ས་གནས་བརྒྱད་ཀྱི་རྒྱུན་ལས་ཕྱིར་འཕུད།

བོད་ཀྱི་གཞོན་ནུ་ལྷན་ཚོགས་ཀྱི་འགན་འཛིན་ལྷན་ཚོགས་ཐེངས་ཞེ་ལྔ་པ་འདི་ནས། ད་ནས་བཟུང་ས་གནས་ཁག་བརྒྱད་ཀྱི་ཆེད་དུ་རང་བཙན་རྩོད་བགྱིད་མིན་ལབ་པ་དང་གཅིག་མཚུངས་སུ་མི་མཐོང་ངམ། ལགས།

ད་རེས་དབུས་གཞོན་ནུའི་གནང་སྟངས་དེ་འགྲིག་འདུག་དྲན། ས་གནས་ཁག་བརྒྱད་ཀྱི་འཐུས་མི་དེ་ཚོ་ཨ་ཡོད་ནང་གི་ད་ཡོད་ཡིན་རྒྱུ་རེད། ཡིན་ནའང་དབུས་ཀྱི་སྒྲིག་གཞི་དང་བཀའ་ཁྱབ་ལ་དང་ལེན་མེད་ཐོག ལས་རྟགས་དང་མིང་བྱང་སོགས་རང་སྣང་གང་དསྲན་གསར་བཟོ་བྱས་པ་ནི་ཆེས་འགྲོ་སྟངས་མེད་པ་དང་མགོ་འོག་ལུས་ཚུད་མེད་པའི་བྱ་སྤྱོད་ཅིག་རེད། མགོ་ཡི་རྗེས་སུ་རྔ་མ་འགྲོ་དགོས་པ་ལས་རྔ་མའི་རྗེས་སུ་མགོ་འགྲོ་སྲོལ་ཞིག་གང་ན་ཡོད།
སྤྱིར་རང་ཉིད་ཀྱིས་རང་བཙན་དང་རང་སྐྱོང་ཅི་ཞིག་རྩོད་ཀྱང་སྒྲིག་འཛུག་ཅིག་གི་འོག་ཏུ་གནས་ཚེ་སྒྲིག་འཛུག་དེའི་ལྟ་བའི་ལང་ཕྱོགས་ལ་རྒྱབ་བསྐྱོར་དགོས་པ་ནི་རང་ཉིད་ཚོགས་པ་དེའི་འཐུས་མི་ཡིན་པས་རེད། དཔེར་ན་གངས་སྐྱིད་ཁུལ་གྱི་གཞུང་འབྲེལ་གྱི་ཚོགས་སྡེ་གང་མང་ནང་རང་བཙན་གྱི་ལྟ་སྒྲུབ་འདོད་མཁན་མཐོ་ཁྲིམས་བཟོ་ལྷན་ཚོགས་ནས་དམའ་གད་པ་ཡན་ཆད་ནང་དུ་ག་ཚད་ཡོད་པ་ང་ཚོས་ཤེས་ཤེས་པ་རེད། འོན་ཀྱང་ཁོང་ཚོས་ཚོགས་པ་དང་སྒྲིག་འཛུག་དེའི་ལས་དོན་སྐབས་སུ་རང་སྐྱོང་དང་དབུ་མའི་ལམ་སོགས་ལ་རྒྱབ་བསྐྱོར་དང་ཕྱག་ལས་གནང་བཞིན་པ་ནི་ཚོགས་པ་དེའི་སྒྲིག་གཞིར་བརྩི་མཐོང་དང་རང་ཉིད་དེའི་འཐུས་མི་ཞིག་ཡིན་པའི་འགན་ཁུར་བ་ཡིན་སྟབས་ཡིད་རངས་ཞུ་དགོས་པ་ལྟ་བུ་རེད་དོ།།

ཚང་མས་ཚོར་བའི་ཐོག་ནས་སྐད་ཆ་མ་བཤད་རོགས། གནས་ལུགས་ཀྱི་ཐོག་ནས་སྐད་ཆ་ཤོད། ས་གནས་གཞོན་ནུ་བརྒྱད་ལོགས་སུ་འཐོན་པ་དེ་འགྲིག་ཡོད་མེད་གནས་སྐབས་རིང་བཞག་རོགས། ད་རེས་འགན་འཛིན་ལྷན་ཚོགས་ཐོག་ས་གནས་བརྒྱད་ཀྱི་རྒྱུན་ལས་རྣམས་གཞོན་ནུའི་ཚོགས་ཁོངས་ནས་ཕུར་འཕུད་བཏང་བ་དེ་འགྲིག་གི་ཡོད་པ་མ་རེད། སྤྱིར་བཏང་གནད་དོན་འདི་ཐོག་མ་གཞོན་ནུས་ཛ་དྲག་གི་དམིགས་བསལ་ཚོགས་ཆེན་ཚོགས་ཏེ་འདི་ལྟར་ཐག་གིས་བཅད་པ་ཡིན་ན་ངོས་ལེན་བྱེད་ཐུབ་པ་ཞིག་རེད། དེ་མ་གཏོགས་འགན་འཛིན་ལྷན་ཚོགས་ཙམ་ཞིག་གི་ཐོག་ནས་འདི་ལྟ་བུའི་གནས་ཚུལ་ཆེན་པོ་ཞིག་བརྒྱ་ཁ་གཅིག་གཅོད་བྱས་པ་དེ་རྩ་བ་ནས་ངོས་ལེན་བྱེད་ཐུབ་པ་ཞིག་མ་རེད། གནས་ཚུལ་འདི་གསར་པ་བྱུང་བ་ཞིག་མ་རེད་ལོ་གཅིག་ལྷག་གི་གོང་ནས་བྱུང་བ་ཞིག་རེད། ས་གནས་བརྒྱད་ཀྱི་གཞོན་ནུའི་རྒྱུན་ལས་དེ་དག་ས་གནས་རང་གི་ཨ་ཡོད་ནང་གི་ད་ཡོད་རྣམས་རེད།
ང་རང་གི་ལྟ་ཚུལ་བྱས་ན། ས་གནས་བརྒྱད་དེ་ཀས་ལངས་ཕྱོགས་དབུ་མའི་ལམ་ཡིན་པའི་གཞོན་ནུའི་ལྷན་ཚོགས་ཤིག་ལོགས་སུ་བཙུགས་ན་མ་གཏོགས་ལམ་ཁ་གཞན་ཡོད་པ་མ་རེད་བསམ་གྱི་འདུག ང་ཚོས་གཞི་རིམ་གྱི་བསམ་བློ་བཏང་བ་ཡིན་ན་གཞོན་ནུའི་ཚོགས་མིའི་ནང་དབུ་མའི་ལམ་ལ་ཡིད་ཆེས་དང་དགའ་མོས་ཡོད་མཁན་ས་གནས་བརྒྱད་ཙམ་མ་རེད་བསམ་གྱི་འདུག གཞིས་ཆགས་ཁག་དང་ས་གནས་ཁག་ནང་བོད་ཀྱི་གཞོན་ནུ་ལྷན་ཚོགས་ཀྱི་ཚོགས་མིའི་ཁོངས་སུ་ཡོད་པའི་སྤོ་སྤོ་རྨོ་རྨོ་མང་པོ་ཞིག་ཡོད་པ་རེད། ཁོང་ཚོ་མང་ཆེ་བ་ད་ལྟ་དབུ་མའི་ལམ་ལ་རྒྱབ་སྐྱོར་བྱེད་མཁན་ཆགས་བསྡད་ཡོད་པ་རེད། དེ་བཞིན་རྒྱ་གར་མཐོ་སློབ་ཁག་ཏུའང་སྔོན་ཆད་གཞོན་ནུའི་རུ་ཁག་དང་བོད་རང་དབང་སློབ་ཕྲུག་ཚོགས་པ་སོགས་ཀྱི་གནོན་ཤུགས་འོག་ལྟ་བ་རང་བཙན་ཡིན་མདོག་མདོག་ཤོད་ཀྱི་ཡོད་པ་ལས། རྗེས་སུ་སྤྱི་ཚོགས་ཐོག་ལས་ཀ་བྱེད་པ་དང་རང་རང་གི་རྐང་པའི་སྒང་ལ་ལངས་སྐབས་དབུ་མའི་ལམ་ལ་རྒྱབ་སྐྱོར་བྱེད་ཀྱི་ཡོད་པ་མང་པོ་འདུག དཔེ་མཚོན་ཙམ་ཞུས་ན་ད་ལྟ་གངས་ཅན་སྐྱིད་གཞུང་ལ་ཕྱག་ལས་གནང་གི་ཡོད་པ་བརྒྱ་ཆ་བརྒྱད་ཅུ་ནས་དགུ་བཅུ་སྔོན་མ་གཞོན་ནུའི་ཚོགས་མི་རེད། ད་ལྟ་ཁོ་རང་ཚོའི་ལྟ་བ་ལངས་ཕྱོགས་དབུ་མའི་ལམ་ལ་ཤར་སྐྱོད་བྱེད་ཀྱི་ཡོད་པ་རེད། དེ་གཞུང་གི་སྲིད་བྱུས་ཡིན་པ་ཙམ་དང་སྒྲིག་གཞིའི་བཅུན་པ་ཙམ་མ་རེད་ཁོ་རང་ཚོ་དངོས་སུ་དབུ་མའི་ལམ་ལ་ཡིད་ཆེས་བརྒྱབ་སྐྱོད་བྱེད་ཀྱི་ཡོད་པ་དེ་འདྲ་རེད།

འདས་ལོ་གཞོན་ལྷན་ཚོགས་ཆེན་སྐབས་ས་གནས་ཁག་བརྒྱད་ཀྱིས་མང་གཙོའི་ལམ་སྲོལ་དང་མཐུན་པར་གྲོས་ར་ནས་ཕྱིར་འབུད་བྱས་པ་འགྲིག་གི་ཡོད་པ་རེད། མ་འགྲིག་པ་ཅིག་མ་རེད། ཡིན་ཡང་། མུ་མཐུད་གཞོན་ནུའི་ལས་དོན་ཐད་གུ་བཤང་ཕྱི་བཤོལ་མེད་པར་སྒྲིག་གཞི་བཟོ་བཅོས་དང་། ངོ་སྤྲོད་ལག་འཁྱེར་གསར་བཟོ་སོགས་བྱས་པ་ནི་སྤྱིར་ན་ཚོགས་པར་རྩིས་མེད་དང་སྒོས་སུ་དབུས་རྒྱུན་གྱི་དབང་ཚད་ལ་ཡ་མེད་བྱས་པ་རེད། སོང་ཙང་བྱ་སྤྱོད་ཡག་པོ་མི་འདུག

ཐེངས་འདིར་ས་གནས་ཁག་བརྒྱད་ཀྱི་རྒྱུན་ལས་རྣམས་ཕྱིར་འཕུད་བྱས་འདུག་་བྱས་ཟིན་པའི་རྗེས་ལ་ས་གནས་ཁག་བརྒྱད་ནས་གཞོན་ལྷན་ས་རྒྱུན་གསར་འདེབས་བྱེད་ཀྱི་རེད་དམ་མ་རེད། ས་རྒྱུན་རྙིང་པ་ཚོའི་ས་ནས་གཞོན་ལྷན་གྱི་ས་ཁང་དང་ཡིག་ཆའི་རིགས་ཇི་ལྟར་རྩིས་ལེན་བྱེད་ཀྱི་ཡོད་པ་རེད། ཁོ་ཚོས་ཟུར་དུ་ཚོགས་པ་འཛུགས་ཐུབ་པ་ལ་འདི་དག་རྩིས་མི་སྤྲོད་པའི་གནས་སྟངས་ཡོད་སྲིད་པ་ཡིན་པས་ལྟད་མོ་ད་དུང་རྗེས་ན་འདུག

ཐེངས་འདིའི་བོད་ཀྱི་གཞོན་ནུའི་ལྷན་ཚོགས་ཀྱི་ཐག་གཅོད་དེར་རྒྱབ་སྐྱོར་གཙང་མ་ཡོད། རང་བཙན་རྩོད་ནས་འཐོབ་མིན་ལ་མ་བལྟོས་པར། དེ་སྔོན་ས་གནས་བརྒྱད་ཀྱི་གཞོན་ནུས་བྱེད་སྟངས་དེ་མཐོང་དོད་པོ་ཞིག་རྩ་བ་ནས་མི་འདུག མི་གང་ཟག་སྒེར་པ་དབུ་མའི་ལམ་ལ་འགྲོ་བསམས་ན་རང་དབང་རེད་དགའ་བསུ་ཡོད། མ་ཚད་དབུས་ཚོགས་ཆེན་སྐབས་མང་མོས་ཐོག་དུས་ཚོད་ངེས་ཅན་ཞིག་གི་བར་དབུ་མའི་ལམ་ལ་བསྐྱོད་རྒྱུ་ཐག་གཅོད་བྱུང་ཚེ་དེར་ཡང་མོས་མཐུན་ཡོད།
མ་གཏོགས་ངན་ཤུགས་འཐེན་པ་དང་། དཔུང་གྲལ་སྒྲིག་ནས་ཅིག་བྱ་རྒྱུ་ཡོད་མདོག་མདོག མི་མང་གི་མདུན་ནས་ལྷག་བསམ་ཡོད་མདོག དམ་ཚིག་གཙང་མདོག སྐབས་འཚོལ་རིང་ལུགས་ཀྱི་བྱེད་སྟངས་དེ་ཡག་པོ་མ་རེད།

གཉིས་ནས་ཚོགས་ཆེན་ཐོག་མང་ཉུང་མོས་མཐུན་ལ་མ་བརྩི་བ་དང་། དབུས་ནས་ཆོག་མཆན་མེད་པར་སྒྲིག་གཞི་བཟོ་བཅོས་བྱས་པ། དབུས་དང་མང་མོས་ཀྱི་སྒྲིག་འཛུགས་དང་ལོགས་སུ་གྱེར་བ་གང་ཞིག ད་དུང་གཞོན་ནུའི་མིང་བྱང་དེ་བེད་སྤྱོད་བྱས་པ་ནི་ཁྲིམས་འགལ་རེད། ཡ་རབས་བཟང་སྤྱོད་དང་ཡོངས་སུ་འགལ་བ་རེད།

མི་བུ་སོ་སོས་བསམ་བློ་བཏང་ནས་ཐག་གཅོད་བྱེད་དགོས་པ་དང་། ལམ་དང་ལུགས་སྲོལ་དང་མཐུན་པ་ཞིག་བྱེད་དགོས་པ་ལས། རྒྱབ་ནས་ཆེན་པོ་ཆེན་པོ་ཞིག་འཁྱེར་ཡོང་ན་དེ་ཡང་དག་པ་ཞིག་མ་རེད།

ཐེངས་འདིར་ངས་རང་བཙན་རྩོད་དགོས་པ་དང་དབུ་མ་སྤོངས་དགོས་པ་སྒྲུབ་བཞིན་མེད། གང་ཞིག་ལ་རེ་བ་ཡོད་མེད་ལ་མ་བལྟོས་པར་འགྲོ་སྟངས་དང་མཐུན་པ་ཞིག་བྱེད་དགོས་པ་ནི་གལ་ཆེན་རེད།

ལྷག་རྡོར་ཟེར་བས་”རྒྱུན་ལས་དེ་དག་དམངས་གཙོའི་ལམ་སྲོལ་ལྟར་ས་གནས་ཚོགས་མིའི་ཁྲོད་ནས་དྲག་འདེམས་བྱས་པ་རེད་མ་གཏོགས། ཁོ་རང་ཚོས་དང་བླངས་བྱས་ཏེ་སླེབས་པ་མ་རེད།” ཟེར། དམངས་གཙོའི་ལམ་སྲོལ་ལྟར་ས་གནས་ནས་དྲག་འདེམས་བྱས་ཀྱང་། དབུས་ཚོགས་ཆེན་ནང་མང་མོས་ཐག་གཅོད་ལ་བརྩི་སྲུང་དགོས་མ་པ་རེད་པེ།

ཐེངས་འདིའི་གཞོན་ནུའི་ཐག་གཅོད་ལ་བསྔགས་བརྗོད་ཡོད།

བོད་གཞོན་ནུ་ལྷན་ཚོགས་ཀྱི་འགན་འཛིན་ལྷན་ཚོགས་སྟེང་དུ་ཐག་གཅོད་ཡག་པོ་གནང་འདུག འགན་འཛིན་པ་ཚོར་ཐུགས་རྗེ་ཆེ་གྲངས་མེད་ཡོད། གཞོན་ལྷན་གྱི་སྒྲིག་ཁྲིམས་དང་འགལ་མི་སྐབས་འཚོལ་བ། སྦེལ་ཀོབ་བྱ་ཉལ་ལྷ་སྐྱབས་ཚེ་རིང་དང་། ཀོ་ལི་གྷལ་གྱི་ཅུང་ཅུང་ལ་སོགས་པའི་མི་དེ་ཚོའི་འཁྲབ་མཚན་ག་རེ་འཁྲབ་ཀྱི་ཡོད་མེད་མི་ཚང་མས་གསལ་པོ་ཤེས་གསལ་རེད། ད་རེས་རླབས་ཆེན་ཚོགས་པའི་དཔའ་རྟགས་ངོམས་འདུག སྐབས་འཚོལ་པ་དེ་ཚོས་གང་ཡང་བྱ་ཐུབ་ཀྱི་མ་རེད།

གཞོན་ནུ་གསར་པའམ། གཞོན་ལྷན་དབུས་ལམ་ལྟ་བར་བཟུང་བའི་གཞོན་ལྷན་གཉིས་པ་ཞིག་བཙུག་རན་པའི་དུས་ལ་བབ་མི་འདུག ལགས།

བོད་ཀྱི་གཞོན་ནུ་ལྷན་ཚོགས་ཀྱིས་ད་རེས་ནང་འཁྲུགས་འདི་ཞི་འཇགས་གནང་ནས་རང་ཚུགས་བརྟན་པོ་བཟུང་བ། དངོས་དོན་གྱི་ཉམས་མྱོང་ཆབ་སྲིད་མཁས་པ་བཀའ་ཁྲི་ཟུར་བ་རྒྱལ་ལོ་དོན་གྲུབ་མཆོག་སྐུ་མགྲོན་དུ་གདན་འདྲེན་པ་སོགས་ནི་གཞོན་ནུའི་རྒྱལ་ཁ་ཞིག་རྩིས་ཆོག ལྷག་པར་ས་གནས་བརྒྱད་དེ་ཚོ་དང་མཉམ་དུ་ལྟ་བ་གསལ་བཏོན་བྱས་པར་དགའ་བསུ་ཞུས་ཆོག