རྒྱ་ནག་རྒྱལ་ཡོངས་སྐབས་དང་པོའི་སྲོལ་རྒྱུན་ཆོས་ལུཊ་འཇིམ་བརྙན་བཟོ་རྩལ་འགྲན་ཚོཊ་ཐོག བོད་རིཊ་འཇིམ་བཟོ་བ་ཨ་ཆུང་ལཊ་ལ་ཁྱད་འཕཊ་གསེར་གྱི་རྟཊ་མ་ཐོབ་ཡོད་འདུག
དེ་རིང་སྔ་དྲོར་རྒྱ་ནག་ཧྥི་ཅན་ཞིང་ཆེན་ཕོའུ་ཐེན་གྲོང་ཁྱེར་མཚོ་འགྲམ་གྱི་རྒྱ་ནག་རྒྱལ་ཡོངས་སྐབས་དགུ་པའི་བཟོ་རྩལ་འགྲེམས་སྟོན་ཆེན་མོའི་ཐོག རྒྱལ་ཡོངས་སྐབས་དང་པོའི་སྲོལ་རྒྱུན་ཆོས་ལུགས་འཇིམ་བརྙན་བཟོ་རྩལ་འགྲན་བསྡུར་གྱི་གཟེངས་རྟགས་ཕུལ་བའི་མཛད་སྒོ་བསྡུས་ཡོད་པ་དང་། ཐེངས་འདིའི་འགྲན་བསྡུར་ནང་ཞུགས་པའི་བོད་རིགས་འཇིམ་བཟོ་བ་ཨ་ཆུང་ལགས་ལ་ཁྱད་འཕགས་གསེར་གྱི་རྟགས་མ་དང་། སྲོལ་རྒྱུན་བཟོ་རིག་སྒྱུ་རྩལ་བ་ཆེན་མོའི་མཚན་སྙན་ཐོབ་ཡོད་འདུག
འགྲན་ཚོགས་དེ་རྒྱལ་ཡོངས་མི་རིགས་དམངས་ཁྲོད་བཟོ་རིག་སྒྱུ་རྩལ་མཐུན་ཚོགས་ཀྱི་གོ་སྒྲིག་འོག ཟླ་འདིའི་ཕྱི་ཚེས་ ༡༠ ནས་ ༢༠ བར་རྒྱ་ནག་ཧྥི་ཅན་ཞིང་ཆེན་ཕོའུ་ཐེན་གྲོང་ཁྱེར་དུ་ཚོགས་ཡོད་པ་དང་། འགྲན་ཚོགས་ཐོག་རྒྱ་ནག་གི་ཞིང་ཆེན་དང་ལྗོངས་ ༡༤། དེ་བཞིན་ཐའེ་ཝན་དང་ཧོང་ཀོང་བཅས་ནས་ཡོང་བའི་ཆོས་ལུགས་འདྲ་མིན་གྱི་འཇིམ་བརྙན་བཟོ་རྩལ་བ་ ༣༩ དངོས་སུ་འགྲན་བསྡུར་ནང་ཞུགས་ཡོད་ཅིང་། ཉིན་གྲངས་ ༡༠ རིང་དཔྱད་འདེམས་བྱས་པ་བརྒྱུད་ཁྱད་འཕགས་གསེར་གྱི་རྟགས་མ་ ༣ དང་། གསེར་གྱི་རྟགས་མ་ ༦། དངུལ་གྱི་རྟགས་མ་༨། ཕུལ་བྱུང་རྟགས་མ་བཅས་བྱ་དགའི་རིམ་པ་བཞི་རུ་དབྱེ་སྟེ་ཕུལ་ཡོད་འདུག
འཇིམ་བརྙན་སྒྱུ་རྩལ་བ་ཨ་ཆུང་ལགས་ནི་དཀར་མཛེས་ཁུལ་སྡེ་དགེ་རྫོང་ནས་ཡིན་ཞིང་། ཆུང་དུས་ནས་རྫོགས་ཆེན་དགོན་པར་ཞུགས་ཏེ་ནང་ཆོས་ལ་སློབ་གཉེར་གནང་ཡོད་པ་དང་། སློབ་ཞོར་དུ་ལྷ་རིས་དང་འཇིམ་བཟོ་ལ་སློབ་སྦྱོང་གནང་ཡོད་འདུག
གསར་འགོད་པ། པདྨ་མཚོ།
བཀྲིས་བདེ་ལེགས།
ཚོགས་ཆེན་དགོན་ཡིན་ནམ་རྫོགས་ཆེན་དགོན་ཡིན་ནམ། ཨ་ཆུང་ལགས་སུ་དགའ་བསུ་ཞུ