ཞྭ་དམར་རིན་པོ་ཆེ་མཆོག་སྐུ་གཤེཊ།

ཀུན་གཟིགས་ཞྭ་དམར་པ་ངོ་མ་འདི་ལྟར་ཡིན།

གཡོ་སྒྱུའི་གཞན་མགོ་བསྐོར་བའི་ལོ་རྒྱུས་མེད། །

དགྲ་ལ་མགོ་འབུལ་བྱས་པའི་ལོ་རྒྱུས་མེད། །

ལོ་རྒྱུས་རྫུན་སྒྲིག་བྱས་པའི་ལོ་རྒྱུས་མེད། །

ཆོས་ལུགས་ཕྱོགས་རིས་བྱས་པའི་ལོ་རྒྱུས་མེད། །

དགོས་དུས་སྨྲ་ལྕེ་དིབ་པའི་ལོ་རྒྱུས་མེད། །

མི་དགོས་ངོས་དགའ་བཤད་རབ་ལོ་རྒྱུས་མེད། །

འདུལ་ཁྲིམས་ནོར་དང་བརྗེས་རབ་ལོ་རྒྱུས་མེད། །

ཁྲེལ་མེད་གཡོ་སྒྱུར་བྱས་ཚུལ་ལོ་རྒྱུས་མེད། །

ཆོས་འབག་གྱོན་ནས་ཆབ་སྲིད་འཁྲབ་མྱོང་མེད། །

ཆབ་སྲིད་འཁྲབ་ནས་ཆོས་ཚོང་རྒྱག་མྱོང་མེད། །

ཆོས་མིན་ཆོས་དང་བསྲེས་བའི་ནག་ཉེས་མེད། །

ཆོས་དང་ཆབ་སྲིད་མཉམ་བསྲེ་གོམས་གཤིས་མེད། །

སྒེར་ལ་དབང་བའི་བླ་བྲང་ཁྱེད་ལ་མེད། །

བླ་ཆེན་ཡིན་པས་ཁེང་རློམས་ཁྱེད་ལ་མེད། །

གཉེན་ཉེའི་ཕྱོགས་སུ་ཞེན་པ་ཁྱེད་ལ་མེད། །

དགྲ་བོ་རེད་ཅེས་འཁོན་འཛིན་ཁྱེད་ལ་མེད། །

མི་བུ་ཞིག་གི་ཚུགས་ཀ་ཤོར་མྱོང་མེད། །

སྣོད་ལྡན་སྐྱེས་བུར་ཆོས་སྐལ་བཅད་མྱོང་མེད། །

སྣོད་མིན་ཅན་ལ་གསང་སྒྲོགས་གནང་མྱོང་མེད། །

དགེ་སློང་ཞིག་གི་ཚུལ་འཆོས་འཁྲབ་མྱོང་མེད། །

འདི་དག་ཁྱེད་ལ་མེད་པའི་ལོ་རྒྱུས་ཡིན། །

མདོར་ན་གཞན་གྱིས་ལེགས་ཉེས་གང་བྱས་ཀྱང་། །

འགྱུར་མེད་རང་གཤིས་རྡོ་རྗེ་བྲག་རྫོང་ནི། །

དམ་པ་ཁྱེད་ཀྱི་རང་གཤིས་ངོ་མ་ཡིན། །

ཁྱེད་ལ་ཡོད་པ་དྲང་བདེན་སྤོབས་པ་དང་། །

རིན་ཆེན་འཕགས་ནོར་བདུན་དང་གཞན་དོན་ཕྱིར། །

ནམ་ཡང་དཀའ་བ་དྭང་དུ་ལེན་ནུས་པའི། །

ཞིམ་མེད་སྙིང་སྟོབས་བཙན་པོའི་གོ་ཆ་རེད། །

མགོན་ཁྱེད་རེ་ཞིག་གཟུགས་སྐུ་བསྡུས་ན་ཡང་། །

བསླུར་མེད་རིན་ཆེན་གསུམ་པོའི་བྱིན་མཐུ་དང་། །

སྐལ་ལྡན་གདུལ་བྱ་གོ་འཕོང་འགོད་ཕྱིར་དུ། །

ཡང་སྤྲུལ་རྟ་བདུན་དབང་པོ་མྱུར་འཆར་ཤོག །

༈ཞྭ་དམར་རིན་པོ་ཆེའི་ཁྲུངས་ལོ་དེ་ནོར་མེད་དམ་།བཞི་བཅུ་ཞེ་གཉིས་དང་ལྔ་བཅུ་ང་གཉིས་ནོར་ཡོད་པ་འདྲ་

དམ་པ་ཁོང་སྐུ་འཚོ་བཞུགས་ཀྱི་སྐབས་སུ་ཁོང་ལ་དད་གུས་བྱེད་མཁན་མེད། དེང་སྐབས་དགོངས་པ་གཞན་དོན་དུ་གཤེགས་ཚར་རྒྱབ་དད་པ་དམ་ཚིག་ཡོད་མདོག་མདོག་བཤད་མཁན་མང་པོ་འདུག ཡིན་ནའང་ད་ནི་ཕྱི་དྲགས་སོང་བ་རེད།

ངས་ཞཱ་དམར་པ་ཚང་གི་སྐོར་ནས་འདིའི་འོག་ཏུ་ངོ་དེབ་དང་སྐད་འཕྲིན་ཁ་བརྡ་སོགས་དྲ་ཚིགས་གཞན་དག་ནང་གི་མཆན་མང་པོ་ཞིག་འདིར་འགོད་ཆོག་པ་བགྱིས།
(1) བོད་བརྒྱུད་ནང་བསྟན་པའི་ཁྲོད་དུ་གླེང་གཞི་ཆེ་ཤོས་གྲས་ཤིག་སྙིང་ནད་དབང་གིས་ གྲོངས་པར་མྱ་ངན་ཞུ་རྒྱུ་ཡིན། ཀརྨ་པ་ཨུ་རྒྱན་འཕྲིན་ལས་རྡོ་རྗེ་མཆོག་ཡུ་རོབ་གླིང་དུ་ཆོས་འབྲེལ་གནང་བཞིན་པ་ དེ་དང་འབྲེལ་བ་ཨེ་ཡོད། ཨ་ཁ་ཁ་ཁ། དེང་སང་རྟོགས་ལྡན་བླ་མར་རང་དབང་མེད་པར་འཇིག་རྟེན་འདི་ནས་དགོངས་པ་ཞུ་ཚུལ་ བསམས་ན། ས་འོག་གི་འབུ་སྲིན་ང་ཚོར་ཁག་ཅི་ཡོད།
(2) དེང་སྐབས་ཀརྨ་པ་སྐུ་ཕྲེང་བཅུ་བདུན་ཚང་ལ་ཡང་སྲིད་གཉིས་བྱུང་དོན་དེ། ཞཱ་དམར་པ་ཚང་གིས་ཀརྨ་ཨོ་རྒྱན་མཐའ་ཡས་རྡོ་རྗེ་ངོས་འཛིན་ཐུགས་ཐག་བཅད་པ་རེད། དེ་ནས་ཀརྨ་པ་ཨོ་རྒྱན་འཕྲིན་ལས་རྡོ་རྗེ་གཅིག་བྱུང་བ་རེད། བཀའ་བརྒྱུད་ནང་ཁུལ་མཐུན་ལམ་ཡོང་དགོས་ན་ཀརྨ་ཨོ་རྒྱན་མཐའ་ཡས་རྡོ་རྗེ་དང་འཕྲིན་ལས་རྡོ་རྗེ་རྣམ་གཉིས་ཀྱིས་ནང་མོལ་བྱེད་དགོས་པ་རེད། རབ་བྱུང་ན་ཐེངས་འདིར་ཞཱ་དམར་པ་ཚང་གི་གདུང་མཆོད་འབུལ་དང་བསྟུན་ཏེ་འགྲིག་འཇགས་ཡོང་ཐབས་ཀྱི་ལམ་ཁ་ཞིག་འཚོལ་གལ་ཆེན་པོ་རེད།
(3) དམ་པ་དེ་བདེ་བ་ཅན་དུ་འཁྲུངས་པར་ཤོག ཨོ་མ་ནི་པད་མེ་ཧུམ། ང་རང་གི་བླ་མའི་ནང་ནས་མི་དྲང་ཤོས་དེ་ཞྭ་དམར། རྟོགས་པ་མཐོ་ཤོས་དེ་རྒྱལ་བ་རིན་པོ་ཆེ། རེ་བ་ཆེ་ཤོས་དེ་ཀརྨ་པ་ཨུ་རྒྱན་འཕྲིན་ལས། སྙོམས་ཆུང་ཤོས་དང་སློབ་མར་རྩི་ཤོས་དེ་ཀརྨ་པ་མཐའ་ཡས་རྡོ་རྗེ། ཡོན་ཏན་ལེགས་ཤོས་དེ་དགའ་ལྡན་ཁྲི་པ། དབང་ལུང་མན་ངག་མང་ཤོས་དེ་ས་སྐྱ་ཁྲི་འཛིན། སློབ་མ་མང་ཤོས་དེ་མཁན་པོ་ཚུལ་ཁྲིམས།
(4) ཞྭ་ དམར་པ་དང་རང་གཞུང་གཉིས་ཀའི་བར་ན་ཡོད་པའི་དོན་རྐྱེན་དེ་ཚང་མས་ཤེས་གསལ་རེད། ལྷག་པར་གཞུང་ཕྱོགས་ནས་གསོན་དུས་རྣམ་འགྱུར་མ་འདྲ་བ་ཞིག་བསྟན་ནས་ཤི་ཚར་དུས་ མྱ་ངན་འོ་དོད་འདྲ་བསྟན་པ་འདི་དོན་ངོ་མ་རང་གཞུང་ནི་ཁ་སེམས་མི་གཅིག་པའི་ཆབ་ སྲིད་ཀྱི་གར་མཁན་ཞིག་ཡིན་པའི་ངོ་གདོང་དེ་གསལ་བོ་མངོན་པ་ལས་བརྟན་པོ་འགྱུར་ མེད་ཀྱི་ལང་ཕྱོགས་ཤིག་མེད་པ་གསལ་བོ་རེད། དེར་བརྟེན་རྒྱ་གཞུང་ལ་ཕར་ཡིད་ཆེས་དང་བློ་གཏད་བྲལ་བར་རློམ་པའི་བསམ་ཕྱོགས་དེ་ ལའང་བསམ་བློ་མི་གཏོང་རང་གཏོང་རེད། གཞུང་ཞིག་ཡིན་ན་གཞུང་གི་ལང་ཕྱོགས་དེ་མངོན་ལྐོག་མེད་པ་དང་གང་ལའང་ཡོ་ཆོག་ཆོག་ གྱང་ཁའི་རྩྭ་ལྟ་བུ་ཞིག་མ་ཡིན་པར་བརྟན་པོ་དང་ཡིད་རྟོན་འཕེར་བའི་གཏན་ཚིགས་ དགོས་པ་མ་ཟད་ང་ཚོ་བྱེས་འབྱོར་ཚང་གི་སྒྲིག་འཛུགས་ནི་ཕྱི་གསལ་ནང་གསལ་ཡིན་པའི་ ལང་ཕྱོགས་བཟང་ཞིང་བརྟན་པོའི་སྒྲིག་འཛུགས་ཤིག་ཡིན་སྟབས་མ་མཐའ་ཡང་རང་གི་ལང་ ཕྱོགས་དེ་ཤི་ཡང་འདོར་མི་ཉན་པ་ནི་བཤད་ག་ལ་དགོས། དེར་བརྟེན་སྐབས་བབས་ཀྱི་མྱ་ངན་འོ་དོད་འདོན་པའི་གུས་འདུད་ཀྱི་རྣམ་པ་སྟོན་པ་ འདི་ནི་རང་རེའི་སྒྲིག་འཛུགས་ཀྱི་ལང་ཕྱོགས་དང་འགལ་ཡོད་པ་མ་ཟད་ཡིད་རྟོན་འཕེར་ བའི་ལང་ཕྱོགས་བརྟན་པོ་ཞིག་མེད་ཅེས་མི་གཞན་ལ་གསལ་སྟོན་གནང་བའི་གཡོ་འཕྲུལ་ རྫོབ་པོ་ཞིག་རེད། ཡིན་ ན་ཡང་མི་དམངས་དང་གཞུང་གཉིས་ཀྱི་ལང་ཕྱོགས་འཛིན་སྟངས་དང་མཐོང་ཕྱོགས་མངོན་པའི་ དགོས་པ་དང་ནུས་པ་མི་འདྲ་བ་ཡིན་པས་མི་དམངས་དུ་དང་སུ་ཡིན་ནའང་མྱ་ངན་གུས་འདུད་ ཞུ་ན་མ་འགྲིག་པ་ཅི་ཡང་མེད། ལྷག་པར་བླ་མའི་མཚན་གནས་འཛིན་ཞིང་ཤ་ཁྲག་བོད་རིགས་གཙང་མ་གཙང་རྐྱང་ཞིག་ཡིན་ པའི་འབྲེལ་བ་དེའི་ཆ་ནས་ཀྱང་མྱ་ངན་གུས་འདུད་ཞུ་དགོས་ངེས་རེད་ལ། གལ་ཏེ་ཞུ་བ་ཡིན་ནའང་ལྟ་ཕྱོགས་དང་མཐོང་ཕྱོགས་ངན་པའི་བག་ཆགས་ཅི་ཡང་མངོན་མི་ སྲིད་མོད། ཡིན་ན་ཡང་ང་ཚོས་མྱ་ངན་གུས་འདུད་ཞུ་དུས་ཞུ་ཡུལ་གྱི་གང་ཟག་དེ་ལ་རྒྱུས་ལོན་ཟབ་ མོ་རེ་གནང་སྟེ་ངན་པ་ཡིན་ན་ངན་པ་དང་། བཟང་པོ་ཡིན་ན་བཟང་ངོ་སྟོན་པའི་རྣམ་འགྱུར་གྱི་ས་མཚམས་ཤིག་ངེས་པར་དུ་དགོས་བར་ འདོད་དོ།།
(5) ནང་མ་ཕྱི་བྱས་ཏེ་གོར་ཁའི་དམག་དཔུང་བོད་དུ་ཁྲིད་ཡོང་བའི་རྐྱེན་གྱིས་ཞྭ་དམར་ པའི་ཡང་སྲིད་ངོས་འཛིན་མི་ཆོག་པར་བཟོས་པ་ཡོངས་གྲགས་ཡིན་ཀྱང་། འདི་ལ་༸རྒྱལ་བ་རིན་པོ་ཆེས་ཀྱང་ཞྭ་དམར་པའི་ཡང་སྲིད་དུ་ངོས་འཛིན་མཛད་ཚུལ་ བཀོད་འདུག་པ་བདེན་པ་ཨེ་ཡིན་སྙམ། རྒྱུས་ཡོད་ཚོས་གསལ་བཤད་ཅིག་གནང་རོགས་ཞུ། གང་ལྟར་ཡང་ཞྭ་དམར་པའི་སྐུ་སྐྱེར་གཏོགས་པ་འདིས་ཀྱང་རྙོག་དྲ་བཟོས་ཡོད་པས། ཚེ་འདས་འདིའི་ཆེད་དུ་མ་ཎི་ཙམ་ཡང་འདོན་འདོད་མ་བྱུང་།
(6) ཟ་ཁང་ཞིག་ཏུ་བཀའ་བརྒྱུད་ཚང་གི་གྲྭ་པ་གྲོགས་པོ་ཞིག་དང་ཐུག་པར་ཁོང་གིས། ཞྭ་དམར་ཁ་སང་དགོངས་པ་རྫོགས་འདུག་ཟེར། སྔར་ཡིན་ན་རྒྱལ་བ་ཞྭ་དམར་ནག་གཉིས་ཞེས་པ་བོད་གངས་ཅན་ཀྱི་ལྗོངས་སུ་ཉི་ཟླ་ལྟར་ གྲགས་པ་ཞིག་རེད། ཕྱིས་སུ་ཞྭ་དམར་དང་སི་ཏུ་གཉིས་ཀྱིས་གོ་ཐོབ་ལ་འགྲན་རྩོད་བྱས་ཏེ་ཀམ་ཚང་ནང་དུ་ འཁྲུག་པ་ཤོར་ཏེ་ཚོགས་པ་མང་དུ་བཟོས། ཀརྨ་པ་ཡང་གཉིས་སུ་ཆགས་ཏེ་མི་འབོར་མང་པོའི་མགོ་བོ་རྨོངས་སུ་བཅུག ཞྭ་དམར་དགོངས་པ་རྫོགས་ཏེ། སི་ཏུ་པའི་རེ་བ་བཞིན་དང་། ཁེ་ཕན་གཅིག་ཁོ་ན་ཐོབ་པ་ནི། ཞྭ་དམར་གྱི་གོ་ཐོབ་ཁོང་ལ་རགས་རྒྱུ་དེ་རེད། རྒྱལ་ཚབས་པ་ནི་ཁོང་གི་འོག་ཏུ་མར་འཐེན་ནས་ལོ་མང་པོ་སོང་ཟིན། ད་ནི་ཁོང་གི་གོང་ལ་བླ་མ་མེད་པས་ཞྭ་དམར་གྱི་གོ་མིང་དེ་ཁོང་ལ་ཐོབ་རྒྱུ་ཉག་ གཅིག་རེད་ཟེར། ད་དུང་གཞི་ནས་རྙོག་གཞི་ཡོང་རྒྱུ་ནི། ཡང་སྲིད་ངོས་འཛིན་སྐོར་རེད་ཟེར་ཏེ་སེམས་ཕམ་པའི་སྐད་ཆ་མང་པོ་ཞིག་བཤད་ཀྱིན་ འདུག ཀམ་ཚང་བཀའ་བརྒྱུད་ནི་ད་དུང་རྙོག་གཞི་མང་པོ་ཡོད་ཚོད་འདུག
(7) ཞྭ་དམར་པ་གཉིས་ཀྱིས་མི་ཚད། རྡ་ས་ལ་གཅིག། ལྡི་ལི་ལ་གཅིག། བལ་ཡུལ་ལ་གཅིག་བཅས་གསུམ་ཡོད།
(8) ཞྭ་དམར་རིན་པོ་ཆེ་ཞིང་ལ་ཕེབས་པ་དེར་བློ་ཕམ་ཆེན་པོ་བྱུང་། ངའི་རེ་བར་དམ་པ་དེ་བཞུགས་དུས་ཀརྨ་པའི་ཡང་སྲིད་སྐོར་ལ་ནང་གྲོས་ཅིག་བྱུང་ན་ བསམ་བྱུང་། དེར་བརྟེན། ཉིན་ལྟར། བསྟན་པའི་དཔལ་འགྱུར་བླ་མའི་སྐུ་ཚེ་བརྟན། བསྟན་འཛིན་སྐྱེ་བུས་ས་སྟེང་ཡོང་ལ་ཁྱབས་ཅེས་ཁ་འདོན་བྱེད་དུས་ཞྭ་དམར་རིན་པོ་ ཆེ་ཡིད་ལ་བསམ་པ་ཉུང་ཉུང་མིན། ད་འགྲིགས་མ་སོང་། ཞྭ་དམར་རིན་པོ་ཆེ་གཉིས་ཡོང་རྒྱུ་གཏན་འཁེལ་རེད། ཀརྨ་པ་རེ་རེས་ཡང་སྲིད་རེ་རེ་ཁྲི་འདོན་གནང་གི་རེད། ད་གང་བྱེད་དགོས་སམ།

དཔལ་རྒྱལ་བ་ཀརྨ་ཞྭ་དམར་མི་ཕམ་ཆོས་ཀྱི་བློ་གྲོས་རིན་པོ་ཆེ་མཆོག་གློ་བུར་དགོངས་པ་རྫོགས་པར་སྐྱོ་གདུང་དྲག་པོ་བྱུང་སོང་།
ཞྭ་དམར་རིན་པོ་ཆེ་མཆོག་གིས་ཀརྨ་པ་མཐའ་ཡས་རྡོ་རྗེ་ཀརྨ་པ་སྐུ་ཕྲེང་བཅུ་བདུན་པར་ངོས་འཛིན་མཛད་དེ། ད་བར་ཀརྨ་པ་བཅུ་དྲུག་པ་ཆེན་པོའི་རྣམ་ཐར་གྱིས་གཙོས་དབྱིན་བོད་གཉིས་ཐོག་ཕྱག་དེབ་འགའ་བརྩམས་གནང་བ་དང་། དེ་བཞིན་ཀརྨ་པ་འཕྲིན་ལས་མཐའ་ཡས་རྡོ་རྗེའི་དབུ་ཁྲིད་འོག་ཡོད་པའི་ཀརྨ་བཀའ་བརྒྱུད་པའི་ཆོས་ཚོགས་༩༠༠་ལྷག་ཆོས་ཀྱི་སློབ་དཔོན་མཛད་གནང་ཡོད་པ་རེད།