འགྲོ གཅན་བཟོད་རྒྱམ་ལགས། ང་རང་ལ་བསྟོད་པ་བྱེད་མི་དགོས་ལགས། བསྟོད་རྒྱུ་མང་དྲགས་ན་སྨྱང་ཡོང་། ཧཧཧཧཧཧ-
ཚིག་དོན་གོ་བརྡ་མ་འཕྲོད་ན་འདི་འདྲ་རེད། ཕར་ལ་སྟོང་ཉིད་འདྲ་འདྲ་ཟེར་དུས་ཚུར་ལ་སྟོང་བཤད་རྒྱག་གི་ཟེར། སྟོང་ཉིད་འདྲ་འདྲ་ཟེར་བ་སྟོང་བཤད་ལ་ཇི་ལྟར་འགྱུར་སོང་བ་ཡིན་ནམ། ད་འོ་ན་ཁྱོད་ཀྱིས་བྲིས་པ་ཧ་ཅང་བཟང་གི མུ་མཐུད་ནས་ཤུགས་རྒྱོབས་ཟེར་དགོས་ནི་ལོས་ཡིན། ཧ་ཧ་ཧ།
སྐར་ཁྲི་བཙན་ལགས།
དེ་རིང་ཁྱེད་རང་བལ་ཡུལ་གྲོང་ན་ཡོད།།
ང་རང་ཕྱི་ཡུལ་གཞན་གྱི་རི་ན་ཡོད།།
འདུག་ས་མི་གཅིག་རང་ཡུལ་དེ་བས་མིན།།
ནམ་ཞིག་ཁ་བའི་ལྗོངས་སུ་འཛོམ་པར་སྨོན།།
གཅན་བཟོད་རྒྱམ་ལགས།
སྟོང་བཤད་རྒྱག་པར་བདག་གིས་འབད་ཀྱི་མེད།།
རེ་བཞག་བོར་བའི་རང་གི་ཕྱི་ནང་ཀུན།།
བསྔོག་བཞིན་བསྔོག་བཞིན་ཟིན་བྲིས་སྤེལ་བ་འདིས།།
སྐུ་ཉིད་མགོ་འཐོམ་བཟོས་པ་ཡིད་རེ་སྐྱོ།།
གནམ་ལྕགས་ལགས།
ཁྱེད་ནི་མ་འོངས་བོད་ཀྱི་རྡོ་རིང་ཡིན།།
ང་ནི་མ་འོངས་བོད་ཀྱི་ཞབས་འདྲེན་ཡིན།།
འུ་གཉིས་སོང་བའི་ལམ་ཕྲན་མི་གཅིག་རང་།།
ཕན་ཚུན་བཅིངས་པའི་བརྩེ་འདང་ཟབ་མོ་ཡིན།།
ང་ནི་གཤོག་པ་ཐོགས་པའི་སྒྱུ་འཕྲུལ་གྱི་ཁྱེའུ།།
ཁྱོད་ནི་ལྷ་དང་ལྷ་མོའི་ལུང་བསྟན་གྱི་བུ་ཆུང་།།
འུ་གཉིས་ལས་ཀྱིས་བསྐོས་པའི་ལམ་ཁ་ནས་འཕྲད་ཀྱང་།།
ཐོད་པའི་ཁ་ཡིག་རྒྱང་རིང་སོ་སོ་རུ་གྱེས་ཡོད།།
སྐར་ཁྲི་བཙན་ཡིན་ན་འདིས་བོད་མིན་རྒྱ་ཡིན་དང་། བསམ་བློ་དང་འདོད་པ་མི་གཅིག་པ་ཡིན་མདོག་མདོག་འདྲ་ཞིག་བཤད་འདུག་ནོ། དེ་རིང་ད་ཁྱོད་ར་བཟི་བསྡད་ཡོད་ཀི་པ།
ཤ་ཁྲག་གི་རྩོམ་བཀླགས་ཟིན། ད་ཁྱོས་ར་བསྡད་ཀིན་བསྡད་ཀིན། ཨ་ཁུ་ཁ་བའི་སྙན་ངག་འདྲ་འདྲ། སྟོང་ཉིད་འདྲ་འདྲ། རྟེན་འབྱུང་འདྲ་འདྲ། ང་འདྲ་བ་ཚོས་ཀློག་ཤེས་ཀྱང་དོན་ཤེས་རྒྱུ་མ་རེད་ཀོ།
ཁྱེད་ནི་བཟང་སྤྱོད་ཀུན་ལྡན་མི་བུ་ཞིག།
ང་ནི་ངན་དགུ་ཚང་བའི་ཁྲེལ་མེད་ཅིག།
འུ་གཉིས་རིགས་རྒྱུད་གཅིག་ལས་ཆད་ན་ཡང་།།
མི་ཚེའི་ལྟ་བ་མི་གཅིག་སོ་སོ་ཉིད།།
ཁྱོད་ནི་བོད་ལ་དགའ་བའི་བོད་ཕྲུག་ཅིག།།
ང་ནི་རྒྱ་ལ་འཁོར་་བའི་ཁྱི་་ཕྲུག་ཅིག
འུ་གཉིས་ལུང་བ་གཅིག་ནས་འཚར་ན་ཡང་།།
མི་ཚེའི་བགྲོད་ལམ་མི་གཅིག་ཁ་ཁ་ཡིན།།
ཁྱོད་ནི་་དམ་ཚིག་གཙང་བའི་དད་ལྡན་ཞིག།
ང་ནི་གཡོ་སྒྱུའི་འབགས་པའི་རུལ་སུངས་ཤིག།
འུ་གཉིས་ཁ་ནས་བཤད་སྟངས་མཚུངས་ན་ཡང་།།
དོན་ལ་ཁོག་གི་འཆར་སྒོ་ལོག་ཁ་ཡིན།།
ཁ་བ་ནག་པོ་ལགས། འདང་རྒྱག་ནང་དུ་གཡུགས་ཐང་ཐལ། ད་མ་འགྲིག་ནི་རེད། ཧཧཧ
དགའ་བསུ་ཞུ། སྙན་མོ་ཞིག་དང་འདང་རྒྱག་དགོས་པ་ཞིག་བྲིས་འདུག