ཁེན་ཡའི་གཞུང་གིས་ཉེ་ཆར་རྒྱ་རིགས་དྲ་ཐོག་གསང་ཉུལ་བ་ ༧༧ འཇུ་བཟུང་བྱས་ཏེ་ད་ཆར་རྩད་ཞིབ་བྱེད་ཀྱིན་ཡོད་སྐོར་ཕྱིར་བསྒྲགས་བྱས་འདུག
ཟླ་སྔོན་མའི་ཚེས་ ༣༠ ཉིན་ཨ་ཧྥི་རི་ཀའི་རྒྱལ་ཁབ་ཁེན་ཡའི་རྒྱལ་ས་ཎེ་རོ་བྷེ་ནང་རྟེན་གཞི་བྱས་པའི་མཉམ་འབྲེལ་རྒྱལ་ཚོགས་ཀྱི་སྤྱི་ཁྱབ་ལས་ཁུངས་ལ་དྲ་ཐོག་གློག་ལམ་ཞིག་བརྒྱུད་མེ་སྐྱོན་ཤོར་ནས་མི་གཅིག་བསད་ཡོད་སྟབས། ཟླ་འདིའི་ཚེས་ ༡ ནས་བཟུང་ཁེན་ཡའི་ནག་ཉེས་ཞིབ་དཔྱོད་ཚན་པས་མཉམ་འབྲེལ་རྒྱལ་ཚོགས་ཀྱི་ལས་ཁུངས་དང་ཨ་རིའི་གཞུང་ཚབ་ཁང་གི་ཉེ་འཁྲིས་ཀྱི་སྡོད་ཁང་ཁག་ལ་གློ་བུར་སྔོག་གཤེར་བྱས་སྐབས། རྒྱ་རིགས་ཁག་ཅིག་གིས་དྲ་ཐོག་བརྒྱུད་རྒྱལ་ཁབ་དང་མི་སྒེར་གྱི་གསང་བ་ལྐོག་ཉན་བྱེད་ཀྱི་ཡོད་པ་ར་སྤྲོད་ཡོད་སྟབས་རྒྱ་རིགས་དོགས་ཡོད་ཉེས་ཅན་ ༧༧ འཇུ་བཟུང་བྱས་ཡོད་འདུག
འདིའི་ཐད་ཁེན་ཡའི་ནག་ཉེས་ཞིབ་དཔྱོད་ལྷན་ཁང་གི་མགོ་ཁྲིད་མུ་ཧོ་རོ་ (Ndegwa Muhoro) ཡིས་རྒྱལ་ཡོངས་ཉིན་རེའི་ཚགས་པར་ (Daily Nation newspaper) ཐོག་བརྗོད་དོན། ཉེ་ལམ་ཁེན་ཡའི་ཉེན་རྟོག་པས་རྒྱ་རིགས་ཁག་ཅིག་གིས་དྲ་ཐོག་བརྒྱུད་ཁེན་ཡའི་ནང་གི་ཕྱི་རྒྱལ་གཞུང་ཚབ་ཁག་ཅིག་གི་གློག་ཀླད་དང་ཁ་པར་ལ་ལྐོག་ཉན་བྱེད་བཞིན་ཡོད་པ་མ་ཟད། ཁེན་ཡའི་དངུལ་ཁང་དང་དངུལ་སྟོན་ཆེད་ཀྱི་འཕྲུལ་ཆས་ (ATM) ཁག་ལ་ཚོད་འཛིན་གྱིས་མི་གཞན་གྱི་དངུལ་བསླུ་ཁྲིད་བྱས་ཡོད་པའི་གནས་ཚུལ་ཤེས་རྟོགས་བྱུང་ཡོད་སྟབས། ད་ལྟ་ང་ཚོས་ཁོ་ཚོ་འཇུ་བཟུང་གིས་ཁོ་ཚོའི་དམིགས་ཡུལ་གང་ཡིན་སྐོར་ལ་དྲི་རྩད་བྱེད་བཞིན་ཡོད། ཅེས་བརྗོད་འདུག
ཁེན་ཡའི་ཕྱི་སྲིད་བློན་ཆེན་ཨཱ་མེ་ཎཱ(Amina Mohamed)ཡིས། ད་རེབ་ཀྱི་གྱོད་དོན་འདི་ཁེན་ཡའི་ཉེན་རྟོག་པ་དང་ཕྱི་སྲིད་ལས་ཁུངས་ཟུང་འབྲེལ་ཐོག་བརྟག་དཔྱད་བྱེད་བཞིན་ཡོད་སྟབས། རྒྱ་ནག་གཞུང་གིས་འགན་ཁུར་ཆེ་ཙམ་བླངས་ཏེ་གྱོད་དོན་འདི་ཐག་གཅོད་ཡོང་རྒྱུར་འབོད་སྐུལ་ཞུ་བཞིན་ཡོད། ཅེས་བརྗོད་འདུག
ཟླ་འདིའི་ཚེས་ ༤ ཉིན་གྱི་ཚད་ལྡན་ཚགས་ཤོག་(The Standard newspaper) ཞེས་པའི་ནང་གནས་ཚུལ་བཀོད་པ་ལྟར་ན། ཉེ་ལམ་ཁེན་ཡའི་རྒྱལ་སར་འཇུ་བཟུང་བྱས་པའི་རྒྱ་རིགས་དེ་དག་དམག་མིའི་སྡོད་ཁང་ལྟ་བུ་ཞིག་གླས་ཏེ་བསྡད་ཡོད་ཅིང་། ཁོ་ཚོས་བརྡ་འཕྲིན་ཚན་རྩལ་གྱི་འཕྲུལ་ཆས་མང་པོ་བཀོལ་སྤྱོད་བྱས་ཏེ། དྲ་ཐོག་བརྒྱུད་དངུལ་དང་གསང་བ་རྐུ་འཁྱེར་བྱེད་ཀྱིན་ཡོད་སྟབས། ཁེན་ཡའི་གཞུང་གིས་མི་དེ་དག་འཇུ་བཟུང་བྱས་ཏེ་རྒྱ་ནག་གི་གཞུང་ཚབ་པ་དང་གདོང་གཏུགས་ཏེ་ཞིབ་བཤེར་བྱེད་ཀྱིན་ཡོད། ཅེས་སོགས་བཀོད་འདུག
ཆབ་སྲིད་དབྱེ་ཞིབ་པ་ཚོས། ལོ་ཤས་གོང་ནས་བཟུང་རྒྱ་ནག་གཞུང་གིས་ཨ་ཧྥི་རི་ཀའི་རྒྱལ་ཁབ་ཁག་ལ་དཔལ་འབྱོར་གྱི་འགྲོ་གྲོན་བཏང་སྟེ། རྒྱ་ཕྱོགས་ཀྱི་མཐུན་གྲོགས་རྒྱལ་ཁབ་ཅིག་ཏུ་འགྱུར་རྒྱུར་འབད་བརྩོན་བྱེད་བཞིན་ ཡོད་ཀྱང་། ད་ཆ་རྒྱ་ནག་གཞུང་གིས་ཆེད་ལས་མི་སྣ་བཏང་སྟེ་འབྲེལ་ཡོད་གཞུང་གི་གསང་བ་རྐུ་འཁྱེར་བྱེད་བཞིན་ཡོད་སྟབས། མ་འོངས་པར་རྒྱ་ནག་གཞུང་དང་ཨ་ཧྥི་རི་ཀའི་རྒྱལ་ཁབ་ཁག་གི་འབྲེལ་ལམ་ཇེ་སྡུག་ཏུ་འགྲོ་སྲིད་པར་ཚོད་དཔག་བྱེད་ཀྱིན་ཡོད་འདུག
གསར་འགོད་པ། དོན་གྲུབ།
ཀྲའོ་ཡུང་ཁང་རྒྱ་ནག་གུང་ཁྲན་ཏང་གི་ཚོགས་པ་ནས་ཕྱིར་འབུད་བཏང་བ་མ་ཟད་སྲིད་ཁྲིམས་ལས་ཁུངས་ནས་ནག་ཉེས་ཐག་གཅོད་བྱེད་རྒྱུར་བསྐྱལ་འདུག
དེ་ཡང་བརྒྱུད་ལམ་ཆེ་ཁག་གི་ཐོག་གནས་ཚུལ་སྤེལ་དོན་དུ། དེ་རིང་ཟླ་༡༢་ཚེས་༥་ཉིན་དེ་སྔ་རྒྱ་ནག་གི་སྲིད་ཁྲིམས་ལྷན་ཁང་གི་དྲུང་ཆེ་ཟུར་པ་དང་། ཆབ་སྲིད་ཁང་གི་རྒྱུན་ལས་ཀྲའོ་ཡུང་ཁང་གུང་ཁྲན་ཏང་གི་ཚོགས་པ་ནས་ཕྱིར་འབུད་བཏང་པ་མ་ཟད། ཀྲའོ་ཡིས་ཉེས་གསོག་གི་གནད་དོན་དང་དེ་བཞིན་དངུལ་དངོས་ལྐོག་ཟ་དང་འབྲེལ་བའི་ཉེས་མིང་འོག་སྲིད་ཁྲིམས་ལས་ཁང་ལ་རྩིས་སྤྲོད་ཀྱིས་ཐག་གཅོད་བྱེད་རྒྱུ་རེད་འདུག རྒྱ་ནག་གཞུང་འབྲེལ་ཤིན་ཧ་གསར་ལས་ཁང་གིས་གནས་ཚུལ་སྤེལ་བར་གཞིགས་ན། ཀྲའོ་ཡུང་ཁའང་གིས་སྒྲིག་ཁྲིམས་ནས་ཚབས་ཆེ་འགལ་བའི་གྱོད་དོན་སྐོར་ལ་སྒྲིག་ཁྲིམས་ཞིབ་བཤེར་ཁང་གིས་ཞིབ་བཤེར་སྙན་ཐོ་ལ་རྒྱ་ནག་གུང་ཁྲན་ཏང་གི་ཆབ་སྲིད་ཁང་གིས་ཞིབ་དཔྱོད་བྱས་པ་དང་འབྲེལ་གྲོས་འཆམ་བྱུང་སྟེ་ཀྲའོ་ཡུང་ཁང་གུང་ཁྲན་ཏང་གི་ཚོགས་པ་ནས་ཕྱིར་འབུད་བྱེད་རྒྱུ་དང་། ཀྲའོ་ཡིས་བསགས་པའི་ཉེས་དོན་དང་དངུལ་དངོས་ལྐོག་ཟ་བྱས་དོན་སྲིད་ཁྲིམས་ལས་ཁུངས་ནས་ཁྲིམས་ཞིབ་བྱེད་རྒྱུར་ཐག་གཅོད་བྱས་འདུག
སྤྱིི་༢༠༡༤ལོའི་ཟླ་༧ཚེས་༢༩་ཉིན་རྒྱ་ནག་གུང་ཁྲན་ཏང་གི་ཆབ་སྲིད་ལྷན་ཁང་གིས་ཚོགས་འདུ་བསྐོང་ཚོགས་ཐོག་གུང་ཁྲན་ཏང་གི་སྒྲིག་ཁྲིམས་ཞིབ་བཤེར་ལྷན་ཁང་ནས་ཞིབ་བཤེར་བྱེད་པའི་སྙན་སེང་ཉན་རྗེས་ཀྲའོ་ཡུང་ཁའང་ལ་གྱོད་དོན་ཞིབ་བཤེར་བྱེད་རྒྱུར་ཐག་བཅད་ཡོད་པ་རེད། ཀྲའོ་ཡུང་ཁང་གིས་ནག་ཉེས་ཇི་བསགས་ཀྱི་ཐད། ཀྲའོ་ཡུང་ཁའང་གིས་གུང་ཁྲན་ཏང་གི་ཆབ་སྲིད་སྒྲིག་ཁྲིམས་དང་། སྒྲིག་འཛུགས་སྒྲིག་ཁྲིམས། གསང་ཉར་སྒྲིག་ཁྲིམས་ནས་ཚབས་ཆེ་འགལ་བ་དང་། གོ་གནས་བེད་སྤྱད་དེ་ཁྲིམས་འགལ་གྱི་ཁེ་ཕན་བསྒྲུབས་པ། ནང་མི་བརྒྱུད་དེ་ལྐོག་རྔན་ལེན་པ། དབང་ཆ་ལོག་པར་བེད་སྤྱད་དེ་གཉེན་ཉེ་དང་། ཟུར་མོ། གྲོགས་ཉེ་བཅས་ཀྱིས་ཚོང་གཉེར་བྱེད་སྒོར་རོགས་པ་བྱས་ཏེ་རྒྱུ་ནོར་ཆེན་པོ་ལེན་པ། བེུད་མང་པོ་ཞིག་དང་གབ་མཐུན་གྱིས་འདོད་བསྲེས་ཀྱི་ཉོ་ཚོང་བྱས་པ་སོགས་ཀྱི་ནག་ཉེས་བསགས་ཡོད་པ་བཀོད་འདུག
་་་་་་་་་་་ ཆབ་སྲིད་དབྱེ་ཞིབ་པ་ཚོས། ལོ་ཤས་གོང་ནས་བཟུང་རྒྱ་ནག་གཞུང་གིས་ཨ་ཧྥི་རི་ཀའི་རྒྱལ་ཁབ་ཁག་ལ་དཔལ་འབྱོར་གྱི་འགྲོ་གྲོན་བཏང་སྟེ། རྒྱ་ཕྱོགས་ཀྱི་མཐུན་གྲོགས་རྒྱལ་ཁབ་ཅིག་ཏུ་འགྱུར་རྒྱུར་འབད་བརྩོན་བྱེད་བཞིན་ ཡོད་ཀྱང་། ད་ཆ་རྒྱ་ནག་གཞུང་གིས་ཆེད་ལས་མི་སྣ་བཏང་སྟེ་འབྲེལ་ཡོད་གཞུང་གི་གསང་བ་རྐུ་འཁྱེར་བྱེད་བཞིན་ཡོད་སྟབས། མ་འོངས་པར་རྒྱ་ནག་གཞུང་དང་ཨ་ཧྥི་རི་ཀའི་རྒྱལ་ཁབ་ཁག་གི་འབྲེལ་ལམ་ཇེ་སྡུག་ཏུ་འགྲོ་སྲིད་པར་ཚོད་དཔག་བྱེད་ཀྱིན་ཡོད་འདུག ་་་་་་་་་་
ཧཧཧཧཧཧཧཧཧ དགོས་རྒྱུ་པགས་ལ། སྤགས་ཁུ་ད་ར་ཟེར་ན་འདི་འདྲ་ལ་ཟེར།
འོ་ཡ་རྒྱ་ཁྱི་དེ་ཚོ་རྫུན་རྐུབ་རྡོལ་ཤག་བདེན་པ་ནི་ནུས་ལྡན་རེད།ཡིནའང་འདི་ཚོ་ཧམ་པ་ཡོད་པས། མཁས་ལེན་ཁག་པོ་རེད་ཨ་ཕི་རི་ཀ་བ་འཇམ་འཇམ་ལ་ཡལ་རྒྱུ་རེད།