མི་ཞིག་གི་མི་ལོ་ནི ཏན་ཏན་དེ་འདྲའི་ལས་སླ་བོའི་ངང་དུ་འཁོར་ཆོག་ཆོག་ཞིག་མིན་སྟེ
གང་ལྟར དེ་རིང་ནི་གཞན་ཡུལ་ཞིག་ནས
གཞན་བསྟོད་ཀྱིས་གཟེངས་སུ་བཏེགས་པའི་རྟགས་མ་ཞིག
འཛམ་གླིང་ན་གྲགས་པ་འབར་བའི་ཞི་བདེའི་རྟགས་མ
ངའི་བླ་མ བོད་ཀྱི་བླ་མ འཛམ་གླིང་གི་མིག་འབྱེད
ཁྱེད་ལ་ཐོབ་ནས་མི་ལོ་ཉེར་གཉིས་འཁོར་བའི་ཉིན་མོ་རེད
ངས་འདི་ནས་བོད་མི་སྤྱི་བོ་ཡོངས་ཀྱི་ཚབ་བྱས་ནས
ལག་ཟུང་སྙིང་ཁར་སྤྱར་ནས
སེམས་དང་རུས་པའི་གསེང་ནས
ཁྱེད་ཀྱི་རླབས་ཆེ་བའི་གཟི་བརྗིད་ཀྱི་ལེའུ་དེར སྙིང་ནས་རྗེས་སུ་དྲན
བསྐལ་བའི་བར་དུ ཉིད་ཀྱི་བུ་སློབ་ང་ཚོ
ཁྱེད་ཉིད་ཁོ་ན་དྲན་ཞིང་ ཁྱེད་ཉིད་ཁོ་ན་བསམ་པའི་སྣོད་ལྡན་གྱི་སློར་མར་གྱུར་ནས
དུག་དང་མེ་ལྕེ་ལྟ་བུའི་མི་ཡུལ་གྱི་འཐབ་རྭ་འདི་ལས
ཁྱེད་ཉིད་ཀྱི་ཞབས་རྗེས་སུ་འགྲེངས་ནས
ཞི་བདེའི་ལམ་ཆེན་ཞིག་ཟིན་པར་སྨོན་འདུན་དང་
སྐུ་ཉིད་ཀྱི་སྐུ་ཚེ་བརྟན་ཞིང་བཞེད་དོན་འགྲུབ་པར་སྨོན་ལམ་འདེབས
ཉིས་སྟོང་བཅུ་གཅིག སྤྱི་ཟླ་སྤྱི་གཉིས་ཚེས་བཅུ་ལ་གཞན་ཡུལ་ན་ལྡོམ་པའི་སློབ་བུའི་གྲལ་མཐའ་བ་ཞིག་ནས་གུས་པ་དང་བཅས་དེ་ཕུལ།
