བོད་སྤྱི་ཚོགས་ལ་ཞབས་ཞུ་བསྒྲུབ་འདོད་ཡོད་རིགས་ཚོ་འདིར་ཤོག

།ངས་དྭང་བླངས་ལས་ཀ་བྱེད་མཁན་ཡོད་པ་གོ་མྱོང་།ཧ་ཅང་ཡིད་སྨོན་ཡང་སྐྱེ་མྱོང་།ད་བྱེད་དུས་གླ་ཆ་ལན་གྱི་འདུག་པ། དེ་དྭང་བླངས་ཤིག་རེད་པས།གླ་ཆ་སྤྲོད་རྒྱུ་ཡོད་ན་ང་ཚོའི་སྤྱི་ཚོགས་ནང་ན་གཞོན་ལས་མེད་མང་བོ་ཡོད་པ །ཁོང་ཚོ་ལ་གོ་སྐབས་ཕུལ་དང་ག་འདྲའི་ཡག་པོ་ཡོད་རེད།

དང་བླངས་ཞབས་ཞུ་བ་ཟེར་བ་དེས་བོད་མིའི་སྒྲིག་འཛུགས་ལ་ཕན་ག་ཚོད་ཐོགས་ཀྱི་ཡོད་མེད་མི་ཤེས་ཏེ། སྒེར་སོ་སོར་ཁེ་ཕན་མང་པོ་རག་གི་ཡོད་བཟོ་འདུག དང་བླངས་ཞབས་ཞུ་བར་ཟླ་ཕོགས་སྤྲད་བཞིན་ཡོད་འདུག་ཀྱང་། ད་དུང་དང་བླངས་ཞེས་བརྗོད་པ་ནི་གསར་གཏོད་རང་ཡིན་པ་འདྲ། གཞན་སྤྱི་བསོད་ནམས་ཚེ་རིང་ཟེར་བ་དེ་དཔལ་འབྱོར་རིག་པའི་ཐོག་མཁས་པ་ཡིན་རབས་ཀྱིས་སྔོན་མ་གྲོས་ཚོགས་ཤིག་ནང་སྟོང་རྩིས་བཟོ་དགོས་པའི་གྲོས་འཆར་ཞིག་བཏོན་ནས་སྒོར་ ༡ ནས་ ༩༩༩ མན་ཆད་གཏོང་ས་མེད་པ་བཟོས་ཏེ་ཨང་གྲངས་ ༡ བྲིས་ཡོད་ན་ཆིག་སྟོང་ཡིན་དགོས་ཞེས་པའི་གྲོས་ཆོད་བཞག་པ་རེད། དེ་རྗེས་རྩིས་རྙོག་དང་མགོ་རྙོག་ལུང་པ་གང་ཆགས་ཏེ་གྲོས་ཚོགས་རྗེས་མ་ཞིག་ལ་མེད་པ་བཟོ་དགོས་ཆགས་པ་རེད། ད་ཡང་དཔལ་འབྱོར་ལས་ཁུངས་ནས་རྩིས་རྙོག་ག་འདྲ་ཞིག་བཟོ་རྩིས་ཡོད་ན་བསམ་པའི་བློ་འཚབ་དང་། མ་གཞི་ཁོ་རང་གིས་དང་བླངས་ཞབས་ཞུ་ཡིན་ཁུལ་ལས་དོན་དངོས་མ་འོངས་པར་དཔལ་འབྱོར་བཀའ་ཐོབ་རེ་ལ་དམིགས་ཏེ་ཉམས་མྱོང་གསོག་ཏུ་སླེབས་ཡིན་རྒྱུ་རེད། བློ་སེང་ཡང་བསྐྱར་སྲིད་སྐྱོང་ཐོབ་ཚེ་ཁོ་དཔལ་བཀའ་ལ་བསྐོས་དགོས་སྐོར་ཟམ་གདོང་བླ་མས་ཀྱང་རྒྱབ་རྩ་བྱས་ཡོད་རྒྱུ་རེད་སྙམ།

སྔགས་བརྗོད་གཅིག་དང་། དོགས་འདྲི་གཅིག བསམ་ཚུལ་གཅིག་བཅས་ཞུ་རྒྱུ་ཡོད།
༼སྔགས་བརྗོད།༽ ལས་གཞི་འདི་ཧ་ཅང་ཡག་པོར་མཐོང་སོང་། འདི་བཀའ་ཤག་སྐབས་བཅུ་བཞི་པའི་གསར་གཏོད་གང་ཡང་མ་རེད་སྔོན་མ་ནས་བཙན་བྱོལ་བོད་གཞུང་གི་ལས་ཁུངས་ཁག་ནང་དང་བླངས་ཕྱག་ལས་གནང་རྒྱུའི་ལམ་སྲོལ་ཞིག་ཡོད་པ་རེད། དྲིལ་བསྒྲགས་ལས་ཁུངས་དང་སྤྱི་འཐུས་ཚོགས་དྲུང་ལས་ཁུངས། དེ་བཞིན་ཆོས་རིག་དང་འཕྲོད་བསྟེན། ཤེས་རིག་ལས་ཁུངས་སོགས་སུ་ཧ་ལམ་དང་བླངས་ལས་ཀ་བྱེད་མཁན་བརྒྱ་ཁ་ལོང་པ་བཞིག་གིས་ཕྱག་ལས་གནང་ཡོད་པ་རེད། ལྷག་པར་དུ་དྲིལ་བསྒྲགས་ཁོར་ཡུག་ཚན་པ་དང་། བོད་གཞུང་གློག་ཀླད་སྡེ་ཚན་སོགས་སུ་མཁས་མྱོང་ལྷག་བསམ་ཧ་ཅང་ཆེན་པོ་ཅན་མང་དག་ཅིག་གིས་ཞབས་ཞུ་ཞུས་ཚར་བ་རེད། དེ་དག་ཀྱང་ང་ཚོས་མ་བརྗེད་པ་གནང་དགོས་པ་རེད། ཡིན་ནའང་ད་ལྟའི་ལས་གཞི་འདི་ལྟར་དམིགས་སུ་བཀར་ནས་དང་བླངས་ལས་གཞིའི་ལས་ཁུངས་དང་འཆར་བསྒྲིགས་ཏེ་ལས་ཀ་བྱས་པ་དེ་འདྲ་ཡོད་པ་མ་རེད། གང་ལྟར་ལས་གཞི་འདི་ཡག་པོ་འདུག་ཞུ་རྒྱུ་ཡིན་ལ། ད་དུང་ལས་གཞི་འདི་རྒྱ་ཆེ་རུ་གཏོང་རྒྱུ་གལ་ཆེན་པོ་རེད་བསམ་གྱི་འདུག
༼དོགས་འདྲི།༽ གོང་དུ་གསར་འགོད་པ་དོན་གྲུབ་ལགས་ཀྱིས་བོད་གཞུང་གི་ལས་གཞི་འདི་བརྒྱུད་དེ་དང་བླངས་སྤྱི་ཚོགས་ཞབས་ཞུ་བསྒྲུབ་འདོད་ཡོད་རིགས་ཚོར་བཙན་བྱོལ་སྤྱི་ཚོགས་ནང་གི་གཞུང་འབྲེལ་མ་ཡིན་པའི་ཚོགས་སྡེ་ཁག་ནང་གོ་སྐབས་སྐྲུན་གྱི་ཡོད་མེད་དྲིས་པ་དེར་ལན་ཁ་གསལ་ཞིག་མི་འདུག རྡ་ཤོད་སློབ་གྲྭ་དང་སྦིར་སྨན་ཁང་སོགས་ན་ཧ་ལམ་བཙན་བྱོལ་བོད་གཞུང་གི་འོག་རེད་ལབ་ཆོག་པ་ཞིག་རེད། དེ་མ་ཡིན་པའི་གཞུང་འབྲེལ་མ་ཡིན་པའི་ཚོགས་པ་དཔེར་ན་གཞོན་ནུ་ལྷན་ཚོགས་དང་བུད་མེད་ལྷན་ཚོགས། བོད་ཀྱི་དཔེ་མཛོད་ཁང་དང་སྨན་རྩིས་ཁང་། དེ་བཞིན་ནོར་གླིང་། རྡ་རམ་ས་ལའི་གསར་འགྱུར་ལས་ཁུངས་ཁག་སོགས་ལ་གལ་སྲིད་མི་དགོས་མཁོ་བྱུང་ན་ལས་འཆར་འདིའི་འོག་ནས་དེ་དག་ལ་མཐུན་རྐྱེན་སྐྲུན་གྱི་ཡོད་མེད་དེ་ལ་ལན་རྒྱག་དགོས་པ་རེད། གལ་སྲིད་དེ་དག་ལ་མཐུན་རྐྱེན་སྐྲུན་གྱི་མེད་པ་ཡིན་ན་ང་རང་གིས་ངེས་པར་དུ་བསྐྲུན་དགོས་པ་རེད་བསམ་གྱི་འདུག གང་ཡིན་ཟེར་ན་མཁས་དབང་བློ་བཟང་སེང་གེ་མཆོག་ཐོག་མ་བཀའ་བློན་ཁྲི་པའི་འོས་མིར་བཞེངས་སྐབས་ནས་ལས་གཞི་འདི་ཁོང་རང་གིས་ཁྱབ་བསྒྲགས་གནང་བ་རེད། སྐབས་དེ་དུས་གཞུང་དང་གཞུང་འབྲེལ་མིན་པའི་ཚོགས་སྡེ་ཡོངས་ལ་དང་བླངས་ཞབས་ཞུ་གནང་ཐུབ་པ་ཞིག་དང་ཕན་ཐོགས་ཡོད་པ་ཞིག་བསྒྲུབ་རྒྱུ་ཡིན་ཞཻས་ཁས་ལེན་གནང་ཡོད་པ་རེད། དེར་མ་ཟད་ལས་གཞི་འདི་ཐོག་མ་མགོ་འཛུགས་སྐབས་ཀྱང་གཞུང་འབྲེལ་མ་ཡིན་པའི་ཚོགས་སྡེ་ཁག་ལའང་ལས་གཞི་འདིའི་ནང་ཆ་ཤས་བླངས་ཆོག་སྐོར་གསུངས་ཡོད། དེ་ཙམ་མ་རེད་སྤྱིར་བཏང་གི་འགྲོ་སྟངས་ཀྱི་ཆ་ནས་ཀྱང་བཀའ་ཤག་དང་སྤྱི་འཐུས་ཀྱི་ཚོགས་འདུ་ཁག་དང་། དེ་མིན་དམིགས་བསལ་ཚོགས་ཆེན་སོགས་གང་ཞིག་ཡིན་ཡང་ལས་དོན་དབྱེ་བསྲེས་བྱས་ཏེ་གཞུང་འབྲེལ་མ་ཡིན་པའི་ཚོགས་སྡེ་ཁག་ལའང་ལས་ཀ་བསྒོ་བཤའ་རྒྱག་གི་ཡོད་པ་མ་ཟད། ནམ་རྒྱུན་བོད་གཞུང་ལ་ལས་ཞིག་ཡོད་པའི་སྐབས་ལ་གཞུང་འབྲེལ་མ་ཡིན་པའི་ཚོགས་སྡེ་ཁག་ལ་སྐུལ་མ་གཏོང་གི་ཡོད་པ་རེད། སོང་ཙང་འདི་འདྲའི་སྐབས་ལ་གཞུང་གིས་གཞུང་འབྲེལ་མིན་པའི་ཚོགས་སྡེ་ཁག་ལ་མཐུན་སྦྱོར་གནང་དགོས་པ་གལ་ཆེན་པོ་ཡིན་པ་མ་ཟད་ལས་འགན་ཞིག་ཀྱང་ཆགས་ཡོད་པ་རེད་བསམ་གྱི་འདུག
༼བསམ་ཚུལ།༽སྒང་དུ་དང་བླངས་ཞབས་ཞུ་བའི་ནང་དུ་མི་མང་པོ་ཞིག་ཡོད་རབས་གསུང་འདུག དེ་དག་སུ་དང་གང་ཡིན་པ་དང་ཁོང་ཅག་གི་གནས་ཚད་དང་ཉམས་མྱོང་གང་འདྲ་ཡིན་པ་སོགས་གསུངས་མི་འདུག གལ་སྲིད་གསང་མྱུལ་བ་ཞིག་གིས་བཙན་བྱོལ་བོད་གཞུང་ལ་རྒྱུས་ལོན་བྱེད་ཆེད་དང་ཞབས་པའི་ཁོངས་སུ་ཞུགས་ཏེ་ལས་ཀ་བྱེད་པའི་ཐབས་ཤེས་བྱས་ན། དེ་ལ་གོ་སྐབས་རེག་གི་རེད་དམ། གཞུང་གིས་དེ་རིགས་ལ་ཞིབ་འཇུག་ཇི་ལྟར་གནང་གི་ཡོད་དམ། ཡང་རྡ་རམ་ས་ལ་དང་ལྡི་ལི་སོགས་སུ་ལས་མེད་དུ་ལྷག་ཡོད་མཁན་ཕྱག་འཁྱེར་བདེན་རྫུན་གང་རུང་ཡོད་མཁན་ཞིག་གིས་ལས་འཆར་འདིའི་སྡེ་ཚན་དང་པོ་དང་གཉིས་པའི་ཁོངས་སུ་འཛུལ་ཏེ་བཞུགས་གནས་ཡོད་པའི་ཐོག་ལ་ཟླ་བ་ལ་ཧིན་སྒོར་ ༦༥༠༠ ནས་ ༧༥༠༠ བར་ཟོས་བསྡད་ན་དེ་ལ་ལམ་ཁ་རེག་གི་རེད་དམ། གནས་ཚུལ་འདི་རིགས་ལ་གཞུང་གིས་དབྱེ་འབྱེད་ཇི་ལྟར་གནང་གི་ཡོད་དམ།
སྒང་དུ་སྡེ་ཚན་གསུམ་པའི་ནང་ ༢ བྱུང་ཡོད་པ་དང་། དེ་གཉིས་ལ་གཅིག་དབྱིན་ཡུལ་གནས་བཞུགས་སྤྱི་ཟུར་བསོད་ནམས་ཚེ་རིང་ཕར་སི་ལགས་ཀྱིས་གསུངས་འདུག དེ་ཁྱད་མཚར་ཞིག་དང་མཐོང་སོང་། ཁོང་རང་ཡིན་ན་སྤྱི་ཟུར་རེད། ལྷག་པར་དུ་བོད་རྒྱ་ཞི་མོལ་ལས་དོན་ཚོགས་ཆུང་གི་ཚོགས་མིའང་ཡིན་དྲན་གྱི་འདུག ཁོང་བོད་གཞུང་གི་ལས་བྱེད་ལྟ་བུའི་ངོ་བོར་བསྡད་ཡོད་པ་ཞིག་དང་བླངས་ཞབས་ཞུ་བའི་ཁོངས་སུ་ཇི་ལྟར་བཞག་པ་རེད། དང་ཞབས་པའི་ལས་གཞི་འདིར་གྲངས་ཀ་དགོས་ཀྱི་ཡོད་ན་མི་ཤེས་མ་གཏོགས། འདི་དང་ཞབས་པའི་ཁོངས་སུ་བཞག་པ་ཡིན་ན་ཧ་ལམ་སྐུ་ངོ་ཁོང་རང་ལའང་མ་གུས་ཞབས་མ་བྱས་པ་ཞིག་ཆགས་ཀྱི་ཡོད་པ་རེད། འདིས་མཚོན་པའི་དང་བླངས་ཞབས་ཞུ་སྒྲུབ་མཁན་གཞན་མང་པོ་ཞིག་ལའང་འགའ་རེ་བོད་གཞུང་དང་འབྲེལ་བ་ཆགས་དང་དང་ཁོང་རང་ཚོའི་ལས་ཀ་དང་གནས་ཚད། བསམ་བློ་གཏོང་ཕྱོགས་གང་ཐད་ནས་ཚད་མཐོན་པོ་ཡིན་ནའང་གཞུང་གིས་དང་ཞབས་པའི་ལས་འཆར་འོག་ཨུ་ཚུགས་ཀྱིས་བཅུག་པ་དང་། འགའ་རེར་གནས་ཚད་དང་ཉམས་མྱོང་གང་ཡང་མེད་ཀྱང་། ཧ་ལམ་ཁོ་རང་ཚོའི་ཉམས་མྱོང་གསོག་ཆེད་དང་རྒྱབ་གཉེར་ཙམ་རེག་ཐབས། ཞེ་ས་མ་ཞུས་ན་ཁོ་རང་ཚོའི་འཚོ་བ་འགྲོ་ཐབས་ཙམ་དང་ཁེ་ཕན་རེག་ཐབས་ཙམ་བྱེད་མཁན་ཚོ་ལའང་དང་ཞབས་པའི་གྲངས་ཀ་སྤར་ཐབས་སུ་ཚུར་བཀུག་ནས་གོ་སྐབས་སྐྲུན་པ་སོགས་ཡོང་གི་མེད་དམ་སྙམ་པའི་དོགས་གཞིའི་འོག་ནས་བསམ་ཚུལ་འདོར་ཙམ་ཞུས་པ་དེ་ཡིན། ལྷག་བསམ་རྣམ་དག་གི་ཐོག་ནས་ཐུགས་ཕན་ཕྲན་བུ་གསོ་ན་དྲན་པ་ཡིན། བཀྲ་ཤིས་བདེ་ལེགས།