༄༅། །དབུས་བོད་མིའི་སྒྲིག་འཛུགས་ནས་ཕྱི་ལོ་ ༢༠༡༤ འདི་བཞིན་བོད་མིའི་ཆོས་སྲིད་གཉིས་ཀྱི་དབུ་འཁྲིད། ཁམས་གསུམ་ཆོས་ཀྱི་རྒྱལ་པོ་༧གོང་ས་ལྷ་མིའི་རྣམ་འདྲེན་སྐྱབས་མགོན་རྒྱལ་དབང་ཐམས་ཅད་མཁྱེན་ཅིང་གཟིགས་པ་ཆེན་པོ་མཆོག་གི་བཀྲིན་རྗེས་དྲན་གྱི་ལོར་སྲུང་བརྩི་ཞུ་གཏན་འཁེལ་བ་བཞིན། བོད་ཀྱི་ཟློས་གར་ཚོགས་པ་ནས་༧གོང་ས་མཆོག་གི་ཐུགས་དགོངས་བསྒྲུབ་ཕྱིར། བྱེས་འཁོད་བོད་མིའི་ཁྲོད་ནས་ན་གཞོན་རྣམས་ལ་བོད་ཀྱི་རྩ་ཆེའི་རིག་གཞུང་རྒྱུན་འཛིན་ཐུབ་ཆེད་གསར་འཇུག་ཞུ་གཏན་འཁེལ་བས་ཆ་རྐྱེན་གཤམ་གསལ།
ཀ༽ བྲོ་པ་བུ་ ༡༢ དང་། བུ་མོ་ ༡༢།
ཁ༽ འཚང་རྒྱུགས་ཆ་རྐྱེན།
༡། ལོ་ཚད། རང་ལོ་ ༢༠ ལས་མ་བརྒལ་བ།
༢། གཟུགས་པོ་མཐོ་ཚད། 4.10ft – 5.6ft མ་བརྒལ་བ།
༣། གསུང་སྐད་དང་མི་བབ་ལེགས་པོ་ཡོད།
༤། འཛིན་རིམ་ ༨ ཐོན་པའི་ལག་འཁྱེར་ངོ་བཤུས།
༥། དྭང་བླངས་དཔྱ་དངུལ་གཙང་འབུལ་ཟིན་པའི་ངོ་བཤུས།
༦། གཟུགས་ཁམས་བདེ་ཐང་ཡོད་པའི་སྨན་པའི་ངོས་སྦྱོར།
ག༽ ཐུགས་སྣང་།
༡། ལོ་གསུམ་རིང་རྐང་བྲོ་གླུ་གཞས་དང་ལྷ་མོ་སོགས་ཀྱི་སྦྱོང་བརྡར་ཕུལ་མཚམས་རྒྱུགས་སྤྲོད་ཀྱི་ལམ་ནས་ཟློས་གར་གྱི་ཚོགས་མིའམ་འཁྲབ་སྟོན་པར་འདེམས་སྒྲུག་བྱ་རྒྱུ།
༢། ཟློས་གར་སྦྱོང་བརྡར་རིང་ཟླ་རེའི་ལྟོ་དོད་སྒོར་ ༡༥༠༠ རེ་གནང་དགོས་རྒྱུ། ནང་ཤེས་འཕྲོད་གསུམ་ནས་ངོས་འཛིན་གནང་བའི་ཉམ་ཐག་རྣམས་ལ་ཆག་ཡང་གནང་རྒྱུ།
༣། ལོ་གསུམ་ནང་གི་སྦྱོར་བརྡར་སྐབས་སྨན་བཅོས་ཁུངས་སོ་སོས་གཏོང་དགོས་རྒྱུ།
༤། ཤེས་ཚད་ལག་འཁྱེར་མཚོན་པས་དགོས་མཁོའི་ཡིག་ཆ་ཁག་ལ་འབྲེལ་ཡོད་ས་གནས་འགོ་འཛིན་ནམ་ཡང་ན། བོད་མིའི་སྒྲིག་འཛུགས་ཀྱི་ཟུང་སྦྲེལ་དྲུང་ཆེ་ཡན་གྱི་དག་མཆན་དགོས་ཤིང་། ཕྱི་ལོ་ ༢༠༡༤ ཟླ་ ༡༢ ཚེས་ ༢༠ འགྱངས་མེད་འཚང་སྙན་གཤམ་གསལ་ཁ་བྱང་བརྒྱུད་འདི་གར་གནང་འབྱོར་ཐུབ་པ་དགོས་རྒྱུའི་གསལ་བསྒྲགས་སུ། བོད་ཀྱི་ཟློས་གར་ཚོགས་པའི་ཡིག་ཚང་ནས། ཕྱི་ལོ་ ༢༠༡༤ ཟླ་ ༩ ཚེས་ ༢༦ ལ།།
DIRECTOR
Tibetan Institute of Performing Arts
P.O Mcleod Ganj-176219
Distt. Kangra, H.P.
E-mail: tibetanarts2012@gmail.com Facebook: TIPA Dharamsala
