སྐྱེ་བ་ནོར་མེད་ཀྱང་། འཚོ་བ་ལ་ནོར་འཁྲུལ་ཤོར་སོང་།

ཅོ་རི་ཉི་མ་ལགས། སྐུ་ཉིད་ནས་གསུངས་པ་དེ་ཚོ་དངོས་ནས་བདེན་པ་རེད་ལགས། ང་ནི་དངོས་ནས་མི་སླ་བོ་ཞིག་དང་ནུས་མེད་ཅིག་རེད། རང་གིས་བྱས་པའི་ནག་ཉེས་དེ་དག་ལ་རང་གིས་འགན་ལེན་ལོས་བྱེད། སྐུ་ཉིད་མི་སླ་བོ་དེ་ཚོ་དགའ་བ་ཁག་མེད་ཀི ང་རང་ཡང་མི་སླ་བོ་དེ་དག་གཏན་ནས་དགའ་བོ་མེད་ཀྱང་། རང་ཉིད་འདི་ལྟར་མི་སླ་བོ་ཞིག་ཆགས་ཟིན་དུས། རང་གིས་རང་ལ་དག་ཐེར་རེ་བྱེད་རྒྱུ་ལས། མི་གཞན་ལ་མཛུབ་མོ་འཛུགས་ས་ཞིག་གཏན་ནས་ལུས་མི་འདུག སྐུ་ཉིད་ནི་དངོས་ནས་བོད་མི་ཤ་གཙང་རུས་གཙང་ཞིག་ཆགས་ཡོད་པ་དེར་དགའ་བོ་ཡོད་ལ། ནང་མི་ཚང་མས་བོད་སྐད་བཤད་པ་དང་བོད་ཡིག་ཤེས་པ་དེར་དེ་ལས་ཀྱང་ཡི་རུང་ཡོད། ལྷག་པར་དུ་སྐུ་ཉིད་ནས་བདག་གི་མིང་དེ་བོད། ཤ་ཁྲག་རུས་གསུམ་ཟེར་བ་དེ་དོར་ན་འོས་པར་གསུངས་པ་དེ་ཡང་དངོས་ནས་རྒྱུ་མཚན་འདུག ང་ལྟ་བུ་ཞིག་ལ་དེ་འདྲའི་མིང་ཞིག་འོས་པོ་མེད་པ་བདེན་ན་ཡང་། རང་ཉིད་ཀྱིས་ནོར་འཁྲུལ་དེ་ལ་འགྱོད་གཤེགས་བྱེད་ཆེད་དུ། ངའི་རང་གི་མིང་ལ། བོད། ཤ་ཁྲག་རུས་གསུམ་བཏགས་པ་མིན་པར། བོད། ཤ་ཁྲག་རུས་གསུམ་ཟེར་བའི་མིང་འདི་ནི་ང་རང་ཤ་གཙང་རུས་གཙང་ཡིན་དུས་སྐབས་སུ་རང་གི་རང་ལ་བཏགས་པ་ཞིག་ཡིན་པ་མ་ཟད། སྐབས་དེ་ཡི་སེམས་ཤུགས་དེ་དག་དུས་ད་ལྟ་ཡང་ཉམས་མེད་ན་ཡང་། རང་ཉིད་འདི་ལྟར་མི་སླ་བོ་ཞིག་འདོད་མིན་ལ་མ་བལྟས་པར་ཆགས་ཚར་དུས། ངའི་མིང་དེ་ང་རང་ལ་ཐོབ་མིན་དེ་ལ་ཡང་དངོས་ནས་བསམ་གཞིགས་ནན་ཏན་ཞིག་བྱེད་དགོས་ངེས་རེད་འདུག མིང་འདིའི་ཆེད་དུ། ང་རང་མ་ཤི་བར་དུ་ཤུ་རེ་ཞིག་བྱེད་འདོད་ཡོད། རེད་དེ། ལམ་ལྷོངས་མ་བྱུང་ཉིན། ངས་རང་གི་མིང་དེ་ཕྱིར་བསྡུ་བྱེད་ཆོག་ལ། དེ་དུས་ཐོག་མར་སྐུ་ཉིད་ལ་བརྡ་རྒྱགས་ངེས་ཡིན།

སྐུ་ཉིད་ཀྱིས་བོད་མི་རིགས་བསམ་ནས་གསུངས་པ་དེར་བདག་གིས་རྒྱབ་སྐྱོར་ཡོད་ལ། བོད་མི་རིགས་ཀྱི་ཆེད་དུ་མ་ཤི་བར་འབད་བརྩོན་ལྷོད་མེད་ཅིག་གནང་རྒྱུར་ཡང་རེ་བ་ཆེན་པོ་ཡོད།

དྲ་གྲོགས་ཤ་དཀར་པོ་ལགས།
ཁྱེད་ཀྱི་ཤ་ཁྲག་དེའི་ངོ་བོ་གཞན་ཞིག་གི་ངོ་བོ་འགྱུར་བཞིན་ཡོད་པ་ནི་བློ་ཕམ་དང་ཁོང་ཁྲོའི་རྒྱུ་ཅིག་རེད་འདུག
ཡིན་ནའང་དེང་སང་བོད་མི་རིགས་འདི་དགྲ་བོ་རྒྱ་དམར་གྱི་ངོ་བོ་འགྱུར་བཞིན་པར་བསམ་བློ་གཏོང་ན་དེ་ལས་ཕྱི་རྒྱལ་མི་རིགས་དཀར་པོ་འདི་ཚོ་བོད་མི་རིགས་ཀྱི་དགྲ་བོ་མ་རེད་ལ་ང་ཚོའི་གྲོགས་པོ་རེད།
དཔེར་ན་རྒྱ་ལོ་དོན་གྲུབ་ཀྱི་སྐྱེ་དམན་ཡང་རྒྱ་སྤྲང་ཞིག་ཡིན་པ་འདྲ། དེ་ཚོ་བསམ་བློ་གཏོང་ན་ཁྱེད་ཨོ་ཙི་རེད།
མ་གཞི་ནས་བོད་མི་རིགས་འདི་ཤ་ཟད་རུས་ལ་ཐུག་ཆུག་མཁན་བོད་མི་སླ་པོ་ཁྱེད་ཚོ་རེད།
ང་ཅོ་རི་ལ་མཚོན་ན་ངའི་ཤ་ཁྲག་གི་རིག་རྒྱུད་ལ་མི་རིགས་གཞན་གྱི་ལྷད་ཡོད་པ་གཅིག་ཀྱང་མེད་པ་མ་ཟད་ངའི་རང་ཁྱིམ་ནང་དུ་བོད་སྐད་མ་གཏོགས་རྒྱག་བཞིན་མེད།
འདི་ཚོ་རང་ཉིད་ངོ་སྤྲོད་ཙམ་ཡིན་པ་ལས་ཁྱེད་ལ་སྤོབས་ཤོས་བཤད་པ་མིན།
ངས་རེ་བ་ལ་ཁྱེད་ཀྱིས་རང་གི་བཟའ་ཟླ་བུ་ཕྲུག་བོད་མི་རིགས་དང་བོད་ཀྱི་རིག་གཞུང་ཕྱོགས་སུ་ཚུར་ཁྲིད་ཐུབ་པ་བྱེད་རོགས།
གལ་སྲིད་ཚུར་ཁྲིད་མ་ཐུབ་པ་ཁྱེད་རང་ཕར་རྗེས་སུ་རྒྱག་པ་ཡིན་ན་ཁྱེད་ཀྱི་སྨྱུག་མིང་བོད་ཤ་རུས་ཁྲག་གསུམ་ཟེར་བ་འདི་དོར་ན་དགའ་ལེ་རེད།
ང་སྤྱི་སྟངས་ནས་བོད་མི་སླ་བྱ་ར་འདི་ཚོ་ལ་དགའ་པོ་མེད།
ངས་བཤད་པའི་སྐད་ཆ་ཚོ་བོད་མི་རིགས་ཀྱི་ཆེད་དུ་ཡིན་མ་གཏོགས་ང་སྒེར་གྱི་ངོས་ནས་མི་ཚོའི་ཆང་ས་སུ་མཉམ་དུ་རྒྱག་དང་མ་རྒྱག་ཁྱད་པ་དེ་ཙམ་མི་འདུག་ཞུ།

གནམ་ལྕགས་ལགས། སྐུ་ཉིད་ནས་དྲན་སྐུལ་གནང་བ་དེར་བདག་གིས་སེམས་སུ་འཛིན་ངེས་ཡིན། སེམས་པ་བདེ་མོ་བྱོས། ས་མཐའ་ཡོད་ཀྱང་། རང་གིས་རང་ལ་བདག་པོ་ལོས་བྱེད། ལྷག་པར་དུ་ཕ་རྒན་ཞིག་ཆགས་ཡོད་པས། འཆི་བ་འདིས་ཁྲིད་མ་སོང་བར་དུ་ཤུ་རེ་བྱེད་ངེས་ཡིན།

བསྟན་འཛིན་ཤེས་རབ་ལགས། ཉིད་ཀྱིས་གསུངས་པ་ལྟར་གང་ཐུབ་ཐུབ་ཅིག་བྱེད་ངེས་ཡིན། སང་ཉིན་ནངས་ཉིན་ཞིག་ལ་གློ་བར་དུ་ཤི་སོང་ན། དངོས་ནས་སང་ཞོགས་ཤི་ཡོད་ན་སུས་ཤེས། ཤི་རེག་བར་དུ་ཤུ་རེ་བྱེད་ངེས་ཡིན་ལགས།

ཨ་རོ། ད་འདས་ཟིན་པ་ཚོ་འདས་ཟིན་པ་རེད། སེམས་དེ་འདྲ་ཞིག་ཕམ་ནས་ཅི་བྱེད། དེ་ལས་མ་འོངས་པ་ཚོར་རྡོག་ཐོ་ཁ་ཤས་གཞུ་ཨེ་ཐུབ་ལྟོས།

དྲི་རྟགས་ལགས། སྐུ་ཉིད་ནས་ང་རང་ལ་དེ་འདྲའི་གདེང་འཇོག་བྱས་པ་ཚད་མཐོ་དྲགས་པ་རེད་ལགས། ང་ནི་རང་གི་རིགས་རྒྱུད་ཙམ་ཡང་བདག་པོ་བྱེད་མ་ཐུབ་པའི་མི་ནོར་འཁྲུལ་ཅན་ཞིག་ཡིན་པ་རེད། གང་ལྟར། སྐུ་ཉིད་ནས་བདག་ལ་དྲན་སྐུལ་བྱས་པ་དེར་བཀའ་དྲིན་ཆེ་ལགས། རང་གིས་གང་ཐུབ་ཐུབ་ཅིག་བྱེད་ངེས་ཡིན། སེམས་ཤུགས་མི་ཆག་ཁོ་ཐག་ཡིན། འབད་བརྩོན་གང་ཐུབ་བྱེད་ཆོག

བླ་འགུགས་མིང་ཅན་གྱི་མིང་ཅན་གྱི་སྤུན་ཟླ་གསར་བ་ལགས། སྐུ་ཉིད་ནས་དེ་ལྟར་གདེང་འཇོག་བྱས་པ་དེར་ཐུགས་རྗེ་ཆེ་ལགས། ཚིག་གཅིག་གིས་ཕན་ཐོག་བྱུང་བ་ཡིན་ན་ཡང་། ངས་རང་གི་ནོར་འཁྲུལ་ལ་འགྱོད་གཤེགས་བྱས་པའི་གྲུབ་འབྲས་སུ་འདོད་ཀྱི་ཡོད། སྐུ་ཉིད་ཀྱིས་ཀྱང་བདག་ལྟ་བུའི་ནོར་འཁྲུལ་གྱི་ལམ་ཁར་འགྲོ་གྲབས་བྱེད་མཁན་གང་ན་སུ་ཡོད་པ་དག་མཐོང་དུས། སེམས་བསམ་པའི་སྐད་ཆ་ཞིག་གསུང་རྒྱུ་མ་བརྗེད་ཅིག

མཐོ་སྒང་བུ་ལགས། སྐུ་ཉིད་ནས་མཆན་པུ་ཞིག་བཏབ་ཡོད་ཟེར་བ་དེ་ནི་ཕལ་ཆེར་སྐུ་ཉིད་ནས་མཆན་པུ་འཇུག་སྟངས་ནོར་བ་ཡིན་རྒྱུ་རེད་ལགས། དེ་མིན་བདག་གིས་དུས་དང་ནམ་པ་ཀུན་དུ་སྤུན་ཟླ་སུ་ཞིག་གིས་མཆན་པུ་གསུབ་མི་སྲིད། གལ་ཏེ། མཆན་པུ་འདེབས་མཁན་ཁོ་རང་གིས་རེ་སྐུལ་བྱས་དེ་གསུབ་རོགས་ཞུ་ཟེར་བ་འདྲ་བྱུང་བ་ཡིན་ན་གནས་ཚུལ་ལོག་པ་རེད།

སྐར་ཁྲི་བཙན་ལགས། སྐུ་ཉིད་ནས་དེ་ལྟར་སེམས་གསོ་བྱེད་སྟངས་གཞན་ཞིག་གི་སྟེང་ནས་བསམ་ཚུལ་གསུངས་པ་དེར་དགའ་ཡོད། ལོ་སར་རྗེས་སུ་དོན་དག་སྐུ་ཉིད་ལ་འོ་བརྒྱལ་བཟོ་དགོས་བྱུང་བ་ཡིན་ན། སླར་ཡང་སྐུ་ཉིད་ལ་བརྡ་ལན་འཇོག་ངེས་ཡིན་ལགས།

ཤ་ཁྲག་ལགས། ནོར་འཁྲུལ་ངོས་འཛིན་ཐུབ་པ་ནི་ཕ་རབ་ཀྱི་བརྟགས་རེད།
ཡིན་ན་ཡང་། འདི་འདྲའི་ནོར་འཁྲུལ་དེ་ནི་ང་ཚོ་སྐྱབས་བཅོལ་གྱི་གནས་བབ་འོག་ཡོད་སྟབས་
དེས་མིན་ནམ། ནུབ་ཕྱོགས་རྒྱལ་ཁབ་མང་པོའི་ནང་ཁྱེད་དང་འདྲ་བ་མང་པོ་ཡོད་སྲིད།

བོད་། ཤ་ཁྲག་རུས་གསུམ་འདིས་གནས་ལུགས་རེ་བགྲང་ཡོང་དུས་་ངོ་མ་སྐུ་ཉིད་་རྗེས་མར་བཀའ་སློབ་ཁྲི་པའི་འོས་འདེམ་ནང་ཁྱེད་ངེས་པར་དུ་བླུགས་རྒྱུ་ཡིན།
ཁྱེད་འདྲ་བ་མང་ང་ཚོ་བོད་མི་བཙན་བྱོལ་ནང་དགོས་རྒྱུ་འདུག
རྗེས་མ་ཡོང་གི་ཡིན།
ད་ལྟ་བྲེལ་བ་ཆེན་པོ་འདུག
ཧཧ།

ནོར་འཁྲུལ་ཤོར་ཡོད་ནོ་ཁྱོ་གཅིག་པོ་ཡིན་ནི་མ་རེད། བཙན་བྱོལ་བ་མང་ཆེ་བ་རེད།
གང་ལྟར་རང་གིས་བྱས་ཚད་ཚང་མ་དོན་དང་ལྡན་པ་ཡིན་སོམས་སྡོད་དང་འགྲིག་གོ་རེད།

བོད་ཤ་ཁྲག་རུས་གསུམ། ནོར་འཁྲུལ་ཞིག་ཤོར་ཚར་དུས་ནོར་འཁྲུལ་གྱི་རྒྱུད་རིམ་དང་ཉེས་བྱས་གླེང་བ་དོན་དངོས་རེད། འོན་ཀྱང་རང་ཉིད་ཁོ་ནའི་ཆེད་དུ་ནོར་འཁྲུལ་སེམས་ཁྲལ་དུ་མི་འགྲོ་བ་ཞིག་ཏུ་ཅིས་ཀྱང་གཟབ་དགོས། ཕྱིའི་ས་མཐའ་འདིར་་་་་། གྲོགས་གཉེན་ཉེ་མེད་པའི་གནས་དེར་་་་་་།