ཡུ་རོབ་སྤྱི་འཐུས་ཆུང་བདག་ཀོ་རིན་ལགས་དགོངས་ཞུ་བྱས་པའི་ཚབ་ཏུ་དབང་པོ་བཀྲིས་མཐོང་ལགས་བསྐོ་བཞག་གནང་འཆར་ཡོད་འདུག
ཟླ་འདིའི་ཕྱི་ཚེས་ ༡༧ ཉིན་ཡུ་རོབ་སྤྱི་འཐུས་ཆུང་བདག་ཀོ་རིན་ལགས་ཀྱིས་སྤྱི་འཐུས་ཚོགས་གཙོ་མཆོག་གི་མཚན་ཐོག་ཏུ། ཁོང་མོའི་སྐུ་གཟུགས་གནས་སྟངས་བདེ་བོ་མེད་པར་བརྟེན་སྤྱི་འཐུས་ནས་རྩ་དགོངས་ཞུ་རྒྱུ་ཡིན་པའི་སྙན་ཞུ་ཕུལ་ཡོད་པ་ལྟར། ཕྱི་ཚེས་ ༡༩ ཉིན་དབུས་འོས་བསྡུ་ལས་ཁང་གིས་བཙན་བྱོལ་བོད་མིའི་བཅའ་ཁྲིམས་དོན་ཚན་ ༥༧ པའི་ནང་གསེས་ ༢ པའི་དགོངས་དོན་བཞིན། ཡུ་རོབ་སྤྱི་འཐུས་ཀྱི་སྒུག་ཐོ་དང་པོ་དབང་པོ་བཀྲིས་མཐོང་ལགས་སྐབས་ ༡༥ པའི་སྤྱི་འཐུས་སུ་བསྐོ་བཞག་གནང་འཆར་ཡོད་འདུག
དེ་རིང་དབུས་འོས་བསྡུ་ལས་ཁུངས་ཀྱི་འགན་འཛིན་འཇམ་དཔལ་ཆོས་བཟང་ལགས་སུ་དེའི་སྐོར་བཀའ་འདྲི་ཞུས་པར་ཁོང་གིས། “ སྤྱི་འཐུས་ཆུང་བདག་ཀོ་རིན་ལགས་ཀྱིས་དགོངས་པ་ཞུ་དགོས་པའི་རྒྱུ་མཚན་སྐུ་གཟུགས་བདེ་བོ་མེད་སྟབས། སྤྱི་འཐུས་ལྷན་ཚོགས་ཀྱི་གྲོས་ཚོགས་ཚོགས་དུས་ ༦ པར་བཅར་ཐུབ་མེད་པ་དང་། ད་རེབ་ཚོགས་དུས་ ༧ པའང་བཅར་ཐུབ་མེད་པ་རེད། གྲོས་ཚོགས་ཀྱི་སྒྲིག་གཞི་ལྟར་ན། སྤྱི་འཐུས་ལས་ཐོག་པ་ཞིག་གྲོས་ཚོགས་ནང་ཐེངས་གཉིས་བཅར་མ་ཐུབ་པ་ཡིན་ན། རང་བཞིན་གྱིས་སྤྱི་འཐུས་ནས་ཕུད་འཇོག་གི་རེད། ཡིན་ནའང་། ད་རེབ་སྤྱི་འཐུས་ལྷན་ཚོགས་ནས་ཁོང་མོ་ཚོགས་དུས་གཉིས་ལ་མ་བཅར་སྟབས་ཕུད་རྒྱུ་ཡིན་གསུངས་ཡོད་པ་མ་རེད། མོ་རང་གི་ངོས་ནས་ཚོགས་དྲུང་ལ་ཡིག་ཐོག་སྙན་ཞུ་ཕུལ་ཏེ་དགོངས་པ་ཞུས་འདུག ” ཅེས་དང་།
ཁོང་གིས་མུ་མཐུད་དུ། “ སྐབས་ ༡༥ པའི་སྤྱི་འཐུས་འོས་བསྡུ་ཆེན་མོའི་སྐབས་ཡུ་རོབ་སྤྱི་འཐུས་ཀྱི་སྒུག་ཐོ་གཅིག་ཡོད་པ་རེད། སྒུག་ཐོ་གཅིག་པུ་དེ་སུད་སིར་ཡོད་པ་དབང་པོ་བཀྲིས་མཐོང་ལགས་རེད། ཁོ་རང་སྤྱི་འཐུས་ཀྱི་བརྒྱ་ཆ་ ༣༣ ལོན་ཡོད་སྟབས། ང་ཚོས་ཆུང་བདག་ཀོ་རིན་ལགས་ཀྱི་ཚབ་ཁོ་རང་རེད་ཅེས་ཕར་ཡི་གེ་བཏང་ཚར་བ་ཡིན། ཁོང་གིས་ག་དུས་ལས་འཁུར་དམ་འབུལ་ཞུ་མིན་སྤྱི་འཐུས་ལྷན་ཚོགས་ཀྱི་ཚོགས་དྲུང་གིས་ཕར་འབྲེལ་བ་གནང་གི་རེད། ”ཅེས་བརྗོད་སོང་།
གསར་འགོད་པ། པདྨ་མཚོ།
![The Dalai Lama offers blessings to his followers at his Himalayan residence in the northern hill town of Dharamshala, India, on December 20, 2024 [Priyanshu Singh/Reuters]](https://tibettimes.net/wp-content/uploads/2025/05/Screen-Shot-2025-05-09-at-3.37.35-PM-360x180.png)
འཇིགས་བྲལ་གྱི་སྐད་ཆ་དེ་བདེན་ཆ་འདུག། འོས་བསྡུ་ལྷན་ཁང་གི་ཁྲིམས་སྒྲིག་གཉིས་ཡོད་པ་གསལ་པོ་རེད། ཆོས་ལ་མི་རྟོན་པར་གང་ཟག་ལ་རྟོན་པ་གསལ་པོ་རེད།
དེ་དང་ཆབས་ཅིག་གོང་གི་དབང་པོ་བཀྲས་མཐོང་ལགས་ཀྱི་དཔར་བཞག་པ་མ་གཏོག་ཆུང་བདག་ཀོའོ་རེན་གྱི་དཔར་མ་བཞག་པ་དེས་དྲ་མཆན་ལ་འགའ་ཕོ་མོའི་རྣམ་དབྱེ་འབྱེད་མི་ཐུབ་པའི་དཀའ་རྙོག་ཕར་མ་འདི་བྱུང་ཚོད་རེད།
དྲྭ་འབུ་ནི་དྲྭ་འབུ་རང་རེད། གསར་འགྱུར་ཐེངས་གཅིག་ཀྱང་མ་བཀླགས་པར་མཆན་འདེབས་ཀྱིན་པ་འདྲ། དེ་མིན་བུ་དང་བུ་མོ་ཞིག་ནོར་ས་ཡེ་ནས་མི་འདུག
གཞན་འཇིགས་བྲལ་བསྟན་འཛིན་མ་ཡིན་པའི་འཇིགས་བྲལ་བསྟན་འཛིན་ལ་ཞུ་བ་ནི། དོན་ལ་ཡིད་རྟོན་པ་ནི་གལ་ཆེ་ཞིང་། ཉོག་བཤད་ལ་རྫོགས་མཐའ་མེད་པའང་ཤེས་གལ་ཆེའོ།།
ཡུ་རོབ་སྤྱི་འཐུས་ཆུང་བདག་ཀོ་རིན་ཞེས་པ་འདི་ཕོ་ཞིག་རེད་དམ། མོ་ཞིག་རེད། པར་ལ་བལྟས་པ་ཡིན་ན། ཕོ་ཞིག་དང་འདྲ་བོ་འདུག་ལ། གསར་འགྱུར་བཀླགས་ན་མོ་ཞིག་ཡིན་པ་འདྲ་བོ་འདུག དངོས་སུ་གསར་འགྱུར་འདི་དགོད་བྱེད་ཅིག་རེད།
སྤྱི་ཟུར་ཆུང་བདག་ཀོ་རིན་ལགས་ནད་གཞི་ལས་མྱུར་དུ་དྲགས་ནས་བོད་མིའི་རྩ་དོན་ཐོག་ཕྱག་ལས་མུ་མཐུད་གནང་རོགས་ཞུ།
ཉེ་སྔོན་མདོ་སྨད་སྤྱི་འཐུས་གཅིག་དགོངས་པ་ཞུས་པ་རེད། སྒུག་ཐོ་ཡོད་བཞིན་དུ་ཁྲིམས་སྒྲིག་དང་ཏག་ཏག་བསྡད་མེད་རབས་བཤད་ནས་འོས་བསྡུ་བྱས་པ་རེད། སྐབས་དེར་ཁྲིམས་ཀྱི་འགྲོ་ལུགས་ཤིག་ཡོད་པ་ཡིན་ངེས་རེད་བསམ་སོང་།
དེ་རིང་ཡུ་རོབ་སྤྱི་འཐུས་ཤིག་དགོངས་པ་ཞུས་པ་དང་། སྒུག་ཐོ་ཡོད་རེད་ཟེར། ཡུ་རོབ་སྤྱི་འཐུས་ཀྱི་སྒུག་ཐོར་ཡོད་པ་དེ་ཁྲིམས་མཐུན་དུ་ངོས་ལེན་བྱས་འདུག དཱ་ཡང་འདི་ལ་ཁྲིམས་ཀྱི་འགྲོ་ལུགས་གང་དང་གང་ཡོད་ན་བསམ་ནས་ཡོད།
དབུས་འོས་བསྡུ་ལས་ཁུངས་ལ་མི་རེ་རེའི་ངོ་གདོང་ལ་ཁྲིམས་རེ་ཡོད་པ་གསལ་སྟོན་བྱསའདུག་སྙམ། ང་ནོར་མེད་པའི་རེ་བ་ཡོད།
ང་སྒེར་ལ་མཚོན་ན་བཀྲས་མཐོང་དབང་པོ་ལགས་ངོ་ཤེས་ཀྱི་ཡོད་ལ། ཀླུ་མཁར་བྱམས་ཡང་ངོ་ཤེས་ཀྱི་ཡོད།
སྒུག་ཐོ་གཅིག་ངོས་ལེན་བྱེད་ཀྱི་ཡོད་རེད། སྤྱི་འཐུས་དམ་འབུལ་བྱེད་པར་ཤོག་ཟེར་ནས་བརྡ་ཐོ་གཏོང་གི་ཡོད་རེད། སྒུག་ཐོ་གཅིག་ངོས་ལེན་བྱེད་ཀྱི་ཡོད་མ་རེད། དེའི་ཚབ་ཏུ་ཧིན་སྒོར་འབུམ་ཕྲག་མང་པོ་བཏང་ནས་འོས་བསྡུ་བྱེད་ཀྱི་ཡོད་རེད།
གནད་འགག་གཅིག་ནི་ཁོང་གཉིས་ཀ་རང་བཙན་གྱི་ལྟ་གྲུབ་འཛིན་མཁན་ཡིན་པ་དེ་གཅིག་པ་རེད། དེར་བརྟེན་གནད་དོན་གང་ཞིག་གིས་ཀླུ་མཁར་བྱམས་འགོག་གི་ཡོད་པ་དང་། གནད་དོན་གང་ཞིག་གིས་བཀྲས་མཐོང་དབང་པོ་ཡར་གཏོང་གི་ཡོད་རེད།
གནས་ཚུལ་འདི་དངོས་གནས་ག་རེ་ཡིན་ནམ།
ཨ་མ་འོ། མྱི་ལྡང་ཆ་ཀ འདི་བུ་རེད་སྡད་འགུ་བུ་མོ་རེད་སྡད་འགུ ཅི་རེད་ཐིས། ཆེད་མངགས་གྲོས་ཚོགས་ཀྱི་གྲུབ་ཆའི་མི་འབོར་ལ་གནོད་བསྐྱལ་བ་རེད། ཕྱིས་སུ་འདི་འདྲ་མི་ཡོང་བར་ཐབས་ཤེས་ད་ལྟ་ནས་བྱེད་དགོས་པ་རེད་འདུག་སྙམ་མོ།།