དེ་རིང་ཞོཊ་པར་ཐའེ་ཝན་གྱི་ཀོ་ཞོང་གྲོང་ཁྱེར་ནང་རླངས་རྫས་འབར་གད་ཀྱི་དོན་རྐྱེན་བྱུང་སྟེ་མི་ ༢༤ རྐྱེན་འདས་དང་མི་ ༢༧༡ ལ་རྨས་སྐྱོན་ཕོག་ཡོད་འདུག
ཐའེ་ཝན་ཉེན་སྐྱོབ་རུ་ཁག་གིས་གསར་ལམ་དུ་གནས་ཚུལ་སྤེལ་བ་ལྟར་ན། དེ་རིང་ཞོགས་པ་ས་གནས་ཀྱི་ཆུ་ཚོད་ ༣།༣༠ ཙམ་ལ། ཐའེ་ཝན་གྱི་གྲོང་ཁྱེར་ཆེ་ཤོས་ཀོ་ཞོང་དུ་རླངས་རྫས་བུ་གུར་འབར་གད་ཀྱི་དོན་རྐྱེན་ཞིག་བྱུང་སྟེ། དུད་ཁྱིམ་ཁྲི་ ༢ ལྷག་གི་རླངས་རྫས་ཆད་ཅིང་། ཁྱིམ་ཚང་ཁྲི་ ༡ ལྷག་གི་གློག་ཆད་པ་དང་། ཁང་པ་དང་གཞུང་ལམ་སོགས་ལ་གཏོར་སྐྱོན་ཚབས་ཆེན་བཟོས་ཡོད་པ་མ་ཟད། ཉེན་རྟོག་པ་དང་ཉེན་སྐྱོབ་རུ་ཁག་གི་མི་སྣ་ ༩ ཚུད་པའི་མི་གྲངས་ ༢༤ རྐྱེན་ལམ་དུ་ཤོར་བ་དང་། མི་ ༢༧༡ ལ་རྨས་སྐྱོན་ཕོག་སྟེ་མྱུར་སྐྱོབ་བྱེད་བཞིན་ཡོད་འདུག
ཐའེ་ཝན་གཞུང་ཕྱོགས་ནས་བརྗོད་ན། ད་རེས་ཀྱི་དོན་རྐྱེན་དེ་ཐའེ་ཝན་གྱི་ལོ་རྒྱུས་ནང་འབར་གད་ཁྲོད་ཤི་རྨས་བྱུང་བ་ཚབས་ཆེ་ཤོས་ཤིག་ཆགས་ཡོད་པ་དང་། ཕྱི་ལོ་ ༡༩༩༦ ཟླ་ ༢ ཚེས་ ༢ ཉིན། ཐའེ་ཝན་ཞིན་པའེ་གྲོང་ཁྱེར་དུ་སོལ་རླངས་འབར་གད་ཀྱི་དོན་རྐྱེན་ཞིག་བྱུང་སྟེ། དུད་ཁྱིམ་ ༡༡༩ ཡི་སྡོད་ཁང་དང་རླངས་འཁོར་ ༩༠ ཙམ་ལ་གཏོར་སྐྱོན་བཟོས་ཡོད་པ་མ་ཟད། མི་གྲངས་ ༡༢ ལ་རྨས་སྐྱོན་ཕོག་ཡོད་འདུག
གསར་འགོད་པ། པདྨ་མཚོ།
སྨར་ཀླུང་ལགས་ཀྱིས་བཤད་པ་ཧ་ཅང་བདེན་གྱི་འདུག ཕྱི་ལོ་ ༡༡༩༦ ལོར་ཐའེ་ཝན་གྱི་རླངས་འཁོར་ཕར་ཞོག ཐའེ་ཝན་གཞུང་ཡང་ཕྱི་ལོ་ ༡༨༩༥ ལོར་གསར་དུ་ཚུགས་པར་གྲགས། བཙན་བྱོལ་སྤྱི་ཚོགས་ཁྲོད་ཀྱི་གསར་འགོད་པ་དག་གིས་དངོས་གནས་གང་ཐུབ་ཀྱིས་གཟབ་རོགས་ཞུ། ཚིག་དོན་ཆེ་ཆུང་མང་པོར་གཟབ་དགོས་ཀྱི་འདུག ལྷག་པར་དུ་སྨར་ཀླུང་ལགས། ཁྱེད་ཀྱི་དཔྱད་མཆན་ཐུང་ངུ་འདིའི་ནང་དུ་གོང་གི་གསར་འགྱུར་དེའི་ནང་དུ་ཡོད་པའི་ནོར་བ་ལས་ཀྱང་ནོར་བ་ཚབས་ཆེན་དང་མང་པོ་ཤོར་འདུག དཔེར་ན་འདི་ལྟར། ༼ནོར་གྱི༽དང་༼རླང་འཁོར༽༼༨༡༨ གི༽༼འགྲི་གི༽༼༡༨༢༤༽༼ཡོངས་གྲགས་ལ༽༼ཡུལ་བྱར༽༼ཕུང་ཚབ༽༼གཏན་གཏན་ཏིག་ཏིག༽༼སྙམས༽སོགས་ལ་ཧ་ཅང་གཟབ་དགོས་ཀྱི་འདུག
དེ་ནི་ནོར་མི་ནོར་གི་གསལ་བཤད་དགོས་ཀྱི་མི་འདུག ༡༡༩༦ ལ་ཐེ་ཝན་ལ་རླང་འཁོར་ཡོད་རྒྱུ་དང་ཕར་ཞོག འདི་ནི་ལོ་༨༡༨ གི་སྔོན་ལ་བྱུང་བའི་དོན་རྐྱེན་ཡིན་འགྲི་གི་ཡོད་རེད། དེ་ནི་མི་སྲིད་པ་རེད། རླང་འཁོར་བཟོ་སྔོན་ཤོས་དེ་ ༡༨༢༤ ཡས་མས་ལ་བཟོས་པའི་ལོ་རྒྱུས་ནི་ཡོངས་གྲགས་ལ་དེ་ནི་ལོ་ ༡༨༠་ ༩༠ ལས་འགྲོ་གི་མེད་པ་རེད། དེའི་སྔོན་ལ་ཐེ་ཝན་གི་རླངས་འཁོར་དེ་ཚོ་སུས་བཟོས་ཡོད་ན། དྲི་བ་འདི་རེད། འདི་ནི་ནོར་བ་ཁོ་ན་ལས་གཞན་ཤོད་ས་ཞིག་མི་འདུག སྤྱིར་ང་ཚོ་ཡུལ་བྱར་བའི་གསར་འགྱུར་འདི་ཚོ་གནད་ཆེ་ཤོས་དང་། འདིའི་ཕུང་ཚབ་ཆེ་ཆུང་ཞེ་དྲག་འགྲོ་མི་ཐུབ་ན་ཡང་། གཏན་གཏན་ཏིག་ཏིག་དགོས་རྒྱུ་དེ་གལ་ཆེན་པོ་རེད་སྙམས།
(ཕྱི་ལོ་ ༡༡༩༦ ཟླ་ ༢ ཚེས་ ༢ ཉིན། ཐའེ་ཝན་ཞིན་པའེ་གྲོང་ཁྱེར་དུ་སོལ་རླངས་འབར་གད་ཀྱི་དོན་རྐྱེན་ཞིག་བྱུང་…………)་ལོ་དུས་འདི་ནོར་བ་མ་རེད་དམ།