ཁོང་ཚོ་སུས་ཀྱང་རྣམ་འགྱུར་མི་ལེགས་པ་མ་བསྟན་སྟབས། འགྲོ་རུ་བཅུགས་པ་དང་། ཞོར་དུ་ཁོང་ཚོ་ལ་གོང་དུ་སོང་ནས་དམག་མི་གཞན་གྱིས་འཛིན་བཟུང་བྱས་པ་ཡིན་ན་ང་ཚོས་བཏང་སོང་ཟེར་ནས་བཤད་མི་ཉན་སྐོར་ཞིག་ལག་བརྡ་དང་མགོ་བརྡ་བརྒྱབ་དེ་བཤད་པ་དེར་ཁོང་ཚོས་ཀྱང་མགོ་བོ་གཡུགས་པ་རེད།
མཚན་མོ་དེར་བློ་བཟང་གིས་རང་གི་གྲོགས་པོ་ཤེས་རབ་ལ། བན་སྡེ་འཚོ་དང་ཁོ་གཉིས་བར་གྱི་གཏམ་རྒྱུད་དེ་གླེང་བ་དང་། ད་རེབས་ང་རང་གི་རྐང་བ་འདི་གློ་བུར་དུ་ན་རྐྱེན་ཡང་དེ་དང་འབྲེལ་བ་ཡོད་མི་སྲིད་མ་རེད་ཅེས་རང་གི་སེམས་ནང་གི་དོགས་པ་དེ་དག་བཤད་རྗེས་སུ། ཕྱིར་ཉིན་སྔ་བོ་ལམ་བར་ནས་ཤིག་པ་དང་ཤིང་སོགས་འཐུས་དེ་བསང་ཞིག་གཏོང་རྒྱུའི་གྲོས་བྱས་དེ་ཉལ་བ་རེད།
བསང་དུ་སྔོ་ལྷོག་ལྷོག་གནམ་མཁར་འགྲོ་བཞིན་པའི་སྐབས་སུ། བློ་བཟང་གིས། སེམས་ནང་ནས་འདི་ལྟར་བཤད་པ་རེད། ཁྱེད་རང་དཀར་ཕྱོགས་སྐྱོང་བའི་ལྷ་ཞིག་ཡིན་ན། གཉན་ཁྱེད་ཀྱིས་ང་ལ་གསན་རོགས། བན་སྡེ་འཚོ། དངོས་ནས་མགོ་ནག་མི་རེད། ལྷག་པར་དུ་ཁོ་མོས་ང་རང་གི་དཀའ་ངལ་གཏན་ནས་མ་ཤེས་སྟབས། ང་རང་གི་ཁྲེལ་མེད་བྱས་པ་ཡང་དྲན་སྲིད་པ་ཡིན། དེ་ཡིན་ན་ཁྱེད་རང་གིས་ངའི་ཚབ་བྱས་དེ་ང་རང་ལ་རོགས་ཤིག་བྱོས། ད་ང་རང་འདི་ནས་ཁ་རོག་གེར་འགྲོ་རུ་བཅུགས། དངོས་ནས་དྲང་གནས་ཀྱི་ངས་སུ་ལ་ཡང་ཁྲེལ་གཞུང་མེད་པའི་ལས་ཤིག་བྱེད་འདོད་མེད་ཅེས་བཤད་རྗེས་སུ། ཉིན་མོ་དེར་སླར་ཡང་བློ་བཟང་ཁོ་རང་སྤུན་མཆེད་བཀྲ་ཤིས་དོན་འགྲུབ་དང་རྡོར་སྐྱབས་གཉིས་ཀྱིས་ཁུར་རེ་བྱོས་དེ་སོང་བ་རེད།
ཡ་མཚར་བ་ཞིག་ལ། ཕྱིར་ཉིན་བློ་བཟང་གི་རྐང་བ་ན་རྒྱུ་དེ་ནི་དྲགས་བསྐྱེད་བྱུང་ནས་ཁོ་རང་གི་རྐང་བའི་སྟེང་ནས་ཁོ་རང་ག་ལེར་གོམ་པ་རྒྱག་ཐུབ་པ་བྱུང་བ་རེད། བློ་བཟང་གིས་རང་གི་སེམས་ནང་དུ་སྤྱན་གསུམ་གྱི་བདག་པོ་ཁྱེད་རང་བཀའ་དྲིན་ཆེ་ཞེས་བཤད་དེ་ཁོང་ཚོ་དགའ་དགའ་སྤྲོ་སྤྲོའི་ངང་དུ་བལ་ཡུལ་དམག་མི་ཡོད་པ་རེད་ཟེར་སའི་ས་ཁུལ་རེ་ནས་སྐོང་ཁུལ་འདྲ་བྱེད་བཞིན་སོང་བ་རེད།
ཁོང་ཚོ་ཉིན་མ་མི་ཉུང་བ་ཞིག་གི་རིང་དུ་གོམ་བགྲོད་བྱེད་པའི་ལམ་བར་ནས་ཕྱི་རྒྱལ་རེ་ཟུང་གིས་ཁོང་ཚོ་བལ་སྒོར་གཅིག་སྟོང་ལྔ་བརྒྱ་དང་ཕྱུ་ར་སྐམ་པོ་སོགས་སྤྲད་པ་དང་། ཕྱི་རྒྱལ་བ་གཞན་ཞིག་གིས་ཀྱང་ཁོང་ཚོ་བལ་སྒོར་བརྒྱ་ཕྲག་ཁ་ཤས་ཤིག་གི་ཟ་མ་ཟ་རོགས་ཟེར་ནས་སྤྲད། སྣ་བོ་ཆེ་རྫོང་གི་གོང་དུ་དེ་ནས་དགོན་པ་ཆུང་ཆུང་ཞིག་གི་གནས་ཚང་དུ་བསྡད་ནས། གནས་ཚང་གྲྭ་བ་དེས་ཁོང་ཚོ་ལ་རང་ཉིད་ཀྱང་རྒྱ་གར་དུ་བསྐྱོད་མྱོང་ཡོད་རབས་སྐོར་སོགས་བཤད་པ་རེད།
གང་ལྟར་ཁོང་ཚོ་ཉིན་ཞག་མང་བོ་ཞིག་ལ་གོམ་པ་བརྒྱབ། བལ་ཡུལ་ས་ཐོག་ནས་རི་ལུང་མང་བོ་ཞིག་བརྒྱུད་མཐར། གྲོང་ཁྱེར་ཞིག་གི་འདབས་སུ་འབྱོར་ནས། ཁོང་ཚོ་རླངས་འཁོར་ཞིག་གི་ནང་དུ་བསྡད་ནས་ཡུན་རིང་མ་སོང་བའི་ལམ་བར་དུ་ལམ་སྲུང་དམག་མི་སྐོར་ཞིག་གིས་ཁོང་ཚོ་ལ་ཡི་གེ་ཡོད་མེད་སྐད་ཆ་དྲིས་པ་དེར་ཁོང་ཚོ་ལ་ཡི་གེ་མེད་པ་དང་། རྒྱ་གར་དུ་༧རྒྱལ་བ་རིན་པོ་ཆེ་མཇལ་དུ་ཡོང་བ་ཡིན་ཟེར་ནས་བཤད་དུས་སུ། དམག་མི་དེ་ཡི་ཁོང་ཚོ་ཚང་མ་ཕྱི་རུ་འབུད་དུ་བཅུགས་ནས་དམག་སྒར་ཞིག་དུ་ཁྲིད་དེ་སོང་བ་རེད།
དམག་སྒར་དེ་རུ་སླེབས་མ་ཐག ཁང་བ་ཉིས་ཐོག་ཞིག་གི་སྒང་དུ་དམག་དཔོན་ཆེན་པོ་ཞིག་གིས་མི་ཁ་ཤས་དང་ལྷན་དུ་སྐད་ཆ་བཤད་ནས་བསྡད་ཡོད་སྟབས། ཁོང་ཚོ་འོག་ནས་ཁང་འགྲམ་དེ་ནས་སྒུག་དུ་བཅུགས་པ་རེད། ཁོང་ཚོས་ཞོགས་པ་ཟ་མ་ཡང་ཟོས་མེད་པས་གྲོད་ཁོག་ལྟོགས་ན་ཡང་། བཤད་ས་གང་ཡང་མེད་པར་ཁ་རོག་གེར་རང་རང་གི་ས་རུ་བསྡད་ཡོད་པའི་སྐབས་དེ་འདྲ་ཞིག་ལ། དམག་དཔོན་དེ་ཡོང་ནས་ཁོང་ཚོ་ཁྱེད་ཚོ་གང་ནས་ཡོང་བ་ཡིན། གང་དུ་འགྲོ་རྒྱུ་ཡིན་ཞེས་དྲིས་པ་རེད།
བློ་བཟང་གིས། ང་ཚོ་བོད་ནས་ཡོང་བ་ཡིན། ༧རྒྱལ་བ་རིན་པོ་ཆེ་མཇལ་དུ་འགྲོ་ཡི་ཡོད། སྐུ་མཁྱེན། ང་ཚོ་གཏོང་རོགས་ཟེར་ནས་ཞུ་བ་ཞུས་དུས། དམག་དཔོན་དེས། ཁོང་ཚོ་ལ། ༧རྒྱལ་བ་རིན་པོ་ཆེ་བོད་དུ་ཕེབས་ཚར་བ་རེད། ད་ཁྱེད་ཚོ་ཕྱིར་བོད་དུ་སོང་བ་ཡིན་ན་འགྲིག་གི་ཡོད་པ་རེད། ཁྱེད་རང་ཚོར་ནོར་སོང་བ་རེད་ཅེས་བཤད་པ་དེར། བློ་བཟང་གིས་རྒྱ་གར་སྐད་ཀྱི་སྟེང་ནས་སྐུ་མཁྱེན། ༧རྒྱལ་བ་རིན་པོ་ཆེ། ད་ལྟ་རྒྱ་གར་དུ་བཞུགས་ཡོད་པ་ང་རང་གིས་གསལ་བོ་ཤེས་ཀྱི་ཡོད། ང་རང་ཟླ་བ་ཁ་ཤས་ཀྱི་སྔོན་དུ་བོད་དུ་སོང་ནས་ཕྱིར་རང་གི་ནུ་མོ་འདི་དང་སྤུན་མཆེད་སོགས་ཁྲིད་དེ་ཡོང་བ་ཡིན།
དམག་དཔོན་དེས། ཁྱེད་རང་གིས་མ་ཤེས་པ་རེད་མ་གཏོགས། ཟླ་བ་གཅིག་ཏག་ཏག་སྔོན་དེར་༧རྒྱལ་བ་རིན་པོ་ཆེ་བོད་དུ་ཕེབས་རྒྱུའི་གཏན་འཁེལ་བྱས་འདུག ད་ཁྱེད་ཚོ་ཕྱིར་བོད་དུ་སོང་བ་ཡིན་ན་ཡག་གི་རེད་ཅེས་བཤད་པ་རེད།
མུ་འགོད།
ཟིན་བྲིས་འདིས་བདག་པོ་སྒོམ་སྡེ་ལྷ་རམས་པ་ལགས་དང་། ཚུལ་ཁྲིམས་ཐར་ཕྱིན་ལགས། ཁྱེད་རྣམ་པ་གཉིས་ཀྱིས་བདག་གིས་མཐའ་མའི་རེ་སྐུལ་འདི་ལ་ཅུང་ཙམ་གསན་རོགས་ཞུ། རང་གི་ཞེ་སྡང་དགྲ་བོ་མ་བཏུལ་ན།། ཕྱི་རོལ་དགྲ་བོ་བཏུལ་ཞིང་འཕེལ་བར་འགྱུར།། དེ་ཕྱིར་བྱམས་དང་སྙིང་རྗེ་དམག་དབུང་གིས།། རང་རྒྱུད་འདུལ་བ་རྒྱལ་སྲས་ལག་ལེན་ཡིན།
ཚུལ་ཁྲིམས་ཐར་ཕྱིན་ལགས། ཉིད་ནས་བདག་ལ་གསལ་བཤད་གནང་བ་བཀའ་དྲིན་ཆེ་ལགས། དྲ་གྲོགས་གཞན་དག་གིས་ཀྱང་སྐུ་ཉིད་ལ་བསམ་ཤེས་གནང་ངེས་ཡིན།
འདི་སྒོམ་སྡེ་བའི་ཟིན་བྲིས་ཀྱི་འདབས་སུ་མཆན་པུ་བཏབ་པ་ཞིག་ཡིན། སྐུ་ཉིད་ཀྱིས་དེ་ནས་མ་་གཟིགས་པ་ཡིན་ན་འདི་ནས་གཟིགས་ཐུབ་པར་ཤོག
སྤུན་ཟླ་ཁྱེད་ཅག་ཕེབས་ནས་རང་རང་གི་བསམ་ཚུལ་ལྷུག་པོར་གསུངས་པ་དེར་དགའ་གུས་ཚད་མེད་ཡོད་ལ། ངའི་ཟིན་བྲིས་འདི་ལ་ཁྱེད་ཅག་གིས་ཐུགས་འཁུར་གནང་བ་དེར་དེ་བས་ཀྱང་དགའ་ཡོད། རྗེས་ཕྱོགས་ཀྱང་གང་ཁོམ་ལ་ཕེབས་རོགས་ཞུ།
གྲོགས་ལགས། འགྲོ་ཞོར་ལ་སྟབས་རེ་འགྲིག་ན་ཉིད་ཀྱི་ཟིན་བྲིས་ཀློག་བཞིན་ཡོད། མཆན་བུ་འདེབས་རྒྱུ་ཆུ་ཚོད་ཀྱི་ཁོམས་ལོང་ཅུང་ཁག
བཀླགས་ནས་ཕྱིན།
ཤ་ཁྲག་རུས་གསུམ་ལགས།
སྒོམ་སྡེའི་ཟིན་བྲིས་ཀྱི་༼ཚུལ་ཁྲིམས་མཐར་ཕྱིན་སུ་ཡིན་ཤེས་མཁན་ཡོད་དམ་༽ཟེར་བ་དེའི་ནང་དུ་ཁྱེད་ལ་ལན་ཞིག་ཕུལ་ཡོད་པས་གཟིགས་རོགས། དེ་ནས་གྲགས་པ་རྒྱལ་མཚན་གྱི་མིང་འདི་ལ་ཉིད་རྣམ་རྟོག་ཟ་གི་ཡོད་ན་ཀློག་ཚར་རྗེས་མཆན་འདི་བསུབ་རོགས། ཉིད་ནས་ཕྲན་ལ་ལན་རེ་གནང་རྒྱུ་ཡོད་ན་སྒོམ་སྡེའི་ཟིས་བྲིས་ནས་གསུངས་རོགས། ཐུགས་རྗེ་ཆེ།
མི་འཁྱམས་ཤ་ཁྲག་རུས་གསུམ་འདིར།
ལྷ་སྲུང་ཞིག་གི་ཁྱད་ཆོས་ཡོད།
ཀི་རེ་བཏབས་ན་རྡུལ་རེ་འབུད།
མིང་རེ་བོས་ན་དོན་རེ་སྟོན།
ཀྱེེ
གསོལ་ལོ་གསོལ་ལོ་ལྷ་གསོལ་ལོ།
ཤ་དང་ཁྲག་གིས་མགྲོན་གསོལ་ལོ།
རུས་རྐང་ཁུ་བས་ཞལ་གསོལ་ལོ།
དབྱིན་མོ་སྟུ་ཡིས་ཐུགས་གསོལ་ལོ།
མ་འདུག་མྱུར་དུ་ཕེབས་གསོལ་ལོ།
མཆན་བུ་འདེབས་པར་སྔོན་གསོལ་ལོ།
དམག་དཔོན་དེས་མགོ་སྐོར་གྱི་ཚིག་དེ་ལ་བསམ་ནས་མཚམས་འཇོག་བྱས་ཡིན། ཉིན་རེ་ཚན་པ་གཅིག་རེ་སྤེལ་ན་ང་ལྟ་བུའི་ཀློག་པ་པོ་དག་ལ་ཉིད་ཀྱི་སྒྲུང་རིང་འདི་མཇུག་པར་དུ་བཀླག་ཐུབ་པའི་དགེ་མཚན་ཆེ་བར་འདོད་པའི་བསམ་ཚུལ་ཡོད་ཞུ་གི་ཡིན།
གྲོགས་བོད། ཤ་ཁྲག་རུས་གསུམ་ལགས། ཡུན་རིང་ཞིག་ལ་ལོ་སར་གྱི་འཚམས་འདྲི་ཙམ་ཡང་བྱེད་མ་ཐུབ་པ་དགོངས་དག་ཞུ་བཞིན་ཡོད་ལ། ལྷག་དོན་ཉིད་ཀྱི་ཟིན་བྲིས་ལ་ལྟ་གཡེང་ཞིག་ཀྱང་བྱེད་མ་ཐུབ་པ་དེ་བས་ཀྱང་དགོངས་སེལ་གནང་རོགས། ད་ལྟ་ཁོམ་སྐལ་ཙམ་བྱུང་བ་འདི་ལས་སྐལ་ཙམ་དུ་སེམས་ནས་མུ་མཐུད་ཕྲིས་དང་ལྷོད་ཀྱི་ཀློག་གིན་ཡོད།